لماذا القدر يجعلني هنا ⭐️ (مكتمله )

البارت ٢٤

وليد كان بروحه بسيارته اتصل بفهد : اسمع برجع البيت اجيب العود واجي تمام
فهد بفرح : جبتها والله تمام بننتظرك عندك الموقع تعال عليه
وليد : تمام
وصلو حنان دخلت لغرفتها دخل وراها بسام
بسام : وش فيك ؟!
حنان ناظرته : ببدل
بسام : لا شكلك حلو خليك كذا
حنان شافت نفسها بالمرايه : طيب
رجعت سمعو الجرس راح مشاري يفتح
دخلو كلهم
بسام : ياهلا والله
الكل : هلابك
بسام التفت شاف مشاري يسولف مع سعود ضحك : امدى انت وياه
فهد : ماتعرفنا على الاخ
مشاري ابتسم وتوجه لهم يسلم عليه : انا مشاري المسووؤل عن
بسام قاطعه : فيك تقول اللي يمسك اشغالي كامله وبنفس الوقت صديق الطفوله
حنان شافتهم كلهم : وين وليد ؟!
فهد : راح لبيته بيجيب العود ويجي
حنان باعجاب : اوووه اليوم السهره مولعه
سمعت صوت جوالها ركضت للغرفه
حنان : هلا وليد
وليد واقف عند العماره : عادي تنزلين
حنان استغربت : فيك شي؟!
وليد : لا مافي بتجين ولا اجي ؟!
حنان بستعجال لبست جزمتها : لا جايه جايه دقيقه
وليد : بنتظرك
حنان وهي تسكر جوالها طلعت من الغرفه بعجله انتبه لها بسام
بسام راح وراها : وين ؟!
حنان : دقيقه بجي بقول لك بعدين
بسام استغرب : طيب خلي احد يروح معك
حنان : لا لا مايحتاج وليد يقول تعالي شيلي معي
بسام : اها طيب يالله لاتتاخرون
حنان قربت منه باست خده : ان شاء الله ياحبي
سعود كان واقف وانتبه لهم حس بضيق بس مابين التفت بسام لما شاف علامات الضيق عليه قرب منه وضرب كتفه
بسام : انا بمثابة ابوها لا اكثر ولا اقل
سعود بتصريف : وو ليش تقول لي مايحتاج تقول
بسام ضحك : ماشوف النظرات
سعود حس بحرج : واضح
بسام : اي واضح يالله تعال نجلس
سعود : وين راح رائد
بسام : راح ارسلته لسياره يجيب لي كم شي
سعود : اوك
نزلت سريع سريع وكان يشوفها تعثرت بالدرج طاحت بقوه من ٣ درجات على الشارع انتبه لها ونزل ركض
وليد بخوف : فيك شي صار لك شي ؟!
حنان كانت تتالم ومغمضه عيونها فجائه ضحكت وليد استغرب : صاحيه انتي توك طايحه وتضحكين
حنان مسكت يده : مافي شي بس الحماس الزايد هذي نتايجه
وليد تنهد : اعقلي يابنت
حنان مسكت يده تسند نفسها عليه مشت للسياره ركبها وركب ناظرها بجمود وهي نفس الشي بدو يضحكون
حنان تمسح دموعها : ورببي زين مافي احد ولا جاء بسام كان سوا لي سالفه
وليد اخذ نفس : من جد كان يذبحني
حنان تالمت وشافت يدها متجرحه انتبه لها وليد رفعت راسها : لاتحاتي بنروح فوق بعد شوي وبحط لزقه
وليد : طيب ماشي
حنان استغربت : وين بنروح ؟!
وليد : ابي افر شوي
حنان : وليد بالله منزلني علشان نفرفر
وليد سكت شوي : والله تبين الصراحه مو علشان نفرفر
حنان : اجل علشان ايش ؟!
وليد : ابي اتطمن اذا انتي بتروحين معنا او لا
حنان : تقصد للرحله
وليد : اي
حنان : اي بروح بس بسام عنده شروط
وليد استغرب : بسام عنده شروط ؟!
حنان تنهدت : اي الحين بسام صار الوصي علي من بعد امي طبعا فا وافق اني اروح بس بشرطين
وليد : واللي هم ؟!
حنان : ياخذ لي غرفه لحال مع شخص والشخص هذا يا يكون مشاري او هو
وليد استغرب : من مشاري ؟!
