لماذا القدر يجعلني هنا ⭐️ (مكتمله )

البارت ٣١

هاااااي حبايبي كيفكم
مررررره شكرا دايم اتحمس اذا شفت تفاعلكم وحماسكم معي اتحمس اكثر احببببببكم مايحرمني منكم ابغى رايكم بالبارت لان من اليوم رح تكون البارتات حماس لاني قربت انهيها ❤️❤️

....................

مر اليوم وهي نايمه بسام دخل للجناح اللي كان حاجزه وفتح باب غرفتها بقوه : وبعديين معك انتي وش هالنوم ؟!
حنان رفعت راسها بنزعاج وعينها حمرا ماردت عليه ورجعت كملت نوم قرب منها وشالها فزت بخوف وتمسكت برقبته : بسام نزلني
بسام : اول عطيني وعد ماترجعين تنامين
حنان : وعد خلاص نزلني
بسام نزلها وكانت بتطيح مسكها : لا وتقول خلني اكمل نومي قومي اكلي اول لك شي واخذي حبوبك انتي الدنيا سايبه عندك
حنان تنهدت ومشت بتجاه المطبخ : اجل مشاري وينه عنك ؟!
بسام يلحقها : بدلي مافي اكل هنا بناكل برا ومشاري ينتظرنا هو والعيال علشان نروح للمول
حنان بصدمه : توني صاحيه حرام عليك
بسام : اخلصي وبس
دخلت غرفتها وطلعت لها بلوڤر سماوي وبنطلون اسود وشوز ابيض سبورت دخلت للحمام تتروش وطلعت حطت عطر ولعبت بشعرها حطت الكبوس عليه
بسام صفر : وش الجمال هذا
حنان لفت ونطت عليه شالها ودار فيها بالهوا ضحكت للحركه اللي تعودت عليها من طفولتها وهو يشيلها كذا
بسام : احببك
حنان : وانا احبك يا احلى اب بالدنيا
وقفت وكانها تذكرت شي : بسام بسالك
بسام بستغراب : همم
حنان : اتذكر امي تزوجت بس مين كان الزوج وليش ما اتذكر عنه شي
بسام كان الكلام بالنسبه له مثل الصاعقه دخل مشاري بنزعاج : ماودكم تجون
لاحظ تعابير بسام المصدومه عرف انه فيه شي : يالله العيال ينتظرون
التفتت لبسام : يالله نروح
نزلت مشاري مسك بسام : وش صاير
بسام : بعدين بعدين تعال الحين
نزلو سوا وركبو المترو لمول دبي وصلو وتفرقو اللي راح ياكل واللي راح يدور واللي راح للماركات
حنان كانت مع وليد ماتدري ليه بس من انفصالهم بقت مع اللي انفصلو : الحين وش نسوي
وليد : احكي لي وش صار بالطريق  !؟
حنان : ولاشي اغلبه نوم
وليد ضحك : غريبه سعود تركك تنامين
حنان بستغراب : الا جد وش الطاري عليه يجي معنا
وليد رفع كتفه : لا اعلم
حنان : طيب وبعدين وش بنسوي
وليد : ادري عنك انتي ؟!
حنان مسكت يدها بعد ما انتبهت للنافوره وركضت معه وبفرح طفولي : الله
وليد يركض معها : وقفي تعبت
وصلو ونزل ياخذ انفاسه مسك يدها علشان ماتضيع منه ماكانت معاه ابد من الفرحه وليد طول وهو يشوف ملامحها وانها جميله انتبه على نفسه
في شخص كان واقف يشوف النافوره وانتبه لهم شبه عليها وبدا يقرب انتبهت له عقدت حواجبها ابتسم بخبث واختفى بالزحمه شدت بيدها على وليد انتبه لها ولنظراتها اللي ضايعه اخذها بعيد
وليد بقلق : وش فيك وش صار ؟!
حنان برتباك وخوف : شفته شفته
وليد مو فاهم : شفتي مين ؟!
حنان بدت ترجف : شفته ابغى بسام تكفى وليد خذني لبسام
وليد جلسها واتصل على بسام
بسام اللي كان مع مشاري يقول له السالفه وسوالها عن الشخص اللي تزوج امها سمع جواله ورفعه استغرب وليد ؟! وش فيه طبعا بسام مسجل كل الاسماء عنده
علشان اذا كانت مع احد منهم تتصل عليه
وليد للحين ماسك يدها وترجف : الو بسام وينك ؟!
