كذبتي الصادقة❤

١٠

تصويتكم حبايب 😊

واحب من تحزرون نهاية البارت واكثركم غلط طبعا😂😂...تره هالمره واضحه 😁😁

رجعت من امتحاني بالخط ونزلت يم الباب الخارجية مفتوحة على وسعها وسيارات وناس مالية البيت روحي اختبصت وخفت ..مشيت مسرعه خطواتي تعودنا هاللمه بالكدر كل يوم ببيت بالمنطقة ...يا ربي بس لا عمو شهاب لو عمو ابو منير بيهم شي ليش هالتجمع ...ركضت للداخل بنص العالم واسمعهم يكولون خطيه خطيبته هاي ..منو ؟؟لا مستحيل ؟؟؟مستحيل ؟؟؟كله الا هيج ما اتحمل اني يتيمة ليش انحرم اكثر...متت للمرة الالف لما دخلت عتبة الباب ووصلتها

فتت من باب استقبال البيت الكبير ..جدتي وامي وعمه ام منير بنصهن تنوح ومتمددة بالكاع وامي كامشتها من ايديها لان تلطم على وجهها وتأذي بنفسها ...عيوني غشاها الدمع وصارت تمطر بقوة بحيث ما كمت اشوف مدا اشوفهم ...كعدت بالكاع ما كدرت امشي اكثر ...ببداية الامر ما مستوعبة بس لما امه صرخت بصوت ولكم منير راح وبدت تلطم بطريقة مفزعه ...ما كنت اعرف شنو لطم الا لما شفتها هي 

...منير مجرد خروجه للشارع العام ..طالعين بوجهه مسلحين مفرغين مسدساتهم على السيارة بمكانه مباشرة مسلم روحه الطاهرة ما شفت شي بيومها ولا عرفت شصار بعد لان قضيتها بالمستشفى اني وامي... ٣ ايام ما شافت عيني نوم جثة هامدة بفراشي بلا حراك بس عيون مفتوحه تدمع دم بدل دموعها ما كدرت استوعب الصدمة المفروض بعد ايام اكون مرته متهنين ومرتاحين ...

بعد وكت علينا هالقهر حتى ما شفنا شي من هالدنيا ..يعني مات بعد ما يجي؟؟ لا هسه يجي يوم يدفع باب البيت ويفوت بضحكته الحلوة لازم يجي متوهمة اني وهذا حلم منير ابو وجه الحلو ما مات ..لحيته الحلوة وشعره الاسود الفاحم مستحيل يخالطه تراب ...دفنوه!!!شلون كدروا يحطون عليه تراب ؟؟ظلم هذا 

..اكل وكلام امتنعت نهائي مو مسألة اعتراض هذا حكم رب العالمين وهاي الاقدار بس اني تعلقت بي حرام هيج نفترق ليش؟؟ اسئلة ما الها نهاية بلا اجوبة ضلت تجول براسي لحد ما اتعب وانام وين ما اصير حتى لو بنص الناس..احلامنا وتخطيطنا لمستقبلنا كله راح كنا نكول سوى نمشي..مستقبلنا ما بيه احد غايب منا ..

لازم يرجع ونكمل اللي دا نريد نكمله ..منين اجيب الصبر...سكتت واكتفيت بمراقبة باب البيت الكبيرة بأمل هسه يجي وهسه يفوت واكوم اركض لحضنه واعاتبه ليش هيج يخوفني عليه...

امتحاني الاخير راح ومرت ايام واني بهالحال عجزت امي وياي تريدني تطلعني من هالحزن اللي حل بقلبي وروحي واستوطن دواخلي ...احس روحي مثل الخراب وعششت بي غربان بدل العصافير باكوا احلى سنين عمري