كذبتي الصادقة❤

٢٨

من سوء حظّيَ أَني نجوت مراراً
من الموت حبّاً🤕

ومن حُسْن حظّي أنيَ ما زلت حياً
لأدخل في التجربةْ !😁😁

هذا هو الحب❤

.. أني أحبك حين أموت وحين أحبك أشعر أني أموت🤕

"محمود درويش"

صفا:
بعد ايام اتصلت بصبا ما ترد يا الله هالبنية غبيه لو غبيه يعني شعندي وياها وتزاعلني هيج ...اني اختها حتى لو ما وكفت وياها ابقى اختها واحبها ...صبا ما ادري شلون تفكر كافي صار يومين كومه تعاركت ويه وقاص بسببهم هي وزوجها ..استمر زعلنا هواي ..رحت ويه اهلي ما تحجي وياي ولا وي نهى ولا وي امنا بس بابا شهاب مقاطعتنا

بعد فترة قررت اروح الها وابين موقفي واصالحها ...كلت لماما واتفقنا العصر نروح ما دام نهى بالبيت ومحمد حيجي يمها يبقون يم اخواني الصغار تحضرنا ورحنا لبيتها وصلنا محمد ورجع لنهى...دكينا بابها لما تعبنا ما فتحت ..اضطرت ماما تدك على بيت عمو ...فتحت رحيبه وخزرتنا اول ما شافتنا

..سألتها امي عن صبا كالت ما ندري عنها شي ومن يوم رجعت لهسه ما نازله الهم واشتكت لامي منها ..تعاتب تكول رجلها لا يرضى ينزلها ولا يقبل اصعد الها وما شايفتها ام وضاح تريد ترجع العلاقات بس هي ما تعرف طبعها خشن ..صعدنا من درج بيتهم الداخلي ووكفنا ببابها رحيبه عدها مفتاح ...

فتحت الباب صبا ما الها حس مشينا لغرفتها دخلنا لكيناها كاعده يم الشباك والسطل يمها عيونها منفخات ومبينه باجيه هواي ..امي انهبطت وفتنا نركض حتى رحاب ويانه ..نريد نكومها عن الكاع صايره طينه كلش ما تكدر ما بيها توكف ..امي جابت ماي وغسلت وجهها ..عمه رحاب كالت كابليني نشيلها ..شلناها الكاع الجواها كلها دم وبارده ثلج وحتى هي مثلجه

-يا يمه بنتي ..امي عيطت وكامت تلطم هذا الفالحه بي ..ميصير احد يحجي على امه تره بس منرفزتني حيل 🤕
كومناها لفراشهم ...البيت يخبل وريحة الطبخ تخلي الشبعان يجوع
خطيه مبدله ومتحضره لجية زوجها ومن طالعه من الحمام متزحلكه رجلها بالدواسه وواكعه على ضهرها

رحاب صارت تستجوبها
-ولج يمه غير تنتبهين زين ليش تردين من راسج وشنو الدم اجتج وقتها هذا
صبا:لا

رحاب :لعد يا بنتي شنو هالدم ..خشمج هم لو بس من جوه
-لا بس من جوه
وسناء:اخااف حامل

سكتت صبا ما ردت علينا وامي وعمه ضلوا يحجون عليها ما تريد تحجي الهن ..خابرن وضااح واجا بسرعه
فات للغرفه شافني دا اساعدها تبدل طلع ...كملت الها وطلعنا بيها للمستشفى ..الطبيبة كبل سألتها فايتتج جاوبتها اني حامل بكل ثقه احنا واحد يباوع للثاني ..صعدتها سونار الطفل عمره نهاية الثالث ونبضه موجود النزف ما بي ضرر عليه الحمد لله ..ام وضاح كشرتها لاذانها ركضت لصبا تعدل بملابسها وتعدل بيها وساعدتها تكوم توكف وتبارك الها وتدعي ربنا يتمم هالحمل ..