لماذا القدر يجعلني هنا ⭐️ (مكتمله )

البارت ٣٧

وليد : يالله عاد للنوم
سمعت جوالها راحت تركض تعثرت وطاحت على وجهها قامت انفها يصب دم كل هذا وهو واقف مصدوم راح بجهتها ومعاه منديل : مجنونه انتي تركضين
حنان مسكت المنديل من يده وراحت لجوالها مو هامها هواشه ردت على طول : الو
بسام كان منسدح : مافيه ياهلا ولا اشتقت لك
وليد سمع لان صوت طويل : وقتك انت ؟! تتغزل توه طاح على وجهه
بسام جلس : ايش كيف طحتي ؟!
حنان تلتفت لوليد وتسمع بسام شكت بالوضع : وش بينك وبينه هاه
وليد ضرب راسها : كل تبن وقتك تحقق
حنان بالم : بسسسام من حطيته وهو يضرب رايح جاي ترا
بسام : حطي سبيكر
وليد : مالي دخل ترا لاتهاوش
بسام : انا اوريك بكرا
وليد بتافف : لحول جينا للاب عاد وش يفكنا
بسام بجديه : وليد اسمع
وليد فهم من النبره انه فيه كلام جدي بعدها : هلا
بسام : سكر الباب عدل والشرفه ترا خلقه هي تمرض بسرعه
وليد : ان شاء الله
بسام :يالله قفلي السبيكر خليني اعطيك هديتك كل ليله وانام
حنان بنزعاج : تووو ابي اسولف معك
بسام بامر : مافي تاخرت الساعه يالله بابا حبيبتي
حنان بطفوليه : يالللبى بابا
بسام ضحك وليد : الله يرزقنا من البابا شوي
بسام : قل اعوذ برب الفلق
وليد : ماقلنا شي يالله
قفلت السبيكر : همم
بسام باسها طبعا بالجوال : تصبحين على خير بابا
حنان : وانت من اهله يارب
سكرت ودخلت تاخذ لها شور طلعت لابسه ثوب طبعا فيه رسمه ميني ماوس طويل طلعت تشوف وليد ضحك عليها
وليد : وش هذا لو يشوفك بسام ينحرك
حنان بعدم اهتمام : اسمع يويلك تفتح باب الغرفه لاي سبب زين اذا جاء بسام هو اللي يفتح الغرفه بس
وليد تنهد بستسلام : طيب
حنان ضحكت عليه وراحت للغرفه نامو الابطال كلهم بالصباح الفجر تحديدا صحى بسام وصحى مشاري معه طلعو من الفندق بعد ماكمل اجراءات الخروج يبي يروح قبل يشوفهم نفس الشخص
دخل الشقه شاف وليد نايم بالكنب والباب مكتوب عليه ورقه : بس بسام غيره لايدخل ضحك ودخل للغرفه ماشافها انصدم دورها شاف الدريشه مفتوحه وش صاير سمع صوت باب الحمام تنهد برتياح
حنان طلعت وشافته بوجهها كان فيها النوم وماستوعبت وجوده الرؤيه عندها مشوشه  : شتسوي هنا ؟!
بسام : مجنونه قسم ماكذبت
حنان مسكت يده وجلسته على السرير ركبت بالسرير حطت راسها على رجله وغطت نفسها : اشش خلني اكمل نومي
حط يده على راسها ولعب بشعرها مر الوقت سريع وجاء وقت طيراتهم باس راسها وبوداع : ان شاء الله برع بعد فتره
حنان اللي عيونها امتلت دموع : لاتطول تكفى
بسام ابتسم مايهون عليه يشوف دموعها : ان شاء الله وانتي لاعاد تبكين
حنان هزت راسها بالايجاب وركبو طيارتهم راجعين للرياض بالطياره جاتهم المضيفه انعجبت ب فهد بس فهد هو اللي كان بجنب حنان وهي حاطه راسها عليه ونايمه
المضيفه بالانقلش طبعا بس بكتب بالعربي : سيدي هل تود اي خدمه
فهد : لا شكرا لك
المضيفه : هل انت متاكد
فهد ابتسم بتسليك : نعم  انا بخير اذا احتجت شي فسوف اطلبه
راشد نغزه من جنب : يالثور معجبه فيك
فهد : شسوي يعني تبي اخذها بالاحضان
نواف ضحك : تعال وهو صادق
راشد : ماقول الا مالت عليكم
وليد وعامر كانو من الجهه اللي بجنب فهد وحنان
وليد : فهد بالله حرك رائد شوي
فهد استغرب الطلب : ليه
وليد : علشان اشوف اذا السكر منخفض او لا
فهد هزها تحركت بنزعاج تمسكت بيد فهد وهي للحين حاطه راسها على كتفه : هم بسام خلني شوي
فهد ضحك بخفيف : عطاك الجواب
بعد مرور الوقت سريع وصلو المطار بسلام سعود اللي كان واقف ينتظرهم مو مصدق متى تجي باسرع وقت يبي يشوفها انتبه لهم وهم جايين لوح لهم من بعيد
حنان اللي كان فيها النوم تاخرت ووليد معها
نرجع قبل شوي اول ماوصلت الطياره
فهد يحرك رقبته بالم : ياوليد تعال ابيك
وليد قرب منه : وت ؟!
