لماذا القدر يجعلني هنا ⭐️ (مكتمله )

البارت ١٢

قامو معه ونزلو تحت بالقبو كانت غرفه خاصه بالسينما
فراس باعجاب : واووو تجنن
خالد ناظره ببتسام : كيف اعجبتك
فراس : شوف يابسام انا بسكن مع خالد
بسام ضحك عليه : واللي عندك بالبيت مو عاجبك
فراس بتذكر طلع جواله : دقيقه برجع
بسام : ترتيب رهيب والله من اللي مسوؤل عنه
خالد يختار فلم : الغرفه هذي انا لانه فيك تقول دايم نتجمع فيها انا والعيال
بسام : مشاء الله
دخل نواف وعامر : اخيييييرا
ناظرو بعض وضحكو
وليد كان برا يدخن ويفكر بكلامها وانها رح تروح وبما انها مع سعود ~ يارب تتشجع وتقول له لانه هو اللي مفروض تقول له مو انا ~
نروح لحنان كانت بالسياره مع سعود الصمت سيد الموقف انتبهت لجوالها شافت المتصل غريب
حنان : الو !!
فراس: لاتبينين انه انا
حنان : طيب من ؟!
فراس : شوفي ابي اطلب منك طلب
حنان رفعت حاجها علشان تبين لسعود انها ماتعرف المتصل او انه شخص غريب : ايش ؟!
فراس : لاتقولين له شي
حنان فتحت عيونها بصدمه
فراس : رح اقنع بسام يخليك وانا ببقى معك بس لاتقولين شي
حنان بدت تنزل دموعها انتبه سعود لها : من اللي يتصل
حنان للحين بصدمه ليه ايش بيصير اكثر تعبت من كل شي تبغى بس ترجع لحياتها الطبيعيه
فراس عض شفايفه بقهر : بجي اخذك وينك انتي
حنان بعد فتره صمت : بنزل بالمحطه
فراس : ارسلي لي الموقع
حنان : ماله داعي بروح البيت انا بنام
سعود توتر من سمع انها بتروح البيت
حنان : لاتجي تمام ابغى اجلس بروحي
فراس تنهد : طيب براحتك بس لاتتعبين نفسك مارح نطول ونجي
حنان : طيب
سكرت منه ناظرت بالدريشه : ابغى اروح البيت
سعود بنظراته الحاده والجاده : صاير شي ؟!
حنان : لا
سعود : طيب ليه
حنان بصرخه : بس كذا بدون سبب
سعود نزل راسه ورجع رفعه وركز على الطريق وصلها نزلت وراحت على طول غرفتها رمت نفسها على السرير وفتحت جوالها ارسلت رساله : بنروح بكرا
كانو يشوفون الفلم ومندمجين اهتز الجوال بجيبه فتحه وشاف الرساله بحكم ان اخوه بجنبه عطاه الجوال قوا الرساله مو فاهم ليه بس سكت وناظر بسام بمعنى تعال نروح لها
بسام ابتسم : خالد معليش بنستئذن الحين علشان بكرا عندنا شغل
خالد : يالله ابوصلكم
فراس وهم واقفين عند الباب : مشكور والله غيرت جونا وتعرفنا عليكم
خالد : ولو البيت بيتكم بس اتصلو علي وتعالو
بسام بعادته وطبعها الفخم : تسلم
خالد بعد ماوصلو لسيارتها صرخ : سلمو على رائد
بسام اشر له وركب
فراس تنهد وضرب براسه بمرتبه اللي وراه وبصرخه :اخخ
بسام : هذا قرارها اتمنى انك ماتقول شي
فراس ناظره بجمود : بس اهي
بسام يناظر الطريق بشرود باله مو معه : ادري بس هالشي لازم هي تقرره
عند حنان بعد ما ارسلت لبسام ارسلت لفهد
السلام عليكم
كيف حالك فهد مدري كيف اقول لك الموضوع
بس انا بكرا بسافر ويمكن ما ارجع ابغاك تقول للعيال اني تشرفت فيهم وان شاء الله لنا لقى
رائد
فهد قراها بصدمه : ياعيال انا استئذن الحين وانتو نامو
بكرا وراكم دوام
طلع وبقى وليد ونواف وعامر وراشد وخالد
راشد : نواف يالله
خالد بستغراب : شفيكم كلكم
عامر : العيال شفيهم ؟!
