رواية عشق من رحم الحياة (للكاتبه سلمي سمير )

🌿الفصل الثاني عشر🌿

#أمل_قادم
#البارت_الثاني_عشر
**___**_____**____***%%%
ملحوظه/ يشوب حديث صهيب التلعثم
استيقظ صهيب شاعرا بالفراغ الذي خلفته مريم بتركها حضنه نهض  من فراشة وخرج من غرفته يبحث عنها"
فراها جالسه بالصاله تبكي بنحيب خافت اقترب منها وجثا بجوارها مد يده كفكف دموعها وامسك يدها سائلآ بلهفه"
مالك يا مرمم ليه عايطه اكده في حد زعلك يا زينه

ضغطت مريم علي يداه التي تحضن يدها وجذبته لكي يقف
ثم اجلسته علي المقعد المقابل لها ورحت تنظر إليه بعين باكية"
خلاص يا صهيب ربنا تقبل دعائي  وتضرعي ليه وبقي في  حته منك بتكبر جوايا ،هترد حقك وحقي ويكون نصر من ربنا لينا وكسرت قلب لكل واحد ظلمك او اخذ حقك بالغصب

هز صهيب راسه مستغربآ حديثها، ونظر الي جسده يتلمسه
بحيرة كانه يبحث عن شئ ضائع منه ، لتساله مريم"
انت بتدور علي ايه انت مش فاهم  المعجزه اللي حصلت لينا

زاد ارتباك صهيب وهو مازال يتحسس جسده بتعجب واردف"
واه مفيش حته مني راحت كلي زي ماني، كي بتجولي حته مني جواكي بتخربطي بالحديت انتي ولا ايه 

ضحكت مريم بقوه واحتضنت راسه بحب  وهي تهزه "
يا قلب قلبي من جوه حته منك يعني طفل بيتربي في حشايا

واخذت يده لكي تضعها علي بطنها "
هنا ابني وابنك هيكبر ولما ربنا يريد هيخرج للدنيا و ينصرك وينصر الحق ويرجعه لأصحابه فهمت يا عمري

جذب صهيب يده من علي بطنها بفزع"
لاه طلعيه من بطنك دلوج ماعايزهوش مدام خلاكي عايطه

لم تتمالك مريم نفسها من الدهشة بسبب حب صهيب لها بهذا للشكل فعانقته بقوة وجذبته الي صدرها بحنان وقالت:
مين قالك انه اني بعيط بسببه انا فرحانه ان في طفل هيربط بينا ،دي دموع الفرح يا صهيب مش دموع حزن
كلها كام شهر وهتبقي بابا عارف يعني ايه تبقي بابا يا صهيب

رفع صهيب راسه عن صدرها وطالعها بتعجب"
واه انا هبجي ابو كي ابوكي سالم وابوي كرم طيب فينه انا عايزه دلوج العب معاه

عادت واخذت  يده لتضعها علي بطنها "
هو جوه هنا لسه صغير لما يكبر وربنا ياذن هولده وساعتها
هتشيله بين ايدك ويكبر بينا لحد ما ينطق ويقولك يا بابا
عارف يعني ايه اولد ولا هتغلبني معاك في التفسير

شهق صهيب بقوة واضعآ يده علي فمه هاتفآ بحيرة"
واه واه جصدك انك هتولدى كي البسه اللي كانت حدانا بالدار
وجابت بسسس كتير وكان بيرضعو منيها علشان يكبرو

ضحكت مريم بقهقه لتشبيه صهيب  لها بالقطه "
ايوه ياصهيب حاجه زي كده بس انا  هولد بيبي واحد  طفل صغير مش قطه او بسه زي ما بتقول
قوم يلا صلي علي ما بابا  يرجع اصله بعد ما كشف عليا  وفرحني بخبر  حملي نزل يجيب ليا فيتامينات لحد ما اروح اتابع مع دكتورة متخصصه وانت هتجي معايا اتفقنا