لماذا القدر يجعلني هنا ⭐️ (مكتمله )

البارت ٤٢

خلصت الشور طلعت شافت جابر يكلم عقدت حواجبها وتضايقت
جابر بضحكه : لاياقلبي اليوم بنتظرك ..لا لا ابد انت الداخل واحنا الطالعين .. لا افا عليك بس الايام هذي ساكن عندي ولد بسام .. اي رائد
كانت واقفه وراه وتسمع حزت بخاطرها ودها تقول له لاحد يجي بس ماتقدر تتكلم
جابر : يالله اجل وعدنا اليوم
سكر منه واخذ نفس كانه شخص يحبه وتوه مسكر منه مشت من جنبه استغرب برودها وانها مو مثل العاده تقط كلام او تضمه : خلصتي
حنان ماردت عليه وسمعت جوالها يدق : هلا وليد يالله جايين
لبست جزمتها تحت انظاره اللي مستغربه تصرفاتها : فيك شي انتي يالمك شي
حنان ببرود : لا الحمدلله بخير يالله نروح
جابر تنهد عرف ان فيها شي : زين
راحو للسياره
وليد : هلا هلا
جابر ابتسم : هلابك وين البقيه اجل !
وليد وهو منتبه للطريق : بيلحقونا بعد شوي
جابر : اها
وليد رفع عينه بالمرايه شافها على غير عادتها ساكته عرف ان فيه شي صار بس وش تذكر كلامها وعن الشخص اللي يكلمه جابر هل يمكن ؟! هو نفسه
جابر وش فيها اليوم مو طبيعيه ؟! يمكن بسام قال لها شي بس حتى بسام مايدري عن شي بفكر لما اتعب بتركها ومتى مابغت تتكلم تجيني
وصلو للمطعم ودخلو
وليد بتصريف : اوه رائد تعال جب معي الاوراق اللي تخص فهد مابيها تختبص نسيت ارتبهم
حنان مافهمت قصده ومشت معه بدون ماتلتفت لحابر وماتقول له شي عرف ان السالفه فيها شي بس مايدري وش هو
وليد مسك يدها ناسي انها تالمها صرخت بالم : وجع يدي
وليد ارتبك لان وتنهد براحه ان جابر دخل المطعم : اسف والله
حنان كانت سرحانه ومانتبهت له وقف قدامها رفعت حاجبها : وش فيك ؟!
وليد : انتي اللي وش فيك تركتك الصباح مافيك شي وش فيك الحين
حنان تنهدت ومشت من جنبه : تعال بس والله مالي خاطر اتكلم
وليد مسك يدها وجرها له : ابي اعرف وش اللي مضايقك
حنان بضيق وباين علامات الحزن على وجهها : بيجي اليوم
وليد عقد حواجبه : من اللي بيجي ؟!
حنان : بيجي اللي كان  يكلم جابر
وليد ابتسم بحنيه : تبين تجين عندي ؟!
حنان ابتسمت : ياليت بس بسام قال لي لا اطلع من عند جابر
حرك شعرها بحنيه : بعدين نسولف يالله تعالي نروح لهم
جابر اللي كان واقف وراء زجاج المطعم اللي كان عاكس تضايق مايدري وش اللي خلاها كذا
دخلو وشافوهم كلهم جالسين ابتسمت وشافت سعود لاهي بجواله مو عوايده جلست بجنبه
حنان بفضول : مندمج الاخ ؟!
سعود رفع راسه وببتسامه : اي اكلم صديقي
حنان استغربت : من ؟!
سعود : معاذ
حنان بصدمه : لاتقول لي انك صرت صديق معاذ ؟!
