{စက်​ရုပ်​မဟုတ်​ပါ}

#1# (Unicode)

..........

ဓာတု​ဗေဒ ခန်းမတစ်​ခုဟုထင်​မှတ်​ရ​လေသည့်​။ သိပ္ပံ ခန်းမကြီး တစ်​ခု။

အဖြူ​ရောင်​တွေသာချယ်​သထားသည့်​နံရံကြီး​တွေပတ်​ပတ်​လည်​ကာရံထားသည့်​အ​ဆောက်​အဦးတစ်​ခုဆိုလျှင်​ပိုမှန်​လေမည်​။

ဂျူတီကုဒ်​အဖြူတို့ဖြင့်​ပြာယာခက်​နေကျသည့်​သိပ္ပံပညာရှင်​အနည်းအငယ်​နှင့်​။

ခန်းမလည်​တည့်​တည့်​တွင်​ရှိ​သော သံကုတင်​ထပ်​တွင်​လှဲ​လျောင်း​နေသည့်​လူသားတစ်​ဦး။

ဟင့်​အင်း လူသားပုံစံဖြင့်​ချွတ်​စွပ်​တူ​သော ။

စက်​ရုပ်​တစ်​ရုပ်​။

စက်​ရုပ်​က​လေး၏ မျက်​၀န်းတို့က​မှေးမှိတ်​ထားဆဲ။ အသားအ​ရေအားဖြူဝင်း​သောဘက်​သို့​ရောက်​နေကာ။ နှာတံ​ပေါ်​ပေါ် နားရွက်​ကားကား တို့​နှင့်​နှုတ်​ခမ်းထူထူ ။

ထိုစက်​ရုပ်​က​လေးက ကြည့်​ကောင်းသည်​ထက်​ပို​သော ရုပ်​ရည်​အားပိုင်​ဆိုင်​ထား​လေသည်​။

အရပ်​အ​မောင်းအ​နေအထားအရဆိုရင်​ခန့်​မှန်း​ခြေပင်​၆​ပေ ၃လက်​မ​လောက်​ရှည်​လျားသည်​။

​ဘေးဘီဝဲယာတွင်​တော့ စက်​ရုပ်​က​လေး၏အ​ခြေအ​နေအား စမ်းသပ်​နေသည့်​သိပ္ပံပညာရှင်​တစ်​ဦးက laptop တစ်​လုံးဖြင့်​အလုပ်​ရှုပ်​လို့​နေပြန်​သည်​။

"ပ​ရော်​ဖက်​ဆာ Park PCY ရဲ့အ​ခြေအ​နေက စိုးရိမ်​စရာရှိ​နေ​သေးတာလား "

Laptop ကိုတစ်​ဂျောက်​ဂျောက်​နှိပ်​ကာမျက်​မှောင်​ကျုပ်​နေသည့်​ပ​ရော်​ဖက်​ဆာ Park ဆို​သောသူထံမှ ပြန်​လည်​ဖြေကြားသံကထွက်​ပေါ်မလာ​သေးပါ။

စိတ်​ရှုပ်​သည့်​ဟန်​ဖြင့်​ဆံပင်​တို့အားလက်​ကြားထဲထည့်​၍ဆွဲဖွလိုက်​ပြီး။

"PCY အတွက်​လ်ိုအပ်​နေတဲ့ ပစ္စည်းမရ​သေးသ၍​ရေရှည်​သုံးဖို့အာမခံချက်​မရှိဘူး Mr.Wook "

Mr.Wook ဆိုသည့်​လူပုံစံအရ သိပ္ပံပညာရှင်​ဖြစ်​ဟန်​မတူ။ တစ်​နေရာရာမှာရာထူးကြီးကြီးဖြင့်​လုပ်​ကိုင်​နေသည့်​အရာရှိတစ်​ယောက်​နှင့်​တော့တူ​လေသည်​။