لماذا القدر يجعلني هنا ⭐️ (مكتمله )

بارت اضافي ٧

اهليييييين حبيايبي ادري بعد انقطاع طويلبسبب الاختبارات بس الحمدلله خلصنا بس هذا البارت بيبقى البارت الاخير ان شاء الله اتمنى تستمتعو ❤️

بسام بضحكه : مو صاحيه انتي وش مسويه بنفسك
حنان انحرجت ماعرفت وش ترد
طلال بستسلام : ماراحت بعيد وانا اقول جايبه هالجنان من وين
بسام بشهقه : انا ؟!
حنان : بسكم ماتعرف ان طلال دايم يسوي هالحركات يستفزك
بسام : اي تعالي يالله نفطر
حنان : جوووعانه عاد
مشاري : ياصببباح الخير
حنان التفتت وببتسامه : صباح النور
مشاري وقف فتره يناظرها : وش صاير ؟!
حنان : طيب على الاقل سلم وبعدين انصدم
مشاري وهو متوجه للفطور : وعليكم السلام انا جوعان مو فاضي لكم
حنان ابتسمت : طيب يالمشغول انت * بعد فتره هدوء * وين جابر
جابر اللي كان بالمسبح  سمعها : هنا
التفتت وشافته وراها : ياصباح الخير
جابر : صباحي انتي وبس
طلال ضربها على ظهرها بخفيف : امشي امشي جوعانين وانتو طايحين غزل
جابر : غيرران
حنان : تعال افطر معنا
جابر : تمام بجي
جلسو وبدو ياكلون
جابر يناظر في حنان بنظرات
طلال : قول وش له هالنظرات ؟!
جابر التفت عليه بنظره : وش عليك
طلال : اسال نفسك
جابر : وين زوجك انتي ؟!
حنان كملت اكل وماردت عليه
بسام التفت عليه : تدري انها ماترضى عليه
حنان : بدوام عنده ضغط هالايام
جابر لما سمع كلمه دوام حس بشعور مايعرف كيف يوصفه ضيقه تفكير
كمل اكل بهدوء بعد ما انتهو طلع من عندهم متوجه لغرفته وقفه صوت
طلال : جابر
جابر التفت : هلا
طلال : وين ؟
جابر : بروح ابدل علشان الدوام
طلال بخيبه امل : تمام
جابر لازم اقول له اذا ماقلت له مدري وش رح يصير خايف من ردة فعله
نزل من الدرج ووقفه صوته : طلال انتظر
طلال التفت له : هلا
جابر : ابغى اكلمك شوي عادي تجي لغرفتي
طلال صعد بدون ماينطف حرف دخل وجلس بالكرسي سكر جابر الباب
تنهد وقرب من عنده جلس بالكرسي اللي مقابل له
جابر قدم نفسه شوي : طلال مدري كيف اقول لك او كيف ابدا الموضوع معك بس اتمنى ماتقاطعني لاني بقول لك شي بس ما ابغاك تقاطعني لما اخلص كلامي
تنهد طلال وحس بالتوتر من الكلام الجاي هز راسه بالايجاب
جابر استعدل بجلسته وشبك يده ببعض : انا جاني نقل ما ادري ليه او متى او وين رح يكون بس بالبدايه رفضت وماقبل عذري المدير يبغى انتقل للفرع اللي بيرسلني له يقول انهم يحتاجون ناس خبراء مثلي
طلال ماتكلم انتظر يخلص كلامه جابر رفع راسه وبعيونه لمعه اخيرا صارو سوا جابر مايعتبر طلال كصديق كا اب وكاخ له لانهم التقو بفتره توفى فيها ابو جابر وكان منطوي على نفسه ومو معطي احد بال لما سرقه طلال وبسام ومشاري من العالم اللي كان فيه
طلال ابتسم مع انه بداخله صراع مايبي يخرب عليه او يوتره : طيب خلصت ؟!
جابر هز راسه بالايجاب تقدم طلال ومسك يد جابر : لاتحاتي انا معك في اي شي انت بتسويه او رح تروح له هذا شغلك كذا ولا كذا رح تنتقل فا لاتحاتي انا بوقف معك واساندك وماعليك اخلي الاستاذ بسام يعطيني اجازات ماوراه شي علشان نجيك وين ماتكون
