لماذا القدر يجعلني هنا ⭐️ (مكتمله )

البارت الاخير ٤٧

سعود سند راسه : فهد استعجل تكفى
فهد اللي حاس بحاله سعود : ابشر بس انت اهدى
نرجع للمستشفى
بسام ل مشاري وطلال ووليد : ارجعو البيت وارتاحو
مشاري: وانت
بسام ابتسم : ماعليك مني انا بجلس عندها لما تصحى
طلال لوليد : يالله
راح هو ووليد اما مشاري اللي وقف مع بسام : بسام انا خلصت الاجراءات ترا ووقعت كل الاوراق
بسام : مشكوور يامشاري
مشاري : ماله داعي الشكر الحين وش نسوي بالشقه ؟!
بسام تنهد : رح انت وكمل الاجراءات وخذ اغراضها واذا بالمره خذ اغراض وليد ماتوقع استخدمو شي
مشاري : تمام تبي شي ثاني
بسام : لا
مشاري ربت على كتفه وراح طلع وشافهم بالسياره
كلن بتفكيره وهمه قطع عليهم صوت طلال : ياعيال مايصير ترا اللي نسويه لو انها قايمه تهاوشت مع وراحت تسولف مع وليد وانت يامشاري مايحتاج اقول لك فا خلاص ان شاء الله بتقوم بالسلامه
مشاري : ان شاء الله
وصلو للفندق
مشاري لطلال : بتنزل ؟!
طلال : لا روحو انتو
وليد نزل مع مشاري : بنطلع صح ؟!
مشاري : الافضل نروح للبيت
وليد بستغراب : عندكم بيت هنا ؟!
مشاري : اي كان دايم نتجمع فيه انا وبسام وجابر وطلال
وليد : طلال صديقكم يعني من زمان ؟!
مشاري ابتسم : اي معنا درسنا سوا برا ٤ سنوات نصحى وونام مع بعض
وليد جاء بباله سوال : غريب ان طلال ماكان يعرف عن حنان
مشاري : اي طلال كان يعرف رائد اخو حنان
وليد بصدمه : اخوها عندها اخو
مشاري : اي بس صار عليه حادث اهو وابوه بنفس اليوم
وليد حس بالضيق : ماتو ؟!
مشاري : اي
وليد بستفسار : طيب عادي سوال ثاني
مشاري : اسال
وليد : الشخص اللي يطاردها من ؟!
مشاري : زوج امها قبل
وليد عقد حواجبه : زوج امها ويسوي كذا
مشاري : سنه كامله كان يحاول يتعرض لها وبعدها صار لها الحادث
وليد :حادث ايش
مشاري ضحك : واجد مصايبها صح
وليد انحرج من كلامه : اي شوي
مشاري : بسام كان رايح ياخذها لان الوصايه امه عطته اياها بس لما جاء شافها مصدومه ومحد يدري وقتها وش صاير ووش اللي خلاها تطلع
وليد تنهد : الله يعين والله وتتيسر عليها
دخلو رتبو الاشياء اللي تخصهم وطلعو سجلو خروج
وصل للبوابه
دق جواله : هلا
فهد : وليد اخبارك
وليد : الحمدلله وانت
فهد التفت لسعود : ابسالك اخبار رائد الحين
وليد : والله بالعنايه ماندري شي بسام اللي عنده طلعنا احنا
فهد : تمام احنا يبي لنا ساعه ونوصل
وليد بصدمه : من جدددك
فهد ابتسم : اي والله تعرف خويك مايصبر
وليد : وانت معطيه على جوه
فهد : لا بس انت تعرفه مارح يجلس وبيروح باي طريقه فاخفت يروح ويسوي شي او يصير له حادث مانيب ناقص
وليد : اي والله يالله اجل اذا جيتو اتصل علي
فهد : ان شاء الله
مشاري لوليد بتسال : من اللي بيوصل
وليد : سعود وفهد
مشاري : ايه * سكت فتره بعدها استوعب * لاتقول جاو
وليد ضحك على ردت فعله : اي والله جاو
مشاري : ماله داعي والله
وليد : سعود عاد وش يقنعه
مشاري كان خايف من شي :اتمنى جابر مايتهور بس
وليد عقد حواجبه : وش ؟! ليش تقول كذا
مشاري ابتسم : ولاشي يالله نرجع لطلال
طلال ماكان بالسياره استغرب مشاري وين بيروح تلفت حصله عند المكان اللي كانو واقفين فيه مشى له وحصله  شبه جالس
مشاري : وش تسوي
طلال وقف والتفت : جيتو
مشاري :لا خيالي اللي جاك
طلال ضحك : تعال نروح بس
مشاري : خيير قول لي وش كنت تسوي هنا ؟!