سعود : اي ساحب علي اسحب عليك
حنان شافت ان الاكل وصل سكتت وكلت بعد ماغسلو
جابر طول الوقت كان يراقبها ويراقب تصرفاتها بالبدايه ماكلت عدل والشي الثاني سرحانه دايم
جابر وقف قدامها : بجي اخذك اليوم ماعندي دوام بنطلع انا وانتي
حنان مارفعت راسها : طيب
وراحت من جنبه تنهد وراح لوليد : وليد
وليد اللي كان بيركب سيارته : هلا
جابر قرب منه : انتبه له
وليد : لاتوصي بعيوني
جابر : تسلم والله
راحو للدوام بعد ماخلصو سعود اللي كان بسيارته يكلم معاذ
معاذ : اووه مشاء الله وبعدين
سعود بضحكه : وقتها حسيته بيخنقني يقول مشاء الله من متى اصحاب
معاذ : حرام عليك والله
سعود تستاهل هي اللي تتجاهلني مو انا : ماعليك يالله الحين بخليك وصلنا الدوام الحين
معاذ : تمام انتبهو لكم
سعود : يالله سلام
شكر منه ونزل
وليد : ياخي ابتسمي والله تحسسيني بالذنب
رفعت راسها خاف وليد من نظراتها البارده هذي يعرف وش بيصير وسعود اللي وراه انتبه لها عقد حواجبه : يا رائد تعال بكلمك
حنان ماردت عليه وراحت كان بيلحقه مسكه فهد: اتركه
فهد ابتسم بعد ماراحت التفت عليه سعود : نعم ؟!
فهد : الله ينعم عليك خل الولد في حاله قلت لك اللي فيه مكفيه
سعود مسك فهد من ياقته : وبعدين معك انت لك يومين تقول اللي فيه مكفيه وش فيه هو اصلا ؟!
فهد ابتسم فك يده وراح سعود تنهد مشى وراه بدا الدوام هادي وعادي نروح عند جابر
جابر اللي كان بالصاله يرتبها ويعدل الشقه لقدوم الشخص سمع الجرس فتح والابتسامه شاقها وجهه ضمه وبادله الضمه
طلال ابتسم : اشتقت لك
جابر بعد عنه : وانا اكثر حياك
طلال وهو يدخل تلفت شاف الشقه هاديه : اجل وين رائد
جابر : بدوامه
طلال ابتسم : توقعت اشوف فوضى
جابر ضحك : لا بديت ارتب نفسي
طلال حرك شعره : هذا اللي ابيه
جابر : اجلس وش تحب تشرب
طلال جلس : اي شي كوفي حلو
جابر : ان شاء الله
توجه للمطبخ سوا لهم القهوه ورجع : بطلع اليوم انا وياه فا اعذرني الليله مارح اجلس
طلال بحزن : ماتتاجل يعني على الاقل اشوفه ويشوفني وبعدين عاد بكرا تروحون
جابر بتفكير : صدق والله تمام اجل دقيقه
قام منه واتصل عليها ماترد اتصل على وليد : هلا
وليد بستغراب : هلابك
جابر : اخبارك
وليد توني كنت معه عسى مافيه شي بس : تمام الحمدلله
جابر : ابي اطلب منك طلب
وليد استغرب : امر
جابر : عادي تجيب رائد معك للبيت
وليد : اي عادي تبي اقول له ولا تقول له انت
جابر مادوي اقول لها بس اذا ماقلت يمكن : لا عطه الجوال
وليد بصوت عالي : عيال وين رائد
نواف : تشوفه وراء جالس يدخن
وليد انصدم وفتح فمه وجابر اللي كان على الخط مو اقل منه صدمه : وش يقول ؟!
وليد بضحكه تصريفيه : لا هو شاف دخان المطبخ وحسبه يدخن دقيقه بناديه
جابر من جدها هذي يارب ان اللي سمعته غلط
وليد شافها جالسه بس مامعها شي تنهد براحه : رائد جابر يبيك
حنان اللي كانت سرحانه مانتبهت له قرب منها وضرب خدها بخفيف : هاه وش ؟!
وليد بهمس : جابر يبيك
حنان بصوت مخنوق بس حاولت تخليه عادي : هلا جابر
جابر عقد حواجبه : وش فيه صوتك
حنان : لا مافيه شي بس شكلها حمه
جابر : اجيك ؟!
حنان ابتسمت : لا اي وش تبي تقول 
جابر تردد : عادي تجي مع وليد
حنان انقبض قلبها : اي عادي
جابر ابتسم وفرح : تمام بنتظرك بالشقه انا
حنان ابتسمت : لاتنتظرني
جابر : وش ؟!