وليد وهو يوقف : مافي شي بس اليوم تعبنا
عامر بستغراب : كل يوم نتعب
خالدتنهد : عامر اتركهم
كل واحد راح لبيته بدون مايقول شي هي صح مر اسبوع على دوامها اسبوعين على دوامها معهم بس تعني لهم الشي الكثير
سعود وقف قدام باب بيتهم بتردد ينزل او لا بسام وفراس وصلو للبيت بسام توجه لغرفتها شافها نايمه وعيونها متورمه وحمرا  من البكاء
غطاها وقفل النور وطلع
فراس : نامت
بسام : اي يالله انت نام بكرا ورانا رحله
فراس : طيب
كل واحد من ابطال الروايه اللي نام واللي يفكر ببكرا
اليوم الثاني الساعه ١٢ رتبت اغراضها وطلعت شافت بسام حركت شعرها بعشوائيه : صباح الخير
بسام : صباح النور يالله الفطور جاهز ترا
حنان ناظرته : متى الطياره
بسام : ٣العصر
حنان :طيب فراس وين ؟!
فراس جاء من وراها بتسلل وضمها : انا هنا
حنان مسكت يده وببتسامه : من زمان عنك
عضته بقوه بيده بدا يصارخ بسام يضحك فراس بحقد : وانا اقول اشتاقت لي طلع كذب حرام عليك ياخي
تقدمت بتجاهه وهو صار يرجع ناظرته بستغراب:ماتبي اضمك
بسام سحبها من يدها وضمها : خلاص بديت اغار
رفعت راسها وصارت عينها بعينه : تغار اجل ؟!
جلسو يفطرون خذو الشنط وطلعو للمطار
حنان : بسام امي وين ؟!
بسام : امك عندي بلندن
حنان : وماتقول لي
وصلو للمطار وجلسو يقضون وقت لما جات ٣
نروح لبيتها شوي جات ٣ موعد دوامها راح وقف عند الباب اتصل الجوال خارج الخدمه استغرب نزل دق الباب مافي احد طلع ولد الجيران كان صغير
الولد : ياعم من تبي ؟!
سعود ناظره : ابي اللي ساكنين هنا
الولد : اي طلعو من الساعه ١٢
سعود لعب بشعره : شكرا
اكيد راحت للدوام توجه للدوام على طول ودخل شاف الشباب كلهم موجودين
نروح للمطارشوي جاء وقت اقلاع الطياره فكرت وش تسوي وهل اللي تسويه صح
بالمقهى
سعود : رائد ماداوم
نواف بستغراب :لا مو من عوايده
سعود : فهد جاء ؟!
عامر وهو جاي بتجاههم : لا بعد
سعود بستغراب : غريبه
الساعه ٤ دخل فهد وقفل الباب ناظروه بستغراب
فهد مشى بتحاههم بكل برود وجديه تنهد : عندي لكم خبر
سعود وعامر وراشد : ايش ؟!
فهد : بالنسبه لرائد استقال وراح مع عيال خواله لبرا بيكمل يعيش معاهم اتمنى هالشي ماياثر عليكم وانو تستمرون بشغلكم
سعود بصدمه : اييش ؟!
فهد : سعود تعال معي ابيك 
بعد ماراحو منهم وجلسو بالطاوله المخصصه : كيف كيف يروح بدون مايقول لي ؟!
فهد : سعود اسمع
سعود بلامبالاه وخمول : انا برجع البيت
فهد : سعود استنى
وليد كان يعرف من البدايه عن الامر بس فهد اكد الاجابه اللي اختارتها
نواف : من كان يظن انه بيروح كذا فجائه من دون انذار او يودعنا
راشد : خلاص يانواف التفت بشغلك
مر اسبوع و كل شخص له حاله
سعود طول الوقت بالبيت يانايم يا يفرغ غضبه بغرفه الرياضه العيال دوامهم وبيتهم