راهنت نفسي فيك دون تحفظ
و خسرت في الشوط الأخير رهاني😔
و أضعت عمرا في هواك ويا ليتني
قد عشت من ما ضاع بضع ثواني💔
شكرا....شكرا....شكرا....أه..أه..أه...شكرا😥
بقناعتي هادنت كذبك كله
ومسكت بالصمت المذل لساني💔
و كظمت غيضي يومها في داخلي
شأن الضحية دائما والجاني🔪
وقلت ان أتي أليك معاتبا
كفرت عن ذنبا بذنب ثاني🤦♀️
بأم عيني قد رأيت مصيبتي
لكن قلبي دونها أعماني😔😔
"كريم العراقي"
.........
صفا:
البيت فارغ ..اهلي باتوا بالمستشفى ويه صبا ....اول مره ابقى وحدي بالبيت من اجينا لبغداد لهسه ..الليل بعده بأوله ..مهدي الخبيث عافني ونام وكروش اصلا نام قبل لا نتعشى كل شويه اروح اكعد مهدي وما يكعد هو صح صغير بس عالاقل يسليني لما يجون اهلنا..ما فلحت ابقيه كاتد وهو هم خطيه بالثالث ابتدائي والصبح عنده دوام
...بقيت وحدي وبديت اتصفن هااا اخاف حراميه يدرون بأهلي مو هنا ويطفرون علينا ..هاا لا مو حرامية هذا ابن بيت ام جبار المطيرجي النهار كله بالسطوح وهسه اكيد شاف اهلي من طلعوا ...عزااا قبل يومين رزلته بالشارع من مشى وراي وذبلي كلام غزل... وكال بسيطةاني الج واني غميته ومشيت! !! ...عزاااا بعيني😱 ..كمت اركض واقفل بالبيبان وكل شويه اتأكد منهم زين ...رحت للمطبخ واخذت اكبر سكين وفتحت كل الاضوية بداخل البيت وخارجه عوود تره احنا موجودين والحرامي ينهزم
تمددت بين اخواني اللي نامو بالاستقبال حشرت روحي بنصهم ..نسيت صبا ونسيت كل شي والتهيت بخوفتي ...اوووف هسه شجابنا لبغداد ابد ما احس بامان هنا ...
الساعة قاربت ١١ بالليل واني ما اكدر اغمض عيوني ...اندكت الباب بهذاك الوقت !!
عضيت شفافي وكمت بروية امشي على كيف وعلى اطراف اصابعي.. اشكال افكار براسي ... واتخيل حيطلع الي زومبي بس افتح الباب ويهجم بوجهي ..من الله يطيح حظج نور خلتني اشوف فيلم مصخم ضلت تكول حلو وحلو وتورطت وشفته قبل يوم والفزة مالته لساها بيه...جريت سجينتي وفتحت شباك المطبخ المطل عالطارمة وكلت بصوت كوة طلع
-منو؟؟
-تعاي افتحي
هلو عيني وفوكاها افتحي غير اعرفك بالاول ..عدت كلامي عود ما سمعته
-منو؟؟؟
-اني
ادري انت قابل عرفتك ...غلست عالكلام وكلت مره ثالثة منو ؟
أنت تقرأ
كذبتي الصادقة❤
ChickLitقصة باللهجة العراقية قصة ثلاث معشوقةوعاشقة ومعذبة بالعشق ...فمن هي الاكثر حظا ؟؟وما رأي القدر ؟؟
