البارت الثالث
#المشكله_ والعنيد
منه محمد
صباح يوم جديد
متجمعين على نفس السفره بنفس الترتيب..كل الاوضاع هاديه الا بين اتنين رافضه تستقر..
سيار اللي تعبه وهده التفكير المنصب ازاي يقدر يكمل الي بناه من سنين و يجي كرم ويدمر عليه كل حاجه في لحظه..
قال بصوت واهن وهو بيحاول يغير النبره: هاه ياريهام..فينك مختفيه من امبارح؟؟..ما شفتكيش على العشاء!!
ريهام رجعت نظاراتها الطبيه بشكل لا ارادي: والله يا بابا كنت مشغوله ونمت على طول..
سَيار بابتسامه: ربنا يقويك يا بنتي..
بصولو التوأم وقالوا بصوت واحد: واحنــا؟؟؟
ضحك سَيار : هههه انتوا كمان ربنا يقويكم ويوفقكم كلكم..
سالي: يالا بقي خلصوا..لا تتأخروا..
التوأم مع بعض: حاضر مامي...
هبه: نسمه بلاش تقلديني..
نسمه: انتي اللي بتقلديني...
هبه: لا انتي..
نسمه: لالالا انتي.....
سالي ضربت السفر و بعصبيه: بس انت وهي...احنا مش ناقصين على الصبح..
كرم بص جامد للانسانه الي تعتبر في مقام امه...بس مستحيل تبقي له ام..ولا عمره حس بحنانها ابدا...ولا شاف منها الا التفرقه بينه وبين عيالها وعمره ما كن ليها أي مشاعر حب..ولا عمره حس ان في بينهم صله...
وقف مره واحده:....انا ماشي..
التوأم بعد ما خرج كرم: ايه ده فيه ايه؟؟؟
سالي واللي قلبها نغزها ومش مطمنه من حالته من امبارح وخصوصا انه كل شوي يبصلها بنظرات غريبه كل ما تتكلم!!... حبت تتاكد..
سالي :سَيار فيه حاجه حصلت فالشغل..
سَيار ارتبك: ايوه في صفقه وخايف يخسرها..
سالي هزت راسها بتفهم وبتحاول تقنع نفسها ان مافيش امر يخوف...
.........منه محمد................
في العربيه مع السواق.....
هبه بتردد: نسوم...لو ما احضرش المدرسه النهارده يحصل ايه؟؟
نسمه لفت عليها بسرعه ورعب: يعني ناويه تروحي فين؟؟
هبه بلعت ريقها: اممم حروح اتمشى...
نسمه بتحذير واللي عارفه فين هتروح وعشان ايه عاوزه تزوغ: هبه انتبهي تعمليها...والله اقول لمامي سامعه...!!
هبه نفخت: اوووف منك....ليه انتي معقده..
نسمه بهدوء: هبه ماتلعبيش ولا تحاولي....لا يعني لا .....
******************************
فـــي البـــاص.....
وفي نفس مكانها امبارح...
البنات نفس النمط كل يوم نفس النظرات ..
ابتهال: يارب يطلع يارب يارب..
وشهد تدعي معاها: يآآآآآآآآآآآآآآآآآرب..
ابتهال صرخت: طلع طلع..
وكلهم لزقوا بالشباك..
ابتهال: ياخرابي....وبعدين معاه..."واتنهدت"
شهد: أه والله وبعدين معاه...
ثواني الا كل واحده قاعده بمكانها بأدب بما ان اخته جات...
ابتهال بعد ماقعدت مرام لفت عليها: مرام....الليله عامله حفله صغيره ايه رايك تيجي؟؟؟
مرام: بمناسبة ايه؟؟
ابتهال: اختى فتون عقبال عندك أتوظفت...
مرام بفرحه: والله!!...مبروووك..واحاول اجي..
ابتهال: لالا مافيش تحاولي لازم تيجي...
مرام : خلاص اوكي ولا يهمك..
