لماذا القدر يجعلني هنا ⭐️ (مكتمله )

البارت ٤٠

حنان التفتت له : هلااا والله
سعود : لا هلا ولا غلا لاتكلمني
حنان استغربت : وش فييك ؟!
سعود التفت عنها : قلت لاتكلمني
حنان طلعت لسانها : احسن
سعود عطاها نظره وراح وليد التفت على حنان
حنان رفعت كتفها : لاتسالني
سعود بصوت علي : لاتساله لانه مارح يجاوبك ؟!
حنان : على ؟!
وليد ضحك : انت وياه مو طبيعيين اليوم ابد لاتدخلوني بينكم
حنان لحقت سعود : وش عندك ياستاذ
سعود مسك يدها تالمت
حنان بالم : اخخ
سعود عقد حواجبه : مامسكتك بقوه
حنان رفعت كم البلوڤر وانتبه للفه انصدم : اي امس صارت لي اصابه علشان كذا بجلس عند جابر
سعود انا غبي ليه اعامله كذا دايم اسوي اشياء المفروض ما اسويها لييه : اسف
حنان ضربت راسه : لاتقول اسف عادي ماصار شي
سعود انتبه للبالوڤر : كانه كبير عليك
حنان رفعت كتفها : اكيد كبير لانه مو لي
سعود : لمن ؟! لاتقول لجابر بعد
حنان : اي فيه اي اعتراض لاسمح الله
سعود بنرفزه : باقي تقول نمت بحضنه
حنان بهبال : ياللليت بس انه كان مشغول عنده بحوث
سعود مسك يدها ثاني مره وانتبه بعد عنها على طول وبرتباك : اسف اسف
جاءفهد من وراها : رائد انت اجازه لييه جاي ؟!
حنان التفتت له بستغراب : اجازه ؟!
فهد : اي اجازه بسام طلب اجازه الصباح اليوم
حنان بسب : بسام مارح يتركني الا لما اسوي بنفسي شي
فهد : بسم الله عليك لاتقول كذا
سعود : يالله سمعته ارجع للشقه
حنان تفكر : لا ماقدر بداوم دوامي واطلع عاد
سعود بعصبيه : يدك مو بخير وتقول لي بتداوم
حنان التفت له : سعود اتمنى هالشي لاتتدخل فيه
فهد : تمام بس على شرط
حنان : اللي هو ؟!
فهد : لما تتعب تجلس وتترك الشغل
حنان : موافق
سعود تنهد بضيق وراح منهم للطاوله المعتاده دق جوالها استغربت الرقم غريب
حنان : الو
تكلم بثقل : انتي بخير ؟!
حنان عرفت الصوت من البدايه وابتسمت : اي بخير لاتحاتي
جابر : بسام قال لي انه اخذ لك اجازه تبين اجي اخذك
حنان : لا لا ماله داعي
راشد جاء من وراها : الا له
حنان التفتت وضربته : مالك شغل
جابر اللي كان ساند راسه : تمام بس لاتتعبين نفسك كثير  لما ينتهي الدوام رح تشوفيني عند الباب
حنان ابتسمت : انتظرك
سكر منها ورمى نفسه على السرير ودخل بنوم عميق مشى اليوم هادي بالكوفي انتهى شغلهم
راشد : يعطيييكم العافييه من بعد سفر وتغيير جو
فهد بضحكه : احس اننا ماسافرنا
نواف جاء من وراه ونقز على ظهره : احمد ربك سافرت
عامر بتثاوب : والله يا انه فينيي نوووم
سعود : يالله كل واحد على بيته
وليد بهمس : بياخذك نفسه اللي جابك
حنان التفتت عليه وبهمس نفسه : اي واسمه جابر
وليد بخجل : اسف بس ماحفظت اسمه
حنان : ولايهمك
وليد التفتت وشاف سياره رياضيه من احدث الموديلات استغرب : ياعيال ؟! احد منكم ينتظر شخص
حنان التفتت للسياره غريبه بس ذوق بسام ومشاري ليكوون جاو : والله لو ماني متاكده ان بسام ومشاري في لندن كان قلت انهم هم
سعود عقد حواجبه : يالله نطلع خلصنا اشغال اصلا
نزل كان لابس ثوب وشعره لاعب فيه بس كله يجنن توجه للباب انتبهت له وابتسمت وهي تروح له
سعود ووليد عرفوه بس البقيه ماعرفوه تقدم منها وباس راسها : كيف دوامك اليوم
حنان ببتسامه طفوليه : الحمدلله اليوم الدوام حلو وخفيف
جابر التفت للي مستغربين وجوده وبصوت فيه بحه وثقل : معليش اسف انا جابر صاحب بسام ومشاري
بدو يسلمون عليه ويعرفون عن نفسهم
فهد : تشرفنا فيك
جابر : الشرف لي وتحملوني هالفتره بتكون زياراتي كثيره
عامر بفضول كان فيه شي يدور في باله  : تعرف رائد من متى ؟!
