لماذا القدر يجعلني هنا ⭐️ (مكتمله )

البارت ١

ملاحظه الروايه هذي من نسج الخيال ماتتعلق بالواقع ابد فا رجاء لاحد يحكم على اي بلد او اي مدينه بكلامي اللي بالروايه لانه كله من خيالي ماله اي علاقه ببلد معينه او حتى التصرفات اللي ممكن تصير من الابطال ♥️♥️

نبدا بالروايه ♥️
هاااااي كيفكم كما عودتكم انو تكون رواياتي متنوعه بس رح تلاحظون اني مركزه باشياء كثير فا سويت هالروايه بطلب من شخص عزيز علي واتمنى تنال على رضاكم ولاتنسون الاشتراك والايك والكومنت ابغى الروايه تكون بطله بسببكم مو بسبب كتاباتي واي شخص عنده اقتراحات او اضافات او افكار يتفضل بالخاص ❤️

انجووووي

ببيت من بيوت مدينه من المدن تبدا حكايتنا ❤️
اتصلت بصديقتها
حنان بغصه : الو رنا
رنا : شفيك حنان صار لك شي احد ضايقك
حنان : لا بس ماحصلت وظيفه للحين ومدري ايش رح اسوي
رنا تحاول تطمنها : لاتخافين رح تتعدل الامور ان شاء الله لاتحاتين بتحصلين بكرا ان شاء الله
حنان : اخاف وا احصل وكلهم يطلبون شهادات وخبرات
رنا : انا متفائله بكرا بيكون عندك وظيفه ان شاء الله
حنان : يارب
سكرت من صديقتها وراحت للصاله اللي امها فيها
حنان جلست بجنب امها : يمه سامحيني
هدى ضمة بنتها : لاتحاتين بتحصلين الوظيفه اللي تسرك
حنان رفعت يدينها : ياررب
هدى : يالله حبيبتي روحي نامي علشان بكرا اذا طلعتي تدورين ماتكونين تعبانه
حنان باست خد امها : طيب ماما
دخلت غرفتها رمت نفسها على السرير تفكر بالجاي وكيف رح تصلح حياتهم هي وامها وبعد تفكير عميق نامت اليوم الثاني صحت من النوم متنشطه دخلت للحمام خذت دش  لبست طلعت للصاله
حنان بتفائل وحيويه : صباح الخير يا احلى ماما
هدى انبسطت ان بنتها تغيرت نفسيتها : صباح النور يا احلى بنت بالدنيا
باست امها : اخبارك اليوم
هدى : بخير وانتي مشاء الله متنشطحه اليوم
حنان : اي الحمدلله
هدى مسكت يد بنتها : لاتتعبين روحك واذا ماحصلتي مو مشكله يابنتي
حنان عصدت حواجبها ومدت شفايفها : لاتقولي كذا ان شاء الله رح احصل
هدى : يارب
حنان وهي توقف بتطلع : تامريني بشي الحين
هدى : انتبهي لنفسك
حنان : ابشري
طلعت للبحث عن عمل كل مكان يا يطلبون شهادات او خبره سنه سنتين
لما كانت راجعه انتبهت لاعلان كان طلب وظيفه بس تحطمت لما شافت ان الطلب للشباب بس اخذت الاعلان رجعت البيت
هدى اول ماسمعت الباب : هلا والله ببنتي
حنان بتعب : هلا يمه
هدى انتبهت لتعب بنتها : وش فيك يمه
حنان بغصه وعيون مليانه دموع: يمه ماحصلت
هدى : فدا دموعك انتي اهم شي انك بخير
حنان : يمه فيه طلب للتوظيف حصلته ماعليه الا كم شرط وهي فيني
هدى : طيب يمه ليه ماتاخذيه
حنان بتردد سلمت الاعلان لامها هدى عقدت حواجبها وبصوت متردد : لا انا مايصير اخليك تروحين هناك
حنان انتظرت تخلص امها كلامها : يا ماما اسمعيني صح انه مايصلح بس الشروط تطابقني اقدر ادبر اوراق تثبت اني ولد
هدى : يابنتي مدري والله
حنان : يمه شوفي الفرصه تجي مره وحده ماتجي كل مرره يالله عاد فكري فيها بروح اريح شوي وارجع اخذ رايك