طلال اللي مشى وخلاه : ماسوي شي
مشاري رفع كتوفه ومشى وراه توجهو للبيت وبعد مررور ساعه ونص
وصلو للدمام
فهد: بنروح لوليد
سعود بحزم : لا ابي ااروح المستشفى تكفى يافهد ابي اروح له
فهد اتصل بوليد : هلا وليد اي جناح واي مستشفى
وليد : برسل لكم اللوكيشن وياخذكم مشاري
فهد : تمام
مشى على اللوكيشن لما وصل للقصر انصدم
سعود بصدمه : وين جايبني
فهد : وليد يقول مشاري بياخذنا
سعود تنهد : وقتك يا فهد
فهد : اشش
اتصل بوليد
وليد : هلا يالله هذانا طالعين
انتبهو للسياره اللي تطلع من القصر
فهد : هذا لهم ؟!
وليد : اي يالله بعدين نتكلم
سكرو من بعض وتوجهو للمستشفى اول ماوصلو سلمو على بعض
مشاري لسعود وفهد : اسمعو اي ردة فعل من جابر تجاهلوها تمام
سعود وفهد مو فاهمين بس وافقو دخلو وتوجهو لقسم العنايه انتبهو لجابر اللي جاي بتجاههم عقد حواجبه وبانت الحده بوجهه بس للحين علامات الهدوء عليه
جابر : مشاري ؟! وش جابك
مشاري متوتر من الوضع : جاي معي سعود وفهد
سعود انتبه لبسام اللي طلع بس ملامحه تعبانه كان بيروح له وقف جابر بوجهه :  ياليت ما اشوف احد لان بسام حالته ماتستدعي انه يشوف احد
فهد فهم ليش حذرهم مشاري قبل يجون انتبه لسعود اللي قبض يده بضيق كتن بيتكلم مشاري قطع عليهم : طيب بنرجع وقت ثاني
جابر التفت وراح بتجاه بسام بكبرياء وهدوء
وليد غريب حابر هذا مره يكون طيب وحنوون ومره يطلع شرس وهادي وبارد
طلعو ورجعو للقصر اما بسام كان قدام العنايه انتبه لكوب القهوه اللي انمد له : خذ
بسام ابتسم : مشكور
جابر : على وش ماسويت شي
بسام : كل هذا وماسويت شي
جابر اقول له : بسام
بسام شرب من القهوه : همم
جابر : سعود وفهد جاو اليوم
بسام التفت بصدمه : جاو هنا ؟!
