المشكله والعنيد

البارت١٤

البارت الرابع عشر
#المشكله_والعنيد
منه محمد
سامح كان ضامم رجوله وساند راسه...مش عاوز يشوف حد...شوي وقعد واحد جنبه ..
:خير يا عمونا..
سامح رفع راسه وبصله...باين عليه صاحب سوابق..كره نفسه وكره حياته..والساعه اللي عرف فيها مهند..
واتفتح باب السجن..
ودخل منه سامر..
سامح وقف:سامر...!
سامر لف على سامح:سامح!! ايه الحكايه ياريت تفهمني..
سامح : معرفش ياسامر صدقني...انا والله ما اعرف عن اللفه دي حاجه ولا انها موجوده في عربيتي
سامر: انا شاكك في مهند...
سامح سند راسه على الجدار بتعب: ما فيش غيره الوسخ...
سامربحقد: عشان كدا مكنش عاوزني اركب معاك..
سامح: و الحل....؟
سامر اتنهد: شكل حكايتنا مطوله...مشعارف ازاي نثبت برائتنا...قدامهم وقدام اهلي...
سامح افتكر اهله: اهلي!!!....لو عرفوا هيعملو ايه....نهار اسود؟"ومسك راسه"..يا رب...يارب ايه هيكون مصيرهم وازاي هيقتنعو اني برئ...و لو عرفوا هتكون ايه ردة فعلهم..وحس انه مخنوق اكتر واكتر...
...................
فتحت عينها ولقت كرم جنبها قاعد يتأملها..حبت تعدل نفسها
كرم بخوف حقيقي: لا متتحركيش...
فتون: انا ليه هنا...؟
كرم ما ردش عليها ... ماهو مشعارف يقول لها ايه خايف يفكرها وتنهار تاني..
لكن هي افتكرت والدموع نزلت على خدها: الله يرحمك يا يمه...سبتيني لوحدي في الدنيا...لا اخ ولا اب ولا سند..
كرم بحنان: فتون...لازم ترتاحي...انتي تعبانه وسيبك من التفكير ارجوك...
فتون بدموع كتير: امي راحت مني..وازاي ارتاح ازاي...!!
كرم طبطب ع ايديها: ادعي لها بالرحمه ترتاح انتي وهي ترتاحو...
فتون بكت بصمت...
كرم: فين اخواتك...؟
فتون بخضه: في البيت...لازم ارجع البيت ابتهال لوحدها!!!
كرم:طيب انا هوصلك لحد عندهم بس بعد ما يخلص المحلول اللي في ايدك..
سكتت شوي ورجعت نامت مره تانيه...
بعد ما خلص المحلول...كرم اخد فتون لحد بيتهم..وكان الصمت سيد الموقف غير دموع فتون اللي بتصرخ بالصوت العالي وتقول "اغلى البشر راحت"
وصلت للبيت...
وقفت شويه قدامه مشعارفه ازاي هتدخل...وتستقبل ابتهال بالخبر ده..ولا عارفه ازاي هتدخل وامها مش في البيت اللي كانت ماليه عليهم البيت...ولا عارفه ازاي هتقدر تكمل حياتها من بعد ما راحت منها روحها...
كرم شجعها: توكلي على الله...انا هدخل معاك..
فتون محتاجه في الوقت ده لاي شخص يقف معاها مهما كان مين..فتحت الباب..ودخلت..
ابتهال سمعت صوت الباب وجريت ...وقفت بنص الصاله وجنبها تمارا وتامر..
واقفه مستنيه فتون ومعاها امها...شافت فتون داخله وجنبها واحد..ولما قربوا شوي ميزته..ده كرم...استغربت وجوده..بس هو مش همها دلوقت..
قربت من فتون: فين امي.....؟
فتون بصت لعيون ابتهال تايهه ازاي بس تقول لها..
ابتهال مستعده تستقبل اي جمله الا الجمله اللي قرتها بعيون فتون..
:في المستشفى تعبانه...؟
فتون ودموعها نزلت وهزت راسها بلا..
ابتهال غرقت عيونها دموع وصوتها اختفى: امال فينها..؟
فتون رفعت راسها فوق للسقف عاوزه تشوف روح امها..:ابتهال......امي ماتت.
ابتهال لفت على كرم اللي كان منزل راسه وواقف ورى فتون..ورجعت تاني تبص لفتون .
وضحكت بدموع كتير:فتون..بلاش هبل فين امي؟؟....من شوي كانت كويسه ومفهاش حاجه ...لسه من شويه طلبت مني اعملها شاي...وقبلها كنا بنتكلم مع بعض..دي حتى طلبت جده شهد فاكره ؟؟...والله ما كان فيها حاجه كانت كويسه.
فتون بكت بصوت عالي: خلاص يا ابتهال..خلاص ..قلبي وجعني.
ابتهال صرخت: فتون..امي...امي فين؟؟لا مش ممكن  تمشي كدا وتسبنا لمين!!! هو احنا لينا مين غيرها قوليلي لينا مين .
ضمتها فتون: ابتهال كفاااايه اسكتي..
ابتهال: القلب الحنين راح لا امي مستحيل تسبنا لوحدنا ..مستحيل تسيب بناتها..
فتون عيطت جامد: الله يرحمها..
ابتهال فضلت تصرخ وتلطم وفتون ضامها بقوه...
كرم شاف تامر وتمارا دخلوا في عالم الدموع وهما لا عارفين فيه ايه ...اخدهم وطلع معاهم للشارع وعيونه رغرغت بالدموع
"مساكين بنات عمي....والله عانيتوا كتير...."
......
بعد ساعتين...
كرم قاعد فالصاله...وفتون وابتهال بالغرفه يعزو بعض..
