لماذا القدر يجعلني هنا ⭐️ (مكتمله )

البارت ٣٦

وليد وهو ياكل : شكله فيه شي بيصير بس مدري ايش
حنان وقفت اكل : وش تقصد
وليد : مدري لمن نرجع احس فيه شي بيصير
حنان بخوف : الله لايقوله
وليد بتذكر : صح كنت بقول لك بسام مارح يرجع
حنان زاد خوفها ودقات قلبها : ليش ؟!
وليد : مدري والله بس قال بيحجز بفندق ثاني لسلامتك
حنان وقفت وتوجهة لغرفتها خذت الجوال اتصلت على بسام الجوال مغلق بدا عقلها يروح ويجي بالافكار قبل ١٠ سنوات قال لي نفس الكلام بيسكن مع امه بس لما رحت اخر الليل اشوفه قالت انه سافر بدا الخوف بقلبها
وليد دخل للغرفه وشافها : وش تسوين ؟!
حنان التفتت وبنظرات فارغه وبحه : سافر وتركني
وليد سمع صوت الباب راح يفتح بسام استغرب من ردت فعل وليد ووجه : شفيك !!
وليد : قلت لها انك بتروح فندق ثاني قالت لي سافر وتركني
بسام اول ماسمع كلام وليد راح للغرفه يركض وشافها جالسه ومنزله راسها دموعها تطيح ونظراتها فارغه من اي معاني : انا ماسافرت قلت لك مستحيل اتركك واروح
رفعت راسها ماتقدر تقوم خارت قوتها ماتقدر تقول اللي بخاطرها قرب منها مسك يدها: انا هنا معك مارح اتركك مارح اسمح لاحد ياذيك
حنان بدت تضربه وتبكي حاول يمسكها بس ماقدر ضرباتها لههكانت تعبير عن اللي بداخلها : كل مره تقول بترجع ولا ترجع وكل مره تسافر وتتركني
بسام مسك يدها بقوه وسحبها لحظنه وهمس بجنب اذنها : قلت لك مارح اتركك
حنان تمسكت بقميصه بقوه : بسام انت الوحيد اللي بقاء لي من اهلي
دخل عليهم وكانت صدمه لهم كلهم طبعا كانو برا مايدرون وش فيه بس لما شافوه انصدمو
فراس : وانا ؟!
حنان وبسام التفتتو للباب ابتسم بسام
فراس بهبل : وانا ولا لاتقولين للحين انك تكرهيني
حنان ابتسمت وبعدت عن بسام : اي اكرهك دايم كنت تسرق بسام مني
بسام ضحك : تحسسوني ضراير
فراس : وش عرفك اني جاي اخذه عاد
حنان : دايم تجي تاخذه مني مو غريبه
عند العيال قبل دقايق يمشي بالممر يصفر
راشد : فررراس ؟!
فراس بكبرياء : احم فيكم تفتحون الطريق للكنق
فهد ضحك : حياك بس وش جابك
فراس : جاي اكمل لعبتي وارجع
استغربو مشاري اللي اول ماوصلو جاه اتصال انسحب وراح لغرفته
بعد ماهدو وجلسو
فهد بشر : اسمع يارائد والله اذا ماخليتنا اليوم نطلع وننبسط كلنا يويلك
حنان ضحكت : لا اليوم الجدول علي
نواف صفر : احلللى جدول
عامر : كاننا عطيناه وجه بالدلع ؟!
بسام جاي من وراها وضمها من وراء : الا رائد عاد
راشد ضحك : جاك ابوه مارح تقدر ترد عاد بوجوده
حنان نفخت خدينها بطفوليه : مالت متى تدلعت
فهد : صدق بسام
بسام التفت عليه بستفسار : ايش
فهد : بترجع ولا؟!
بسام ابتسم ولعب بشعرها : الولد امانه عندك يافهد
مشاري دخل : ليه وانا وين رحت
بسام : للاسف باخذك معي
مشاري بصدمه : لااااا تدري ما اطيق هذيك الديره
بسام وفراس ضحكو
فراس : لازم انت المدير التفيذي
العيال كانو يناظرون بعض
راشد : اوه مدير وحركات
مشاري التفت لهم بنظرات شر : اجل من مديركم هاه
نواف مقز ومسك فمه : ماينقال لك شي
بسام ضحك : قايل لكم من اول ماتسمعون
مشاري : اووف المهم يالله من يبي يبدل قبل نطلع
بكذا تفرقو اللي راح لبهو الفندق ينتظر الباقي واللي راح لشققهم يبدلون
بسام كان جالس بالصاله معاه كوبين قهوه طلعت من الغرفه عدلت لبسها كانت لابسه برمودا ازرق وبلوزه بيضاء وشنطه صفرا مع نظارات  شافها وانبهر بجمالها : بديت اغار
حنان ضحكت : من يوم كنت بزر وانت تغار
بسام بتملك : من حقي ولا ؟!
حنان عطته نظره ضحك عليها ومشى وراها تذكر شي مسك يدها : بقول لك شغله قبل
حنان استغربت : قولي
بسام : الشخص اللي تكلمت لك عنه قبلل
حنان عقدت حواجبها : شفيه ؟!
