كذبتي الصادقة❤

٢١

ولو زعلانه عليكم بس لخاطر اللي صوتوا ورادوا البارت نزلت ...

عود ما اوصيكم لا تصوتون 😤😤

نهى:
حضرت جنطة صبا وياها ساعدتها بيها لان صحتها مو تمام حتى تسوي شغلاتها بمفردها..وكاعدة اسولف يم رجليها واني اعزل عن الارض باقي الملابس اللي ما تحتاجها ...هي كاعدة عالسرير ..ابتسمت وسالتني متذكرة..

-نهى اكولج هذا الولد اللي شفناه قبل اسبوع ويه وضاح من دنروح للمستشفى نسوي التحاليل.. هو اللي وصلنا محمد مووو؟؟

هزيت راسي وجاوبتها بهمهمة مو مفهومة
-هسه ما افتهمت هو لو مو هو

-اممم هو
-شبيج بس جبنا سيرته انكلب وجهج ...تره مبين خوش ولد مو مثل كلامج اصلا شكد مجامل
-سدي السيرة صبا

-ليش؟؟انت ما مقتنعة بي لساج
-لا طبعا ..تدرون رأي بالزواج شنو

-ما ندري شي ...وكلامج مو منطقي يعني شنو تريدين تبقين بلا زواج كل عقلج ...عادي الواحد ممكن يوفي للي يحبه بس يكدر يتزوج 

-بالله شلون هاي بلا زحمة
-يعني الزواج ما اله علاقة بالحب وانت اكيد تريدين تصيرين ام وعندج اسرة خو ما البشر يترهبن وما يريد عائلة هم بيوم يكبر ويريد حواليه ابناء واحفاد ..اني اموت من اتخيل ابقى بلا عائلة ..لازم هالشي كل بشر يطمح اله

-اني ما مفكرة ولو فكرت مو هذا اكيد

-ليش ..شبيه نهى بصراحة ما الج حق تحجين عليه يجوز الموقف وعصبيتج خلت الولد هيج يحجي همه شباب هالايام لسانهم فالت ..والله اصلا اني شفته وردة مال الله ..هم خلقة وهم اخلاق ..ولج يبووو وحدة ترفض واحد هيج مرتب غير يخبل وهم فوكاها خريج كلية... لو لان يشتغل حلاق؟؟

-لا ابد ما اله علاقة بالشغل من‌شوكت اني افكر بالمستويات والمادة وهالسوالف ..اني مستحيل اتزوجه ما اخذ واحد بنطرونه ناصل لان هو هيج رافضته
-لج والله حباب...شلون مرح

-هااا هاي منو التحجي..والله يمكن صدك الدم يحن هاي دمه اللي تبرع بي وخبصنا بتبرعه كاعد يخليج تفزعين اله ههههه ..ما طولنا هيج نحجي وضاح من شنو يشككي وتصركعتي منه

-عوووع جايبه هذا لهذا ..وضاح كلمة حلوة ما عنده...ههه بس والله ضحكني من يكولج اطلبكم دم ههه ردت اكوله ننطيك اختي فصلية

-اي ابقي اضحكي انت مكيفة
-اي والله هالولد حرامات تطيريه من ايدج نهى تعرفين اكو مقولة تكول اذا اردتي السعادة لعالمك فعليك برجل دائم البسمة ..يعني انت ما يناسبج غيره 

-دكافي تقنعين بيه شنو اليوم امج دازتج انت ما اخذ واحد بنطرونه ناصل
-لا والله محد دازني عليج ..من راسي اجيت ههه لو بس ادري شبيه ورافضته ... شنو شفتي ...وهيج متصركعه من بنطرونه