قامت من عند امها اللي بدت تفكر بكلام بنتها عدل وقررت بس خايفه تكون لحنان ردت فعل لرفضها
بعد ساعه طلعت من غرفتها شافت امها جالسه
حنان : سلام
هدى : وعليكم السلام هلا يمه تعالي اجلسي
حنان خذت نفس وجلست : هلا ماما
هدى : انا قررت بس لي شرط واحد
حنان بفرحه : جد قررتي ايش
هدى : اي موافقه بس بشرط ترا
حنان بحماس اخيرا بتحصل وظيفه تعدل اوضاعهم : مووافقه
هدى : اذا حسيتي انك بتنكشفين او كشفوك تطلعين من هالشغله
حنان : موافقه
هدى : اجل يالله كلميهم وشوفي لاتروح عليك الوظيفه
حنان باست خد امها راحت لغرفته اتصلت بالرقم المكتوب
الشخص : هلا ؟!
حنان بصوت رجولي : السلام
الشخص : هلا وعليكم السلام امرني اخوي
خذت نفس بانه ماكتشف انها بنت : ابي اقدم بالوظيف اذا فيه مكان
الشخص : بكرا الساعه ٣العصر تكون عندي ويكون احسن تكون جاهز لانه يمكن نوظفك على طول
حنان : ان شاء الله وين فيه
الشخص : بالكوفي
حنان : ان شاء الله
سكرت مبسوطه اتصلت برنا
رنا بنعاس : همم
حنان بحماس استغربت منه رنا  : حصلت وظيفه
رنا بتفجئ : جدد مبروك ياقلبي
حنان بتردد: بس ابي منك خدمه
رنا : قولي
حنان : ابي اوراق اثباتيه على اني ولد بس بنفس شهاداتي ونفس كل الاوراق
رنا ماحبت تسال صديقتها عن وضع الشغل لانه واضح : ابشري متى تبينه
حنان : بكرا بس قبل ٣
رنا : خلاص قبل ٣ عندك ان شاء الله بس ماقلتي لي وش تبين الاسم
حنان بتفكير : رائد
رنا : تمام
سكرت وطلعت لامها شافتها على السرير قربت منها بشويش جلست بجنبها
حنان : ماما حصلت الوظيفه بكرا المقابله
هدى بنعاس : الله يوفقك يابنتي وييسر امرك يالله نامي علشان بكرا يكون عندك طاقه للشغل
حنان باست امها ورجعت غرفتها طبعا كالعاده حماس الشخص لشي ينتظره من زمان ممكن مايخليه ينام
الصباح دخلت هدى غرفة بنتها شافتها معفوسه والاشياء طايحه بالارض والكتب على جنب وهي نايمه بوضعيه غلط رجل برا السرير ونص عليه الغطا ونص لا ضحكت عليها قربت منها وبهمس
هدى : يمه حنان حنان يمه قومي رنا اتصلت كثير عليك
حنان بعدم استيعاب : همم
هدى : حنان يابنت قومي
حنان بعد ماستوعبت وطار النوم : هلا يمه شفيك
هدى : قومي رنا اتصلت عشرين مره
حنان ضربت راسها ونطت تبي تنزل من السرير بس تعثرت بالغطا وطاحت على وجهها
هدى بضحكه : بشووويش بشويش
حنان : يمه الله يهديك ليه ماصحيتيني بدري
هدى : والله اصحيك من ٦
حنان تضبط شعرها : والحين كم الساعه
هدى تشوف ساعتها : الحين ٩
حنان : اووف ياربي
هدى : تو الناس ترا
حنان شافت رنا تتصل ردت : الو هلا
رنا بضحكه تدري ان حنان راحت عليها نومه : صح النوم
حنان باحراج : اسفه نمت
رنا بجديه : ولايهمك اسمعي الاوراق والبدل والثياب برا مع السواق والجوال والاثباتات كلها زين اذا صار شي على طول اتصلي علي
حنان بحب : مرررررره شكرا حبيبتي انتي
رنا : يالله يالله لايكثر
سكرت بوجهها وطلعت حنان للسواق اخذت الاغراض ورجعت لغرفتها رتبت اللبس والاغراض كلها انتبهت لجوالها رنا
حنان : هلا وش
رنا : اسمعي السواق بيمرك الساعه ٢ونص علشان يمديك زين
حنان : طيب رنوو