فهد : خذ ذا وانتبه له لما نطلع مالي خلق اجره لبرا
وليد ضحك على كلام فهد ومسكها معه
سعود عقد حواجبه لما شافهم وماشافها لا ووليد مو معهم : وين رائد ووليد ؟!
فهد عطاه نظره : الناس يسلمون يقولون الحمدلله على السلامه وانت تسال عن رائد ووليد
سعود ضحك وسلم عليهم
فهد : وينهم تاخرو
نواف يتثاوب : شكله نام بالطريق
شافهم طلعو متوجهين لهم وقفت قدامهم فتره وليد سلم على سعود وضحك عليها للحين واقفه
سعود رفع حاجبه : ماودك تسلم ؟!
حنان اللي كانت مغمضه عيونها : همم
سعود بصرخه : رائد
حنان حركة شعرها بنزعاج : استغفر الله رجعوني دبي ياخي جبتوني عند الانسان المزعج
سعوود شهق : بسوي نفسي ماسمعت زين
حنان طلعت لسانها وقربت تسلم عليه مد يده وسحبها له ضمها فتره وتركها
عامر معاه منديل مثل انه متاثر باقي العيال ضحكو عليه وعلى تصرفه توجهو للسيارتين اللي وحده منهم لسعود ووحده بالمطار اصلا بطريق الرجعه
سعود : انبسطت ؟!
حنان التفت له : اكيد بنبسط مسافر ولا انبسط ليه
سعود ضحك : للحين مالك خلق وفيك النوم
حنان سندت راسها بالم : اشش خلني بنام شوي
سعود صرخ : هيييه رائد
حنان : وش لاتصارخ ياخي والله راسي يالمني
سعود : اسف خلاص ريح نفسك
انتبهت لجوالها يدق : هلا
وليد : شقتك ولا بيت سعود ؟!
حنان عقدت حواجبها : اكيد شقتي ليه
وليد : اتاكد قفلي الباب عدل عليك تمام مارح اكون معك ولا مشاري حولك
حنان بستسلام : طيب طيب
سعود : من ؟!
حنان : وليد  يشوف اذا برجع الشقه او لا
سعود سكت بس كان غيران مرره وماسك اعصابه : طيب
حنان حطت يدها على كتفه : ماله داعي تعصب ترا ريلاكس مافي شي لايشطح تفكيرك
سعود ضحك : كيف عرفت
حنان : اعرفك
سعود وصل للشقه بعد ماكان يتمنى تبعد اكثر واكثر نزلت ونزل اشيائها معه
دخل الشقه وحط اغراضها : بروح الحين اذا احتجت شي على طول كلمني زين
حنان : تمام
قرب منها سعود وباس راسها : انا اسف
حنان استغربت بس ابتسمت
سعود :. انتبه لنفسك زين
حنان : ان شاء الله
طلع وسكرت الباب وراه على طول راحت تركض لغرفتها ورمت نفسها على السرير بستسلام بس حست برجفه خفيفه خلتها تقوم وتتوجه للمطبخ ماكان فيه شي سريع الا اندومي سوت لها واحد وبدت تاكل غسلت كل شي وراحت تنام باليوم الثاني الصباح صحت على صوت الجرس راحت وشافت انه سعود فتحت بنزعاج
حنان سندت نفسها على الباب : وت !؟
سعود بعدها ومشى : وبعدين انت وهالنوم؟!
حنان : وش ياخي خلني انام
سعود عقد حواجبه : وش دخلللك حتى في احلامك بجيك
حنان تاففت ودخلت
سعود : يالله بدل وتعال خل نفطر
حنان حطت يدها على كتفه : اسمع فيني نوم بنام ولما تجي ١١صحني زين
سعود بخيبه امل يبي يجلس معها اكثر : حرام عليك ٣ ايام ماشفتك
حنان تثاوبت وراحت لغرفتها : مو ذنبي
سعود : طيب بس ١١ تقوم يويلك ماتقوم
جلس طفشان مايدري وش يسوي راح للمطبخ تذكر انهم مسافرين فتح الثلاجه فاضيه قرر يطلع ويجيب لهم كم شي خلص ورجع ١٢ حصلها نايمه للحين
سعود حركها ماتحركت ولا ابدت ردت فعل خاف هزها بقوه ماتحركت راح جاب سكر بيده ودخله فمها دخل اصبعه بفمها وبدا يحرك السكر يمكن تصحى بدت تستوعب اللي حولها بس للحين مصدع راسها طلع اصبعه انحرجت وبعدت منه حطت يدها على فمها وبحرج: شتسوي
سعود تنهد براحه : الله ياخذك زين من متى ماكل
حنان : قبل انام وش فيه
سعود : بغيت تموت وتقول لي قبل انام
حنان فتحت فمها بصدمه : هااه
سعود : هاه اجل هاه والله تعيدها تحمل اللي بيجيك
حنان قامت : طيب خلاص اسفين
سعود وقف بيطلع : تروش وتعال علشان احط لك الاكل
حنان : طيب سكر الباب وراك
سعود رمى عليها المنديل  : كل تبن اوامر بس هذا اللي شاطر فيه
دخلت تروشت وطلعت لبست جنز وبلوڤر اصفر كانت بردانه نشفت شعرها وشافت الاكل بالطاوله شكله يشهي : واوو ايش الفن هذا ياسعود
سعود : اعلمك اني طباخ