بسام يناظر المكان اللي حوله : اتوقع قريب من بوابه النافوره ليش ؟!
وليد التفت لها شافها هدت اخذ نفس وخلى الوضع طبيعي : تعال عند النافوره عند المحل **
بسام استغرب : فيه شي ؟!
وليد بضحكه مصطنعه : لا بس تعال انت في شي ابيكم تذوقونه
بسام : جايينك
سكر من وليد والتفت لمشاري
مشاري مايدري وش فيه : وش فيه ؟!
بسام : يقول تعالو عندي شي ابيكم تجربونه
مشاري استغرابه لايقل عن بسام : امش نشوف
تنهد بسام وكان يدعي ان مافي شي انتبه للشخص اللي مر من قدامه وارتبك بدا قلبه ينبض مسك يد مشاري مشاري سند بسام
مشاري بخوف عليه : وش فيك ؟!
بسام وهو يتلفت : يارب ماشافته يارب اللي شفته غلط
مشاري مو فاهم عليه وبدا يمشون بسرعه لان بسام بدا يركض بتجاه المحل اللي قال لهم وليد
نروح عند سعود وفهد
سعود وفي فمه الاكل : فهد عادي لو يكون لك ميول لولد
فهد كان يشرب العصير وطلعه من فمه بوجه سعود
سعود بقرف : وجع ليش تسوي كذا ناقص وصخ
فهد مسح فمه وناظر سعود بصدمه : وش تتكلم عنه
سعود ينظف وجهه : وش قلت قلت مصيبه ؟!
فهد باس يده وجه وقفى : منت صاحي ابد
بعدها كانه تذكر شي : لاييييكون
سعود : كل تبن بس وش هالتفكير
فهد ضحك : تفكيري ولا تفكيرك انت
سعود تنهد : والله مدري ياخي بس ابيه معي على طول
فهد : كمل اكل وانت ساكت
سعود عطاه نظره وكمل اكل
نروح عند نواف وعامر
نواف : اقول عمور
عامر يشوف الفلم ومندمج : اششش انت ماتسكت انا غلطان اجيبك معي
نواف بتذمر : اووف ياخي ابي اسالك عن شي
عامر : وش تكلم اختصر
نواف : خلاص مابي اقول شي
عامر : مالت عليك زين
سكتو وكملو فلم
نروح عند راشد ومعاذ
معاذ : شوف هذي البدله بتطلع عليك بططله
راشد : لا احس صغيره
معاذ : جرب يالله مارح تخسر شي
راشد دخل غرفة التبديل بعد دقايق طلع وشاق الابتسامه : كيف بالله مو اجنن
معاذ صفر : ايش الجمال هذا
راشد بكبرياء : لاداعي لاداعي
معاذ بضحكه : لا احد يصدق نفسه
نرجع عند وليد شافهم جايين
وليد : كيفك الحين ؟!
حنان شربت المويه : الحمدلله
وليد وقف لما قربو
بسام وهو يلهث : شفيك خوفتني
حنان مسكت قميصه بسام
وليد : بروح اجيب الاكل واجي
مشاري : يالله وانا معك
بسام ابتسم عرف انهم بيروحون علشان يتركهم بروحهم
بسام : وش فيك وش صار لك
حنان بدت دموعها تنزل ومسحتها على طول: قلبي
بسام بخوف : وش فيه
حنان بتردد : بسام شفت  *قبل لاتكمل كان يدعي ان اللي بباله مو صح * شفت واحد مدري اذا كنت اعرفه او لا بس ابتسم لي ابتسامه تخوف
بسام لاااااا يارب ليش يصير كذا معي مسح على شعرها : لاتفكرين يمكن كان يقصد او يبتسم لشخص ثاني
حنان تنهدت : يارب
بسام انا لازم اقول لها كل شي قريب لانه بدت الامور تروح من سيطرتي : ايوه ووش سويتي
حنان ابتسمت : ولاشي جينا هنا على طول
بسام لعب بشعرها : حبيبتي انتي
حنان : متى تروح لندن
بسام بتفكير وحزن : زهقتي مني
حنان سرعه : لااا والله ماكان قصدي بس اسال مابيك تروح بدري
بسام : لاتخافين بضل معك لما ترجعين للرياض سالمه
حنان مسكت يده وشدت عليها
بسام : بسك ترا ما اتحمل
حنان ضحكت وكان مشاري ووليد جايين معاهم الاكل ابتسم لها وليد وحس بالراحه انها هدت بسام سمع جواله
بسام : هلا سعود
سعود بصرخه: وييييين رائد
بسام بعد الجوال : وجع وش فيك تصرخ
سعود بتافف : مايرد علي قلت يمكنه معك
بسام : اي معي ناكل * ناظرها * جوالك وين ؟!
