كذبتي الصادقة❤

٢٦

من يم حايط الجيران كاعده وانشر الكم 🤕

...اللي ما تصوت كون فالولة باصابعها 🤲😁😁

نهى:
بعد العقد وطلعة اهله لمحمد هو بقى ما راح ...المغرب بابا دز الي خبر اروح الهم للاستقبال ..كنت بهالوقت سابحه ومبدله بعد الحفلة وشويه ارتاحيت من الضغط هالنهار الطويل شويه اختليت بنفسي وماما كالت اسبحي وارتاحي من المكياج ...

فتت من الباب سلمت وكعدت بصفها ما دخلت كلش بقيت بالقاطع الثاني من الغرفة.. هو وامه وابوه باقين وامي وابويه وياهم هو كاعد بصف ابوه اول ما شلت راسي اشوفه غمز الي الما يستحي بقيت اتطلع اخاف احد انتبه من اهلنا بس العيون كانت متوجهة الي ..ابوه وامه كلش منطلقين بالكلام ...طبيعتهم كلش مختلفه عنا ..حياتهم صخب وضحك وسوالف هوايه ..وين حياتنا الساكنة واللي يعمها هدوء مطلق

كام وتحول يمي بلا ادنى حرج من الكاعدين يا الله شكد الجرأة والثقة عنده عالية ..كعد بصفي كلش وحط ايده على القنفة وره ضهري جفلت من حركته وعدلت نفسي بكعدتي ابتسم من حركتي وما اكتفى جر ايدي وحطها بايده ..كلش متضايقة ودي اختفي بهاللحظه اني مو شجاعة بهيج مواقف ..اصلا لو بيدي البس عباتي واطلع تك عين واكعد بابعد مكان عنه ..اهلنا ولا كأن احنا وياهم بالمكان ..صرنا اني وهو بقاطع وهمه بقاطع ..خجلي خرسني وهو ما يعرف يسكت

-حبيبي شبيج عادي هاي اهلنا يمنا تره مو وحدنا رخي روحج لا تتشنجين هيج
-ما متشنجة ابد

-ابد
-ابدا 

-زين اني عطلت اهلي وكلت الهم تكعدون يمنا اسولف وياها .. اعرف بيج ما ماخذه عليه ..اريد اتفق وياج على اشياء
-انخطبنا عليش نتفق بعد !!

-هههه هوايه اتفاقات ما خليتيني اكمل المره الفاتت خبلتينا يابه نريد نحجي وياج ما نعرف شلون لا موبايل لا غيرها ..بالله ابن عمج خليتيه وسيط حتى فشله ههه ..قبل يومين كلت الج عندي طلب وما كدرنا نحجي واتفقنا ان الملتقى قريب والايام الجايه هوايه وهذا اول الملتقى

-شنو الطلب ؟؟
-اريد ابوسج ..دنكت وباوعت لاهلي ورجعت باوعت بعيونه يحجي صدك كدامهم ولو كل شي اتوقع من جرئ مثله احس ايدي اللي بايده صارت ماي واصلا كل جسمي مثلها ..غصت بخجلي ..عاد هو رجع ابتسم واكتفى بهالقدر من احراجي ..ضحك وكمل كلامه

-حبيبي اتشاقى اهلنا كاعدين عيب هسه ههه بس تره بغير وقت ابوس اني ..اي عمري شوفي حياتنا حتبدي من هاللحظة ..الماضي ما النا اي شغل بي ..احنا من اليوم بدينا

-اي بس اذا كان الماضي بي حرام واجب التوبة هسه
ضيق عيونه مبتسم بطريقة ما اعرفها اني
-مو اني اقصد انت ..لا عبالج اقصد ماضيي اني ..ما عندي شي ندمان عليه ابد ..عبست بوجهه واني اتذكر سوالفه بالسوك ...لا تباوعين هيج شاب عازب طايح حظي ومن الاكيد انجرف وتره المغريات جانت قويه وهسه راحت هذيج الفترة وبديت غيرها