لماذا القدر يجعلني هنا ⭐️ (مكتمله )

البارت ٦

دخلت للدش وشغلته وش فيها امي مو العاده تروح وتتركني اليوم كيف بجلس بروحي وكيف بتصرف
قفلت المويه لبست بنطلون اسود وبلوزه كبيره وقفت قدام المرايه لعبة بشعرها قصرته مره كيف بيطول ثاني مره اطول
طلعت ودخلت لغرفتها حطت الثياب طلعت للصاله
سعود بفمه اكل والكوب بيد والجوال بيد
حنان بصدمه : اكل زي الناس
بلع اللي بحلقه بصعوبه : انت ماتخلي احد بحاله ؟!
حنان كانت المنشفه على راسها نشفت شعرها سريع سريع وراحت جلست بجنبه خذت فطيره بدت تاكل
سعود يناظرها
حنان بدون ماتناظره : ماحب اكل واحد يناظرني
سعود حط يده على جبهتها وبعد الشعر : حرارتك مرتفعه
حنان خذت منديل : لا مافيني لاتتوهم
سعود عقد حواجبه : تمزح على من انت
حنان : لحول بدينا انت وين بتروح الحين
سعود ضربها على راسها وبعدها سكت فتره وتكلم  : هذا جزاي اخاف عليك ... انت مانشفت شعرك ؟!
حنان : من طوله
سعود بعصبيه : تبي تمرض امك اذا جات تبي تشوفك بخير مو تتركك وتصير بزر
حنان بضيق : ماني بزر ترا
سعود اخذ المنشفه وحطها على شعرها : بنشفه لك تعال
حنان تضايقت : بعد ياخي مابغى شي منك
سعود وقف تنشيف وانصدم من كلامها وقف وبهدوء شال جواله ووصل للباب حنان شافته وقف غبيه ليه تقولين كذا وش سوا لك هو وقفت ولحقته مسكت ثوبه من وراء التفت لها ببتسامه وحرك شعرها وطلع من الباب ليييش تروح ليش تسوي كذا اصلا
جلست عند الباب بدت دموعها تنزل حست بالم والذكريات تمر قدامها بكت بصمت بعدين ماستحملت وبدت تبكي بصوت وتسب نفسها اما سعود نزل وانتبه ان مفتاح سيارته فوق نساه رجع راح قريب سمع صوت بكاء ركض شاف الشقه للحين مفتوحه بس داخل الصوت استغرب بداء يتقدم شافها ملتويه على نفسها وتبكي حس بانه غلط رجع سكر الباب وتقدم لها بشويش
حنان ماحست فيه لانها بدوامه الذكريات انتبهت ليده
حط يده على كتفها رمت نفسها بحضنه
حنان : اسف ماكان قصدي اتكلم معك كذا سامحني
سعود بحنيه مسح على شعرها : رائد الرجال مايبكي لاتبكي خلاص ماصار شي انت ماقلت شي وانا ماسمعت
حنان بعدت عنه ومسحت دموعها : اسف والله مو قصدي اقول لك كذا
سعود : خلاص ماصار شي وانا اسف
رفعت راسها كان شكلها يجنن عيونها تلمع وخدينها حمرا شعرها مبعثر وطايح على وجهها
سعود حط يده على عيونه : خلاص بروح الحين انا اكمل اشغالي
حنان ضحكت عليه : طيب
سعود وهو طالع : صح من بيوديك اليوم
حنان بتفكير : انا بجي بدبر نفسي
سعود : خلك جاهز بوقته لاني بمرك
حنان كانت بتتكلم بس سكر الباب سمعت جوالها يدق راحت تركض وردت على طول
هدى : هلا يمه شلونك
حنان : بخير يمه وانتي
هدى : انا بخير اذا انتي بخير  اخبارك وش سويتي امس
حنان بتفكير اقول لها ولا لا : يمه بقول لك بس لاتزعلين
امها عقدت حواجبها وخافت : قولي
حنان : يمه امس رجعت تعبانه من الشغل ونمت بثايبي وصحيت بدلت وحصلت الجرس يدق  ~هدى يارب اللي ببالي مو صح يارب ~ وبعدها لما فتحت كان المحامي يمه ماعاد بقول محامي بقول اسمه على طول سعود جايب فطور لانه هو اللي وصلني امس
هدى تنهدت ان اللي ببالها مو صح : طيب يمه لاتقربين من الاشخاص ذولي مره زين
حنان : ابشري يمه
هدى : طيب والحين وش تسوين
حنان : برجع انام شكلي
هدى : غريبه وين رنا عنك
حنان : يمه مادريتي
هدى : لا وش ادري فيه
حنان : رنا نقلت للخارج تدرس
هدى بفرح : صدق يمه
حنان : اي يمه صدق راحت وتقول اي شي تحتاجينه راسليني وبرد ان شاء الله بس مايسمح لها وقتها ودراستها تسولف معي دايم وكل شوي
هدى : اي صح اهم شي دراستها يالله يمه تبين مني شي ؟!