حنان طلعت جوالها شافت ١٠ اتصالات من سعود ضحكت وعرفت انه اللي يكلم بسام اشرت له يعطيها الجوال
حنان : مزعج برسل لك المكان اللي احنا فيه وتعال
سعود : استعجل ولي حساب معك انت وجوالك
حنان رفعت حاجبها : بتهدد من الحين لاتجي
سعود سكر بوجهها ارسلت له اللوكيشن بدو يتجمعون ودارو بالمجمع وطلعو وصلو للسكن بعد تعب ويوم حافل
حنان : بروح غرفتي انام
سعود كان بيروح وراها سحبه فهد : تعال انت قال انه بينام
سعود بطفوليه : رائد
حنان التفتت عليه وطلعت لسانها : بزر
راشد : ياعيال تلعبون ؟!
الكل : وين ؟! ايش نلعب
راشد : فيه بلياردبالفندق البهو مليان العاب وبيلوت
الكل وافقه بالفكره ومشو معه حنان اللي كانت بتنام كنسلت نومتها بدو لعب وخلصو بقى بسام ومشاري
بسام بتفكير وخوف : مشاري الامور بدت تطلع من سيطرتي ولازم اقول لها كل شي
مشاري : كان من زمان والحين هي كبيره ما اتوقع تتصرف بطفوليه وانا لازم اكلم سعود
بسام عقد حواجبه : تكلمه بايش؟!
مشاري بجديه : يا بسام انت ماتنتبه لهتمامه الزايد فيها لازم نقول له الحقيقه واصلا حنان تحبه
بسام ماابدا ردت فعل لانه يدري انها تحبه من اسلوبها
سكت وتوجه كل واحد لطريقه
مشاري اتصل على سعود : الو
سعود : هلا مشاري
مشاري : عادي تجي ابي اتكلم معاك
سعود استغرب : تمام بس وين ؟!
مشاري : بغرفتي
سعود : يالله اجل جايك
مشاري : انتظرك
عند بسام دخل الجناح مستعد يقول لها كل شي بس شافها نايمه تحطم يبي يشيل الهم من على كتفه بس مايبي يجرحها ويبعدها عنه
عند مشاري وسعود
سعود : هلا شفيك
مشاري : بكلمك بموضوع جدي مره
سعود : تكلم خوفتني رائد فيه شي صار له شي
مشاري تنهد : هو الموضوع اصلا عن رائد
سعود عقد حواجبه : قول
مشاري : بتكلم بس لاتقاطعني
سعود : اي تكلم بس خلصني وترتني
مشاري : اول شي انت تدري ان رائد بنت * بانت الصدمه على سعود بس ماتكلم * طبعا هي دخلت قبل لانعرف لما عرف رفضت انها تطلع انت شفت قبل حالتهم متوسطه هي وامها ماكانت راضيه وقدمت باكثر من مكان علشان الوظيفه ماقبلها احد بتقول عن الاوراق والاسم هي تصرفت وسوتها عن طرف صديقه لها
سعود يحاول يمسك اعصابه : طيب والمطلوب مني ؟!
مشاري : مافي شي بس حبيت يكون عندك خبر علشان بعدين ماتنصدم
سعود وقف ماتكلم طلع وماتكلم للحين مصدوم من الكلام ومو مستوعب اللي صار يعني طول هالوقت كان مع بنت كيف ومتى وليش ماحس اصلا اخذ نفس وطلع برا يدخن مارجع  للشقه الصباح فتح الشقه ودخل
فهد توه صاحي : وين كنت طول الليل
سعود ابتسم : ماكنت بمكان كنت تحت اكمل لي اشغال
فهد : يالله بنروح الفطور الحين
سعود : انزل انت مالي نفس
نزل فهد وسالت حنان عن سعود قال لها فهد انه بالغرفه قررت تروح له دقت الباب مايرد
حنان : سعود ادري انك داخل
طولت ولا حصلت رد توقعته نايم بس هو بالاصح كان مايبغى يواجهها من بعد اليوم
رجعت للفطور وقررو يطلعون دخل فهد للغرفه استغرب
فهد : كنت اظنك نايم رائد يقول ماسمع منك رد غريبه
سعود تجاهل كلام فهد له وراح لسريره ودخل بالنوم
فهد استغرب من تصرف سعود وش فيه