ابتهال: ابويا فين..؟
فتون: ما شفتهوش بقالي يومين..
ابتهال: لو عرف ....بيحس؟
فتون : معرفش يا ابتهال..
وسكتوا شوي..
فتون قامت مخضوضه: نسينا كرم..برا..
ابتهال: خلينا نطلعلو ..
ولبسوا وطلعوا له..
فتون: اسفين يا كرم تعبناك معانا..
كرم: لا تعب ولا حاجه...
فتون: لو عاوز تمشي اتفضل روح...وربنا يجزيك الف خير....
كرم برفض: لا مش هسيبكم هنا لوحدكم.
فتون: مالناش مكان غير هنا ..ده بيت ابونا..
كرم بخوف حقيقي: سامح مش معاكم وما اقدرش أئمن عليكم هنا...
فتون افتكرت سامح: سامح معرفش جراله ايه .."وخنقتها الدموع"
كرم حس انها هتعيط: خلاص انا بتكفل بموضوعه اطمني ومتخافيش ..بس ياريت تاخدو كام غرض مؤقت..هسكنكم بفندق..
فتون: مالوش داعي ياكرم..متخافش مش هيحصلنا حاجه..
كرم اتنهد وبأصرار: فتون...خلاص نفذي اللي بقولك عليه من فضلك..
ابتهال أيدت فكرته محتاجه تبعد عن البيت شوي...البيت مخنوق وبيخنقها اكتر ريحة امها فيه..
ابتهال: فتون لازم نطلع..
فتون سكتت...وراحت تجمع حاجتهم..
بغرفه بالفندق....
كرم بعد ما اتطمن على كل حاجه تمام: فتون تعالي شوي...
فتون قربت..بعد ما جففت دموعها اللي كل شوي تخونها وتنزل..
: نعم..
كرم: عشان موضوع سامح ما تشيليش هم...انا بشوفه اوكي..وتاني حاجه بالنسبه سكت شويه وبعدين اخد نفس وخرجه براحه واتكلم.....احم.....امك بكره اجي واخدك نروح لها ندفنها ونصلي عليها تمام...
فتون اتجمعت الدموع في عينها وهزت راسها يعني اوكي...
طلع كرم لانه متحملش منظرها...شقت قلبه نصين...
فتون حست انها ضايعه تايهه...اكيد ده حلم لحد الان هي في حلم مش حقيقه...
"اكيد هتصحي منه....اصحي يا فتون اصحي.."
.................
في المستشفى..
:سامي...لازم تسافر المانيا..
سامي: ليه؟؟؟
ريهام: هناك العلاج افضل لك..
سامي بعفويه: مستحيل اسافر واسيبك ..
ريهام ابتسمت وفرحانه من جواها: ومين قال اني هسيبك...انا معاك...ها قلت ايه ؟؟؟
...........
رجع لبيتهم مهدود حيله..كان يوم حافل..
دخل لقي زحمه وازعاج..
"ياليل..والله تعبان"
راح للصاله: السلام عليكم..
الكل: وعليكم السلام...
مياده: يا اهلا بيك..
كرم والتعب واضح عليه: اهلا يا عمتي.
مياده قامت له: كرم مالك..؟
كرم: لا..انا تمام
مياده قربت منه اكتر: لا والله..وشك بيقول غير كدا
كرم اتنهد: عمتي والله انا بخير...بس واحد من صحابي امه اتوفت وكنت معاه..
مياده بحزن: لا حول الله..طيب روح ارتاح يا قلب عمتك..
كرم حاول يبتسم: اوك."وبص لسالي"..تصبحو على خير..
سالي ما ردتش عليه..وراح وسابها..كان ناوي  يطمن ع البنات..وهما فين،، فين هبه نسمه ريهام..لقاهم نازلين
ريماس: مساء الخير كرم..
كرم وهو بيضغط الزرار: مساء الخير
الهام: عامل ايه يا ابن خالي ..؟
كرم بتعب: بخير..
ووصل الاسانسير: يالا عن اذنكم..تصبحو على خير..
واختفى عن عيونهم..
ريماس انقهرت: بس!! مدنيش فرصه اشوفه كويس حتى..
هبه بجديه: شكله تعبان..
الهام: لا واضح عليه..
نسمه: يا قلبي عليك يا اخوي...الشغل هد حيله..
ميسره: الله يعينه..
ريماس لفت عليها بقوه: مشعارفه بحس في ناس حاشره نفسها بالغصب..
ميسره بصتلها وما ردتش عليها..
هبه: ريمو...ايه لزومه الكلام ده.
ريماس: يا اختي اخوك ينرفز..
................................
رمى نفسه على السرير من غير ماحتي  يغير هدومه..
كرم بتعب:اخ..ضهري بينكسر...والله قطعتي قلبي يا فتون..الله يعينكم ويصبركم ع فراقها..
وراح في النوم بدون ما يحس باللي حواليه.
النوم سلطان بس عند فتون واخواتها مالوش مكان بينهم..وهما عارفين ان الجاي اصعب من اللي عدي..ايام مجهوله تخفي الكتير..ومخبيه احداث ما تجيش لا على البال ولا الخاطر..
مسحت دمعه نزلت غصب عنها...حاولت توقف الدموع..بس الدموع رافضه واعلنت التمرد..
ابتهال: نمتي..؟
فتون بحزن: لا..
ابتهال لفت لاختها: فتون احضنيني....اشتئت لامي..وحشتني والله..
فتون حضنت ابتهال والالم مالي قلبها..ونامت كل واحده في حضن التانيه..
........
صباح يوم جمعه..
