لماذا القدر يجعلني هنا ⭐️ (مكتمله )

البارت ١٦

حنان : والله مدري بفكر وارد لك خبر
راشد : رح عاد معنا يالله والله بننبسط ونغير جو
حنان بتردد : والله ودي بس لازم اسال امي قبل
عامر ببلاهه : ليه كم عمرك علشان تستئذن
وليد قاطعه : شعليك الولد دايم يقول لامه وين بيروح عادي مافيها شي
نواف التفت عليه بستغراب : وانت وش عليك !!
حنان تضايقت من اللي صاير : وبعدين انت وياه خلاص
فهد : يالله قومو شغلكم مو وقت مناقشه الرحله
قامو توجهت لغرفه التبديل طلعت شافته مقابلها ناظرته بستغراب نزل راسه وبحرج
عامر : انا اسف اعذرني على كلامي
حنان ابتسمت : ولايهمك عادي
عامر : منت زعلان
حنان : لا ماقدر ازعل انا
عامر ابتسم : الحمدلله يالله بروح اكمل شغلي
طلع وطلعت وراه بدو دوام جاو ال٣ بنات رفعت يدها علشان يجيها كان موجود حنان ونواف
نواف ناظرها : اقول لك رائد رح لهم شف وش فيه
حنان توجهة لهم : امروني
البنت ١ : امم بغينا نطلب
البنت ٢: نبغى شيز كيك وكوفي بلاك
التفتت للبنت ٣ : وانتي يا انسه
البنت ٣ برتباك : هاه ابغى كابتشينو و كيك فانيلا
حنان ابتسمت : ان شاء الله ثواني
توجهة لداخل المطبخ عطتهم الطلبات ورجعت عند نواف تقدم الطلبات وتاخذ الطلبات انتهى طلبهم وراحت تقدمه لهم
البنت ٢ : امم عادي نسال سوال
حنان بستغراب : امروني
البنت ١بجراءه : انت مرتبط ؟!
حنان ابتسمت : مايسمح لي التكلم بها الامور بوقت الدوام اعذروني
انسحبت منهم بهدوء
البنت ٣ : شفتو يجنننن ياناس
البنت ١: من جد يجنن
البنت ٢: غريب والله هالشخص بس يبقى كيوت
البنت ٣ : بس يابنات تتوقعون لو اروح له بعد الدوام يوافق يكلمني
البنت ١: سمر لاتحلمين كثير بس اقول لك جربي حظك
سمر تنهدت : يابنات احس ان قلبي مو معي له اسبوع غايب والحين لما جاء نحفان وشكله كانه متهاوش ومضروب
البنات ناظرو لها بستغراب نروح عند العيال مر الوقت سريع وانتهى الدوام
سعود : يا رائد بروح اشتري عشاء واجي زين على ماتخلص
حنان : تمام
لما طلع وطلعو الباقي
وليد ابتسم : انا اسف على الصباح
حنان تبغى تهديه ومايفكر : لا عادي ولايهمك
وليد : متاكده
حنان : اي متاكده
وليد : طيب مايحتاج اجلس لان سعود بيجي ياخذك
حنان حمرت خدينها : بكيفك
وليد ضحك على شكلها : كيييوت ياناس مالوم البنات لو حبوك
حنان بستغراب : بنات يحبوني ؟!
وليد : لاتقولي مالاحظتي
حنان : لا والله
وليد تنهد وابتسم : فيه ٣ بنات كانو يناظرونك وطلبو منك
حنان بتفكير : اي اي شفيهم لاتقول هم
وليد : اي هم وحده منهم معجبه فيك شكلها
مشو متوجهبن للباب ركب سيارته لوحة له لما اختفت السياره كانت بتسكر الباب وراها
سمر بتردد: لو سمحت
حنان التفتت وكان الجو بارد : امري
سمر : عادي اكلمك بموضوع ؟!
حنان بستغراب : امري اسمعك
سمر تلفتت يمين ويسار : هنا ؟!
حنان صربت راسها بتذكر : معليش ثواني واجي تمام ببدل وارجع لك
سمر : بنتظرك
رجعت للسياره وقالت للسايق ينتظر دخلت داخل لغرفة التبديل وطلعت قفلت المحل وراها طلعت وشافتها بالسياره وقفت برا السياره
حنان : عطيني العنوان وبجي وراك بتكسي
سمر : لا تعال معي علشان مافي تكاسي بها الوقت
حنان تنهدت لان كلام سمر صح : تمام
ركبت قدام وصلو لمطعم فخم نزلو
حنان تناظر المطعم : رح نتكلم هنا ؟!