حنان انتبهت لوليد اللي راح بعيد عنها وجاء بباله شي  : بنام عند وليد
جابر حس بالضيق بصوتها : طيب بس الصباح بجي اخذك
حنان : تمام بنتظرك
سكر منها
حنان فكرت شوي وجات ببالها فكره كيف تخلي وليد يتركها ويروح
مر اليوم بطيئ عليهم انتهى الدوام
فهد : سعود عندنا اجتماع ترا
سعود بضيق : ياربي متى تنتهي الاجتماعات ذي
فهد وهو يدفه : يالله بدون حكي زايد
سعود : اووف منك عاد وش يفكني من حلقك
التفت يدورها ماحصلها توقع انها رجعت
وليد اللي كان بغرفه التبديل : يالله ؟!
حنان ابتسمت : يالله بس بنروح شقتي لان جابر فيها
وليد رفع حاجبه : ماقال لي ؟!
حنان : اي قال لي انا يالله
وليد شك بكلامها بس مشى معها  وصلو للشقه ومن حظها دق جواله
وليد : هلا يبه
الاب : وليد وينك يالله تعال اعمامك عندنا
وليد بضيق : يبه وقته طيب لازم اجي ولا
الاب بحزم : لازم تعال بسررعه يالله
وليد تنهد : ان شاء الله
سكر من ابوه : يالله اشوفك بكرا عاد
حنان ابتسمت : ان شاء الله
دخلت وراحت للشقه على طول حست بضيق بقلبها ماتقدر ايش تسوي علشان تخففه خذت لها شور ولبست شورت وفنليه علاق بما انها بروحها رمت نفسها على الكنب عند جابر
جابر ابتسم : طيب وبعدين وش صار
طلال : ولاشي اكلتها ودفعت الحساب كامل
ضحك عليه : علشان ماتتفاخر ثاني مره
طلال بضيق : حرام عليك ١٠٠٠ مو شوي ترا
جابر بصدمه : ١٠٠٠على قهوه وحلى
طلال عطاه نظره : وش رايك اجل
جابر ضحك عليه : والله اللي تستاهل
سمع جواله : هلا وغلا
بسام اللي كان توه منسدح بينام : هلاابك
جابر : اخبارك
بسام : يعني اذا ماتصلت ماتتصل انت وياها
جابر ابتسم : اي اليوم عاد مشغول
بسام عقد حواجبه : في ايش
جابر ابتسم وناظر بطلال اللي اشر له يعطيه الجوال
طلال بتمثيل : معاكم الاستاذ طلال اي استفسار
بسام بحماس : طلووول
طلال اخذ نفس : لاتخليني اغلط اسم وهيبه وتقول لي طلول
بسام بضحكه : وينك ياولد اختفيت
طلال : موجود انتو اللي مختفين
بسام : ماعليك هذا احنا اخبارك
طلال : والله ماعلي الا وينك انت من زمان عنك
بسام : شوفت عينك انا بهالديار وجابر عندك
طلال : ومشاري وينه
مشاري اللي كان داخل للغرفه ومعاه كوب القهوه انتبه لبسام ياشر له : هذا هو خله يكلمك
مشاري بستغراب : من ؟!
بسام فتح السبيكر : افتحو السبيكر
مرت ساعه على سوالف وذكريات
جابر قفل الخط وابتسم : والله من زمان عن جمعاتنا
طلال بتثاوب : والله حتى انا قسم اشتقت
شاف بسام يدق عليه وقف طلال : بروح انام انا ترا
جابر اشر له ورد : هلا
بسام : جابر ابي اسالك اتصلت وماكانت معكم وينها ؟! دوامها خلص من زمان
جابر : اي بتنام عند وليد اليوم
بسام عقد حواجبه : ايش ؟! وليش تسمح لها
جابر : لها تقريبا ٣ ايام مو على بعضها ومتضايقه فجائه اليوم صارت تتجاهلني
بسام بتفكير : سويت لها شي ؟!