جابر : من زمان ليه
عامر حط يده على فمه بتفكير : اسلوبكم  نفس اسلوبه مع بسام
جابر ابتسم : اي لاننا تربينا سوا
نواف : اها
راشد : يالله ياعيال معليش ودنا نجلس نسولف اكثر
جابر : لا عادي حتى انا عندي دوام
سعود بتسرع : ليش ماتخلي رائد معي وانت بالدوام
التفتت له حنان كانها مستغربه جابر اللي عرف ايش يقصد مشاري لما كان يقول له عن اهتمام سعود بحنان
جابر : لا ماله داعي معاي رح اتطمن اكثر عليه
سعود باحباط : تمام
جابر حط يده على كتفها : يالله نروح
نواف بخجل : عادي لو اطلب طلب
جابر التفت له : هلا اطلب
نواف : ابي اركب السياره هذي بس مو اليوم بعدين
جابر : ابشر متى مابغيت
نواف بفرح : شكرررا
حنان رفعت يدها : يالله باييي
الكل : مع السلامه
طلعت معه
جابر لما حرك السياره : جوعانه ؟!
حنان بتصريف : لا لا
جابر مشى شوي ووقف قدام مطعم معجنات : وش تحبين ؟!
حنان بتفكير : جبن ولبنه
جابر : وش تشربين معها ؟!
حنان : عصير اي نوع عادي
جابر : تمام
نزل وفتحت جوالها حصلت اتصال من بسام اتصلت عليه انتظرت شوي
بسام وصوته مليان نوم : هلا
حنان : بتصل بعدين
بسام انتبه وقام: لا دقيقه كيفك الحين ؟!
حنان : الحمدلله احسن الحين
بسام : ماتالمك يدك ؟!
حنان : لا ماتالم
بسام برتياح : الحمدلله وينك الحين
حنان : عند مطعم جابر بيجيب لنا اكل قبل نروح دوامه
بسام بتفهم : اها طيب يالله اجل اخليك الحين
حنان بتردد : بسام
بسام : همم
حنان بغصه : امي كيفها ؟!
بسام اقول لها بس خلاص قد قلت لها عن كل شي : حنان بصراحه فيه شي انا مخبيه عليك ولازم اقول لك اياه
حنان انقبض قلبها بالم وبخوف : بسام وش فيه
بسام بتفكير : بصراحه امك تعبانه مره ومادري متى تصحى
حنان شهقت : بسام لييش ماقالت لي من قبل
بسام بحزن : والله ماقدرت طلبت مني اني ما اقول لك شي ابد
حنان بدت تنزل دموعها حس بالضيق لانها تبكي وهو مو حولها حنان ابتسمت بالم : طيب خلاص انتبه لنفسك جابر جاء بسكر
كانت تكذب على طول اول ماسكرت ارسل لجابر : ترا قلت لها انتبه لها عدل
جابر قراء الرساله وشافها بالسياره حطت الكبوس على راسها وسندت راسها كانت تبكي بشهقات خفيفه خلص وراح للسياره دخل حط الاكل وراء ومشى بتجاه المستشفى وصلو ونزل مشت وراه بهدوء دخل للغرفه حط الاكل على الطاوله : اذا تبين تنامين هناك السرير بروح ابدل واجي بقفل الغرفه لان المستشفى ماصار امان
مشى منها حنان مسكت كمه وجهها ماكان باين لان الكبوس على راسها مغطيه بس واضح فمها عضت على شفايفها بقوه قرب منها مد يده نزل الكبوس مشى يده على شعرها وشدها له بقوه عرف انها تتالم تمسكت بثوبه بدت شهقات خفيفه بعدها علت
جابر بدا يمسح على شعرها ويهديها : اششش خلاص كل شي بيكون  بخير
حنان اكتفت بالصمت وماردت بعدت منه بعد ماهدت جلست على الكرسي جابر : بروح ابدل واجي على طول
طلع وشاف سمر تمشى بتجاه غرفته علشان تاخذ منه الاوامر
جابر بجديه وشخصيته البارده المعتاده : سمر فيك توقفين عند الباب وتمنعين اي احد يدخل للغرفه لما ارجع
سمر هزت راسها بالايجاب وقفت راح يبدل على السريع ورجع شافها تكتب بالدفتر اللي معها قرب منها انتبهت ونزلت الدفتر : استاذ بغيت شي ثاني ؟!