بسام : ساكن معنا ومابغاه يشوفنا سوا
حنان تذكرت كلام وليد لها : اها علشان كذا كنت تبي تروح فندق ثاني
بسام هز راسه بايجاب : اي لاني بعد مادخلتي تنامين شفته يدخل
حنان بستفهام : وكيف شكله
بسام طلع جواله لانه طلب صوره له من الفندق يتاكد انصدمت وبانت علامات الصدمه على وجهها : اعرفه ابو معتز هذا
بسام عقد حواجبه : وكيف تعرفين معتز
حنان : بقول لك بعدين بس خلنا نطلع الحين
طلعت قبله بوقت وركبت السياره طلع من الشقه وطلع مشاري من غرفته ابتسم له
مشاري : هاه اجل وينها
بسام : قلت لها تسبقني لاننصاد سوا
مشاري عقد حواجبه : قلت لها ؟!
بسام : اي واكتشفت ان وليد يعرف عنها فا بخليه ينتبه لها بس بعد ماترجع السعوديه بحط لها حارس
مشاري .: بس انت تدري انها ماتحب هالسالفه وكم مره تهاوشك عليها
بسام بتفكير : ادري بس مايصلح
مشاري : بجيب لك هناك كميرات العماره وسو اللي تبي
بسام : صدق زين اجل بعدين نشوف
مشاري : تمام
عند سعود كان توه قايم من النوم مايدري وش يسوي جاه اتصال من رقم غريب
سعود بنزعاج : نعم
شوق حاولت تغير صوتها : اهلين معاي سعود
سعود تنهد : شوق قلت لك لاتحاولين تفهمين
شوق بغضب : كيف عرفتني
سعود : معروفه لو من بعد مليون صوت
سكرت بوجهه وشاف صورت الجوال صورتها معه قرر يتصل على فهد
فهد وهو ياكل : هلا
سعود : وجع ماتشبع انت كل شوي تاكل
فهد بعد ماخلص الاكل اللي بفمه : والله عاد مسافر علشان استانس واغير جو واجرب الاكل بكل مكان
مو مثل بعض الناسس
حنان كانت جالسه مقابل فهد
سعود : المهم متى ترجعون ترا طفشت
فهد غمز لهم : اوه مادريت !!
سعود عقد حواجبه : وش ؟!
فهد : بنسافر مع بسام
سعود بصرخه  : هاااااااه
بسام اخذ الجوال : اذا ودك تجي حياك
سعود بحلطمه : وليه عاد لما رجعت صرتو تسوون اشياء كثير وحلوه
بسام : اي هذا رائد الجدول عليه اليوم
سعود حس بقلبه يدق بقوه مايدري ليه هالشعور يجيه بس يجيبون اسمها : طيب افتح السبيكر
بسام فتحه وصرخ سعود : رائد خلصنا عاد عطيتكم وجه ارجعو طفشت بروحي
حنان وهي تاكل : انا ماسكك انا اللي قايل لك روح للرياض
سعود بشر : اوريك تعال انت بس وانا اعلمك شغلكم عندي انت وفهد ووليد
وليد ببرائه : وانا ايش دخللني ؟!
سعود : انت ساس المشكله اصلا
فهد سحب الجوال :اقول يالله سكر عاد عطيناك وجه زياده عن اللزوم
سعود : انا اوريك انت وياه
سكر منهم وهو مغتاض بس ضحك وانبسط بعد بنفس الوقت
كملو اليوم عادي وانبسطو لما قربو من الفندق
بسام ابتسم : فهد وقف على جنب
فهد استغرب بس وقف : شفيكم
بسام : انا ومشاري بننزل هنا عندنا كم شغله نخلصها
حنان مسكت يده بترجي حط يده على يدها : انتبهي لنفسك زين
هزت راسها بالايجاب استغربو الباقي وليد بدا يهز كثير مافتحه وصلو وكلن راح لشقته الا وليد اللي وقف بالممر وفتح جواله
بسام : وليد ابي اطلب منك تجلس معها اليوم لبكرا المطار هي بامانتك ادري بثقل عليك بس اتمنى تسوي لي هالشي الوحيد
وليد رد عليه : ابشر كيفكم انتو حصلتو فندق
بسام : اي تونا حصلنا
وليد : تمام بروح لها الحين
دق الباب ماسمع رد مسك الباب شافه مفتوح انصدم دخل وشافها على الشرفه بس كانت كانها بترمي نفسها بردت  اعصابه صرخ : شتسووووووين
حنان اللي كانت حاطه سمعاتها التفتت عليه : وش اسوي يعني جالسه اتامل انتظر حضرت جنابك تجي
وليد طاح على الارض للحظه فكر انها بترمي نفسها عدلت نفسها وراحت تركض له : شفيك ؟! وش صار
وليد عطاها كف : تدرين وش كنت اظن توقعتك بترمين نفسك
حنان انصدمت بس حست انها تستاهل الكف : طيب اسفه ماقلت شي
حط يده على خدها : انا اسف والله ماكان قصدي بس كنت خايف عليك سامحيني
حنان رفعت كتفها : تبي اسامحك سو لي كابتشينو بس قبل سكر الباب
وليد ضحك بس ضميره يانبه انه سوا شي ماكان مفروض يسويه