كذبتي الصادقة❤

١١

البارت بلا مراجعه ولا تدقيق الما يغلس عالسحك يا رب يروح سفرة😁😁

ودل دل كلش اذانا بقطع النت😏😏الا ناكل عدس بعنادك ولا تكدر علينا😁😁

ويكولون العراق بي تظاهرات سلمية وعدنا حرية فكر وديمقراطية واحنا مثل الجهال على ساعه خمس العصر يسدون علينا النت ويكولون لهنا حدكم اللي يريد يشتغل واللي يريد يقرا واذا كلش روحوا ناموا من هسه  لباجر والما يعجبه ياكل عدس🔪

..........

وسناء:اصعب مرحلة مرت بحياتنا اني وشهاب لما البنات بدوا يكبرون وتكبر وياهم الهموم ...نهى اخذت جانب السكوت ...كلمه ما تحجي ..عرضناها لطبيب نفسي اخذناها لساده وائمه ..ما خلينا شي يعتب علينا ...طبيب اعصاب وصف النا الصدمة المضادة بارجاع النطق عدها ...ما فاد اللي سويناه اني وشهاب وبقت عادة كعدتها مقابيل الباب وتأملها اله ملازمه ليومها ...وكانت قهر الي بديت احس بخسارتي الها ..كانت هادئة طول الوقت بس حتى هدوئها يأذيني

سنه كامله الكل رجع طبيعي ومشت الحياة وياهم الا هي
ام منير رغم قهرها على ابنها اجتي ورادت تاخذ من بناتي لابنها الثاني واني رفضت رفض تام وحتى ما وصلت الخبر لبنتي ...نهى تتاذى البيها كلش يكفي ما اريدها تسوء ااااكثر ... ما اكدر ازوج الاصغر منها وهي تشوف خواتها يتزوجن وهي انحرمت الفرح ...وما راح تتزوج وهي هيج ابد ما ردنا نضغط عليها ولا نذكرها بشي كافي عليها وجعها ..تقدم الها بعد وفاة منير ولد من المنطقة مدرس كان بمدرستها...شاب اهله معروفين بالمنطقة وحالته المادية جيدة جدا بس رفضناه مباشرة اني وابوهن ما خلينا الخبر يوصل الها ...الحمد لله كان شهاب يفكر بالبنات اكثر مني رغم ابوه وامه نصحوه بأن يزوجها 

جربت قبل احساسها وتزوجت وعشت سنوات اعتب على اهلي لان زوجوني واني كنت بمرحلة محطمة ومكسورة حيل.. لحد ما عرفت شهاب الحقيقي..مو كل الزواج يمشي ومنو يكول اذا تزوجت راح يتقبل ويتحمل ان هي ما ترغبه اني وشهاب عانينا هواي رغم كنا احسن حال مو عاد هي ..ما اريد بنتي تتاذى ولا اللي ياخذها يأذيها 

مهدي ابني صار عمره تقريبا سنه وشويه وهدأت اوضاع المنطقة وحملت مره ثانية رغم كبر عمري ...نهى على وضعها اول سنه بالكلية طارت عليها شهاب كمل الها التقديم كامل على كلية الهندسة بنفس المحافظة لقربها للمنطقة اللي احنا بيها وحتى خط سجلها بس هي ما ترضى تطلع من غرفتها ولا نطقها رجع شلون بعد تدرس..كعدت بالبيت واني شويه واموت بقهري عليها لا دراسة ولا من زواج ولا استقرار بس شنسوي هذا نصيبنا ونحمد الله على هاي

...صفا الوكحة مالتنا ما تغير طبعها وزادت عناد ووكاحة بمدرستها من المتميزات دائما...بس ما تاخذ  كلمه من احد ابدووماشيه بشورها ورايها وكالعادة شهاب مساند يكول شخصيتها قويه وخليها تنصقل على طبيعتها لا تضعفيها وتكسريها