لماذا القدر يجعلني هنا ⭐️ (مكتمله )

البارت ٣٤

تنهد وليد بستسلام واستئذن يروح يرتاح وكان بباله ان اللي سواه مشاري صح بس في نفس الوقت كان لازم يقول لها بسام طلع برا بالشرفه شاف المطر ينزل بخفيف انبسط وانتبه للي داخل للفندق انصدم شجابه هنا هذا اتصل على مشاري على طول
مشاري كان توه طالع من الحمام متروش بعد تمرين سمع جواله : الو
بسام بقلق وبنص الكلام تغيرت نبرة صوته : مشاري شفته بنفس الفندق
مشاري اللي مو فاهم حاجه : ايش من شفت وليش صوتك كذا
بسام : فادي وولده معتز
مشاري انصدم وماقدر يتكلم
بسام : الو مشاري معي
مشاري : بسام لازم تقول لها باسرع وقت قبل يشوفها ويتكلم لها عن كل شي
بسام : مدري كيف بقول لها والله او كيف افتح الموضوع معها
حنان بهدوء : وش اللي كيف تفتح الموضوع معي ؟!
بسام انصدم وماقدر يتكلم
مشاري اخذ نفس : بجيك انتظرني
بسام غمض عيونه بقوه : لا لاتجي بتصرف انا
مشاري بقلق : طيب قول لي وش بيصير بعدين
بسام : طيب
سكر منه وجلس
بسام : اجلسي بكلمك
حنان جلست بخوف : وش فيه
بسام : بالبدايه انتي الفتره هطي صايره تتحلمين صح ؟!
حنان : اي
بسام : بتكلم ومابيك تقاطعيني
حنان : طيب
سكتت وكمل : الاحلام هذي فيه شي صار لك بطفولتك سببت لك هالاحلام طبعا بما انه صار لك الحادث فا ماتتذكرين
حنان : دقيقه دقيقه انا مو فاهمه شي الحين عيد لي السالفه من اول وبوضوح
بسام : لما كان عمرك ٩ سنوات امك تزوجت شخص الشخص هذا تزوج امك صح بس لما اكتشف انك بنتها وجمالك ماوقفه حاول يستغلك لاشياء بباله * حنان عقد حواجبها وخافت يكمل بس لازم يكمل كلامه * واستمر يتعرض لك انتي ماكنت تتكلمين ولما كنتي تقولين لامك ماكانت تسمع لك وماتصدقك واستمر هالشي لما صار اليوم اللي بالنسبه لي مشوؤم لما صار عمرك ١٠ سنوات انا كنت مقرر ازورك واخذك عندنا كم يوم طلعت وشفتك مصدومه والدم ينزل من راسك كانت صدمه بالنسبه لي نزلت واخذتك للمستشفى كان جابر هو اللي المشرف على حالتك وقال لي عن انو فيك اصابات ضربات قبل الحادث بالبدايه استغربت قلت يمكن صاير لك شي قبل سكت فتره بعد ماطلعتي من غرفه العمليات قالو انك دخلتي بغيبوبه مايدرون كم مدتها
وقتها ياست بس صار فيني غضب وابي اروح لبيتكم واخذ حقك منه لما رجعت ماحصلته وحصلت امك تبكي وتقول انها هي اللي ضيعت مستقبل بنتها حاولت اهديها لما هدت واخذتها عندك بعد اسبوع جيت لك زياره وشفت بجبنك ورقه اذا ماكانت لي مارح تكون لغيري وقتها جاني خوف انه نفس الشخص وشفت الاجهزه مفكوكه جاء جابر وعدل كل شي الحمدلله عدت على خير واستمر يسوي الاعيبه واحيان يخلي احد يختفي لما مرت ٩ شهور انتي صحيتي اتصل علي جابر وقال لي انك صحيتي بس بصداع براسك لما استمر يتكلم معاك عرف انك فقدتي الذاكره ارتحت من هالناحيه
قاطعته : كنت تعرف مشاري في الفتره نفسها ؟!
