لماذا القدر يجعلني هنا ⭐️ (مكتمله )

البارت ٢٢

حنان نزلت راسها وماردت عليه
فهد بعصبيه : انت جالس تنتظره بالبرد واهو رايح يمتع نفسه مع الاخت
حنان رفعت راسها بصدمه : ايش ؟!
فهد : اي شفيك مصدوم ومستغرب
وليد ماحب فهد يضغط عليها اكثر : فهد خلاص رائد ماله ذنب باللي يصير بينك وبين سعود
فهد التفت لوليد : الا له دخل له دخل سمح لسعود يتخطى حدوده
دخل عليهم الاب بستغراب : السلام عليكم ياعيال
هدت ملامح فهد : هلا ياعم
الاب بفرح : ياهلا والله بولدي
قرب منه وسلم عليهم
الاب : ياهلا برائد وفهد تو مانور البيت والله
فهد : هلابك ياعم
حنان : هلابك
الاب : شفيك يبه رائد تعبان
حنان ابتسمت : لا ياعم مافيني شي
الاب ابتسم : جابك الله يا فهد ابي اخذ رايك بكم موضوع
وليد استغل الفرصه : يبه بروح اجيب انا ورائد الفراش
الاب : زين ياولدي
طلع وطلعت وراه اول مادخلو الغرفه وقف مايدري وش يسوي ارتبك صح انه اخذها من عندهم بس مايدري وش يسوي تنهد وقرب منها حرك شعرها
وليد : لاتحاتين مافي شي ترا وسعود مو جو هالحركات بس اظن خطيبته
حنان زادت صدمتها قاطعها ببتسامه : بس انه مايحبها ومايطيقها في ايدك تكسبينه وتاخذينه منها
حنان تنهدت وسندت راسها على صدره : وليد انا ضايعه احس ماني عارفه شي
وليد : لاتحاتين خلي الليله تعدي اليوم وارتاحي وسولفي مع فهد عادي وبعدين عاد بكرا كلمي سعود الصباح
حنان تنهدت واومئت بالايجاب
وليد : يالله تعالي نروح
مشت وراه وتوجهو للمجلس
الاب :يالله ياعيال اخليكم ترتاحون وراكم بكرا دوام ويوم حافل
جلسو ساكتين فتره
حنان : فهد كنت ابي اقول لك شي
فهد التفتت عليها : قول
حنان : سعود صح انه عصبي وله حركات بمزاجه بس اكيد له اسبابه مو عشاني او عشانك يمكن في شي يضغط عليه من جهه ثانيه
فهد بتفكير : يمكن صح
حنان ابتسمت وهي توقف : اتمنى تترك هالشي علي
فهد ووليد : وين .. وين بتروح
حنان : بروح له
وليد عقد حواجبه : بس انت ماعندك سياره
حنان : بمشي شوي واخليه ياخذني وعد لاتخاف
وليد : ان شاء الله
حنان لبست جزمتها وطلعت مشت وهي تفكر بكل شي بحياتها واللي يصير اتصلت على سعود رن مره مرتين
شوق بدلع :الو ؟!
حنان عضت على شفايفها بقوه : سعود موجود
شوق : سعوود كل الناس فجائه يبغونك
سعود كان يفكر كيف يحصلها ومانتبه ان شوق ردت على جواله
شوق هزته : سعود جوالك
سعود عقد حواجبه : من ؟!
شوق : واحد اسمه رائد
سعود سحب منها الجوال وقلبه يدق وبلهفه : الو رائد
حنان دموعها تنزل وفيها غصه بس عدلت صوتها : سعود تعال خذني
سعود اخذ مفتاح السياره وراح يركض وترك شوق بالشقه : جايك ارسل لي اللوكيشن
جلست بالمكان اللي هي كانت واقفه فيه وارسلت له
سعود طول الطريق كيف اكلمه كيف ابدا الموضوع معه تنهد وشاف اللوكيشن وبدا يمشي عليه لما لمحها جالسه وحاطه الكبوس على راسها وقف بجنبها نزل من السياره بسرعه وتوجه لها ضمها بقوه انصدمت من ردت فعله
سعود بشوق وخوف : انا اسف سامحني كل مره اقول بصلح اخطائي واحصلني اتمادى كل مره انا اسف
حنان متبلده ماعطته ردة فعل : نروح
بعد عنها بصدمه من تصرفها وبرودها تركها راحت ركبت السياره ولحقها ركب
سعود : وين ؟!
