رواية عشق من رحم الحياة (للكاتبه سلمي سمير )

📚الفصل الثالث والعشرون📚

#انتقام_بالاجبار

#البارت_الثالث_والعشرون

**__**____**___**___***&&&&

تكمل هنادى حكايتها قائلة "

اول ما دخلت بهانه علينا الدار صرخت فينا وبقت تقول

"شوب الشوب عليكم يا ولاد سمعان " اليوم اتلعنتم وانجطع دابركم واللي انكتب عليكم بجي جدركم وعليكم مكتوب وكله بسبب دم الغالي اللي رخصتوه ،فربنا منتجم جبار رخص دمكم وأخد منكم اللي يخلي مالكم ملوش لازمه ولا عازة "

تنظر لها وهيبه زوجه ناصر بحيرة وقلق"

أهدي علينا يا بهانه انتي داخله علينا ليه بالشؤم واللوم حرام عليكي احنا جايبنك تخبرينا باللي بيجرلي لينا ولا تنكدي علينا وتزودي أحزانا،اجعدي وجولي لينا لعنه ايه اللي هتصيبنا وكل ده ليع لا احنا اول ناس ولا آخر ناس أخدت حقها!

تنظر إليها بهانه بغيظ وتنهرها "

اخرصي خلاص واجعدي ماريداش اسمعلك صوت؛ اجعدي يا مرت السارج يامرت الجاتل وجاطع الارحام؛ اجعدي واخرصي انتوا السبب في كل اللي حصلكم، انتوا السبب في لعنه تجطع دابر سمعان في اولاده الثلاثه " حمد وكرم وسالم "

كله منيكي يا وليه انت وجوزك واكل ناسه ، واسمع انت يا ناصر اللي انكتب عليك واعر جوي يا ولدى! وانت اللي جبته لنفسك مكنش يصح اللي عملته واصل في واد عمك المبروك

الكبير كبير بأفعاله مش كبير بجسوته وشدته وجيتوا علي الغلبان المسكين كان أبجي ليك تاخد بالك منيه وتدير حالك عليه متكنش انت الجاسي والسكينه اللي تدبحه بيها،

اجعد وشوف اللي كتبتوه علي نفسكم بايدك أولكم ضاع لما فكر بس يمس شرف بنت عمه وراح جدام عينكم فطيس والثاني خسرتوا دمي لما سيحتو دمه البرئ الطاهر ووجعتوا جلب مرته وولده وعمه أسمعوا لعناتكم اللي جلبتوها عليكم

يوم خدتوا الغلبان للوادي متعرفوش انكم حطتيوا رجلكم في شج العجارب وادي اللعنات اللي ما في حد بيدخله الا وبيطلع منه بلعنه وانتوا يا شوبكم أخدتوا ٣ لعنات:

لعنه الولد والزوجه والاب اللي اتحرم من بته علي يدكم

اول لعنه راح تصيبكم مفيش رحم هيشيل لكم ولد والحامل هتسجط وكل واحده من نسوانكم ونسوان ولادكم هتسجط حملها علشان ميبجاش في صريخ في داركم بعد ما وجعتوا الولد وحرجتوا جلبه علي ابوة اللي شافه بعينه سايح في دمه جدامه، وعلشان أكده كل واحد هيدوج المر وهيسجط حملكم لحد ٤٠ يوم

وهتكمل بالل٤٠ سبوع يا ويلي منكم هتشوفوه في بناتكم حسبي الله ونعم الوكيل فيك يا ناصر انت وخواتك كتبت علي كل بنت صبيه فيكم ولسه صغيره مبلغتش هتموت هتصحوا الصبح هتلاقوها ميته لمده ٤٠ سبوع كل سبوع هيعدي عليكم هتموت بت من بناتكم اهوه عدي ٣ اسابيع ومات ٣ بنات حوصل ولا موحصلش يا ناصر حوصل ولا يا وهيبه؟