لماذا القدر يجعلني هنا ⭐️ (مكتمله )

بارت اضافي ٥

اول ماوصلو لبيتهم راحت تبدل بس وقفت بالدرج التفتت له
حنان: سعود خلك هنا تمام بنزل لك
سعود بستغراب : فيك شي ؟! صاير فيك شي
حنان ضحكت : لا بس بسولف معك شوي
سعود اول ماشافها تختفي نزل راسه بحزن اشقد ظلمتك هالاسبوع مره وماخليتك تنبسطين وانا اللي وعدتك نسافر اما عند حنان دخلت للغرفه طلعت الفستان اللي شرته لما راحو الامارات مع بسام
* نرجع بالذاكره للحظه بالمجمع دبي مول اخر يوم لهم *
بسام : وش تسوين انتي لاتجيبين العيد فينا
حنان عطته نظره : وبعدين معك انت الواحد ماينبسط معك او ياخذ راحته
بسام : داخله محل فساتين وتقولين ليه ووبعدين معك ؟!
حنان : اوووف منك خلاص ياخي بدخل لحالي
بسام : زين زين يالله ادخلي لحالك
حنان دخلت وشافت الفستان انبسططت مررره لانه مقاسها كان مفتوح من عند الظهر وللركبه ومن وراء ذيل
* نرجع للواقع*
لبست وفكت شعرها حطت روج خفيف ونزلت كان يرتب الطاوله باشياء جابها معه كيك وشبسات يعرف للحين تحبهم انتبه لها تنزل فتح فمه من الصدمه صح زوجته ويعرفها بس كل يوم تزيد حلى عن الثاني
قربت منه مسك خصرها : وش السر بانك كل يوم تتملكيني عن الثاني
انحرجت
سعود ابتسم بحنيه وباس راسها : الله يخليك لي
حنان بطفوليه : عطني مجال طيب اقول لك ان عندي مفاجئه لك
سعود كان بيتكلم قاطعهم صوت الجرس تنهد بضيق : بروح اشوف من واجيك
حنان ضحكت : تمام
طلع حصل صندوق كبير استغرب دخله وهي بعد استغربت بس لما شافت الكرت باسمها عرفت انه فيه سر وراء الموضوع
سعود بستغراب : من وين ذا ؟!
حنان ابتسمت : مدري سبرايز
سعود التفت عليها بشك : اجل سبرايز اشك بهالشي
حنان ضحكت وجلست : تعال بقول لك شي
سعود استغرب : فيك شي مضايقك شي ؟!
حنان ابتسمت : لا بس عندي لك خبر
سعود بدت الافكار تروح وتجي براسه : وش فيه خوفتيني
حنان : امم انا حامل
سعود ملامحه تحولت للبرود والصدمه بوقت واحد مو مصدق : وش تقولين
حنان خافت من ردت فعله : انا حامل
سعود ما ابداء ردت فعل وقام من جنبها يدور بالغرفه : كيف يعني انتي الحين * وبصرخه * حاممل
حنان فزت من الخوف : وش فيه اي حامل
سعود بضحكه شالها لفوق : البيبي بيجيب بيبي لي
حنان ضربته : نزللني مسوي دراما وانا اللي قلت الحين مايبي
سعود بضحكه : وانا يحصل لي تكوني زوجتي وماتجيبي لي بيبي
ضمتها
سعود نزلها ومسك يدها حط عينه بعينها : انا اسف
حنان بستغراب : شفيك ليه اسف
سعود : اسف على اللي سببته لك كل هالاسبوع
حنان مسكت وجهه : لاتحاتي متعوده عليك
سعود بصدمه : متعوده
حنان بطفوليه نفخت خدينها : مو انت اللي تركتني بدبي ورجعت
سعود ضحك وباسها بحب : لاني غبي
حنان : لاتقول كذا عن نفسك
تذكر : الا صدق وش هالبوكس ؟!
حنان : مدري والله
راح من عنده فتحه حصل كيكه وهديه لكل واحد منهم : لا لا فيه شي صاير
انتبه للكرت اللي على هديته وفتحه
صح عطيتك بنتي بس اللي ابيه منك انك تهتم فيها هذا طلبي الوحيد منك
ومبروك اللي بيجيك
بسام
حنان فتحت ورقتها
تضيع الحروف عندك بس بقول الله يسعدك وان شاء الله تجيبين البيبي وتكوني بخير بس مهما جبتي من ولد رح تضلين بعيني طفلتي المدلله
بدت عيونها تدمع مسحتها والتفتت لسعود
نروح منهم بعيد 😂🚶🏼‍♀️لبيت الشباب
طلال فتح الباب بشويش دخل وجلس بالسرير  التفتت للشخص اللي نايم بالسرير بحزن وش اللي مشغغل بالك وقالب حالك مسح على شعره تحرك جابر بنزعاج قام من عنده وتوجه للصاله
بسام اللي كان مندمج بالاوراق اللي قدامه : طلال تعال ابيك
طلال اللي كان يمشي بيجلس بالكرسي توجه لبسام وجلس بجنبه اشر بسام على رجله طلال حط راسه على رجل بسام بداء بسام يحرك شعره : لاتخاف بيرجع مثل اول واحسن صدقني
طلال بضيق : اتمنى
بسام رجع يشوف الاوراق انتبه لتنفس طلال اللي انتظم يعلن عن دخوله بالنوم انفتح باب من ابواب الغرف انتبه لمشاري اللي نازل من الدرج وواضح انه مو على بعضه رمى بنفسه بجنب بسام وحط راسه على كتفه
بسام بستغراب وصوت هادي : شفيك !!
مشاري : كالعاده ماجاني نوم
بسام ابتسم والتفت لطلال : شوف مايبي ينام ونام على طول
طلال تحرك بخفيف مشاري وقف : دقيقه خلني اجيب له لحاف
بسام : مشاري بالله جيب معك كوب قهوه
مشاري : لا بجيك دقيقه اقول لك
بسام تنهد : طيب
غطاء طلال وبعده عن بسام بحيث يقدر يقوم : قوم معي نطلع بالشرفه
بسام ابتسم ووقف متوجه معه للشرفه : مشاري
مشاري التفت له : هلا
بسام عطاه الاوراق : دقايق وجايك

حبايبي ادري تاخرت عليكم بالروايتين بس والله مو بيدي حاليا ضغط امتحانات وباقي اسبوع على الامتحانات النهائيه تحملوني هالكم اسبوع وان شاء الله اخلص واعوضكم بزياده ❤️