جابر نزلت دمعته مسحها طلال : يالله قوم بدل وتعال تحت نسولف واوصلك للدوام
جابر هز راسه بالايجاب
نزل طلال وكل تفكيره بكلام جابر انتبهت له حنان وهو جاي
حنان وقفت وهي ماسكه بطنها : طلال
طلال اللي ماكان معهم ابد  مارد رجعت نادت عليه : طلالل
طلال التفت : هاه وش ؟!
حنان : وين رحت ؟!
طلال ابتسم وقرب منها : عيون طلال امري وش فيك
حنان استغربت تصرفه قربت من عنده وحطت يدها على جبينه : فيك حراره ؟!
طلال بصدمه : تمزززحين يعني اذا تعاملت معك زي الناس مافاد واذا تعاملت زي الناس قلتي فيك شي
حنان ضحكت عليه : خلاص خلاص
طلال : وش فيك طيب ؟!
حنان بتذكر : تروح معي ؟!
طلال بستغراب : وين ؟!
حنان : بروح اشتري لي اشياء ناقصتني
طلال : تمام بروح ابدل علشان اعرفك تحبين تاخذينا معك بكامل اناقتنا
حنان : لا لا تعال عادي شكلك يجنن كذا
طلال مستغرب رجع لها وانتبهو لجابر اللي نازل وواضح انه سرحان يفكر
جابر وقف قدامهم : يالله ؟!
حنان هزت راسها بالايجاب
بسام وقف بجنبهم توه طالع من المسبح : طلال انتبه لها
طلال : بعيوني
طلعو وصلو لدوام جابر
جابر : يلا انتبهو لنفسكم
طلال : متى تطلع ؟!
جابر : برسل لك
طلال بهدوء غير معتاد : تمام
انتظر لما دخل للمستشفى ومشى اما جابر اللي انتبه لهدوء جابر مسك جواله وارسل لحنان : انتبهي له تراه متضايق من سالفه النقل
حنان قرت الرساله وتنهدت التفت لها طلال ورجع نظره لقدام  : وين نروح ؟!
حنان : ابي سينما
طلال اللي كان واقف بالاشاره التف عليها بصدمه : مو من جدددك ؟!
حنان بحرج : الا والله من جدي
طلال : وش صاير سينما
حنان ضحكت: اي وش فيها
طلال ببتسامه : ابد مافيها شي نصير سنما لعيونك بس
حنان : يسلم لي عيونك والله
توجهو للسنما
بالشركه كان بسام بالاجتماع قطع عليه دقت الباب استغرب من الدي بيقاطعه بهذا الاجتماع المهم
سكرتيرة بسام : عذرا استاذ على المقاطعه بس فيه مكالمه مهمه لحضرتك
بسام ابتسم للحضور : اعذروني ثواني
ابتسم لهم وطلع اخذ الجوال منها : تقدرين تروحين
راحت وانتبه للمتصل حنان استغرب وش صاير : هلا حنان فيك شي
حنان كانت تحس بالم بس مثلت ان مافي شي : بسام اسفه قطعت عليك اجتماعك
بسام : لاتتاسفين ياقلبي قولي وش فيك ؟!
حنان : كنت بقول لك عن ميلاد مشاري اليوم
بسام بتذكر :اووووه لاتقولين انه اليوم
حنان بتنهيده : لاتقول حتى انت نسيت
بسام : اي والله راحت من بالي
حنان : ماعليك بتكفل بكل شي بس ابيك تنتبه انكم ماترجعون الا وقت متاخر
بسام : كم يعني ؟!
حنان : يعني تقريبا ١٠ طبعا بتجون البيت ونروح للشاليه
بسام : خلاص تم
حنان : احبك
بسام : وانا بعد اموت فيك
سكر منها ورجع للاجتماع اما عند جابر دخل لغرفه المدير
المدير : اهلن راشد تفضل
جابر استغرب بس انتبه انه فيه احد وراه وبعد منه
راشد ابتسم لجابر وتوجه للمدير : السلام عليكم انا جيت اشوف الاشخاص اللي رح ينتقلون للمستشفى التخصصي