قام مفزوع من نومته: بسم الله الرحمن الرحيم..اعوذ بالله من الشيطان الرجيم..اووووف ايه الحلم ده...الله يستر..
قعد على حيله..شاف هدومه عليه من امبارح..دخل الحمام واخد له شور يرد روحه شوي..ويغير هدومه ونزل..
فات ع الصاله مالقاش حد..شافهم على السفره بيفطرو..
: صباح الخير..
الكل: صباح النور..
كرم: انا طالع..بالهنا.
ابوه مش بيكلمه من اخر مره ..بس بص جامد بعيونه..
كرم عرف ان ابوه زعلان منه...بس ولا بيهمه حد ..وهو حاطط في راسه موال.."وطلع"
سالي نغزها قلبها.."ياتري عنده ايه والنهارده الجمعه وطالع بدري..ربنا يستر منه"
نسمه: فين ريهام.؟
سالي: ما جاتش الا متأخر ونايمه..
....
بعد الفطار..
قاعده تستنى الفرصه عشان تكلمه..
: الا بقولك ايه  يا سَيار..
سَيار لف عليها: خير..
سالي: ناوي تعمل ايه مع ابنك كرم .
سَيار لف للناحيه التانيه: معرفش..
سالي: طيب انا عندي حل..
سَيار عارف حلولها فمدهاش اي اهميه: وايه هو..؟؟
سالي: اكتب الثروه باسمي..
سَيار انصدم: نعم!!
سالي بلعت ريقها: عشان ما يكونش في ايد كرم حل..المال يبقي مالي..
سَيار سكت" مجنون انا اكتبه باسمك..ادي اخوي ولا اديك.."
سالي: ها قلت ايه...؟
سَيار: هشوف هشوف..
سالي في سرها.."يارب تموت واخلص منك ومن ابنك"..
....................
وصل القسم..ودخل عليهم..واتفاهم معاهم وعرف ان موضوع سامح هياخد وقت..: طيب ممكن اشوفه..؟
وبما ان كرم عنده وسطات ومعارف فا كان وضعه ماشي سهل
سامح ماشي في الممرات..ومش عارف مين اللي جاي يزوره..
"يعني ممكن يكون ابوه...؟"
ووقعت عينه علي كرم واستغرب وجوده..
: كرم...!!
الظابط: هخليكم براحتكم..."وطلع"
وقف كرم وحضنه: اهلا سامح..
سامح متفعلش معاه وسكت..
كرم حس بتجاهل سامح: انابنفسي متابع قضيتك متخافش.
سامح بلهفه: اهلي تعرف عنهم حاجه..؟
كرم كيانه اتهز..بس ماظهرش..طب يقوله ولا يخبي عليه..ما يقدرش يقوله امك ماتت والسبب انت..ولا يقدر يسكت لانه مفروض يعرف !حس بحيره...
سامح لاحظ صمته: كرم...فيهم حاجه..؟
كرم ابتسم وحط ايده على كتفه: لا متقلقش انا معاهم..
سامح بمتنان: ربنا يخليك خد بالكم منهم..هما مالهمش في الدنيا حد..
كرم طبطب ع كتفه: هما في عيوني يا ابن عمي..
سامح ارتاح نسبيا..كرم واضح عليه الثقه..
سامح: تسلم ..ارجوك يا كرم ممكن تساعدني عاوز اطلع من هنا والله انا برئ ولا لي دخل بالحكايه.
كرم: ايوه انا متأكد..انا ماشي في موضوعك ومتخافش..واطمن هنعرف مين دبسك بالتهمه دي..
سامح بحقد: هو واحد مافيش غيره..
كرم انصدم: تعرفه....؟؟؟
سامح: ايوه..واحد اسمه مهند..هو الوحيد اللي يعمل فينا كدا..
كرم طلع للظابط..وخله يرجع يفتح التحقيق من اول وجديد..ويجيبو ده اللي اسمه مهند ويحققو معاه هو وشلته الكريمه..
طلع للفندق...وشايل هم .ازاي هياخد البنات عشان يودعو امهم للمره الاخيره..
ضرب باب الغرفه,,,شوي واتفتح..
ابتسم ابتسامه حلوه: يا صباح الخير..
فتون نزلت راسها: اتفضل..
دخل كرم وقعد.
قعدت فتون قصاده ..
رفع عينه عليها..وشها اصفر وبدون ملامح..خاف عليها..
:فتون اكلتي ...!
فتون هزت راسها بلا..بعدين اتكلمت: ومين له نفس..
كرم وقف: لالا كدا ماينفعش.
دخل المطبخ ورجع معاه عصير..
: اشربي ده على الاقل يرد روحك شوي..
فتون عيطت: والله ماليه نفس لاي حاجه
كرم: معليش اغصبي علي نفسك..كدا ممكن تقعي من طولك..؟
فتون خدته منه وشربت شوي ومسكته..
طلعت ابتهال..وباين انها لسه معيطه لحد ما ورمت عيونها..
اتكلمت: لازم نروح بيتنا الاول..خلينا نشوف ابويا..
فتون خلاص مش قادره تتنفس بس مش عاوزه تعيط..وتبكي ابتهال معاها..
: انا رايحه اجيب عبايه سوده..
قعدت ابتهال..
كرم برجاء: قوي نفسك عشانك وعشان اختك..
ابتهال ساكته وهزت راسها بتأييد لكلامه..
طلعت فتون لابسه اسود في اسود..وطلعوا كلهم للعربيه..ومعاهم تمارا وتمارا.
فتون: انا هنزل اشوفه اذا كان في البيت ولا لأ؟
ابتهال: اذا كان موجود خليني اجي معاك..
فتون: طيب..
