كذبتي الصادقة❤

٣٣

مساء الجبن خو ما يوميه عسل وكيمر وكاهي الجبن زعلان🤭🤭

شوفوا النشر بين يوم ويوم لان مدا الحك للبيت والجهال وقرايتهم ...ما اريد اقصر بشي طبعا ...

وها صوتوا وخلونا حبايب😈🔪🔪واذا اكو سحكات غلسوا🙂

صفا:

بعد مرور اشهر....

حفل تخرجي اليوم ...ماما وبابا متحضرين وهدهد وكروش لابسين قوط سود رسمي وبابا مثلهم ..اني اختاريت خليط بين الماروني والاسود لطقم تخرجي وماما اختاريت الها جبة سودة مع شال ماروني ونسيت اذكر الكم اخواني وبابا لابسين ربطات عنق نفس لوني هههه ..صبغتهم

طلعنا للقاعه اللي تشاركت ويه بعض زملائي واتفقنا تكون بيها الحفلة ....طبعا اخواتي هم يحضرون همه وازواجهم ...وصلنا القاعه واني كاعده اتصل بصديقاتي من اجل تكمله التحضيرات والموبايل ما وكع من ايدي حتى بابا انزعج ونبهني اكثر من مره بان خلص كافي اتصال...بين مدا انزل اجاني اتصال اخر ورديت ...نزلت والموبايل باذني واعدل بملابسي ...سيارته موجوده شنو معقولة اجاا!!!

فتت وره اهلي وبالقاعه ما شفته وضاح وصبا ورحاب وعمو وياهم ونهى ومحمد وابنهم توه طلع الاربعين جايبيه ولابس رسمي حبيبي..

نور بنت صبا طالعه تخبل بالبدله المنفشه وهي بيضه دبدوبه بعيون ملونه وشعر ملفلف محابس تجنن خلقتها
.. شلتها ووكفت اتصور ونسوي حركات اني وياها ..هي من كثر الصور صايره ارتست على كولة عمها المعقد ..طالعه لخالتها 🤭

لمحته بين الجموع ويه الشباب مبتسم وتذكرت الاشهر اللي مرت شلون كضيتها وياه عركات ..بعرس وسام ونور حاسبني على ركصي ولبسي ومكياجي ..تلاكينا بديالى بيت جدو ابو شهاب بحنة نور.. بوقتها لما اجا ياخذ جدته ام رحيبه من بيت جدو ابو شهاب وهي طلبت مني وكالت وصليني للباب..كانت اول مره اشوفه من بعد رفضي اله ...

كان متغير وضعفان ..التصوير دائما يضلمه هو هواي احلى بالحقيقة من الصور ..رغم اني حبيته بالصور وبالحقيقة وبكل مكان بس هذاك وقت مر وصرت اقاوم شخصيته ووسامته الغير معهودة الفريده بنوعها..

لابس دشداشه لونها غريب جدا اخضر فستقي فاتح جدا ..مدري ليش يختار الوان تزيد سماره ..يتعمد ابن رحيبه يبين سماره المليح وعيونه الصفر..مثل عيون الاسد

جدته بوقتها ضلت تكله بنت عمك وتريده يحجي وياي واحنا متزاعلين وتكله سلم على بنت عمك وهو مطنكر هالنوب فستاني الازرق سببله حول وقتي يمكن ..نار تطلع من عيونه وهو يباوع لرجليناتي الطالعات من خلف القماش المخرم ..عابت مو لابسه جواه بطانه قصيره ..يعني مو كلش هالمره داريت خاطرك بلبسي😏

اشو هذا صعد جدته واندار عليه رزلني عابت جدتك كالت الك سلم عليها مو رزل ...ولا اهتميت عبالكم اهتم ولا تحسست ..ادري شنو علته صرت ..