لماذا القدر يجعلني هنا ⭐️ (مكتمله )

البارت ٢٥

سعود تلفت يدورها ماحصلها : بسام وين رائد
بسام تذكر : اوه صح يقول لك انتظره بيروح معك
سعود : طيب
بسام : طيب اسمع بنطلع احنا ونمر المحطه اللي قبل الثمامه بنوقف فيها ننتظركم زين
سعود : تمام
بسام : فهد عط سيارتك سعود
فهد طلع المفتاح عطاه سعود وراح مع بسام
بسام اللي كان معه فهد ومشاري ومعاذ
سيارة راشد عامر ونواف وخالد
سعود ركب السياره ينتظرها بعد دقايق جات كان وجهها كانها باكيه ركبت
حنان ببحه : سلام
سعود : وعليكم السلام
حنان التفتت تشوفهم : راحو ؟!
سعود : اي راحو
حنان : يالله اجل علشان مانتاخر عليهم
سعود شغل السياره : فيك شي ؟!
حنان خذت المنديل : لا
سعود : متاكد
حنان ابتسمت : اي مافي شي
تنهد وكمل طريقه شاف السيارتين قدامه
حنان : اقول سعود يوم اخذت معاذ عسى ماسويت فيه شي
سعود التفت لها ورجع يناظر الطريق: وش بسوي مثلا
حنان : مدري عنك اي شي ببالي الحين يطري
سعود ضحك: لا لاتخاف مافي شي
حنان : زين الحمدلله
سعود : عادي الحين انا اسالك
حنان : ايش ؟!
سعود : انت الحين وين رحت لما انا طلعت ؟!
حنان تتذكر : وين ماطلعت مكان
سعود : متاكد
حنان : اي متاكد
سعود : طيب براحتك
حنان تنهدت وسندت راسها على الكرسي
سعود : رائد ياخي والله ماقدر اشوفك متضايق ولا اسوي شي
حنان ابتسمت ومسكت يده : يكفي وجودك معي
سعود ابتسم وباس يدها : غريبه راضي علي
حنان وجهها صار احمر من الحرج سحبت يدها : من متى كنت زعلان
سعود بنغزه : مدري عنك ؟!
حنان تنهدت : سعود
سعود : ياعيون سعود  ~حنان سكتت ~ شفيك ؟!
حنان : انت بتسكت وتخليني اتكلم ولا لا ؟!
سعود : خلاص بسكت تكلم
حنان : تدري وش مقلق نومي وتفكيري واللي خلاني انزل وحالتي الحين
سعود اخيرا بتتكلم : ايش ؟!
حنان تنهدت : حلم
سعود : حلم ايش ؟!
حنان بتفكير : بسام وفراس يعرفون الا انا وكل ماتحملت وصحيت بخوف انسى وش الحلم
سعود : طيب وش الحلم
حنان بدت دموعها تنزل : انا لو اعرفه ماكان عانيت كل هالمعاناه ماسالت بسام وفراس والنهايه يصرفوني بكلام عادي
سعود : طيب وش عرفك يمكن جد مايدرون
حنان : اتمنى انهم مايعرفون لان لو كانو يعرفون مارح اسامحهم
سعود : كم لك تتحلم كذا
حنان : هي كل فتره تجيني ولما تجيني بسام يخلينا ننقل بس جات فتره طويله وهو مسافر برا علشان كذا ماقدر يغير بيتنا
سعود تنهد : لاتحاتي ان شاء الله بتعرف كل شي
كملو طريق وكان سيد الوقف الاغاني التفت يشوفها حصلها نايمه استغرب انو نومها كاثر وقفو بالمحطه كلهم
بسام توجه لسعود : وين رائد
سعود كان يفكر وما انتبه لبسام هزه بسام : هلا شفيك ؟!
