لماذا القدر يجعلني هنا ⭐️ (مكتمله )

البارت ٧

وليد : فهد انا مارح اخلي سعود يعامله كذا
فهد بنظره استاراب : ليه
وليد : وش ليه شايف شكل رائد لما داوم واضح انه تعبان اليوم
فهد : ابعد عن سعود اذا تبي تحافظ على نفسك
وليد : اعتبره تهديد ؟!
فهد : فيك تعتبره كذا
وليد : ماعلي منكم المهم ان الولد مايصير له شي يكفي انه يشيل فوق طاقته
فهد : وش عرفك
وليد ترك فهد ودخل
حنان بعد ماتركها سعود راحت للمحل تكمل شغل
انتبه لها من بعيد تفكيرها مشوش وتبتسم بتكلف توجه لها
وليد مسك كتفها : رائد
حنان التفتت له بخوف وبعدها تنهدت  : هلا
وليد ياقلبي عليك والله : رح داخل بكمل شغلك انا ارتاح شوي باقي لنا وقت على نهاية الدوام
حنان ابتسمت وعيونها مليانه دموع : مشكور مارح يقول فهد شي ؟!
وليد : لا مارح يقول روح داخل
حنان توجهة للداخل
راشد اخذ كوب الماي : امسك انت تعبان ؟!
حنان ابتسمت بتكلف : لا بخير ماعليك
مدري ليش احس بحراره بجسمي مو طبيعيه شربت المويه وخذت نفس
خالد وهو يحط الطبق : رائد اسمع فيه كيس برا عادي تجيبه
حنان جسمي بدا يثقل يارب مايصير شي : اي عادي
توجهة لبرا
خالد : راشد رح لفهد واستئذن له اذا بيبقى كذا مارح يكون بخير وبيتضاعف اللي فيه
راشد التفت لخالد بمعنى مافي فايده
عامر : لو سعود مو هنا كان الامور بخير والولد بخير
فهد : سعود من خوفه على رائد هاوشه ولا هو مفروض مايهاوشه ويكلمه بشويش بس شكل رائد مريض بس ماقال شي
حنان جات شايله الكيس : عامر عادي تساعدني
راح لها وشاله منها وانتبه لخدينها الحمرا : اقول رائد شرايك ترجع ترتاح واضح انك تعبان
حنان :لا مافيني شي بكمل باقي ساعتين وينتهي الدوام
وليد : اجل رح بالاستراحه
حنان بخجل : انا اسف شباب ازعجتكم
وليد وعامر : لاتتاسف
راشد ابتسم وبامر : يالله رح الاستراحه الغرفه الاخيره
حنان : طيب
دخلت توجهة للغرفه اللي كانو يتكلمون عنها حصلت فيها سرير ودولاب فيه علاجات وضمادات واكل خفيف سكرت الدولاب بعد ماخذت حبه بندول
جلست بالسرير بعد ساعه قامت ورجعت للشغل
وليد بهمس : انت بخير
حنان : الحمدلله
وليد : تبيني اوصلك ؟!
حنان : البيت ياليت والله بس انا قلت اني بظل للنهايه
وليد : عامر يقول بيستلم شغلك لليوم
حنان : لااا ليه
وليد لعب بشعرها :لاتحاتي مارح يصير شي لو اخذنا يوم منك وبكرا اجازه
حنان بتنهيده : اي والله الحمدلله اجازه اخيرا
وليد : عندك خطط لبكرا
حنان : بطلع الوالده علشان ايام الدوام ماتطلع وتنتظرني
وليد : اي اهم شي انتبه لنفسك واذا بغيت اي شي ابد لاتتردد ارسل لي تمام
حنان : ان شاء الله
خلصو شغل سعود كان جالس مع فهد
فهد : اسمع انا بروح لما ان الدوام انتهى انت بتروح
سعود : شوي مو الحين
فهد شال اغراضه : لاتتاخر علشان يسكرون المحل
راح جهة المطبخ : هاه شباب خلصتو ؟!
عامر : باقي اشيك وكذا وبطلع انا بستلم التقفيل اليوم
فهد يتلفت انتبه له خالد : فهد تبي شي ؟!
فهد : وين رائد ووليد ؟!
راشد : طلعو وليد بيوصل رائد البيت
فهد عقد حواجبه : فيه شي ؟!
الكل هز راسه بالنفي
فهد : طيب يعطيكم العافيه
الكل :يعافيك
طلع وطلع راشد وخالد بعد مده قام من الطاوله ورتب اشيائه وكان طالع التفت للمطبخ شاف عامر عقد حواجبه وتقدم ناحيته : من باقي ؟!
عامر التفتت : اوه استاذ انت هنا بس انا اللي موجود