حنان : بيتنا
سعود حرك السياره كان بيتكلم بس قطع عليهم صوت جوالها طلعته امها استغربت بها الوقت
هدى بحب : هلا يمهه
حنان : هلابك يمه
هدى عرفت انو حنان مع احد لانها بصوت رائد : يمه بختصر الموضوع
حنان عقدت حواجبها وبدا قلبها ينبض : اي موضوع
هدى خايفه من ردة فعل بنتها : يمه بقول لك بس لاتعصبين
حنان بدت الافكار تروح وتجي : يمه اختصري الموضوع
هدى : يمه انا بعت البيت
حنان شهقت سعود خاف وقف على جنب : يمه  ليييش ليش تبيعينه
هدى سكتت فتره : يمه اسمعيني بسام حجز لك جناح كامل البيت ماعاد رح تستفيدي منه وانتي بروحك
حنان بدت دموعها تنزل : يمه ليه يييا يمه كل ماحبيت شي وتعودت على شي تاخذونه مني
ابتسمت فجائه سعود كان يناظرها وخايف من ردات الفعل وانصدم من ابتسامتها
هدى : يمه بسام بيرسل لك اللوكيشن روحي له وبتحصلين اشيائك
حنان تنهدت : ان شاء الله
سكرت بوجه امها ماتبي تكمل المكالمه
سعود : شفيك ؟!
حنان مالتفتت له ليش كل حالات الضعف تصير عندك ؟! بالذات : مافي شي بس امي باعت البيت وتقول انو بترسل لي اللوكيشن
سعود انصدم : كيفف ؟! اي لوكيشن ؟!
حنان : بيتي الجديد
سعود شغل السياره : شوفها ارسلت ؟!
حنان فتحت جوالها شافت بسام مرسل لها اللوكيشن عطت الجوال لسعود وصلو لعماره فخمممه شوي عليها نزلو وتقدمو من البوابه
البواب : ياهلا والله استاذ رائد
حنان هزت راسها بالايجاب
البواب : معليش يا استاذ بس استاذ مشاري ينتظرك بمكتبه
حنان استغربت : مشاري من ؟!
البواب : روح له ورح يقول لك
حنان : طيب مشكور
البواب ظل فتره يناظر بسعود اللي ياخذ اغراضه من السياره ولما تقدم وقفه البواب
سعود بغرور وكبرياء : بعد
البواب : معليش ما ادخل الا اللي مسموح لهم
حنان التفتت شافت سعود وجهة كلامها للبواب : معي اتركه
بعد البواب : معليش يا استاذ
حنان كملت : واسمي رائد مو استاذ
مشت هي وسعود دخلت للغرفه شافت اللي جالس بهيبته ولابس شماغ وله عوارض وكاشخ رفع عينه ملامحه حاده دخلت ببرود ابتسم وقف وتوجه لها مد يده ومدت يدها بالمقابل
مشاري : ياهلابك يارائد
حنان ناظرت فتره فيه ابتسمت : هلابك
مشاري اشر للكرسي : حياك
حنان توجهة للكرسي : اختصر
مشاري : شفيك اليوم مو طايق نفسك ؟!
حنان رفعت حاجبها : ليش من متى تعرفني علشان تقول لي كذا
مشاري : من كنت صغير
حنان جات ببالها الاحلام بس ماتكلمت : طيب فيك تخلصني
مشاري ناظر بسعود التفتت تشوف ايش يناظر وانتبهت لسعود
مشاري : ماتعرفنا ؟!
حنان وقفت بعصبيه : بتخلصني ولا لا
مشاري : هدي هدي طيب
طلع المفتاح من الدرج : هذا مفتاح شقتك انا المحامي اشتغل مع بسام
حنان ضحكت : بسام بقى احد ماعرفه
سعود : رائد
حنان : ايش قلت ماقلت شي
مشاري التفت لسعود : ولايهمك عادي
حنان : طيب شي ثاني ؟!
