JALAI PENGERINDU

Tusun ke 12

TAJUK:JALAI PENGERINDU
DIKARANG:LIVEANNEROSE

Tusun ke 12

Ari nyau siang Grace udah tembu mandi, iya  alu nganta apa semua sebedau nurun gawa.
Udah nya iya alu narit seput sebedau keluar ari pangking iya.
Grace alu pansut ari pangking iya alu ngunci pintu pangking iya.

Iya alu berpansa enggau Cleventon ke baru datai nganjung pangan iya pulai.
"Nganti aku udah mandi nganjung nuan"
"Enda ibuh meh udah aku ngangau ke teksi"
"Nai.. Nyamai gek ga aku nganjung nuan ngena kereta"

Grace enda peduli ke jaku Cleventon ngasuh iya majak berjalai.
Cleventon alu deka narit lengan iya tang iya jampat-jampat nipas jari iya ari dipegai Cleventon.
"Nuan jilis meda aku mai iya pulai malam tadi?"
"Nadai ari aku deka jilis ke nuan"

Grace alu masuk ke selipar tunjik iya cun endar ga teksi ke kangau iya atai.
Grace alu jampat-jampat tama ngagai teksi nya tadi. 

THE PRINCESS GRACE HOSPITAL

teksi nya alu nyangkai ke Grace ba tangga luar Sepital nya, Grace alu nyua ke tambang iya ngagai apai tuai deriba teksi tadi.
"Terima kasih ayak"
"Auk anak"

Grace alu pansut ari alam kereta alu masuk ke dalam Sepital.
Grace tama agai lift laban opis iya ba tingkat atas.
datai iya ba tingkat 3 pintu lift alu terbuka.
Tama Grace ngagai bilik opis iya tadi, iya alu masuk ke baju panjai kena Lutur nya laban deka ngabas Jayriel.

Makin iya nyingkang makin ati iya kesal laban deka bertemu enggau Jayriel.
"Good morning Doctor Grace" (selamat siang Lutur Grace)
"Morning too Dina" (siang mega Dina)
Dina alu nitih ke singkang Grace nuju agai pesakit ke dijaga iya.

Datai Grace ba wad Jayriel iya alu meda Jayriel udah dani mina ke gali ngenat ke pala iya udah ditebuk.
"Err.. Bakani gaya nuan saritu?"
"Kerja ditu nuan pia?"
"Aku nanya nuan tadi empai di saut nuan?"
"Nadai ngawa tu mina ke angau ngagai nuan"
Grace alu ngasuh Dina nyatat tetiap pengerai pesakit iya Jayriel baka ke saritu.

Grace alu deka pansut baru tang lengan iya dijapai Jayriel.
"Anang guai pansut ulih?"
"Dina, you wait for me outside"
Dina alu pansut sementara nganti Lutur Grace berjaku enggau Jayriel.
Jayriel alu tuchum meda pemajik Grace diatu nyau majak pandai nganta.

"Ya nama utai ka padah ke nuan, aku bisi agi pesakit deka decik"
"Meri ku numbur talipaun nuan sulu"
"Nama kebuah aku meri nuan numbur aku enti nuan ukai laki aku agi"
"Ulih meh nai.. "
"Ni indu nuan, nya lah pengku ke nuan"
"Nai.. Jampat gek"
"Sakit agi meh ka mayuh macam"

Grace alu nyua ke Jayriel kad mit bisi numbur talipaun iya udah nya iya pansut.
Grace alu mai Dina ngagai wad pesakit bukai.

Crisnie berjalai alu bisi terpansa ke Grace iya alu mansang agai Grace.
"Grace.. Nama aku bertalipaun agai abang ku tadi iya madah nuan enggai dianjung iya?"
"Iya kan bisi pengawa nyamai ga aku ngena teksi"
"Erm.. Auk meh, aku pulai dulu"
"Auk jimat keh"

Crisnie alu berjalai pulai ari nya. Grace agi ngecik bala pesakit iya.

SEBULAN KEMUDIAN

KELLY

Lama udah indu nya diau ba bilik sida Cleventon nadai nemu ngiga rumah kediri.
Cleventon merening indu nya nyau lain meh,enda patut kitai enda nemu.

Jaga nuan auk,nuan enda ngelala aku anang deka ngerampas utai aku.
Kelly alu nekan numbur kaban iya Carol nya pun kaban enggau Crisnie.
Carol tu urang mata duit nya iya nunduk ke Crisnie udah nya nunduk Kelly.

"hello.. Nama utai?"
"Aku bisi kerja dasuh agai nuan"
"Wau.. Kerja nama nya?"
"Aram tua bertemu ba endur biasa"
"Ulih... "

Kelly alu madam ke talipaun iya sedia deka pansut laban ka ngerja ke Grace.

BEBERAPA JAM UDAH NYA

Kereta Carol sangkai ba mua git sida Crisnie laban deka bakih ko iya meh nya.
Carol alu pansut ari kereta iya alu bertalipaun agai Crisnie.

