JALAI PENGERINDU

Tusun ke dua

TAJUK: JALAI PENGERINDU
DIKARANG : LIVEANNEROSE

Tusun kedua

Baka selama aku nurun gawa tang sebedau nya aku ngirup enggau bala kami sebilik.
Perening aku siku-siku mua apai indai enggau madik ku ke dua iku nya.
Asai ka nyabak aku laban enda lama aku deka ninggal ke sida ea.

Udah tembu ngirup pagi, aku tama dalam kereta alu nyetat injin kereta.
Lembau asai deka nurun gawa tang enggai nyadi laban enda ulih limpang ngapa.
" umang, nganti dulu nya apai nuan deka sertai nuan nya nganjung ea ngagai rumah kaban ea " Connie.
" auk meh indai " Grace.

Pengudah apai ea tama dalam kereta seduai alu berkejang nangi ke jam cukup.
Pengelama seduai ke bejalai, seduai ea pun datai ba endur kaban apai ea.
" sangkai ke ba luar ditu aja aku umang berumban ke nuan gawa "
" auk, enti apai minta ambi legi madah ngambi aku ngambi "
" auk legi aku bertalipaun "

Grace alu mutar ke stereng kereta ea alu laju ngagai endur ea gawa.
Datai Grace endur gawa ea terpeda ke Thomas tuchum-tuchun ba luar nganti penatai ea.
" Selamat pagi dara "
" Selamat pagi mega bujang "
" bau amat rengut nuan dara ngasuh jantung aku deka pansut "
" kasih.. Bah aram tua tama "

Seduai Grace alu tama ke dalam deka meresa bala patient ea.
" Selamat pagi Suzy.. Bakani asai nuan pagi tu? "
" manah lutur, kemaya aku ulih pansut deh? "
" tengahari tu udah ulih nuan pansut tang sebedau nya nuan berbayar ba depan kaunter legi auk "
" auk meh lutur "
Grace alu nulis utai ba kertas udah nya ea meresa siku-siku patient ea.

Tengahari nya Gomez bertalipaun ngagai anak ea madah kediri udah pulai dianjung kaban ea Billy.
" auk baik meh nya udah pulai "
" pukul berapa umang pulai legi? "
" enda nemu apai, meda baka legi enti aku nadai pesakit legi ulih aku pulai tumu "
" auk udah nya "
Gomez alu madam ke talipaun ea bakanya mega Grace alu duduk ba bangku.

" nama mua nuan baka ke tusah ati aja? "
" kati enda tusah ati apai aku deka nyabung aku jadi enggau anak kaban ea "
Thomas alu enda bermunyi pengudah Grace madah ke apai ea deka nyabung ea jadi enggau laki bukai.
Thomas alu berasai cemburu dia meh ea minta diri pansut ari bilik ofis Grace.
" aku deka nginsap dulu "

Malam nya Grace laun mimit pulai kerumah laban bisi pengawa.
Datai ea ba rumah ea alu mandi laban ke ka agai rumah laki ea enda lama da.
Bala apai ea udah dulu dambi kaban ea Billy.

Aku alu bertinjau ba mua cermin nilik diri empu. barang penganta diperening pengudah lama ke merening alu nganta.
Mata alu di sido bekena ke inci mansau, minyak wangi alu di pancit ngambi ke bau rengut di sium orang.
Buk enda di tancang awak ke baka nya aja.
Tancut jean alu di pasuk enggau baju singlet celum udah nya pasuk ke baju panjai ke bisi curak bebungai.

Udah tembu nganta aku alu ngambi talipaun enggau dompet aku laban ke lembau bebai ke kantung.
Udah aku ngunci pintu aku alu tama ke dalam kereta berumban enggai ke bala nganti lama.
Radio di pasang awak ke enda sunyi sepemanjai jalai.

Beberapa minit bakanya aku alu nyangkai ke kereta ba luar gate laban penuh enggau kereta urang ngempu bilik.
Injin kereta di padam tang aku agi bedau pansut laban ke bai ati aku kesal nama enda kebuah nyu bangat kesal bakatu.

Aku narit seput tiga kali udah nya baru aku pansut ari kereta.
" tama endu anang malu " Josephine indai Jayriel.
" auk indai "
" aram ke dapur dulu bala benung nganti "

Tama aku dalam bilik amat besai bilik urang tu, bilik bisi ikun ni enda bau rengut bilik.
" aram endu "
" auk indai aram "
Kami dua alu nuju ngagai dapur meda bala merening magang,
Aku mina tuchum taja malu.

" nya duduk enggau igat dia endu "
" auk apai "
" tu meh anak aku ke dasuh aku jadi enggau nuan endu " ko apai ea Billy.
Merening aku agai mua laki nya pey.. Ter asai ka mantup kediri meda laki nya ke ngelantak aku sari nya.
Aku ngaga diri ati diri laban ke enggai ngemalu kediri ditundi bala sida ea.

Laki nya mega merening enggai badu-badu.Maya aku malik agai ea, Ea alu ngelintok merening aku.
Pey amat mangah nembiak tu ko dalam ati aku.
Kami alu makai berlauk ke manuk guring, ikan keli meh nya mayuh lauk.
Udah tembu makai bala nyu angkat ari bangku nuju bilik besai ka meda berita ko apai ku.

