JALAI PENGERINDU

Tusun ke 29

TAJUK:JALAI PENGERINDU
DIKARANG OLEH:LIVEANNEROSE

Tusun ke 29

Pagi siti nya sida enyau begau ke Stefan enda dapat narit seput, alu berumban apai iya naban ke Stefan ngagai Sepital.
Grace sertai nganjung Stefan ngagai Sepital, seduai iya duduk ba mangku belakang nyadi apai iya deriba.

"Sulu.., tarit aja seput nuan, anang kelalu kesal ati tarit aja seput auk? Anang irau enggai ke majak jantung nuan enda ulih tarit"

Grace bejaku semadi ngering kediri taja ai mata iya ka naya,
Stefan merap bini iya Grace ngasak amat laban enda sanggup deka jauh Grace, agi pan dalam ati iya bersampi sebedau iya nadai,  iya ka meda mua anak iya dulu.

HOPE HOSPITAL

Datai ba Sepital, bala Nurse enggau Lutur alu berumban ngintu Stefan.
Grace enggau entua iya ke laki asuh urang nganti ba luar endur urang ke deka meresa Stefan.
Grace alu nyabak sesedan megai dada iya laban asai ke dipandam dada iya.

"Anang kelalu nyabak endu kasih ucu aku enggai ke nemu apai iya bakanya"
"A..apai enda sanggup ku"
Grace nyabak sesedan duduk ba mangku luar nya laban asai ke ka luput iya enda tan nyabak.

Enda lama udah nya entua indu iya enggau indai iya datai ba Sepital nya,
Mua seduai iya enyau mirah laban engka bai nyabak tadi.
"Anang kelalu nyabak nuan umang enggai ke anak nuan bela sinu"
Indai Grace merap anak iya awak ke ati Grace kering.

Entua iya ke indu pan duduk ba sepiak iya madah ngasuh bersampi ke Stefan awak ulih Selamat ke urang.

"Anang kelalu nyabak endu, enti igat meda nuan bakatu tusah ati iya"

Entua iya pan nyabak meda menantu iya ngasak amat nyabak,
Lama diri sida iya nganti nama gaga Stefan.
Enda lama udah nya Lutur Robin pansut ari bilik ICU nya.

"bakani gaya anak ku Lutur?"
"Udah baik meh iya ayak mina ke jantung iya udah kelalu enda ulih entu ngepam agi, enti ulih kita tau begiga ke penderma jantung enggau jampat"
"Auk, terima kasih Lutur"

Lutur Robin alu enyau ari nya, apai Stefan pan enda nemu agi ka ngiga urang ke ka nerma jantung ngagai Stefan enggau jampat.
Grace ngelila ke entua iya dua iku nya benung berai enggai meda Stefan ninggal ke seduai iya.

Grace pan enyau teringat ke niang Cleventon,
Sida iya sebilik lenyau Cleventon.., Crisnie pan merana nadai abang iya.

Tu entua iya benung nyabak enggai ditinggal ke anak laki seduai iya, veanne.., cukup manah enggau begulai nyentuk ke aku nyadi ipar iya pan iya agi mentas.

Sida iya sebilik nulung kami sebilik cukup pementas,
Grace bangat tusah ati meda diri empu nadai nemu nadai penusah nuntung iya.

Tuhan.., aku bersampi nuju nuan, selamat ke meh Stefan beri panjai agi seput iya.
Sida iya cukup mayuh budi enda ulih aku balas semina nuan aja meh ulih malas budi sida iya apai.., tetiap penusah ke nuntung aku tu aku percaya nuan nganti enggau penuh berkat.

Ampun ke aku apai.., nama utai udah disebut aku, nama utai udah digaga aku.
Aku nyerah ka semua utai nyadi tu ba jari nuan Amen.

Bisi berasai lantang mimit ati Grace sepengudah bersampi ngagai Tuhan.
Grace minta diri deka tama meda laki iya Stefan ke benung gali ba atas katil.

Stefan bekena ke Penangkup idung, mata iya pejam rapat mina seput iya aja dipeda nurun niki.
Grace duduk ba mangku sepiak, lengan Stefan alu di sium iya, pia mega kening laki iya di sium iya.

Grace narit seput iya dalam-dalam sebedau bejaku enggau Stefan,
Udah iya asai ke sedia.., iya alu bejaku enggau Stefan.

"Sulu.., aku ngarap ke nuan jampat gerai ulih nyaga anak tua, aku nemu nuan sayau ke aku siku aja"