"Hello. Crisnie ni nuan, aku ba luar rumah nuan ar"
"Nai.. Nama enda madah dulu anang guai nganti aku muka pansut dulu"

Crisnie alu jampat-jampat muka pintu ngalu ke kaban iya Carol.
"Carol tama meh"
"Hihi.. Bajik sida iya wai"
"Ermm.. Haha"

Carol alu tama tuchum ngagai Crisnie, Crisnie ngasuh Carol duduk dulu ba mangku sofa nganti Crisnie ke ngaga ai kupi dulu.
"Cris.. aku ngagai jamban dulu ka kemi"
"Auk alai meh"

Carol alu ngaga diri agai jamban udah Crisnie nadai peda iya,iya alu jampat-jampat tama agai bilik apai indai Crisnie.
Carol alu ngerebak ke barang penganta indai Crisnie,iya meda mayuh amat marik emas indai Crisnie.

Carol alu ngambi dua iti marik emas indai Crisnie alu simpan iya ba kucik.
Carol alu jampat-jampat niki agai tangga nuju pangking Grace, agi maya nya Grace enda ingat ngunci pintu pangking iya.

Carol alu nyimpan marik emas nya ba baruh panggal endur Grace tinduk udah nya iya alu jampat-jampat pansut ari bilik pangking Grace.
Maya iya nurun iya terpeda ke Crisnie ngiga iya.
"Rindu amai meda utai ari atas"
"Eh.. Katas nuan tadi pia"
"Auk,lama udah enda meda rampa menua ari sadau kita"
"Erm.. Aram duduk ngirup"

Carol alu duduk ba mangku sofa ngirup ai kupi ke digaga Crisnie ke iya.

Pagi siti nya indai Crisnie deka bertemu enggau bala kaban iya laban ke ujung minggu.
Puas diri iya ngiga endur emas iya tang nadai temu.

"Dini endur marik emas aku nya tau nadai"
"Nama giga nuan mak?"
"Marik emas aku"
"Nai.. Kati tau nadai ngelamatu bisi ga"
"Entah... Nya puas aku ke ngiga"

Carol datai baru agai rumah sida Crisnie laban pengawa iya empai tembu.
"Anang guai nganti aku nanya Grace engka iya bisi meda"
Crisnie pansut ari pangking indai iya alu nanya Grace agi kisuk-kisuk ba dapur.
"Grace.. Bisi nuan meda marik emas mak ku?"
"Bakani nya.. Enda ku nemu nadai meda"
"Kati tau lenyau ngelamatu bisi"

Carol alu atai ngagai dapur ninga Crisnie ke nanya Grace.
"Uji giga ba pangking Grace" pia ko Carol.
"Auk ar, aku ngiga kin dulu auk"
"Auk alai meh" Grace ngasuh Crisnie ngiga marik emas mak iya ngagai pangking enda nemu udah tu legi iya malu.

Carol enggau Crisnie niki ke sadau deka tama agai pangking Grace.
Carol ngaga diri ngiga endur bukai enda nemu dini endur ngiga marik emas nya tadi.
Crisnie alu ngangkat ke panggal Grace sekali terpeda ke marik emas mak iya dilalai ke Grace ba baruh panggal.

"Tu iya Carol"
"Nai.. Kati tau bisi dia?"
"Enda nyangka sekali aku iya encuri"
"Amat enda nemu malu indu nya, iya numpang ba bilik urang ka meh encuri"

Crisnie alu nurun ke baruh ngagai mak iya deka nyua ke marik nya tadi.
"Nyah.. Tu marik mak temu ku ba baruh panggal Grace"
"Nai.. Kati tau"
"Entah.. Indu enda nemu malu meh nya nadai ngira budi urang badas enggau iya"
"Enda nyangka sekalk aku iya bangat encuri bakanya,enti iya lama ba bilik tu ambih utai curi iya"

Indai Crisnie alu mansang ngagai Grace ke agi ba dapur.
!PAP! semetap kuyu Grace kena tampar indai Crisnie.
"Nama tu indai?"
"Anang ngangau ke aku indai enggau mulut jai nuan nya"
"Nama salah aku?"
"Tu nama tu tau bisi ba pangking nuan! Kasih nuan indu enda nemu malu,nadai ngenang pemanah kami ke udah ngasuh nuan diau ditu engka nuan encuri!."

Grace alu enggau sesabak madah kediri enda encuri nya,meda marik nya iya enda kala.
Crisnie ngelintat mata iya meda Grace ari jauh.
"Nama ke danti nuan agi pansut lah ari rumah tu!."
"Crisnie ukai aku encuri nya"
"Pansut aja nuan.. Anang mayuh jaku sebedau aku nampar mua nuan!."

Grace alu niki ke pangking iya nusun barang iya pansut ari rumah nya.
Grace alu nekan numbur talipaun Jayriel minta ambi iya ba rumah Crisnie.
"Uii.. Nama sulu?"
"Ngambi aku kitu nuan" enggau sesabak Grace berjaku dalam talipaun.
"Nama nuan nyabak?"
"Anang mayuh utai tanya jampat kitu"
"Auk,auk, nganti enda lama"

Jayriel alu jampat-jampat bergarek berumban deka ngambi Grace.
Ngarap ke Grace nadai ngawa meh ko dalam ati Jayriel.

#Bersambung...