سمر : اي هنا
حنان وش هالجراءه بها البنت ضحكت لما تذكرت نفسها واللي تسويه بس انا غير بشكل ولد اما هي تقط نفسها على ولد
مشو بتجاه الطاوله المحجوزه لهم كانت خاصه وسمر حاطه لثمه جلست مقابل حنان وفكت اللثمه ما ابدت ردت فعل
حنان ببتسامه متكلفه : عادي تستعجلين ؟!
سمر بدلع وتوتر : شفيك مستعجل ؟!
حنان : لاني مستعجل جد
سمر : طيب بقول لك
حنان طلعت جوالها وانتبهت انه صامت وسعود يدق عليها اوووف نسيته بيسوي لي سالفه الحين اكيد
حنان ناظرتها : دقييقه
طلعت من الغرفه اللي كانت عباره عن غرف لعوائل واتصلت بسعود
سعود بصرخه : !وينك انت وش هالحركات
حنان برتباك من صوت سعود الطويل : انابقول لك دقيقه انا بمطعم
قاطعها : بمطعم مو قلت لك بجيب اكل رائد انت فيك شي
حنان تنهدت وبقله صبر : اذا ماسكت مارح ارجع والله
سعود ارتبك وتنهد : قول
حنان : فيه بنت جات للكوفي وقالت تبي تكلمني بموضوع ورفضت تتكلم الا اروح معها
سعود بتفكير : ليكون اللي بالكوفي ؟!
حنان بستغراب : كيف عرفت
سعود بستعجال : لا وينك ارسل لي اللوكيشن وبقول لك بعدين
حنان : طيب لوصلت اتصل علي اطلع
سعود : طيب
رجعت لسمر  : معليش طولة
سمر بدلع : لا عادي
حنان : طيب يا بنت ماودك تتكلمين
سمر : امم بصراحه انا معجبه فيك واتمنى تبادلني هالشعور
حنان : ما افكر بالارتباط ولا بالحب
سمر بصدمه من اسلوبها : ايش ؟! حتى بدون تفكير
حنان بستصغار : اي بدون تفكير ليش افكر اصلا ؟!
سمر بقهر : انت الخسران
حنان : اقدر امشي
سمر غيرت نبرتها لدلع وحطت يدها على يد حنان اربتكت حنان ماقدرت تتصرف سمر بدت تقرب منهاودق جوالها خذت نفس وبعدت من حنان
حنان بدت ترجف رجعت لها الذكريات السيئه وخافت الغرفه المغلقه وشخص يقرب منها ماردت انتبهت سمر لحاله حنان وخافت خذت الجوال وردت
سعود بهدوء : وينك ؟!
سمر بخوف على حنان : انت صديقه ؟!
سعود بستغراب : وين رائد وانتي من ؟!
سمر شافت حنان تتكور على نفسها وتكلم نفسها : انا بداخل المطعم
سعود : انا جاي بس اطلعي علشان اعرف وينكم
سمر : طيب
طلعت وانتبهت لسعود اللي توه يدخل راح بتجاهها ودخل للغرفه شاف حنان متكوره على نفسها وتهتز بخوف : بعد عني بعد عني
سعود التفت على سمر : شسويتي فيه ؟!
سمر بخوف : والله ماسويت شي هو كذا فجائه صار كذا
سعود تنهد وراح بتجاهها : رائد رائد تعال معي
حنان ناظرته بخوف بعدها هدت ملامحها ومسكت يده اللي مدها لها
سعود بشر ناظر بسمر : والله لو يصير له شي انتي رح تكوني السبب
سمر خافت مره على حنان وبنفس الوقت من تهديد سعود لها سعود توجه بحنان للسياره وتنهد لما شافها ترجف وتناظر بالدريشه بخوف توجه لبيتها ونزل وراح بتجاهها سندها وراحو للشقه فوق جلسو شوي بدون كلام
حنان بثقل مشت وتعثرت : بروح اخذ دش
سعود بخوف : انتبه
حنان ابتسمت بالم : ان شاء الله
سعود وش فيه مو اول مره يصير معه كذا اكيد فيه شي بطفولته مر فيه وصار كذا تنهد وراح يعدل لها الفراش لانه مايبيها تنام بالغرفه ويصير لها شي طلعت وشافته يفرش الفراش
حنان : وش تسوي
سعود : عادي تنام هنا
اشر على الفراش
حنان : اي عادي
توجهت له وجلست بالفراش جاء من وراها وضمها : لاتخاف يارائد من اليوم انا معك ليش من اليوم من توظفت وانا معك ومارح اتركك ابد
حنان ابتسمت واستسلمت للنوم بحضن سعود
ضمها مايدري ليه قلبه يرتاح بقربها واذا كان مو معها يتضايق لعب بشعرها وبعد ماتاكد انها نامت براحه نزلها على المخده وسند نفسه بجنبها وماحس بنفسه الا وهو نايم