ابتسم : مشاري كان هو الشخص اللي دايم تروحين له اذا تهاوشتي معي طبعا نادر مانتهاوش بس انك تروحين له
حنان ابتسمت وماعلقت صح الكلام بالنسبه لها صدمه بس حاليا تحس شوي خف عنها الحمل
بسام كمل : بعدها جيت وخذتك امك ماكانت متقبلتك وانتي كنتي تسالين دايم عنها بس هي ترفض تجيك
حاولت معها لما رضت ومن شافتك ماعاد تركتك ابد اول بيت سكنتوه كنت انا اللي شاريه بعد فتره تقريبا شهرين بديتي تتحلمين وتصحين يا تصرخين او تبكين انتبهت امك اخذتك انا ومشاري لجابر * ابتسم لانه تذكر ذاك الموقف * وبعدها اكتشف انك تتحلمين بالاحداث اللي صارت بس انك لما تصحين ماتتذكرين شي استمر هالشي فتره معاك واخذت لكم بيت ثاني وسافرت علشان اشغالي هناك بس تركت مشاري وكان يجيب لي اخبارك اول باول ولما شاف ولد يطلع من بيتكم يشبهك بكل شي حتى بالملامح راح لامك يسولف واخذ منها طرف السالفه وانا كملت السالفه عاد حاولت اني اطلعك بس رفضت بعد تقريبا اسبوعين قالت لك انها راحت لبيت اختها اللي هي امي هي ماراحت لامي ارسلت لها تجي عندي لانها كانت تتصل انها ماتستحمل صوتك وبكاك اخر الليل  *حنان بدت تنزل دموعها كل هذا يايمه ماتبيني كمل بسام وكانه قراء اللي بعقلها *
ماكان كره فيك بس انها تتعذب لما تشوفك تبكين وانو اللي صارلك بسببها مشت الايام عادي بهذي السفره لما كلمني وليد انا شفت شخص وزاد خوفي انك تشوفينه وتتذكرين او اهو يعرفك جيتك على طول وشفت حالتك عرفت انك شفتيه بس ماكنت متاكد اليوم شفته داخل الفندق وكلمت مشاري اقول له وكان يقول لي اقول لك باسرع وقت قبل يمسكك ويقول لك او يسوي فيك شي كنت خايف من هالحظه انك تكتشفين اي شي او يقول لك كلام وتبتعدين عني
حنان وقفت بهدوء : بروح لغرفتي اتمنى ماتجي
بسام وقف كان بيروح وراها التفت له بترجي انه مايلحقها كانت بحاله صدمه وبنفس الوقت خوف محتاجه شخص ترمي بثقل اللي صار لها وسمعته عليه بس مافي احد بسام تنهد وطلع للشرفه يدخن مابعد يولعها كان متضايق حده مايدري وش يسوي او انها قالت له لايجيها  حس بيدين تحاوط خصره حطت راسها على ظهره لفها عليه وضمها بقوه بدت تبكي بصمت تحس انها مخنوقه ماتدري كيف تشكي او تقول له اللي في خاطرها اكتفى بانه يحضنها وترجع لغرفتها رمت نفسها على السرير فتحت جوالها تتمنى رساله منه لو اي شي مافي اي رساله ارسلت له اغنيه
وين انت ماهي وين انت دايم
كانت تقصدها من كل قلبها بدت تبكي لما نامت سعود كان راجع وفتح جواله شاف رسالتها فتح الرابط اللي مرسلته حس بنقباض بقلبه مايدري ليه بدا يضرب الجدار بقوه لما تجرحت يده جلس على الارض بالم وصرخ : ليييييش تسوين فيني كذا ليششش
دخلت عليه خافت عليه ومسكت يده التفت لها بعيون حاده : وش جابك انتي ؟!
شوق بدلع وخوف : سعوود شفيك من مضايقك
سعود بعد يدها بقوه : اطلعي برا ولاعاد اشوفك
شوق تنرفزت : مارح اطلع
سعود بعصبيه وصوت عالي : اطلللللعي ماعاد ابيك اصلا انا كنت مجبور عليك ما احبك افهمي انا اكرهك *رص على اسنانه بغضب * تفهميييين
شوق ناظرت فيه بصدمه بس استجمعت نفسها : رح ترجع لي تبوس رجولي ارجع لك وتحلم ارجع لك
طلعت وسكرت الباب باقوى ماعندها
سعود استجمع نفسه ورفع نفسه : ليش تسوين فيني كذا كسرتيني حبيتك وتعلقت فيك بس انتي مالك ذنب ليش انا الومك على اللي انا فيه
استوعب على نفسه وارسل لها
اخبارك
حنان كانت نايمه بعد تعب من بكى وتفكير
بسام سمع الجرس راح يفتح
فهد ابتسم : مساء الخير ياحلو
بسام كان شكله شعره مو مرتب بس طالع شكله حلو وللحين بالشورت والفنيله : هلا وغلا
فهد ابتسم لما شافه للحين بنفس اللبس : رائد صاحي ؟! نطلع ولا ؟
بسام التفت للشقه : لا والله نايم
فهد باحباط : مايمدي تروح معنا اجل ؟!