جابر تغيرت ملامحه للهدوء : اي جاو هنا
بسام بستغراب : ماجاو
جابر : انا رفضت
بسام حط يده على كتف جابر : اسمع ياجابر مهما صار تقبل فكره ان حنان تحب سعود
جابر مارد عليه
بسام : صح ماكنت متقبل بالبدايه بس شفت اهتمامه وخوفه عليها حتى لما قلنا له ماتركها بالعكس تعلق فيها وطلب يدها مني انا تقبلت هالشي ومشاري تقبل وجوده يا جابر او رح تواجه صعوبه من جهتها
جابر مارد عليه وظل ساكت
بالرياض
نواف : ياعيال تتوقعون وش صار عليهم
خالد : ادعو له يقوم بالسلامه وبس
راشد اخذ نفس : حرام والله اللي يصير فيه
عامر يشرب العصير : لو انه هنا تهاوش معكم تدرون
نواف عطاه نظره
خالد : ليتك تسكت بس
عامر قام منهم وطلع يطقطق على جواله
بالقصر بدمام
مشاري لفهد : عرفت علشان كذا انا قلت لكم اي شي يقوله جابر لاتعارضونه
فهد : بس مو حل هذا
مشاري : انا وبسام اي احد يتعرض لها لو حتى رفضنا طلب لها يوقف بوجهنا بس مدري هو ليه مو متقبل سعود
فهد انتبه لسعود ووليد اللي جالسين بعيد وماتكلم
مشاري : بس ماتقول لي كيف عرفت انها بنت
فهد ابتسم : وليد مو اشطر مني عرفتها من قدمت الوظيفه بس تغاضيت عن هالشي
مشاري بتفهم : اهاا
فهد : يب قم نروح لهم لايقتل نفسه هذا
مشاري ضحك وتوجهو لسعود ووليد اللي جالسين بهدوء
مشاري : تتعشون ياشباب ؟!
سعود رفع راسه بياس : مشاري تكفى كلم بسام تطمن عليها
مشاري : توني متصل مافي شي جديد
تنهد وسند راسه
فهد : قم ارتاح لك يومين مانمت
مشاري ووليد بصدمه : يومين
سعود بعدم اهتمام : مايهم السهر كثر يهم تقوم بالسلامه
مشاري بحزم : قم قم نام مارح يصير شي لو نمت شوي وصحيت
سعود تنهد وقام توجه للغرفه مع مشاري : ارتاح جد ووعد اكلم بسام يخليك تروح تشوفها
سعود ابتسم ودخل رمى نفسه على السرير بيأس وخوف بتروح منه لا بيقدر يلحقها بدت الافكار تروح وتجي لما نام مر يوم كامل كان مشاري وفهد بالصاله جالسين انفتح الباب دخل بتعب التفت لهم وتوجه لغرفته طلال طلع من المطبخ شافه يروح لغرفته التفت لمشاري بمعنى وش فيه مشاري هز راسه بمعنى مدري
اخذ كوب القهوه وراح لغرفته دق الباب مارد فتح الباب لابس شورت لنص الفخذ وكان بينام
طلال تقدم من عنده قاطع طلال : اطلع برا
طلال جلس على السرير : مارح اطلع
قرب منه يبي ياخذ القهوه وبعد الكوب : مافيه تعال هنا
اشر بجنبه بالسرير جابر بعيون بارده ماسمع كلامه ودخل يتروش بعد ١٠ دقايق طلع طلال لسه موجود جابر بصبر : طلال اطلع
طلال اشر بجنبه : مارح اطلع تعال اول بكلمك
راح جابر بستسلام يعرف طلال مارح يتركه لاي سبب جلس على السرير وحط راسه على فخذ طلال طلال ابتسم وباس راسه : تحب تتعب نفسك
جابر مارد عليه غمض عيونه بتعب سكت طلال واكتفى انه يحرك شعره بس بعد مرور فتره حس بنتظام صوت تنفسه غطاه وراح للصاله
مشاري حرك راسه بمعنى وش صار طلال عطاه نظره وراح لغرفه سعود : هذا ماصحى للحين
فهد بتسرع : خله ينام
طلال مارد عليه وفتح الباب شافه جالس وساند راسه على السرير عيونه مليانه دموع تكلم طلال : لك ١٠ دقايق البس والحقني
سعود التفت بنظره فارغه : وين
طلال وهو طالع : بنتظرك ١٠ دقايق اذا ماجيت بروح ترا
سعود قام بملل ودخل للحمام غسل وجهه لبس وطلع وراء طلال
فهد : وين ؟!