فتحت الباب..وهي بتبطء خطواتها..دخلت للصاله ..وهبت عليها ريحة امها..حستها خنقتها..
لفت شافت ابوها قاعد ونص صاحي...
رجعت لابتهال وشاورت لها تيجي معاها..
قعدو الاتنين جنب ابوهم وبصلو..
ابتهال بهمس: الله يرحمك يمه..."وبكت"
فتون: ابتهال.. استني لحد ما افهمه الموضوع.
حاولت ابتهال تمسك نفسها...
فتون: يبه..
لف عليها ابوها.
فتون وعيونها اتملت دموع: يبه..امي...ام"وشهقت"
ابوها حس ان في حاجه: مالها امك...؟
فتون الكلام اتبخر من ع لسانها .
ابوها : مالها امك...؟
فتون الكلام طالع بالعافيه: طالبه منك تسامحها...امي ماتت..يا يبه ماتت..
ابوها وقف: بتقولي ايه يا مخبوله انتي...؟
كان صوت عياط فتون وابتهال كافي يكون جواب له وتأكيد لكلامهم.
فتحي حس ان الدنيا بتلف بيه.. سلطانه ماتت..!! ازاي..؟
مراته اللي حبها طول عمره..عاشت معاه مُره اكتر من حلوه..داقت منه الويل..واتحملت معاه الالم والاه.....راحت!!
نزلت دموعه: الله يرحمها...."ونزل راسه"..دفنتوها...؟
فتون هزت راسها بلا..
فتحي حس براحه شوي...على الاقل هيقدر يدفنها...حس نفسه صغير...للدرجه انا معرفش اي حاجه عن الدنيا..للدرجه وجودي والعدم واحد..مراتي ماتت وانا موجود وما اعرفش الا اخر شخص..وبناتي بيعانوا لوحدهم القهر والزل
وقع على الارض ومسك راسه..."حرام اكون اب...حرام اكون زوج...حرام انا اعيش وهي تموت...حرام"
وبكى...عياط الراجل غير..يهز كيان البيت..يدمر قلوب البنات..ويأثر فيهم..دمعته دمعة قهر والم..ويمكن حقد على اللي كان السبب في حاله...
حضنوه ابتهال وفتون...وبكوا في حضنه لاول مره..
: شد حيلك يبه...راحت للي ارحم مننا..
فتحي: ما شافتش معايا يوم حلو..
فتون: ربنا يعوضها في الجنه ان شاء الله..
كرم حس انهم اتأخروا..لف لوري: تمارا تامر..خليكم عاقلين انا هروح شوي واجي ماشي..؟
الاتنين: ماشي..
نزل كرم ودخل ..شافهم حاضنين ابوهم..اثر فيه المنظر..عمره ما حس بالحنان..لا ام ولا اب..بس فيه مرات اب ...علمته ازاي بس القهر..زرعت في قلبه القسوه والحقد..دايما هو بعيد عنها وعيالها القريبين..عيالها ياخده كل حاجه وهو ولا اي حاجه...
هو الغريب...المنبوذ...عمرها ما حسسته بالحب ولا شاف منها صدر حنين..لا في طفوله ولا مراهقه ولا شبابه..
فتون بعدت عن ابوها: يبه نمشي...
فتحي وعينه مكسوره: اه يالا..
كرم راح يسلم عليه: البقاء لله يا عمي...
فتحي رفع عينه بقوه: ايه الي جابك انت...؟
فتون بسرعه: يبه..كرم هو اللي واقف معانا...
فتحي سكت...بس في باله...انه مستحيل يطلع من اخوه بذره صالحه..
اخدهم كرم للمستشفي وغسلوها وصلوا عليها ودفنوها..
ونصبو العزاء في بيتهم..
...............
في الزنزانه
سامح : وقلت للظابط عن مهند وشلته..
سامر ضرب راسه: ليه..؟؟...خايف يقولولهم عن السرقه اللي عملناها...
سامح سكت..مش عارف ازاي فاتته النقطه دي..
سامر:وهنعمل ايه..؟...اكيد هيخليهم يعترفوا..
سامح بتهكم: سرقه ولا مخدرات...
سامر: صح..هي فينا فينا..على الاقل سرقه ارحم من مخدرات...
................
امير:اجي لعندك في البيت..
نسمه: لا..امير خلينا نتقابل برا
امير: نسمه دي فيها ايه لو جيت بيتكم...؟
نسمه عوجت بؤها: ما فيهاش ..بس...يعني..
امير: لو انتي محروجه مني قولي..
نسمه: لا والله مش محروجه..
امير: يبقي خلاص انا عاوز اجي عندك..
نسمه: اوك..خلاص اهلا وسهلا يا قلبي..
امير فرح: دقايق واكون عندك..
نزلت ريهام..ولقت امها وابوها أأعدين..وهبه على اللاب توب كالعاده..
سلمت عليهم وأأعدت..
وهمست لامها: كلمتيه عن سفريتي..
سالي: لا..مافضيتش..
ريهام:ليه..مفيش وقت..
سالي: خلاص كلميه انتي..
ريهام: الله يهديك يا ماما ازاي بس بقوله..
سَيار بصلهم: خير مالكم!!
ريهام اتوترت: ايوه...بابا..في بعثه لي المانيا..ونفسي اروح لها واكمل دراستي..وامي وافقت وفاضل انت ..وبنات كتير حيكونوا معاي..
سَيار: مش صعبه تروحي لوحدك..؟
ريهام:بالعكس يا بابا...انا مسؤوله عن نفسي واعتقد انك واثق فيا مش كدا...؟
هبه كشرت: ايه...!! المانيا..والله كركر اتطورت..