حنان : اي صح انت ماتعرفه هذا المسوؤل عن كللللل شي يمتلكه بسام يعني فيك تقول نفس فهد
وليد : متى ذا ؟!
حنان : لما استلمت الشقه اتوقع امس او قبله بس شكله يعرفني من كنت بزر واضح من كلام بسام حتى ما استبعد انه يعرف اني بنت
وليد : تتوقعين ؟!
حنان : الا متاكده
سكتو فتره
وليد : يالله نروح ماني مستعد محاضره بسببك
حنان : يحصل لك بس محاضره بسببي
وقف السياره ونزلو
وصلو للشقه دق جوالها طلعته معاذ
حنان : هلا معاذ تمام جايك الحين
وليد : وش فيه ؟!
حنان : اسبقني بروح اجيب معاذ واجي
وليد : تمام
راح للشقه دق الباب مشاري كان يمشي واستقبله
مشاري ببتسامه : ياهلا والله
وليد : هلا فيك
مشاري : اكيد انت وليد
وليد دخل وسلم : اي انا
مشاري : حياكك بس وين رائد ما اشوفه معك
وليد : جاء خويه وراح يجيبه لانه مايدل الشقه
مشاري : اها طيب تفضل
دخل وليد وشافهم كلهم جالسين سوا التفتتو له وقام بسام سلم عليه
بسام : ياهلا والله
وليد : هلا فيك
بسام : اجل وين رائد
وليد : راح يجيب خويه يقول
بسام تذكر انها قالت له بالسياره : اها يالله حياك
سعود كان واقف على الشرفه من الجهه الثانيه ويشوف الرياض من فوق لانهم كانو بالدور ٣٠
بسام تسند على الجدار : ايش تفكر فيه
سعود التفت له  : ولاشي بس كذا
بسام : اجل يالله تعال رائد جاء مع خويه اتوقع تعرفه بما انك معه دايم
سعود انحرج : لا والله ماصادفته كان يتكلم عنه بس ماصادفته
بسام مسك كتفه : اجل يالله تعال نشوفه
دخلو سعود شافها رايحه للمطبخ بعد ماسلم على معاذ راح وراها
سعود: كانك صاير تتغلى علي ولا ؟!
حنان ابتسمت : لا اتغلى ولا شي هذاني عندك
سعود تنهد : واضضح
حنان : تعال يالله نتعشاء
جلسو يتعشون وبعد العشاء راحت هي وسعود وراشد يغسلون وينظفون العفسه الباقي كان جالس
بسام التفت لفهد : تعال معي شوي
فهد هز راسه بالايجاب وتوجه وراه
مشاري كان جالس بالشرفه يدخن دخل عليه بسام وفهد ارتبك ورمى الزقاره على طول استغرب فهد
بسام : حياك
جلس فهد : يحييك
بسام : ايوه نرجع لموضوعنا الجدي
فهد : عسى خير
بسام : لا كل خير ان شاء الله بس بالنسبه لرحلتكم
فهد اها فهمت الحين : اي شفيها
بسام بتفكير : انا الوصي حاليا على رائد فا اذا تسمح لي اتصرف بها السفره يعني شوي بخصوص رائد لاني قلت له يايوافق على شروطي يا مارح يسافر
فهد : تامر من حقك
بسام : هي شيين مشاري رح يروح معاه كمسؤول عن كل شي يخصه
فهد : شي سهل وغيره
بسام : كيف نظام الغرف عندكم ؟! يعني لو بتروحون
فهد : كل ٢ بغرفه
بسام : حلوو يعني يكون مشاري وهو بنفس الغرفه
فهد : تمام غيره
بسام ابتسم : ابد سلامتك
فهد : الله يسلمك
سكتو فتره قطعه فهد بسواله
فهد : عادي اسال سوال ؟!
بسام : امر
فهد بحرج : ليش مشاري اول ماجينا طفى الزقاره
بسام ابتسم والتفت لمشاري : لانه يعرف اني ما اطيق ريحته
فهد : اها يعني افهم من كذا انك ماتدخن
بسام : لا ادخن بس نادددر يعني اذا شفتني ادخن هذا شي كبير صاير لي
فهد : اووه فهمت عليك
بسام التفت يشوف اللي داخل شافهم يلعبون ورق : اقول شرايكم نطلع كشته بما ان الجو حلو وهادي والصباح براد
فهد : ابد ماعندي مانع
مشاري كان طول هالوقت صامت قاطعهم : ليش مانروح الحين ؟!