سعود : وين الباقي ؟!
عامر يفك المريله : اذا تقصد رائد فا هو رجع البيت
سعود عقد حواجبه : شكرا
طلع بسرعه وحاول يتصل فيها ماترد والجوال مغلق
نروح عند وليد وحنان لما طلعو
حنان : وليد عادي تروح الصيدليه ؟!
وليد : ابشر
بالطريق وقف عند الصيدليه
وليد : تحتاج علاجات شي محدد
حنان ابتسمت وهي تفتح الباب : باخذ لامي علاجات لاتحاتي
وليد : بنتظرك
حنان : طيب
نزلت الصيدليه
الصيدلي : حرارتك مرتفعه مره يبغى لك تروح المستشفى
حنان بترجي : لو سمحت ابغى علاج علشان ما اروح المستشفى
الصيدلي عقد حواجبه وتردد يعطيها او لا : طيب بوصف لك واعطيك بس اوعدني بكرا تمر المستشفى اذا مانزلت
حنان تبغى تخلص بسرعه ولحسن حظها ان الصيدليه قريب من بيتها : وعد
الصيدلي عطاها حبوب خافضه للحراره ومناديل تمص الحراره ومقياس حراره
وليد شاف مطعم بجنب الصيدليه قرر يشتري لها عشاء
ركبت ماشافته الا بالمطعم حاولت تشغل جوالها طافي شحنه تنهدت ورجعته بالشنطه بتفتحه لما تروح البيت
جاء وعطاها الكيس
وليد وهو يشوف السيارات الدي وراه : ماكلت شي من اليوم اكل ذي وشريت لامك
حنان : مشكور يا وليد
وليد : مابينا المهم تكون بخير وترا سعود ماكان يقصد اليوم بتصرفه هو يعرف تصرفات الشباب وانو فيه اشكال مثل كذا وانت مشاء الله صغير وحلو
حنان استغربت : ليه انتو مو صغار ؟!
وليد ضحك : انا عمري٣٢ وراشد ٢٦ نواف ٢٦ عامر ٢٧ خالد ٣٣ فهد ٣٠ سعود ٢٩
حنان فتحت فمها : تمزح صح ؟!
وليد ضحك : لا والله
حنان : وانا كنت اظن بالكثير كلكم ماتتعدو ٢٠ او ٢٥
وليد : لا كبار علشان كذا قلت لك واحيان الشباب اللي بجون يتعرضون لنا بس واضح انك ضعيف معليش على الكلام بس ماتقدر تدافع عن نفسك
حنان : وهذا الصدق
وصلو للبيت
حنان : مشكور
وليد : اذا احتجت شي اتصل علي تمام
حنان : تمام
نزلت ورمت نفسها على الارض وحاولت تقوم بس جسمها تحس بخمول وثقل غمضت عيونها ونامت
صحت على صوت الباب
حنان ببحه : مين ؟!
سعود : افتح هذا انا
حنان فتحت عيونها : سعووود
تمسكت وقامت للحين فيها الثقل فتحت الباب وسندت نفسها على الجدار : هلا سعود
سعود مسك يدها ودخلها وسكر الباب استغربت حركته وانصدمت
حنان بصدمه : وش تسوي
سعود مد يده وغمضت عيونها بعد الشعر عن جبهتها ولمس حرارتها : كل شوي تزيد تعال لغرفتك
حنان : لااا
سعود بستغراب مد يده علشان تستند عليها : طيب تعال هنا
حنان تمسكت بيده وجلست على الارض الفراش اللي كان حاطته : سعود انا اسف
سعود : مو وقته لما تكون بخير نتكلم
حنان : بس انا بخير
بدت تكح انتبه لكيس الصيدليه اللي موجوده توجه للمطبخ جاب كوب مويه وطلع الحبوب والمناديل خافضه الحراره حطها على جبهتها
سعود : انا اللي اسف تصرفت معك كذا بس انت
حنان حطت يدها على فمه : اششش خلاص ماصار شي انسى
سعود : ارتاح انت
حنان بدت تغمض عيونها ابتسمت : سعود
سعود يتامل شكلها كان يشوف ملامح وجهها طفوليه ناعمه انا انعجبت في ولد ؟! ليه يارب ماكان ميولي للشباب بيوم ابد تنهد لما سمعها تناديه  : همم
حنان : انت تحبب ؟!
انصدم من سوالها : اي بس ليش تسال
حنان : لاني احب ومدري كيف افاتح هذا الشخص بحبي له

اهلييين كيفكم عارفه انو البارت قصير اليوم بس اتمنى تعذروني ماصار وقت كثير اكتب واتمنى ماتحرموني من هالتفاعل حبايبي ❤️❤️😴