البارت الثاني عشر
#المشكله_والعنيد
منه محمد
على الغدا.. فيه الي قاعد فكره سرحان لمكان وفيه الي قلقان وتعبان
سالي: نسمه هبه...كلوا فيه ايه مالكم ..؟
نسمه ابتسمت: باكل اهو يا ماما..باكل..
هبه وهي بتحط المعلقه في بؤها وتبتسم لامها..
سالي لفت على ريهام اللي بعالم تاني..واستغربت حال ولادها.
سالي:ريهام!!
ريهام كانت شارده بعيد وهي بتقلب الشوكه بالطبق ولا عندها علم بالي حواليها اصلا..
هبه نغزتها: كركر...مامي بتناديكي..
سالي بنبره حازمه: هبه..!!
هبه اتنهدت: طيب اسفه..
ريهام لفت على امها وطنشت كلمة هبه: ايوه يا ماما..
سالي: مالكم النهارده كدا كلكم مش طبيعين...!
ريهام سرحت تاني وهي بتفكر فيه"سامي...حالته متأزمه جدا..يارب يعمل العمليه ويخف يارب.."
ريهام:ابدا ياماما....سلامتك ضغط الشغل..
سَيار واخيرا اتكلم: الشغل يابنتي مبيخلصش..العمر هو الي بيخلص ما تخلهوش ياخد عقلك..زي ماهو واخد وقتك
كرم كان الطرف الصامت لاول مره من غير مايعلق .
سالي بنفسها"حتى هو مش عوايده ساكت ولا علق..خايفه احسد نفسي وينطق دلوقت اسكت احسن"
كرم وقف:الحمد لله...هبه اذا خلصتي عاوزك في موضوع..
هبه اختفى لون وشها و بان عليهاالخوف ...وقفت بسرعه...ووشها اصفر بدون ملامح..
سالي خافت على بنتها: هبه..كملي مالك..لو خلصتي روحي معاه..
هبه اتوترت: لا..............خلصت..."ولفت على نسمه تنقذها.."
نسمه وقفت: انا كمان الحمد لله..
كرم غسل ايديه وقعد بالصاله يشوف الجرايد اللي قدامه..
هبه عند الحوض لفت لنسمه..
هبه والكلام يطلع معاها حرف حرف: نسمه.....والله ماقادره اتحمل ...قلبي هيقف..
نسمه خافت اكتر ع هبه...كرم شخصيه مرعبه...اومال لو كان عارف حاجه كبيره على هبه...
نسمه بحذر: خدي بالك لسانك يفلت بكلمه ...انكري كل حاجه..
هبه عيطت: نسمه تعالي معاي..
نسمه: اجي معاك فين..واخد منه تهزيئه...
هبه محتاره مش عارفه تعمل ايه وكذا فكره تاخدها وتجبها خلت عقلها عاجز عن التفكير
"هبه..روحي اهربي ولا ترجعي...اه اهربي بسرعه وانفدي بجلدك"
بصت لنسمه وكان نفسها تقولها عن اللي بتعمله..
نسمه بصتلها وفهمت تفكيرها: هبه...فكره مجنونه؟؟؟
هبه: اهرب...!!
نسمه: يا مجنونه فرضاً عاوزك في موضوع تاني...؟
هبه:اعمل ايه انا مرعوبه..؟
نسمه: مقدمناش غير اننا نروح...انتي روحي اقعدي جنبه وانا هكون قريبه منك..
هبه برجاء: اوعي تسبيني..
نسمه مسكت ايد هبه تطمنها واخدتها للصاله وهي ضاغطه على ايد اختها..
كرم شاف اخواته جايين ناحيته...وطبعا وشه مفيش اي تعبير عليه..
نسمه سابت ايد هبه وراحت أأعدت بالصاله التانيه بس عينها عليهم مترقبه أي حركه..
هبه وقفت وبينها وبين كرم مسافه...
كرم بصلها و مستغرب: تعالي!!!
هبه:فين...؟
كرم حس ان فيها حاجه مش طبيعيه: هبه تعالي...جنبي"وشدد على كلمة جنبي"
هبه قلبها قرب يقف...ومشت والدنيا عماله تلف بيها من الخوف وأأعدت بعيد عنه شوي..
كرم حس ان فيها حاجه: هبه تعبانه..!!
هبه: ها...لا.
كرم: طيب فيك ايه..حسك مش طبيعيه..
هبه قلبها هيقف وبصوت مش مسموع: لا عادي..
كرم بانت ملامح الجديه على وشه: اسمعي..لو فيه حاجه ..تعاليلي على طول..مش عاوزك تروحي لغيري..اي مشكله تواجهك تيجي تقوليها لي..انا مش باكل لحوم البشر..
هبه حست ان الدم اتجمد في عروقها..حاسه ان الدنيا والساعه والوقت كله ثابت مكانه وفجأه اختفت وانقلبت الدنيا ظلام في ظلام..