ريهام بشخط: هبه انا وجهت لك كلام..
هبه وعيونها على اللاب: اصلا انا مكبره دماغي منك..
سالي بنبره حاده: هبه!!
سكتت هبه.
ريهام: ها يا بابا..اجهز نفسي معاهم..
سَيار: والله ده مستقبلك وما اقدرش اقولك لا..
ريهام فرحت وراحت تبوس راس ابوها: ميرسي يا احلي بابا..
سَيار: لو انا مش واثق فيك مستحيل اخليك تروحي بس عارف ومتأكد انك مش هتخيبي ظني فيك !!!
ريهام فرحانه والدنيا مش سيعاها من الفرحه..وعندها امل كبير بعلاج سامي...
............
شهد ومرام أأعدين جنب ابتهال يواسوها...وكان البيت زحمه ماليان بالحريم اللي جايين يعزوهم..
فتحي قفل على نفسه الغرفه ولا قابل حد..
فتون كل مادا تزيد همومها ومسؤولياتها.ده غير ماهي مسؤوله عن عيشتهم كمان..بقت هي المسؤله عن كل حاجه..وتحاول تغطي مكان امها..واخوها
كان عزاء الرجاله في بيت شهد اقرب بيت لبيتهم..والمسؤول عنه كرم..
عبد الله: امال فين سامح...؟
كرم: لسه ما يعرفش بموت امه...
عبد الله: ليه..؟؟ مفروض تقولو له..
كرم بكدب: ما نعرفش فينه..وقافل موبيله..بس اكيد هنقوله..
عبد الله سكت...ومع أنه مش مقتنع بالعذر.."سامح هيروح فين في حالتهم دي...؟"
.....
بالليل..
نسمه لبست برموده بيضه وتشيرت اسود..وشوز اسود..وحطت ميكب خفيف وناعم ..
هبه: على فين...؟
نسمه: امير جاي
هبه تنحت: هنا....؟
نسمه : ايوه..
هبه: ليه تخليها تيجي بيتنا...انا الواد البت دي مش بهضمها برى عشان تيجي هنا في خلقتي..
نسمه: هبه..رجاء ماتدخليش وبعدين هي جايه ليا مش ليك..
هبه نفخت: ما علينا...شوفتي ريهام مسافره المانيا..
نسمه انصدمت: ايه....؟ وليه.؟
هبه: بتقول دراسه..بس انا شاكه فيها...طالعه لنا بحركات..
نسمه بحده: عيب عليك دي اختك...وبعدين ريهام عاقله..
هبه مصمصت شفايفها:ربنا يستر...بس بصراحه فكرت بابا بيرفض...
نسمه: لا لو كانت ريهام مش هيقول حاجه...
هبه: معاك حق..ما بيسمعش غير ليها معرفش ع ايه...المهم انا رايحه لغرفتي..
نسمه : اوك..."ونزلت"
لقت امها: هاي ماما..
سالي: هايات...على فين العزم..؟
نسمه: صاحبتي جايه..."وسمعت صوت الجرس"...دي هي..
فتحت الخدامه ليها...
راحت نسمه تستقلبها...حضنتها امير بطريقه غريبه مش زي الحضن العادي طبعا..
وبصت لها: وحشتيني...
نسمه: وانا كمان..
امير ابتسم بخبث: وانتي ايه...؟
نسمه اتحرجت: امير..اتفضل..
دخلوا عند سالي.
نسمه: ماما دي صاحبتي..
سالي انصدمت ..تبص في الشعر..واللبس ...والاكسسوار اللي عليها..
:اه ..اهلا بيك
امير مد ايده يسلم: اهلا بيك ياطنط
نسمه: دي ماما..يا ماما دي..ا...احم..."وبصت لامير يلحقها"
امير: انا شوق.
سالي: اهلا ياحبيبتي عامله ايه..؟
امير: الحمد لله تمام..بس بصراحه باين وكأنك اخت نسمه مش امها..
سالي مسكها الغرور : ههههههه ميرسي يا قلبي...اتفضلوا اتفضلوا..
نسمه: لا يا مامي..هنطلع انا وهي اوضتي
سالي: اوك براحتك..
نسمه مشت جنب امير.: بصراحه قصركم روعه..
نسمه: ذوق مامي...
امير: اها...باين ان امك ذوقها راقي كتير
نسمه: سيدة مجتمع مرموقه.."وقابلت ريهام طالعه"..اهلا ريهام..اعرفك على صاحبتي..
ريهام بصت لامير من فوق لتحت: صاحبتك..!! اهلا وسهلا..
نسمه: شوق..ودي اختي ريهام..
امير ببتسامه : اهلا ريهام..
ريهام: تشرفنا...عن اذنكم اصلي مستعجله..بس لي قاعده معاكم..ان شاء الله
نسمه: انشاء الله..
وراحت ريهام
امير: دي غيركم خالص
نسمه: ريهام شخصيه مستقله..بس هي حابه تشوفك بما انها اخصائيه تحب تدخل نفسها بكل شي ههههههه وهبه بتكرهه النقطه دي ودايما تقول انها بتحرجني لانها بتتدخل في صاحباتي لما يجوا عندنا..
امير: ههههههههههه
ووصلوا لغرفتها..
نسمه: ودي غرفتي....لولا."وجات عندها..ودي لولا ..
امير شالها: واو..بصراحه جميله..
لولا خافت منه..
نسمه: لولا اعقلي..
امير سابها: شكلها ما حبتنيش..عندها حق بعد منك مش ممكن تحب حد.
نسمه ابتسمت له: استغربت اسمك..
امير عقد حواجبه:مش بحب الاسم ده...اسمي امير وبس..
