كذبتي الصادقة❤

15

وضاح:
تمددت جنبي بعد ليل طويل انتظرته كاعد بس ساكن واسمع الها ... نشيج بكاؤها مؤذي كاتمه صوتها وخايفة مني ..اعذريني يابعد كل اهلي وتحملي وياي ..الله يصبرني وما اخذها بحضني من اول ليلة واراضيها ..ردتها تتعذب مثل الايام الماضية وشلون تعذبت اني من وراها ...صعبة لما تحس الانسانه اللي حبيتها ما راغبتك وانجبرت عليك ...واصعب عليه دموعها واني اشوفها هيج تتأذى ..ارجع اكول تستاهلين والله وحيل بيج ...

نمت بعد ما تطمنت هي نامت وسكنت عبرتها ..نامت بلا اكل !!
انداريت بعد ما غفت هي اتأمل ملامحها اللي شاركتني فراشي واخيرا ...شنو خيرات رب العالمين كلها بوجهها اية من الحسن ..وجهها بوحدة فتنه عدا الباقي

غفيت واني اتأملها وكعدت وهم بقيت بمكاني اتأملها وراح ابقى عمري كله هيج الحمد لله من صارت الي ..تمنيت لو هسه زواجنا بغير شكل .

دا اتخيل شكد حلو اول نهار وياها وشكد اكون سعيد ...الصبح نوره عاكس على بشرتها البيضة عبالك حليب كثر ما بياضها ناصع وشعرها عكس هالبياض طويل منثور حواليها ملفلف من اطرافه وبنفس الوقت ناعم ولامع حيل ..سبحان من صورج والله يسامحها لامي بالليل شلعت منه خصلة شكبرها من شفتها طاحت ردت اكابلها وانحب وياها عليها ...اموت على شعرها

تململت وتمطت بدلع وفهاوة واني اشتعلوا حتى اجدادي ..الشفاف التمت وطلعت لكدام والايدين انرفعن فوك وبرز جسمها وارتفع صدرها معلن عن ثورات محتجة بداخل جسمي تطالبني بأخذها بين اضلاعي واضمها عن عيون البشر واولهم عيوني يبوو يروح الج فدوة كل حرف يكوله قباني والساهر وياه..اووف من اشتعلوا حتى اشتعلوا الخلفوج وبلوني

 ..تتكلب بصفي بحركات خلتني شويه وانقض عليها وافتك ببراءتها وعفتها اللي تأكدت منها البارحه وشفت بعيوني وما لمستها خليتها لوقت احسن وحال احسن ...امداك يا مطي عود كرامة ورد اعتبار وكذا خلي تفيدك الكرامه واعتبارك خليه ب....... 

تركت الفراش مثل المجنون واصل حدي واخر ما عندي ...طلعت من الغرفة وركعت بابها بكل قوتي افرغ بيها شويه من غضبي...مشيت بهمة للحمام تلكاني وسام طالع من غرفته حب يستظرف

-صباح الخير عريس ...اشو غابش للحمام هههه

-انجب
تعديته اكمل طريقي وهو ما تركني لحكني يمشي ويضحك
-يابه دا اتشاقى بس اوكف ابارك الك

-ولي عني
فتت للحمام وركعتها لباب وراي بعد ما هديت وارتاحيت وسبحت بماي مثلج عكس براكيني ..نشفت جسمي ووكفت كدام مراية الحمام وحاجيت نفسي ..بعدين وياك لو تثكل لو تتنازل لا تضيع المشيتين ...راح اتعب بس لازم ادبها على افعالها واربيها من جديد...هاي اذا ما ربتني وربت الي علة بكلبي ...راح اشيب اني ادري 

رجعت للغرفة لكيتها دا تلم بيها ..تمشي بهداي على كيفها وعيوني متعلكة بخطواتها ..كل شويه تباوع الي بخوف وتكمل شغلها ...كملت وكعدت عالكرسي مقابيلي قرب الباب دنكت ساكتة ما تحجي ولا اني احجي ما اربدها بعد ابد تفارق عيوني ولا لحظة من اليوم