كذبتي الصادقة❤

٢٥

اسفة البراحة انقطع عندي النت واليوم اعوض باربع بارتات 😘

......
طلعوا الناس من حفلة نور ووسام وفضت وفرغ البيت ضلوا بس الاهل ...كنت بعدني بفستاني ولابسه حجاب مشكلته على راسي بفوضوية 

..تسريحة شعري وجعتني لان شادته قوي كل شويه احركها بس اريد اخلص شغلي واروح اسبح ...ملتهيه بتعزيل ميز الحنه اللي اشتغلته لنور ..مواعين جده ام شهاب الفاخرات من هذني اللي بالبوفية القديمه الموجودة ببيت كل حجية عراقيه اكيد تعرفوها ..تعتبر ارض حرام على اهل بيتها محد يلمسهن ..هالمره سمحت النا باستخدام احلاهم واحسنهم بوساطة نهاوي غاليتها طبعا والا احنا تطردنا طردة ال.....بعد الحفل بقت توصي بيه المهم وارجعهم لمكانهم مثل ما مرتبتهم هي ...

كنت الم بالميز وعيوني غصب تروح للحلو ابو عضلات اللي كاعد يرتب بكراسي الحفلة بغير ركن من الحديقة ويلم بالاغراض ويرتب المكان مثل ما كان قبل الحفلة.. عيوني اخاف تنفضح ولو هو ماكو بس اني وياه بالمكان وعادي يا ريت لو يحس ويدري هو .. كنت مركزة حيل وياه والتفت فجأة ولكفني ويا كاع انشكي وطميني ...غشمت نفسي وسويت روحي دا اشتغل ..حسيته واكف يمي وغلست لحد ما سمعت صوته اللي يطرب العصافير الدايخات على راسي من اسمعه

-صفا!!
فهيت ووكفت كدامه واحس عركت وبردت سويه ما اعرف شسوي بايدي ماعون كمت اخاف لا ينكسر بايدي من رجفتها نزلته للميز بهدوء الرجفة فضحتني ..يا ربي كل الدنيا بكوم وهو بكوم ما اعرف اتصرف كدامه ابد واتيه حتى اسم عشيرتي ويصير هو العشيرة ..يماي فديت الحواجب السود والعيون الوساع ..يسبي يا رب العباد يسبي

..عاد اسمي اللي مثل العسل طالع من حلكه وهو صحيح لو يدلعني شيصير بيه بويه يمكن اخرب !!!

-صفا
-هاااا وقاص
-عندي كلام وياج ..كملي شغل وانتظرج هنا 

اجيت اجاوبه واكول اله ما بيه انتظر كول كلامك هسه ولك فديتك وفديت امك رحيبة ..بعدين سكتت عيب شيكول عليه ميته عليه ولو هو اني ميته عليه فعلا

-هاا ...عندي هواي شغل بيبي تريد ارتب بوفيتها واخاف ما اكدر اطلع بعد
-هااا تعالي لعد هسه نسولف

تفاجأت لما اخذ ايدي وانساقيت وراه مثل الطلي ضبط ولا التفتت وراي ولا سألته وين..مشيت وايدي بايده ...مسافه بعيد عن العيون ووكف واندار الي هو يمكن كان عصبي بس يا ربي اني حتى عصبيته بديت احبها وهو هذا شكله اصلا فرحان ولا متضايق حواجبه معكودات هالعكدة واني اعشق هالشكل...
-صفا انت ليش تعانديني

-انيييي!!كلتها مستغربه وجريتها بابتسامه مستغربه ما يدري هسه اذا يكول اشمري روحج بالشط اشمرها انننني اعانده يبووو دخلي اطم نفسي اذا صدك..هو ابتسم وكمل

-انننت ..صفا انت حتخبليني!!
-اننني!!!!كلتها بوسع عيوني اللي احسهن لمعن فرح بكلامه
-اني مو كلت لبسج هذا تبطليه ... ولا تتصورين وتنزلين