سعود لف عليه ومارد طلع مشاري التفت لفهد ووليد طلع من غرفته : شفيكم
مشاري : مدري عايش في بيت مجانين انا
فهد رفسه : استح على وجهك وش شايفنا قدامك
ركب السياره ساكتين طول الطريق
طلال بتفسير : ترا جابر مو من النوع القاسي بس عند حنان يوقف بوجهه الدنيا حتى بسام تهاوش معه بفتره وخذاها عنده فا لاتشيل عليه
سعود مارد فتره : وين ماخذني
طلال : ماتبي تشوفها ؟!
سعود بلهفه : والله ؟!
تذكر جابر وتغيرت ملامحه للهدوء  طلال لاحظ هالشي : ترا جابر بالبيت
سعود مارد على كلام طلال
وصلو للمستشفى انتبهو لبسام اللي جالس يدخن نزلو مشو بتجاهه مانتبه لهم الا لما قرب منه طلال وحرك شعره : شفيه الحلو
بسام رفع راسه وابتسم انتبه لسعود وقف ومد يده : ياهلا والله يا سعود
سعود : هلابك والله اخبارك
بسام : بخير انا اسف على اللي سواه جابر ماكنت ادري ترا
سعود : ولايهمك ماصار شي
بسام : تعال ياطلال
سعود بحرج : مارح تدخل
بسام : رح انت شفها
سعود ابتسم حس ان بسام يبي يعطيه مجال يكون بروحه بعد ماراح
بسام : وين جابر اجل
طلال جلس بجنبه: نايم واستغليت الوضع
بسام : غريبه انت تسوي كذا توقعت جابر يكون الهادي
طلال : لا لان من كلام مشاري واضح اهتمامه وحبه لها فا علشان كذا ماتكلمت ولا قلت شي
بسام : اها زيين عسى يروق بس
طلال : غصب يروق واذا ماروق اروقه لك ولايهمك
بسام ضحك  : تمام تمام
نروح عند سعود اول ماشاف الاجهزه حولها انقبض قلبه حس بالضعف مايقدر يسوي شي وده يدخل لها مرت السستر من وراه : تبغى تدخل فيه اجراءات لازم تتبعها
سعود التفت : جد اقدر ادخل
السستر : اي تقدر
سعود : تمام وش اسوي ؟! علشان ادخل
السستر : تعال معي
عطته لبس واقي و كمامه : فيك تدخل ١٠ دقايق بس
سعود : تمام
دخل برجفه جلس بجنبها وسند راسه للسرير : ليش تسوين كذا فيني تبين تتركيني ؟! تكفين ارجعي واوعدك ما اقول لك  شي ثاني مره ولا اضايقك بشي انا احبك واا ابي اتركك لاي سبب حبيتك من اول ماشفتك كنت شخص اناني ومغرور انتي غيرتيني كيف استمر بحياتي بدونك او اني اشوفك كل يوم
تنهد ومسك يدها وحس بان يدها تشد على يده ابتسم وبفرح : تتحرك
دخلت السستر اللي كانت واقفه برا وشافت الاشعارات ابتسمت : فيك تطلع لان الدكتور بيجي يشخصها
بسام وطلال اللي كانو توهم جايين عقد حواجبه وراح يركض لسعود : وش صاير
سعود : ان شاء الله خير
بسام ابتسم : يارب
سكرو الستاره عليهم
بسام حاول يدخل بس منعوه بعد ربع ساعه طلع الدكتور : الحمدلله على سلامتها
بسام بفرح دموعه تنزل : والله يادكتور
الدكتور ابتسم وربت على كتف بسام : فيك تشوفها بننقلها لغرفه عاديه
بسام دخل بفرح شافها منسدحه مغمضه عيونها : حنان
حنان ابتسمت وفتحت يدها مسكها وجلس بجبنها باس يدها : الحمدلله على سلامتك
حنان ابتسمت وبتعب  : الله يسلمك كم لي هنا
بسام : ٤ ايام
حنان حاولت تقوم رجعها : اششش توك مابعد تشافيتي كامل خليك ارتاحي
حنان شدت على يده وغمضت عيونها بعد مده جات السستر وخذوها لغرفه ثانيه
دق الباب
حنان بتعب: ادخل
دخل بتردد ومعاه بوكيه الورد ابتمست لما شافته : الحمدلله على سلامتك
باس راسها وحط الورد حنان : الله يسلمك
سعود مسح على شعرها : كيفك الحين ؟!
