Like You [ Completed ]

အပိုင်း ၂၅

(Unicode)

အ​ဝေး​ပြေးလမ်းမထက်မှာ ​အနက်​ရောင်ကား​တစ်စီးက တရိပ်ရိပ် ​ပြေးလွှား​နေသည်။ ​ကားထဲက ​ရှောင်ကျန့်က မျက်ဝန်း​တွေ နီ​စွေး​နေ​သော်လည်း အပြုအမူ​တွေက တည်ငြိမ်​​နေသည်။ သူ စိတ်​အေး​အေးထားရမည်။ တစ်ခုခုလွဲသွားလို့ မဖြစ်။ မြန်​နေပြီဖြစ်သည့် အရှိန်ကို ထပ်တင်ရင်း ချိန်းထားသည့်နေရာဆီ ​ဦးတည်လိုက်သည်။

သူ့ကို ရီ​ပေါ် ​စောင့်​နေ​တော့မည်။

" အိုးမိုင်​ဂေါ့ .. ပုံ​တစ်ပုံ​လောက်ပို့လိုက်တာနဲ့ အ​ပြေး​ကို လာ​တော့တာပဲ ချစ်တတ်သူကြီးရယ် "

မင်ဖန်းက ရယ်ကျဲကျဲနှင့် ​​ပစ္စတိုတစ်လက်ကို ပတ်ချာလည်လှည့်ရင်း ​ပြောသည်။ ​ရှောင်ကျန့်က ပတ်ဝန်းကျင် အ​ခြေအ​နေကို အကဲခတ်​နေသည်။

" အပို​တွေ မ​ပြောနဲ့..ရီ​ပေါ် ဘယ်မှာလဲ "

" ​​နေဦး​လေ .. အရင်အစစ်ခံရမှာ​​ပေါ့ "

​ရှောင်ကျန့် ကိုယ်ကို လာချုပ်ပြီး လက်နက်ရှိမရှိ လာစစ်ကြသည်။ သူ တကယ်ကို စိတ်မရှည်​တော့ဘူး။ အချိန်​တွေက တစ်စက္ကန့်ကို တစ်နာရီ​လောက်ကြာ​နေသလိုပဲ။

" မင်းက ဘာလဲ.."

" ငါက ? ငါက သာ​ပေါင်း​လေ..
ခက်ခဲလွန်းတဲ့ ​လောကကြီးမှာ အသက်ရှင်ဖို့ အင်အားကြီးသူနဲ့ ​ပေါင်းရမှာ​ပေါ့ မဟုတ်ဘူးလား.."

​ရှောင်ကျန့် ​အောက်နှုတ်ခမ်းကို ဖိကိုက်လိုက်သည်။ လူသတ်ချင်စိတ်​တွေက ကိုယ်တွင်းမှာ ဆူပွက်​နေတာများ ​သွေး​ကြော​တွေက တဒိန်းဒိန်းပဲ။ ဒီ​ကောင်ကို သူ မကယ်ခဲ့လိုက်ရမှာ။

" ​ခေါ်လာခဲ့​တော့.."

လည်ပင်းကို သံကြိုးအပတ်ခံထားရသည့် ရီ​ပေါ်ကို မြင်မြင်ချင်း ရှောင်ကျန့် ရုန်းမိ​ပေမဲ့ ​ဘေးကလူ​တွေ အချုပ်ခံထားရသည်​ကြောင့် မလူးသာမလွန့်သာ။

" ပစ္စည်း​ကို ​ပေး​လိုက်​တော့ "

​ရှောင်ကျန့် USB disk ကို လက်လွှဲ​ပေးလိုက်သည်။ မင်ဖန်းက ရီ​ပေါ်ကို လွှတ်မ​ပေး​သေး။ Laptop ထဲထည့်ပြီး ​သေချာ​အောင် စစ်​ဆေးလိုက်​သေးသည်။