نسمه: بس اتحرجت مع ماما ههههههه..
امير: عادي بتحصل..بس حلو امك تقبلتني..
وقعدت على السرير..
شافت صور عيلتهم على التربيزه اللي جنبها..
: ما شا الله عليكم..حلوين مع بعض...بس مين ده؟
نسمه ابتسمت: ده كرم..
امير: بصراحه اخوك حاجه كدا باين انه شديد..ومين ده..؟
نسمه: ده عاشق الغربه اللي قلت لك عليه..
امير بص شويه في الصوره بس ماقدر يسبها...في شي جاذبه بالولد الغريب ده..
نسمه: حط الصوره ..سيبك منهم..
وكملوا السهره مع بعض...
...................................
اخر الليل..
ابتهال: فتون كفايه لازم تاكلي لقمه .والله كدا بتموتي..
فتون بحزن كبير: منين اجيب النفس..ارجوك ابتهال ابعدي عني الاكل...
ابتهال: مينفعش..انا ماليش نفس بس غصب عني اكلت..يلا فتون..
وسمعوا صوت..احم احم..
ودخل ..السلام عليكم
ابتهال: كرم تعال ..تعال شوف فتون ما حطتش لقمه في معدتها من الصبح..
كرم: لالا.ليه يا فتون مش اتفقنا ما تهمليش نفسك..
فتون قاعده تايهه ورافضه اي حد رافضه كل الناس:ماليش خلق لحاجه..
كرم: على الاقل كلي شوي طيب لسه المشوار في اوله
فتون بملل: والله ماليا نفس خلاص بقي محدش يجبرني..
وسمعوا باب غرفة ابوهم اتفتح...طلع وباين انه معيط لحد ما انفجرت دماغه..عليه قفطان وعدي من جنبهم ساكت..
فتون: على فين يبه..
فتحي: مش هتشوفه وشي مره تانيه..انا ما استاهلش  اكون ابوكم..
وقفت ابتهال ...وبعدها فتون..
ابتهال: يبه هتسبنا انت كمان..
فتحي بصلهم: سامحوني يا بنات..."وخرج"
لحقته ابتهال : يبه..اقف ..اقف الله يخليك..
لحد ما قفل الباب في وشها واختفي.
فتون وقعت من طولها قدام كرم..
كرم لحقها بسرعه وقرب منها ..عاوز يمسكها ما قدرش..عاوز يفوقها بس ما يقدرش يلمسها...حس انه عاجز ومشعارف يعمل ايه....
صرخ: ابتهال..
جات ابتهال وشافت فتون مرميه على الارض واتفجعت: مالها.
كرم راح يجيب لها ميه من المطبخ..وفوقتها ابتهال..
وهي تبكي: فتون اصحي...انت كمان عاوزه تسبينا..
فتحت فتون عيونها ..:ابتهال!!
ابتهال: ايوه يا قلب ابتهال انتي...وباستها من جبينها
فتون شافت عيون كرم بتراقبها بخوف..
: انا بخير...ما تخافوش..
كرم واخيرا اتكلم: ده حال اللي ما ياكلش..
فتون الدنيا سوده قدامها: ابويا كمان سابنا ..ابتهال قوليلي مين بقى لنا..؟
ابتهال سكتت..
كرم: سامح هيطلع.................وانا معاكم مش كفايه..
فتون سكتت نفسها تصرخ تقوله محدش دمرنا الا انت واهلك..
كرم: شكل كدا مالكمش رجوع للبيت ده..وانتوا مالكمش حد هنا..خليكم في الفندق لحد ما يطلع سامح وبعدها نتصرف..
فتون وابتهال سكتوا...فعلا مالهمش الا كرم بعد ربنا..مالهمش غيره..وخصوصا ان سامح مصيره مجهول..
وفعلا نفذوا اللي قاله كرم بالحرف واخدوا حاجتهم كلها..وسابو بيتهم للابد مع كل ذكرياته المره والحلوه اللي محسوبه عليهم من عمرهم
...............دخل عربيته في القصر..
ونزل ووقف عند الباب يدخل..الا الباب يتفتح..
وشاف بنت..لالا ولد !! اتلغبط لحظه.
باس نسمه: يلا نسوم اشوفك بكره اوك..
نسمه بحب: بصراحه انبسطت اليوم معاك..
امير: وانا اكتر يا قلبي...
وطلع وخبط في كرم..
كرم متنح يبصلها.
امير: كرم مش كدا.."مد ايده"
كرم بيحقق في الملامح بنت..بس شكله ولد ينهار الوان دماغه لفت..ولا عبر ايده..
امير سحب ايده وابتسم: انا شوق صاحبة نسمه..تصبح علي خير..
كرم ما ردش عليه..لحد ما شافه مشي..
دخل جوه القصر.
كرم: نسمه...ايه ده.؟
نسمه خافت: تقصد شوق..؟
كرم: ايوه..
نسمه بتوهه: ستايل ضروي..ستايل..
وراحت جري ..ووراها لولا...
كرم: اعوز بالله .....انهبلوا البنات.........
........
سامي: انتي متأكده من قرارك..
ريهام: ايوه..
سامي: طيب عندي ليك طلب واتمنى ما تفهمينيش غلط..
ريهام: اتفضل...
سامي: ايه رايك اتقدم لك ونسافر......
ريهام انصعقت من الفكره..:ايييييه....؟؟
سامي نزل راسه وبدء يحس بالالام بينهش كل جسمه: انا اسف عارف انك مش مجبوره ترمي نفسك على واحد مريض ولا في امل من علاجه..
ريهام: لا سامي ما تقولش كدا...انا ما قصدتش..بس...بس انت فاجأتني..