مشاري : لا بس
حنان : طيب باي
مشاري قدامنا ايام بنتعرف فيها على بعض اكثر يا رائد او يا حنان راحت لغرفتها ودخلت دخل سعود وراها
حنان باعجاب : بصراحه كان غاثني الموضوع بس حاليا غيرت رايي
سعود ضحك :. تعال تعال خلنا نتكلم بتشبع من الشقه
حنان جلست مقابله
سعود نزل راسه مسكت راسه ورفعته جات عينها بعينه
حنان : سعود اسمع اذا تبي تكمل صداقتنا لازم احط شروط
سعود استغرب : شروط ايش؟!
حنان : اول شرط اجتماعاتك ماتتاخر عليها علشاني
ثاني شرط مو طول الوقت تتضايق واذا تضايقت تعال لي لاتروح تسوي اشياء تحس نفسك مجبور عليها
ثالث شرط مدري نسيت اذا تذكرت قلت لك
وصححح تعتذر من فهد
سعود تنهد : باقي شي ؟!
حنان : لا خلصت
سعود : طيب انا عندي شرروطي بعد
حنان : قول
سعود : اول شرط انام عندك وايام تنام عندي
ثاني شرط اذا كانو اهلك مو عندك تجي معي للاجتماعات
بالنسبه لفهد تمام بعتذر منه
وفيه بعد انو الاشخاص اللي يدخلون حياتك
حنان تنهدت : سعود انا مو زوجتك تتحكم فيني
سعود اثرت فيه هالكلمه زوجه اذا تزوجت ممكن زوجتي تتحكم فيني : طيب طيب بس تعرفني عليهم
حنان : سهله ذي
سعود : كذا نكون اتفقنا
حنان : اي اقدر اروح اشوف شقتي الجديده
سعود : قوم شفها انا دايخ بنام
حنان : قم نام بالغرفه
سعود : لاتعودت على الصاله حقت بيتكم
حنان ضحكت عليه وجابت له لحاف وبعدها راحت تتفرج على الشقه كانت عباره عن غرفتين نوم وصاله ومطبخ صغير فيه انواع القهوه وشوكلاتات بالثلاجه واشياء ثانيه من الشبسات واشياء للطبخ
دخلت لدورة المياه شافت الشامبو وانواعه كلها بريحة الكرز حبت الريحة قررت تتروش بماي دافي وتنام دخلت تروشت وحطت من الشامبو لشعرها والشامبو للجسم طلعت للغرفه لبست برمودا وسيع وبلوزه وسيعه جلست بالسرير فتحت جوالها كتبت لبسام : مشكور
بسام كان جاي بالطياره بدون مايقول لها وماكان فيه ارسال بالطياره
فتحت المكالمات انتبهت انو معاذ متصل عليها دخلت للواتس شافته متصل ارسلت له
معاذ
معاذ اول ماشاف اسمها اتصل اربتكت ارد ولا ما ارد قررت ترد
حنان : هلا والله
معاذ : هلابك ياقلبي اخبارك
حنان : بخير
معاذ :  دووم
حنان : ايوه وايش بعد
معاذ : مرررره مشكور على اليوم ابوي انبسط منك مرره
حنان ابتسمت : العفو ولو ماسويت شي
معااذ : ايوه بكرا عندك دوام ؟!
حنان : اي عندي
معاذ : طيب ليش مو نايم
حنان : صحاني خويي وتو رجعت ابي انام انتبهت انك متصل وانا راد عليك
معاذ : اي لا هذا خويك واضح كان مرتبك او فيه شي مضايقه
حنان : ولايهمك مافي شي وانت ايش ناوي تسوي بكرا
معاذ : والله مدري افكر اسافر
حنان : على وين ؟!