حنان : الحمدلله احسن متى جيت
سعود : قبل ٤ ايام
حنان بخيبه امل : اسفه
سعود : ليش تتاسفين ؟'
حنان : مارديت عليك وخليتك تجي وتتعنى
سعود حط يده على فمها : اشش اذا ماتعنيت لك من اتعنى له
مسك يدها وباسها : ارتاحي الحين
طلع وحصل بسام وطلال
طلال : نرجع نبشرهم
سعود اومئ بالايجاب رجعو للبيت شافوهم جالسين بالحديقه معاهم اكواب شاي
وليد : وين رحتو
مشاري : طلعات وجيات وطولتو ترا
طلال التفت لسعود : هاتو البشاره
مشاري : وش عندك بعد تقول ترقيت او من خرابيطك فهد اللي كانت عينه على سعود وبصدمه وقف  : لاتقولها
طلال ومشاري ووليد انفجعو من صرخته
مشاري : وجع ماتعرف ماتصارخ
فهد بفرح: صحت ؟!
طلال هز راسه بالايجاب ركض له مشاري وضمه بقوه طاح على ظهره : اخخخ بشويش
مشاري عيونه مليانه دموع باس خد طلال : الله يبشرك بالخير
طلال : بروح ابشر جابر
جلسو وبدا يحكي لهم سعود قررو مايروحون الا لما يعطيهم بسام الكلمه يجون
طلال راح لغرفة جابر دخل يشويش جلس بجنبه حركه : جابر جابر اصحى بكلمك
جابر اللي كان نص نايم ونص صاحي : همم
طلال : جابر قم اخلص بكلمك
جابر اللي بدا يصحصح : يعني تنومني غصب وتصحيني غصب وش فيك
طلال : صحت
جابر ناظره ببرود : اي صحيت
طلال : لااااا اقصد حنان صحت
جابر ناظره فتره : طلال مو وقت مزحك
طلال  ضمه بقوه : والله ما اكذب صحت
جابر بعد طلال عنه ولبس ثوبه طلع للسياره وقف طلال بوجهه: نايمه الحين مارح تصحى الا متاخر ارجع
جابر : بعد ياطلال بروح لها
طلال بستسلام : طيب بروح معك
توجهو للمستشفى شاف بسام اللي يتكلم مع الدكتور قرب منه وابتسم انتبه للغرفه ودق الباب مالقى رد دخل شافها منسدحه ومغمضه عيونها
طلال بهمس : لاتزعجها خلها تنام
جابر ابتسم له طلع وقرب منها باس راسها جلس بالكرسي بجنبها : الحمدلله يارب .. ماكنت متخيل كيف رح نخسرك كيف رح تروحين مني
حنان : مارح اتركك كم مره اقول لك
جابر بصدمه : صاحيه
حنان : اي
جابر ضمها تاوهت بالم : اخخ بشويش جروحي للحين ماطابت
بعد اسبوعين
سعود : يشرفني اتقدم واخطب بنتك حنان
بسام ابتسم : ولنا الشرف بس لازم ناخذ رايها
فهد غمز له : فيها راي هذي ؟!
بسام ضحك والتفت لجابر وطلال ومشاري : هاه وش قلتو
جابر : بشرط لو زعلت منه يويله والله ما ارجعها له
سعود : ابشر لاتوصي حريص
بعد يومين
بسام ابتسم وتوجه لها : اخذي وقعي
حنان بحياء خذت الدفتر ووقعت وهنا بدت حياه جديده لابطال روايتنا

اتمنى استمتعتو فيها واكيد رايكم يهمني رح اكمل روايه تبادل ادوار واتمنى تفاعلكم مايقل 🥺❤️ مثل مادعمتوني بهالروايه تدعموني بروايات الجايه ان شاء الله  طبعا رح يكون فيه بارتات اضافيه بس رح تكون بعدين