سامي: طيب انتي فكري بالموضوع..ومستني ردك..
ريهام سكتت وراحت لبعيد"الحكايه ما فيهاش تفكير..حالتك يا سامي ما تسمحش اطولها..وازاي بس تيجي تتقدم لي وانت تعبان..واهلي ممكن يوافقو عليك...؟؟" تفكيرها كله وقف عند النقطه الاخيره..وحست ان الدنيا اسودت قدامها..اهلها هو الشي الوحيد اللي ما تضمنه.. سامي والألم اكل جسمه: ريهام خلي النيرس تيجي تديني ابره..خلاص مش قادر اتحمل اكتر من كدا؟
ريهام فاقت من تفكيرها: طيب ثواني..."وطلعت" راحت للنيرس وهي الي اتكفلت بالموضوع.. وأأعدت على كراسي في الممر
...... : دكتوره ريهام!!
ريهام رفعت راسها بشويش: اهلا.. دكتور خالد..
خالد حس ان قلبه وجعه قوي وحن لأيام ريهام ..كان كل يوم الصبح يحس بشعور جميل لما يتصبح بوشها..تسعده لما تضحك له...يفرح لما يشوفها فرحانه..فجأه اتغير حاله وحالها..دنيا دواره مالهاش امان..
خالد: فيك حاجه.....!
ريهام هزت راسها بلا.... واتكلمت:طيب ايه الي حصل بخصوص موضوع سامي..
خالد بدا يغلي من جوه..بيسألها عنها تسأله عن سامي.."للدرجه سارق عقلها" :ايوه ...خلاص...رحلته بعد ثلاث ايام..
ريهام وقفت: يوم الاتنين..؟؟؟؟ حست الايام بتجري سريعه ومش قادره تلحق فيها حاجه..وفكرت ان لو سامي اتقدم لها افضل في انها تساعده وتكون واخده راحتها معاه..ولا يكون بينهم حواجز..
خالد: ها ناويه تعملي ايه..؟
ريهام :...هسافر معاه..........
خالد حس ان قلبه وقف عن النبض.."تروح معاه"...وايه كمان هتعمل عشانه ومين يكون وليه كل ده....؟ ....بس مريض وياما مرضى عدو قدامها ما عملتش كل ده ..تكون بتحبه...!
خالد بصوت عالي: بتحبيه....؟؟؟
جه سواله زي الضربه على راس ريهام..هي انصدمت من السؤال واتلجلت في الجواب..لانها مشعارفه اصلا ليه هي بتعمل كل ده..ولا عارفه ليه سامي بقي اكبر همومها..وبرضه مش عارفه مستعده تضحي بحياتها عشانه..
خالد بص جامد في عيونها اللي فيها الحريه من حركتها السريعه.. عرف انها مش بوعيها وانها بتجري ورا مشاعرها بدون ما تحس.. واخيرا اتكلمت: شكرا على اللي عملته...عن اذنك.. ومشت...وقلبها وجسمها يرجف"انا بعشق سامي مش بحبه" كان اول شخص يحسسها بقيمتها..دكتور خالد ولا حست معاه بحاجه بولا حاجه مع انه كان واضح حبه ليها..بس كانت مشاعرها تميل للكره اكتر من الحب..سامي غيره..سامي الواعي..سامي المرح..سامي الحياة ..سامي الحنون الطيب الاخلاق المتدين..سامي بقي زي دمها اللي بيمشي بعروقها باختصار..قدر يسحب قلبها ويسلب عقلها..وعندها استعداد تفديه بروحها عشان بس ترضيه..
.......................
أأعده هي وجدتها بتعيط: الله يرحمها..ابتهال قطعت قلبي..
الجده: ماعليهم لوم يا شهد دي امهم نور الدنيا...ربنا يغفر لها ويرحمها..
شهد خنقتها الموع اكتر: خلاص مالهمش حد..انا الحمد لله لما ماتت امي ربنا عوضني بيك يا ستي وانتي تسوي كنوز الدنيا وما فيها..بس هما مساكين..
الجده مدت ايدها لشهد عشان تيجي في حضنها: تعالي يا قلبي ربك معاهم..وقادر يثبتهم ويصبرهم يارب..
دخل عبد الله وقعد.. : الله يعينهم بجد..حتى سامح مش معاهم..
شهد بعدت بسرعه من حضن جدتها: فينه..؟؟؟
عبد الله رفع كتافه: معرفش..ما فهمتش كلام كرم..قالي انه لسه ما عرفش عن موت امه..
شهد وهي بتمسح دموعها: مش معقول ما عرفش..ابتهال ما جابتليش سيره سامح ابدا..ولا علقت على الموضوع..
عبد الله: بيقول انه ما يعرفوش فينه وموبيله مغلق
شهد والافكار توديها وتجيبها: لالا مستحيل سامح يسبهم ..هو عارف انهم محاجته له ولا عمره سابهم يوم هيسبهم في الوقت الصعب ده....!
عبد الله: والله علمي علمك..
شهد بعد ما اتاكدت..وحست ان سامح فيه شيء قوي مانعه من انه يحضر عزاء امه... سكتوا شوي....
عبد الله: بابا اتصل بيا..
شهد رفعت عينها على عبد الله خايفه: وقال ايه...؟
عبد الله: بيسأل عنك...بيشوفك رجعتي للبيت ولا لآ؟
شهد: انا خايفه يطب علينا فجأه واروح فيها..
عبد الله: انا هتصرف مع الراجل نفسه مش مع ابوي..
الجده:خير ما تعمل يا ابني.
.............................