معاذ : اي مكان طفشان مرررره من بعد ماتركت اخوياي
حنان : طيب شرايك تجي عندي بالمحل
معاذ : مدري وش اسوي لو بجي
حنان : بخليك تساعدني كمتطوع
معاذ بفرح : جددد
حنان : لا لا دقيقه ما اوعدك يمكن صاحب المحل مايرضى بس اذا مارضى نطلع اخر الدوام
معاذ : خلاص خله على طلعت اخر الدوام مابي اخرجك مع مديرك
حنان : لا عادي ولايهمك بكرا يصير خير تمام
معاذ : تمام يالله اخليك ترتاح وانا بعد بشوف ابوي واخوي نايمين بنام شوي
حنان : بمان الله
سكر الجوال وهو مبسوووط الدنيا مو شايلته رمى نفسه على السرير ونام اما حنان قفلت الجوال ونامت نروح لوقت الدوام داومت بدت شغلها عادي
فهد : رائد انتهى دوامك لليوم
حنان التفتت عليه بستغراب والكل نفس الشي ناظرت بساعتها : بس تو الناس ٦ ونص
فهد : اي عارف بس فيه طلب جاني اعطيك باقي اليوم اجازه وهو ينتطرك بشقتك
حنان استغربت : طيب مشكور
بدلت شافت سعود واقف : يالله
حنان : ليكون انت بس
سعود بكل غرور : وليش مو عاجبك انا ؟!
حنان : لا بس ماله داعي هالحركات ترا
سعود : لا اله الا الله قلت ابي اقضي وقت معك
حنان تنهدت : عاد تصدق كانك جاي من ربي هلكان وتعبان ابي ارجع وانام
سعود : لااااا مافي نوم انا مسوي لك سبرايز بالبيت
سكتت وبدت تفكر وش فيه بالبيت وصلت وفتحت الشقه
مشاري : ياهلا رائد
تنهدت : انت وش جابك هنا قلنا انك خوي بسام بس لاتاخذها حلاوه تروح وتفتح الشقه بدون
بسام بضحكه : بشويش على الولد كليته
فتحت فمها بصدمه سعود مد يده وسكر فمها : اي بسام السبرايز
حنان ركضت له وضمته : ليش ماقلت انك جاي
بسام ضامها ويحرك شعرها : قلت اسوي سبرايز
حنان بعدت عنه : اجل سعود يدري وانا لا ؟! يصير كذا
بسام : هذا اللي صار عاد
حنان ابتسمت ورجعت ضمته جلسو بعدها كلهم
سعود : يالله انا بروح عندي اجتماع لو ما احضر يذبحني فهد
مشاري : وانا بعد بروح معك دايخ انتظر شوي  ~ التفت على بسام ~ تامرني بشي ؟!
بسام : مشكور ماقصرت
مشاري : مابينا ترا
طلع من عندهم جلسو هم الاثنين
بسام : اخبارك ياقلبي
حنان طال شعرها شوي رجعته على ورا : دقيقه بجي
دخلت لغرفتها وقفلتها استغرب تصرفها مرت دقايق وجات وهي لابسه فستان ضحك عليها
بسام: تجننننيي
حنان بحرج : مشكور
بسام اشر لها تجلس بجنبه : اخبارك ياقلبي
حنان : بخير الحمدلله وانت ؟!
بسام : بخير انا الحمدلله حيت علشان اتطمن عليك واقول لك على سفرتك
حنان خافت انه غير رايه : اذا غيرت رايك عادي ترا
بسام : لا عادي موافق للحين بس ابي اكلم فهد بكم شغله واجراءات اذا رحتي
حنان : اها طيب ماتقول لي من بيروح معي انت قلت فيه احد بيروح معي
بسام : لا ماقلت
حنان : الا قلت
بسام ابتسم : بعدين اقول لك بس يا انا يامشاري
حنان ناظرته بستهبال : هذا ماغيره
بسام : اي هو ليه شفيه
حنان تنهدت وبستهبال : حرام عليك اخذها من الكوفي ولا منك
بسام استغرب : شفيه ؟!
حنان : جايب لي واحد حلو وتقول لي ليه وايش فيه
بسام ضحك : ياخذ بليسك ماتتركين سوالفك
حنان حركت شعرها : لا ماتركها
سندت راسها على صدره باس راسها : اعجبك انواع الشامبو
حنان : ايي تجنن والريحة حلوه
بسام : طيب يالله قومي نامي بقومك اخر الليل لاني بطلع اجيب لنا اشياء وحركات وواضح عليك التعب شوي
حنان تنهدت : كانك حاس والله