" engkah ke dia aja isan legi menantu nuan masu ea " Connie alu merening anak ea.
" auk indai awak ke dia aja legi masu nganti aku badu makai "
" auk nya udah angkut aku ngagai singki magang "

Tembu aku makai aku alu bebasu ke pinggai.
Benung ke bebasu pinggai alu atai meh laki ke enda di ke rindu.
" nuan anang gaga meda tua deka jadi "
" sapa ngumbai aku gaga jadi enggau nuan, Enti enda peminta apai aku mimpi aku deka jadi enggau nuan nya "
" auk, auk tinggi meh jaku nuan ila sepi nuan nganti tua udah jadi ila nuan nyepi "

Jayriel alu nguing ke tubuh ninggal ke ruang dapur.
Taja dalam ati aku takut ninga jaku ea bakanya tang aku enggai madah ke apai aku nangi ke ea tusah ati.
Pendam ke aja meh semua tu dalam ati.

Udah aku tembu bebasu pinggai, Aku alu duduk sepiak indai aku.
" nyadi kitai sebilik bela udah ditu nyamai aku alu deka nanya bakani runding seduai endu? Berapa ari bulan seduai deka jadi? "
" minggu siti da bisi aku cuti nganti aku ngaga pas cuti laban tusah endar kerja lutur tu "
" auk minggu depan ari satu ulih? "
" ulih laban aku pagila alu minta pas cuti "
" ermm.. Baik meh nya "

Jayriel alu angkat niki tangga ke sadau, Enda lama udah nya Jayriel atai enggau bergarek lawa.
" ney.. Kini ke nuan igat? " Josephine.
" pejalai kami meh kiruh udu ke pejalai orang " Jayriel alu pansut.
" sigi baka ea endu nya meh aku ngasuh ea jadi enggau nuan awak ke ea berubah " Billy alu tuchum.

Pengudah lama ke ditu kami sebuat alu minta diri pulai.
" jimat kita menyanak pulai " Billy bertabik jari enggau Gomez
" auk akih.. Terima kasih auk "
" auk ingat keh berjimat ba rantau jalai "

Kami tama ke dalam kereta bela nadai bermunyi siku mina ke dj radio kucah-kucah merindang malam.
Datai di rumah kami sebuat bela deka belelak.
Aku nuju ke dapur ngambi ai soya enggau kue keropok di bai ke dalam pangking.

Tama aku ke dalam pangking meda mayau ku bernama putih laban ke putih ambih bulu ea lebat agi nya.
Aku alu madam ke lampu bilik laban aku sigi rindu dalam petang mina ngarap ke pancar bulan.
Lagu dalam talipaun di pasang pia mega tingkap di buka, Aku merening ke langit meda manah udu langit.

Talipaun aku bermunyi nya sigi Thomas laban ke ea selalu bertalipaun maya jam bakatu.
" hello.. Grace bakani gaya tadi? "
" bakanya meh berandau kemaya ngerami kami dua "
" auk.. Nadai peluang agi meh aku asi bintang pergari baka tungguk nyabak ke bulan "
" pey.. Pama engkah ke pantun nuan "
" amat ar mina nuan ke enda nemu ati aku ka ke nuan "
" ermm.. Empai tinduk nuan? "
" empai laban nadai nuan ngimbit di tisi "

Grace alu ketawa ninga Thomas munyi nya, taja ea nemu ati Thomas amai-amai ka ke ea tang ea ngaga diri enda sedar.
" tinduk meh sulu " Thomas alu tuchum.
" tinduk meh tu udah gali aku "
" auk pia ulih aku ngumbai di tisi kini? "
" ulih kitu aja lesap kitu nuan "
" nyamai udu tinduk merap buah rampu nya neh sulu? "
" mayuh macam " Grace alu geli ati ninga jaku Thomas.
" bah tinduk aram padam ke talipaun sulu "

Grace alu madam ke talipaun ea sebedau nya ea mending ke lagu ari melissa francis lelaki pengayah.
Mata aku alu enggai tetinduk ngenang ke jaku Jayriel nya tadi nangi kediri begulai sejalai enggau ea ila.

Pagi nya aku alu minta pas cuti madah kediri bisi pengawa tang mulut Thomas nadai nemu ati diri dini enda semua orang nemu aku deka kawin.
Dia meh bala nyebut " TAHNIAH " agai aku.
Aku mina tuchum nyaut auk ke aja nadai sida nemu ati aku deka nyabak ketegal enggai jadi enggau laki ukai kedeka ati.

Indai Jayriel alu ngenyit datai ngagai endur aku gawa ba sepital ditu.
" endu aku enggau nuan ngiga baju kawin "
" auk aram meh tua indai "
" aram bah nyah dulu kami dua menantu aku " indai Jayriel madah ke bala orang dia, Cukup pengaga ati meh ea. Diatu mentas amat entua aku enda nemu ila mar ati kitai mensia udu berubah.

# Bersambung..