كذبتي الصادقة❤

٢٧

ليس الحب فكرة.. إنه عاطفة تسخن وتبرد وتأتي وتذهب.. عاطفة تتجسد في شكل وقوام، وله خمس حواس وأكثر.. يطلع علينا أحيانا في شكل ملاك ذي أجنحة خفيفة قادرة على اقتلاعنا من الأرض.. ويجتاحنا أحيانا في شكل ثور يطرحنا أرضا وينصرف.. ويهب أحيانا أخرى في شكل عاصفة نتعرف إليها من آثارها المدمرة.. وينزل علينا أحيانا في شكل ندى ليلي حين تحلب يد سحرية غيمة شاردة، للحب تاريخ انتهاء كما للعمر وكما للمعلبات والأدوية.. لكني أفضل سقوط الحب بسكتة قلبية في أوج الشبق والشغف كما يسقط حصان من جبل إلى هاوية❤"محمود درويش"

نهى:
بعد خبر خطوبتي بيومين بيت عمو ابو منير وجده كلهم اجونا ..بابا شهاب ناطيهم خبر ..كنت اجبن من المواجهة ما ادري فشلانه منهم ...عمه ام منير جايه وباركت الي وهواي فرحت الي وجده ام شهاب هم نفس الشي ...ما كدرنا نكذب هواي وبجينا اني وياهم ورغم هالقهر بيبي ام شهاب ما قبلت الي عروس ابجي وضلت تحجي تكول فال مو زين ..سكتت وامه خطيه هم سكتت ...طلعت تراجي حلوة ذهب لبستني هدية خطوبتي ...ضلوا يمنا يوم وثاني ودزوا على محمد يتعرفون عليه اكثر ولو همه شايفيه ...ما ارتاح هو وبين انزعاجه بوجهه حتى الي ما حاجاني بوقتها

بعدها عزمني محمد لبيت اهله اتعرف عليهم ومنها نشوف اثاث غرفتي وترتيبها وتجهيزاتها والنواقص ...طلعنا اني وياه واخته اشترينا الذهب والغرفه بيوم واحد وعقدنا محكمه ثاني يوم واليوم انعزمت عدهم هاي عاداتهم ..فتت للبيت من الباب تلكتني اخته الجبيرة بالهلا والله من تلزكني بوسه اريد انشلع من كاعي ..شلت هم البقيه هاي الناعمه بيهم هيج ههه

فتت بالطارمه عمتي كاعدة عالكاع وكدامها يمكن طلي كامل تكطع بي هي وام نمير اخت محمد الثانيه بوستهن عمتي مختلف اسلوبها عن حفلة الخطوبة شويه فاكتها وتضحك يمكن لان بيتها وخطارها

..غسلت واخذوني هي ومحمد للاستقبال.. هاي شكد عازمين يا الله خواته وبناتهم وولدهم ..ختلت وره محمد من فشلتي منهم ..ازواج اخواته كبار حيل وولدهن شباب ..سلمت عالكل وكلهم سلامهم مرحب وحار ...دنيا عرسها بعد اسبوع موجودة وشويه خففت عني غربتي بنصهم ...كعدنا زلم وحد ونسوان وحد ...شويه فكيت من شفت طبعهم مرحب وكلها تضحك وبنات اخواته حبابات ولو هنه اصغر مني بس كعدن يمنا اني ودنيا ..زوجات اخوانه محد تقربت بس من بعيد واكفات فصلني تفصال..تغديت ويه النسوان وامه كعدتني يمها ..اكل هواي وهوسه واني بالهدوء وبيتنا ما اعرف اكل عاد هنا ...

كملنا وكمت وياهم للمطبخ رجعوني ما قبلوا ..دنيا كلش منطلقه وتتصرف عبالك بيتها ..اوكح مني واسبع ..

كعدت وبه امه واخواته الكبار ..بنت ام علي اخته الجبيرة همست لامها وراحت وهي اجتني كالت كومي وياي ..استغربت طلبها بس نفذت ...رحت وياها ...البيت جبير صعدت الدرج وجرتني وراها ...صعدنا بيتهم قسمين فوك ..اخذنا الجانب الايمن من الدرج ممر وغرف ..دخلنا لوحده منهن ...غرفتي !!اخشابي وغرفتي ..تخبل شلون ترتيب ونزاكه طالعه ..طلعت موبايلي اخذ الها صور ..انطبكت الباب التفتت محمد واكف مبتسم ...اخته ترخصت وطلعت قبل لا افتح حلكي واوكفها ...بقيت وياه !!