حنان : بتسكرين
هدى : اي والله بروح اجلس مع خالتك
حنان : طيب
هدى : بجي بكرا ترا
حنان بالم بس ماوضحته بصوتها : طيب يمه
سكرت وبدت ترتب البيت نظفته كله وجلست شافت الاكل للحين موجود بالارض راحت شالته وحصلت علبه فيها قلاده استغربت سكرت العلبه لانها تدري انها لسعود واكيد نساها دق جوالها
فهد : الو
حنان : هلا فهد
فهد : رائد اخبارك
حنان : بخير وانت
فهد : بخير اسمع ابي منك معروف
حنان استغربت
ننتقل لراشد
نواف : راشد مارح اقدر اداوم
راشد : طيب استئذنت من فهد
نواف : اي خلاص
راشد : اجل خلاص اهتم في اهلك انت
قبل وقت الدوام دق جوالها شافته خذت اغراضها والعلبه قفلت الشقه
حنان : سلام
سعود : بخير وانت
حنان : بخير الحمدلله
سعود بستغراب : فيك شي ؟!
حنان بتردد اسوي هالشي ولا لا بس هو طلبني : سعود ودي اقول لك شي بس منحرج
سعود : قول شفيك خوفتني
حنان : ابي اجيك اليوم بالبيت لان امي مارح ترجع الا بكرا وتعرف
سكتت وبدت تحرك شعرها بفوضويه
سعود ابتسم : عادي ماعندي مشكله
حنان بفرح : صدق
سعود : اي صدق
حنان : مشكور مررره ياسعود
وصلو ونزلت جلسو مجموعة شباب
الشاب ١بصوت واطي : لو سمحت
حنان وهي تنزل الكوب : امر
الشاب ١: وش اسمك
حنان ابتسمت بتكلف مارتاحت لهم من البدايه : مكتوب بالبطاقه
اشرت على البطاقه اللي بالزي حقها
الشاب ٢ : بكم الليله حقتك
استغربت كلامه كان مار من وراهم وسمعهم انصدم وكان بيفقد اعصابه
سعود : امرو في مشكله
الشاب ٢ ناظره بكبر : لا مافي بس حبينا نسولف مع العامل حقكم
حنان مسكت يد سعود بعد مانتبهت انه بدا يعصب  : انا بهتم بالزباين ماعليك
سعود مايدري يسمع كلامها ويتركها او يوقف معها قرر يتركها ويروح لفهد يتكلم معاه
فهد انتبه لسعود اللي جايه بعصبيه وخاف من انه ناوي على شي جلس بغضب وضرب الطاوله
راشد : استاذ سعود تامرني بشي
سعود بتنهد ثقيل : روح عند الطاوله اللي فيها شباب ولاتخلي رائد يقرب منهم
راشد عرف قصده : ابشر
وراح بتجاهها قرب من اذنها : يقول لك سعود لاتروح للطاوله اللي فيها ٢ شباب
حنان التفتت الجهه اللي جالس سعود فيها : طيب مشكور راشد
مشت متوجهه تاخذ طلب الزباين وقامو الشباب الثنين وتركو جوال واحد منهم طلعو برا المحل انتبهت وتلفتت ماحصلت احد من العيال اكيد رايحين ياخذون الطلبات
خذت الجوال وطلعت وراهم
حنان : لو سمحت جوالك
التفتتو لها بابتسامه خبيثه
الشاب ١: اخيرا اقتنعت
حنان استغربت بس خافت : ايش اقتنعت فيه
الشاب ٢وهو يتقدم لها حط يده على شعرها غمضت عيونها وبعدت كانت بتطيح بس صدمت باحد وراها
سعود بصرامه وهدوء حاد ونظرات تخوف : اذا شفتك انت وياه حول المكان مارح تشوفون الشارع ثاني
ماظرو بعض وراحو يركضون خايفين
سعود مسك يدها بقوه : انت ماتفهم مو قال لك راشد لاتروح عندهم
حنان كانت بتتكلم قاطعها : لاتتكلم وش بتقول هاه عاجبك كلامهم ولا تمثل البراءه بزياده اسمع يارائد اذا انت ماتهمك سمعتك انا يهمني سمعت المحل لانه امانه
حنان دمعت عيونها ونزلت راسها تخفي وجهها كانو واقفين على الباب يناظرونهم من بعيد
وليد : مارح تتدخل
فهد : سعود مايصلح احد يتكلم معه وهو معصب مثل ما انت شايف حتى رائد مايبي يسمع منه مع اني شفته يرجع لهم جوالهم اللي نسوه على الطاوله