صبح يوم جديد.. ملهيه تلبس وتشيك ..وسمعت رنة موبايلها.. "ناويلك على نيه..بس انت اصبر شويه" : اوووووف يا عالم..عاوز ايه ده؟ راحت لموبايلها وردت: الووو..
اياد : يا اهلا باحلي صباح .
هبه: صباحو
اياد: اخبارك...؟
هبه: تمام....ايود مستعجله اتأخرت على المدرسه..
اياد بجرائه: تحبي اوصلك....!
هبه لنفسها" ده اللي ناقص اروح معاه لوحدي...ليه بايعه نفسي" : ما اقدرش بيبي انت عارف صعب جدا
اياد: بس مشتاق ليك موت..
هبه بكدب: وانا اكتر ...بس ما اقدرش والله..
اياد: طيب وانتي راجعه من المدرسه...
هبه: برضو ما اقدرش..
اياد نفخ: هبه...بجد انا كدا ازعل...انا عاوز اشوفك..معاي مفاجأه ليك..
هبه: بحاول..اكلمك لما اطلع من المدرسه...باي.....والله انا زهقت..بس ياتري ايه جايب لي..اكيد شئ على مستوى..ابوه عنده ملايين..صح انه يعتبر نفس طبقتنا بس نستفيد ورانا ايه.. وابتسمت وطلعت من غرفتها.. نزلت لقت امها وابوها ونسمه...قربت وقعدت.: امال فين الباقي....؟ شافت كرم نازل مستعجل..وبيقفل زراير قميصه وماشي بسرعه...عكس  عادته..بالعاده يتشيك فوق وينزل بهدوء.. فات من عندهم بسرعه: صباح الخير..مش هفطر معاكم مستعجل.. محدش رد عليه الا نسمه ابتسمت في وشه..
ريهام: وصلني معاك..
لف عليها: ريهام بجد مستعجل..
ريهام: بس عاوزك توصلني اليوم...والشغل مش حيطير
سكت كرم شوي..وهو مستغرب اصرار ريهام وحاسس ان عندها كلام.. هز راسه:طيب يالا تعالي..
ريهام لفت عليهم: صحه وهنا عليكم..يالا باي....."وطلعوا"
سالي: عنده ايه مستعجل...(وبتريقه) لا يكون هو اللي بيفتح باب الشركه للموظفين..
سَيار استغرب الحكايه : اصلا من امبارح وهو مش موجود في الشركه..
سالي خافت وقلقت: امال بيروح فين....؟
سَيار: معرفش عنه اي حاجه.
هبه ونسمه سحبوا نفسهم وطلعوا..
سالي:الله اعلم بقي من الاخر ابنك ده هيعمل الي في دماغه لحد مانغرق كل همه يرجع ثروه عمه ياسَيار انت مستوعب ان تعبنا السنين كلها بيروح في الهوا..
سَيار اتنهد: ما فيش في ايدي اي حاجه...اعمل ايه...؟
سالي بخبث: قلت لك...اكتب الثروه بأسمي....
سَيار: هكتبلك نصها..على الاقل اضمن حاجه.. سالي انبسطت: ماشي حتي لو نصها...ولا نبقي على الحديده..الاملاك كلها من حق اخوك ولا هيبقالنا اي حاجه
سَيار وهو بيسترجع الماضي: الله يسامحه ابوي..
سالي لنفسها" محدش قالك تاخد اجنبه" واتكلمت بلؤم:خلاص اللي راح راح..وخلينا نأمن مستقبلنا ومستقبل عيالنا..
.........((بقلم منه محمد)).......
في العربيه.. الجو متوتر شوي..كرم شايل هم ازاي هيبلغ الخبر لسامح وخصوصا بعد ما دفنوها وخلصوا ولازم الولد يعرف عن رحيل امه...صعبه يخبو عليه.. ريهام محتاره مشعارفه ازاي  تفتح الموضوع مع كرم
ريهام :كرم.
كرم: امممم..
ريهام: كرم انا لازم اسافر المانيا..
كرم بدء يتعصب: ررريهام..انتي مستوعبه الي بتقوليه والي كمان بتطلبيه عاوزه تسافري بلاد برا لوحدك ...الغربه صعبه انا مجربها..
ريهام: انت  كنت رايح لوحدك...انا هروح ومعاي مجموعه..و اعرفهم كلهم..وقلت لك.مش هطول هي دوره اخدها وارجع..
كرم: حتى لو...صعبه تروحي لوحدك ياريهام ..
ريهام: بس انا قلت لبابا...وبابا وافق..وانا عاوزك  تكون راضي عني..
كرم انفعل: يعني بتعملي برضه الي في دماغك..خلاص انتي حره..انتي وابوك..انا طلعيني من الموضوع .واتمنى انك ما تكلمينيش لحد ما تحطي عقلك في راسك.. ريهام علت نبرة صوتها : كرم انا رايحه ادرس مش العب..ودي فيها ايه كل البنات بيسافرو يكملو تعليمهم متبقاش معقد..
كرم صرخ: خلاص انتي حره...اصلا انا ماليش راي في البيت..اعملي الي تعمليه..ماليش دعوه بيك..
ريهام خافت وسكتت ..عارفه ان اخوها عصبي واذا اتعصب بيطلع عن شعوره..وممكن يعمل رد فعل جنوني... وقف عند المستشفى.. ونزلت ريهام..ومن امبارح ما هدا لها بال ودلوقت كرم  زاد البله طين .. كرم بصلها..يقدر يمنعها بالقوه انها ما تسافرش..بس اللي مانعه ان ابوه ضده وخصوصا سالي بتاخد الحكايه عند..ولا عاوز يحط نفسه في موقف غبي وتنكسر كلمته.. وضغط بنزين وبسرعه حرك عربيته لمركز الشرطه....