جابر : فيه مرضى !!
سمر : لا مافيه حاليا
جابر : كويس اذا جاء لي طلب ياليت تتصلي لاتجين للمكتب
سمر حست ان حنان موجوده : تمام
تركها ودخل شافها للحين نفس جلستها بدو ياكلون قامت جلست بالكرسي ماتدري وش تسوي بدا يسوي ويصلح التقارير بالاب رفع راسه شافها سانده راسها ونايمه بسلام ابتسم وراح من عندها شالها وحطها على السرير اللي يكون للفحص غطاها ببطانيه كانت عنده للبرد ورجع يكمل شغله دق التلفون : هلا تمام خليه يجي
دخل عليه بكل كبرياء : لنا مده مالتقينا
جابر رفع حاجبه : نعم ؟! وش بغيت
جلس وحرك راسه : لا لا لا ماتوقعت تستقبلني كذا ابد
جابر  تنهد بضيق : ياليت تختصر
طلال : اوف طيب مشتاق لكً
جابر رفع حاجبه : من متى
طلال : من زمان جد جابر ماحن قلبك علي انا اخوك ترا مو عدوك
جابر عصب :  مشاء الله صدق توني ادري انك اخوي * وابتسم بستفزاز * ذكرني المره الجايه احط لك ضيافه والحين فيك تتفضل عندي شغل
طلال  هز راسه بياس : طيب اجل يالله انا بروح  *انبته للي نايم بالسرير بس * ياحظه فيك
وطلع جابر حاول يشغل نفسه ومايفكر كثير
الصباح الساعه ٥ ونص بدت تصحى وانتبهت ان المكتب فاضي غمضت عينها وفتحتها خافت وجلست المستشفى فاضي الممرات فاضيه مافيه الا اهي المستشفى فيه دم بالارض يمكن صاير شي لا لا ما اتوقع بداء الخوف والرجفه تصيطر عليها دخلت للغرفه اللي توصلها اثار الدم لها انصدمت شافت بسام وجابر وسعود كلهم  مصابين وعليهم غطاء للموت شهقت بدت تصرخ
حنان بصرخه : لا لا كذب ياربي كذب
صحت وكان جابر ماسكها ضمته على طول بخوف حط يده بشعرها وضمها له اقوى : اشش حلم حلم خلاص اهدي
حنان تمسكت فيه وبدت تشهق : كلكم ..رحتو مافي احد باقي معي
جابر بعدها عنه : هذا انا هنا وبخير لاتخافين مافيه شي
ضمها له بعد ماهدت خذاها تغسل وجهها وتجلس معه
جابر : اليوم ابنهي الدوام بدري
حنان هزت راسها موافقه
جابر مسك يدها : طول ما انتي معي لاتخافين
حنان باست يده بخجل وعيونها حمرا من الصياح
جابر : يالله قومي
حنان بستغراب ووبحه : وين ؟!
جابر : ماتبين تروحين الشقه
حنان : يالله
عند سعود
سعود : فهد اسمع والله احس ماله داعي يجلس عند جابر
فهد بنزعاج : اقول سعود لك ٣ ساعات مزعجني ليه رائد يجلس عند جابر وليش هو اللي صار مسول عنه ياولد جابر يعرفه من كان بزر لاتزعجني
سعود : انا الغلطان جاي اتكلم لك خلني بكلم وليد يمكن يسمع لي احسن
فهد ضحك : حرام عليك والله بقى احد ما ازعجته بالسالفه هذي ليه ماتسال صاحب الشان
سعود : هو لو انه يرد كان زين
فهد بجديه : سعود لاتضغط عليه كثير يكفي اللي فيه واللي عنده
سعود : مافهمت
فهد : اولا سفر امه ثاني شي الشي اللي مانعرف  عنه ويخافون عليه منه ثالث شي انت ماتعرفه قد ماهم يعرفونه