وليد وهو جاي : عادي روح معهم وانا بجلس عنده فيني نوم بنام عنده
بسام ابتسم له : حياك
فهد بفرح شاف العيال : وافق بس جيبو مشاري
بسام ضحك : اعتبر انه موامره علينا
فهد بحرج : لا وش دعوه بس قلنا ننبسط قبل نرجع بعد بكرا ورائد واضح انه يبي ينام بس
بسام ابتسم بس بداخله انكسار بسببها : طيب ابدل والحقكم
فهد وهو يركض بتجاه العيال : يالله اجل بنحجز لنا سيارات اليوم
بسام : طيب
دخل وشاف وليد جالس : انا اسف
بسام بستغراب : ليش ؟!
وليد بتردد : مدري قلت الحين بتفكر غلط وتقول اني ابي الزق فيها بس
بسام قرب من عنده : عيب تقول كذا اصلا انا كنت ابطلب تجلس عندها لانه جاء الوقت
وليد رفع راسه لبسام ومو فاهم : وش اللي ببالك يابسام
بسام : اتوقع تعرف عن الشخص اللي تشوفه وتتضايق صح ؟!
وليد عقد حواجبه : اي
بسام : بحجز لي من الليله بفندق ثاني لانه لو شافني معها بيعرف انها حنان
وليد اللي مو فاهم للحين : الحين فيه شخص يبي حنان
صح ولا ؟!
بسام ضحك : اسف مافهمتك السالفه بس اكيد تعرف عن انها تتحلم كثير
وليد بندماج : طيب
بسام : اي هو نفسه هذا الشخص
وليد فتح عينه بصدمه : هاااه ابو معتز هو نفسه اللي تتحلم فيه
بسام استغرب انه يعرفه:  تعرفه ؟!
وليد رجع شعره بفوضويه : رح الحين ولنا جلسه
بسام : تمام بس مارح ارجع ترا
وليد : تمام ماعليك عندي
بسام تطمن عليها ولبس وطلع
راشد : وين تبون الحين ؟!
بسام بتافف : مطلعينا ومزعجينا وبنسوي جدول ومدري وش بعد واخر شي تقول لي وين تبون
عامر ضحك : صح كنا مخططين اننا نروح نشوف اصناف القهوه بس صاحب المحل نفسه مو معنا
مشاري بتسغراب : جد منهو صاحب المحل ؟!
فهد التفت لهم : ليش ماتدرون
بسام ومشاري ناظرو بعض : لا
فهد ضرب جبهته : اووف وش سويت انا
مشاري عقد حواجبه : وش فيه ؟
فهد : هو المفروض لا رائد ولا اي احد من طرفه يعرف
بسام : شمعنى ؟!
نواف رفع كتفه : الاوامر
مشاري : مارح يعرف رائد طيب
فهد ابتسم : لازم اصلا احد منكم يعرف
بسام : قول حرقت اعصابي
فهد : سعود
مشاري : شفيه ؟!
نواف تدخل بعدم اهتمام : شفيه يعني هو صاحب المحل
بسام التفت لمشاري بصدمه : هاااا
فهد وراشد ضحكو على ردت الفعل : شفيكم
مشاري : بصراحه يعني ماتوقعت ابد ولا ١٪؜ انه يكون سعود
عامر : صح انه مهمل ومايهتم وبارد بس انه عنده شركات ومحلات
بسام : اووه حلو بس ليش مايبي رائد يعرف
فهد : مدري والله يقول علشان مايتخذ موقف العيال صح اننا نمون على بعض ومن زمان نعرف بعض فا رائد توقع انه بينفر منه اذا عرف انه هو صاحب الشركه نفسها