جابر : لا والله
بسام بتفكير وكل الاحتمالات جات بباله : طيب قلت لها عن طلال
جابر يتذكر وبعد فتره  : لا ماقلت لها بس كانت تجي وانا اكلمه وبعده *تذكر وشهق * صحححح
بسام بضيق : جابر انت اكثر واحد الحين مفروض تهتم لها وتداريها
جابر تنهد : والله ماكان قصدي كنت فرحان برجعت طلال
بسام : اتصل عليها شفها وينها الحين واذا كانت مرتاحه اتركها بس لاتعيدها
جابر : يالله يالله
سكر منه واتصل عليها مره مرتين ماردت عقد حواجبه وبدا يتوتر اتصل على وليد : هلا وليد
وليد اللي كان عند اعمامه طلع منهم : هلا جابر
جابر : رائد عندك
وليد عرف وش مسويه : لا والله بشقته قال لي انك فيها
جابر بتصريف : اييي صح نسيت انا قايل له يالله باي انتبه لنفسك
سكر منه وراح يركض لسيارته راح للشقه شاف البواب واقف عند الباب
جابر : رائد موجود
البواب : اي طلع وشافه شخص ورجع كانه كان يصيح
جابر حس ان فيه شي : شكرا
ركض للشقه دق الباب مافي رد تذكر ان بسام يحط تحت المزهريه مفتاح حمد ربه انه موجود فتح الباب كانت الانوار طافيه دخل بشويش وولع الانوار ماشافها دخل للغرفه ماحصلها ولا بغرفه بسام انتبه ان الشرفه مفتوحه قرب منها بشويش شافها لابسه شورت وبلوڤر عقد حواجبه وانتبه انها ضامه قميص بسام عيونها منتفخه وصايره حمرا شكلها بكت وقت طويل  شالها بعد ماغطاها باللحاف وحطها بالسياره حط راسه على المقود انا الغبي ليه اتركها وهي تعاني كذا تذكر كلام البواب شافت شخص من هو ؟! وليش راحت له وهو مانعها وبسام مانعها تنهد بضيق وراح بتجاه البيت وصل حطها على السرير تروش وراح بجنبها بدا يتاملها ملامحها هاديه وحلوه لما تكون نايمه ليه هالجمال يتعرض لكل الضيق والمشاكل هذي حرك شعرها بخفيف ودخل بالنوم مر الوقت وهم نايمين بدت تتحرك بنزعاج وتتكلم قام وشافها تجرح بنفسها ماكانت بوعيها انصدم نايمه وتسوي كذا مسك يدها : حنان حنان اصحي اصحي
حنان للحين تحاول تفك يدها منه وتصرخ: بعد عني انت اللي خذيت امي انت اللي اخذت كل شي اكرهك اكرهك بعد عني
جابر حركها بقوه وبصرخه خلتها تحس على اللي حولها : حنان
حنان وعت على نفسها اول ماشافت مشاري قدامها حطت راسها على صدر وغطت وجهها بيدها بدت تبكي بخفيف وعلت شهقاتها
جابر حس بالذنب وانه السبب في اللي هي فيه دخل من الباب كانت متمسكه في جابر ومانتبهت له اشر له جابر يطلع لانه للحين مايدري ان حنان ورائد واحد بعد ماهدت بعدت عنه ضمت رجولها
جابر حرك شعرها بحنيه : احسن ؟!
حنان مسكت يده : لاتتركني
جابر ضمها : مارح اتركك بس لاتروحين وتسوين مثل امس
حنان تذكرت انها كانت بالشقه : من جابني !!
جابر : انا جبتك
حنان مسحت عيونها وانتبهت للبسها انحرجت : اسفه
جابر ابتسم وماعلق طلع برا وجاب معه بلوڤر وبرمودا : غسلت البنطلون حقك وهذا البلوڤر حقي خذي لك دش وتعالي اغير لك الضماد
لما جاء بيطلع : صح اذا طلعتي بعرفك على شخص
حنان تذكرت انه في احد غيرهم تنهدت بضيق وراحت للحمام خذت دش وطلعت دخل للغرفه وعطاها الكوب : هذا حقك
حنان ابتسمت : شكرا
جابر حط يده على ظهرها : يالله ؟!