شهد مدت البوز يقال انها زعلانه: ابتهال من النهارده وطالع متكلمنيش ابدا فاهمه
ابتهال ضحكت: لا ميته عليك يا فقريه..والنبي كفايه كدا وحني عليا..
شهد: ليه معزمتينيش زي المغروره...!
ابتهال ضحكت:ههههههههه شهوده اصلا انتي الاساس ومن غيرك مافيش حفله هههههههه لان اصلا مافيش الا سحنتك فقلت لما ازودها بسحنه تانيه عشان نحس بتغير شوي...
شهد ضحكت: ههههههههه لايق عليا الدلع صح...
ابتهال كشرت: يخربيتك شكلك (وبألش)..قالت ايه لايق عليا الدلع وبصتلها بقرف لايق اهبطي بقي .. هههههههههههههه
........................
في الشركه فتون دخلت مكتبها...وبكل حماس حطت حاجتها وبدأت تشتغل ومعاها هويدا وعلياء يساعدوها..
فتون اللي دخلت جو الشغل و متحمسه معاه لانه نفس دراستها يعني سهل عليها تتعلمه بسرعه..
وبعد مافات خمس ساعات من وقت الشغل جه وقت البريك....
البنات يتكلمو وهما نازلين للكافتيريا اللي تحت...
علياء: فتون تخيلي انك مكان هويدا ههههه..
فتون اتحرجت : هههههه لا مش عاوزه اتخيل
هويدا بعصبيه مصطنعه: وانتي مخليه حياتي الزوجيه ملطشه عندك..وايام شهر العسل مضحكه عندك....طب يارب يبتليك براجل يعذبك..
علياء برومنسيه: خليه هو بس يجي بعدين نتفاهم في العذاب هههههه
وضحكوا البنات عليها...
فتون: مستعجله على ايه؟؟؟على الشقا!!
علياء: خلاص هو فيه في العمر قد ماراح ..عمري 27 سنه وما اتجوزتش حرام عليك..
فتون انصدمت:والله ما باين عليك..
هويدا: ربنا يخلي الميك اب...وكريمات للتجاعيد حوالين العنين..
علياء ضربتها: يا عجوزه انا اصغر منك..الكريمات دي ليك انتي وكرشك..
هويدا ضحكت عليها: حبيبتي لسه طالعه من النفاس
اصبري علي شويه ويروح الكرش..
فتون: هويدا عندك اد ايه؟؟؟
هويدا: قلت لك عندي بنوته قمر شبهي...هههههه
فتون: ههه ربنا يخليها لك...
علياء: الا هويدا..........وسكتت..
هويدا وفتون لفوا يشوفو دي سكتت وبصت ع ايه علياء وهي فاتحه بؤها..
كان واقف بهيبته بيسلم ع واحد من مدرين الشركه ويبتسم له..
علياء بحالميه: بنات...لو يجيلي واحد زي ده والله ما اقول لا..
هويدا ضحكت: لا والنبي وافقي...
فتون سكتت شوي بصتلو بتأمل فعلا جمال اخآآآآآذ وساحر وابتسامته ليها مفعولها على أي بنت... بس بتحس ان غرووووره مغطي على جماله ومشوهه بنظرها..لانها بتهتم بالجوهر الداخلي مش المظهر الخارجي
جت عينها في عينه..ارتبكت فتون وعلى طول لفت للناحيه التانيه..
علياء بدهشه: بنات نظراته مركزه علينا؟؟؟
هويدا بنفس الغرابه:كأنه....!!
علياء بيغمى عليها: بنات مش كأنه جاي لطربيزتنا...بنات الحقوني الحقوني يالهوي برفانه وصل قبله خلااااااص انا دبت...
فات من قدامهم...وبطرف عينه بص ع تربيزتهم وركز على اللي قاعده في النص ومشي...
فتون أتأكدت ان النظره الاولى كانت ليها...قلبها بدء يدق..لالا مستحيل يبصلي...اكيـــد لعلياء...علياء شيك وحلوه واكيد يقصدها...اكــــيد..وبلعت ريقها..
كرم بنفسه"معقول دي بنت عمي....؟؟"
..................