بسام استغرب : الحين ؟! يمدي
مشاري : الساعه الحين ٢ نروح لما تشرق الشمس ونرجع
فهد بفرح : والله فكره
بسام : اجل خل نقوم نقول لهم اقتراحنا
دخلو عليهم
بسام بصوت عالي : ياشباب انتبهو لي
التفت شاف الكل موجود الا راشد
بسام : وين راشد
راشد جاء من برا : هلا هذاني كان عندي مكالمه
بسام : يالله شرايكم نطلع للبر ونجلس اذا اشرقت الشمس رجعنا
الكل : فكرره ..يالله
معاذ كان بجنب حنان همس لها : بكلم ابوي واجي تمام ابستئذن منه
حنان ابتسمت له : تمام
طلع معاذ واتصل على ابوه ضل فتره بدون رد
الاب : هلا ياولدي
معاذ بتردد : يبه ابي اقول لك شي
الاب انقبض قلبه يكون ولده مسوي نفس فعايله الاوله
* طبعا معاذ كان مع شله فاسده اغلب وقتهم بالسجن فا كان اذا اتصل هالوقت يكون بالسجن علشان كذا الاب خايف *
الاب بنفعال : خلصني شفيك
معاذ : يبه رائد واخوياه اللي صار طبعا اخوياي بيطلعون للبر الحين ويرجعون اذا طلعت الشمس عادي اروح معهم ؟!
الاب تنهد وجلس برتياح كانت الام داخله وانتبهت له : الله ياخذك من ولد طيب
معاذ خاف : شفيك يبه
الاب : مسوي لي سالفه واخر شي بتطلع للبر
معاذ ضحك : كنت خايف ماتوافق
الاب : لا بالله روح روح معهم وانبسط
معاذ : مشكووور يبه
الاب : العفو يالله انتبه لنفسك عاد
معاذ : ابشر
سكر والتفت شاف سعود جاي
معاذ : بتطلعون الحين
سعود : لا بروح اجيب كم شي من البيت تجي معي ؟!
معاذ : اي عادي اجي
سعود : اجل قول لرائد علشان مايقول وين رحت
معاذ : تمام دقايق
دخل يدورها ماحصلها شاف اللي واقفين تقدم لهم
معاذ : ماشفتو رائد ؟!
وليد : لا راح لغرفته مع بسام اتوقع يبي يكلمه امر فيه شي تبي منه ؟!
معاذ : لا بس كنت بقول له اني بروح مع سعود نجيب اشياء من بيتهم ونجي
وليد بتفكير سعود ياخذه اكيد ناوي له على شي خصوصا انه عرف معاذ صديقها تنهد : طيب لاتتاخرون واذا صار شي اتصل على جوال رائد
معاذ : تمام
تركهم ونزل شاف سعود بالسياره شغلها وديور بالسياره
سعود : كل ذا ليش تاخرت
معاذ : لا بس ماحصلت رائد
سعود بستغراب : وينه ؟!
معاذ : مدري والله
سعود انتبه لها طالعه من البوابه وتناظر يمين ويسار بس مشى وطول الطريق يفكر فيها وصل للبيت نزل اخذ اغراضه بطريق وهم راجعين
سعود : انت تدرس ؟!
معاذ : اي ادرس ٣ سنه الحين بادارة الاعمال
سعود : اووه مشاء الله مو باين عليك ابد
معاذ انحرج : والله السن وشغلته عاد
سعود : ووش ناوي عليه لما تتخرج ؟!
معاذ : والله للحين نتخرج ونشوف
سعود : الله يوفقك
معاذ : وانت ؟!
سعود : شفيني
معاذ :يعني عمرك اتوقع ٢٧ او حولها
سعود : عمري ٢٩
معاذ : العمر كله وايش تخصصت
سعود : محاماه
معاذ باعجاب :اووووه حلو
سمع جواله
سعود : هلا فهد يالله مابقى شي
وصلو لهم
سعود كان كل تفكيره ليه نزلت وايش كانت خايفه منه وقف معهم كانو كلهم واقفين
بسام : يالله
الكل : يالله