بسام : اوه مو معي ابد شفيك ؟! ووين رائد
سعود : نايم بالسياره
بسام : نايم شعنده ذا كاثر نومه
توجه للسياره فتح الباب صحاها حنان تتثاوب وتتحرك بنزعاج : همم
بسام : رائد قوم يالله وصلنا المحطه تبي الحمام او تبي شي من البقاله
حنان فتحت عيونها بشويش : شفيك ياخي ماتخلي الواحد ينام
بسام تنهد ومسك يدها نزلت بشويش للحين فيها نوم كانت بتطيح مسكها : شفيك انتي ؟!
حنان هزت كتفها : مدري والله صاير فيني نوم غير طبيعي بس ابي انام
بسام : طيب امشي يالله
مشت معه وتوجهة للحمام دخلت بنبهار : بصراحه اول مره اشوف محطه نظيفه
بسام ضحك : بتشوفها كثير ان شاء الله اذا رحت الامارات
حنان استغربت : موب بنروح طياره
بسام : لا انا وانت ومشاري بنروح بر بالسياره
حنان بنزعاج : ليشششش
بسام : بدون ازعاج يالله عجلي
دخلت الحمام وخلصو رجعو للسيارات بس هالمره فهد مع سعود وحنان راحت مع بسام عشان ماترجع تنام ويكون منتبه لها
معاذ بهمس : وش نوعك بالميوزك
حنان التفتت له : ايش ؟!
معاذ : ايش نوعك بالميوزك ؟!
حنان : هادي اكيد
معاذ : طيب
شغل لها الاغنيه وابتسمت له بعلامه الرضى انها اعجبتها وصلو ونزلو الاشياء جلسو كلهم حول النار حنان جلست بجنب بسام وسندت راسها على كتفه
بسام : يويلك مافي نوم ترا
حنان : اووف انت ماتخلي الواحد بحاله
بسام ابتسم : لا ما اخلي الواحد بحاله
حنان : طيب طيب
بدو سهرتهم جات الساعه ٣ بسام حس بثقل على كتفه التفت لمشاري وبهمس : نام ؟!
مشاري ضحك بخفيف : اي نام
بسام تنهد : مزعج اسنده على رجلي
مشاري مسكها بخفيف علشان مايخرب نومها وحط راسها على رجل بسام
بسام : بوديه المستشفى يحلل مو طبيعي نومه كاثر
مشاري : من الدوام والتعب
بسام : بس حتى ولو نتطمن
نواف قاطع حديثهم : رائد لييييش ينام مابقى شي على الشروق
معاذ : اتركه ينام لما تجي ٤ ونص نصحيه
فهد : ايوه ابي منكم ياشباب تسوون لي جدول لرحلتنا وترا يمكن نروح من دبي لباريس
الكل باعجاب : باررريس
معاذ اللي مو فاهم شي كان بجنبه سعود التفت عليه : شالسالفه
سعود : عندنا رحله باقي ٣ ايام ونسافر بنروح دبي وبعدها مثل ماقال فهد باريس ودك تجي ؟!
معاذ وده يروح بس مايقدر يترك جامعته : لا والله ماقدر الجامعه ماقدر اتركها
سعود : اها يالله خيره تروح معنا للقريب بعدين
معاذ : ان شاء الله الا بسالك رائد اي سنه ؟!
سعود صح والله انا مدري وين وقف التفت لفهد : اششش فهد
فهد التفت لسعود : وش ؟!
سعود : رائد وش الشهاده اللي معه
فهد : اتوقع ثانوي لانه اخر شي عطاني اياه ثاننوي
سعود التفت لبسام اللي كان يناظر النار بتفكير : بسام
بسام : هلا
سعود بفضول : رائد ماوده يكمل ؟!
بسام ابتسم : الا ان شاء الله بس ينتظر التقديم الجديد
سعود : اها وايش طموحه
راشد : وش عليك من هالاسئله كلها ؟!
سعود التفت عليه بنظره ورجع التفت لبسام