المشكله والعنيد

٤٢

البارت 42
منه محمد
#المشكله_والعنيد
بعد تلات اسابيع ...
رجعت ريهام..لمدة ثلاثه ايام بس .. عشان تحضر كتب كتاب نسمه وزين وراجعه اسافر تاني!!!!!
قاعده جنبها : واو بس على القمر ... والله اتغيرتوا يا اخواتي وكبرتوا..
فتون : كل حاجه ولا ابتهال ... بقت حرمه فجأه...
هبه: مسكين علاء رحمته.. رماه بخته الاحمر عليها ..
ابتهال: هه انتي الي مسكينه يا قلبي ... علاء ده بيموت كدا فيا وبيدور على رضاي..
فتون: عشانه مغلوب على امره ياعين امه عليه.. هههههههههه "وضحكوا"
ابتهال: .. انتوا حاطين عليا ليه.. عندكم عروسه جديده زي القمر .. حطوا حيلكم فيها ليه ابدعو ...!!!
ريهام ئعدت جنب فتون وهمست لها: متأكدين انها راضيه ومحدش جبرها ..؟
فتون: أه والله.. هي جات من نفسها وقالت موافقه..
دخلت الهام: فين شوق ما جاتش ...؟
نسمه اتكلمت: ما عزمتهاش..
لفوا عليها التلاته: ليه ...؟؟؟؟؟؟؟
نسمه: ليه أعزمها والليله عائليه بس ...
وتم عقد القران على خير .. وطلب زين يقعد معاها و يشوفها ..
دخلت نسمه عليه وهي بتجر نفسها جر ... اصلا حاسه انها في حلم وشويه و تصحى منه متأكده... الحلم مش مطول ...
ازاي وافقت ومن الفاتحه للشبكه لحد اليوم كلها مَرت عليها بدون ما تحسها ..
ئعدت جنبه .. ناعمه.. هاديه.. رقيقه.. دلوعه .. كيوت.. جننته من اول مره شافها فيها ..
زين: يسعد مساكي.
نسمه ملامحها جامده حتى الحيا ما بانش عليها : ومساك..
زين بلع ريقه من الرد: اخبارك ..؟
نسمه: تمام..." وسكتت"
زين حب يلطف الجو: وانا كمان تمام ...
نسمه عارفه انه بيدوس فالكلام عشانها ما سألتش عنه بس ولا همها ..
زين: مبروك.. "واخد العلبه يلبسها خاتم هديه فوق الشبكه ".. ممكن ايدك ..
نسمه بصت علي العلبه .. وبصت لزين شوي ... فرحان جدا.. وواضح عليه .. حتى الحماس بيتكلم ويعبر من ملامحه .. ملامحه حلوه واخد من الوسامه نصيب .. غير انه ذوق وده واضح عليه وعلى الخاتم اللي فتح علبته..
نسمه: هاته انا ألبسه..
زين اتصدم.. هي وصلت للدرجه... حاول يعدي الامور: طيب انا بتمنى ألبسك الخاتم .. ليه تحرميني ..
نسمه مدت ايدها بزهق : خد حققها..
زين رجع العلبه مكانها .. وبصلهما بجديه ... واختفت كل معالم الفرحه من علي وشه..
: نسمه ممكن تبصيلي شوي..
نسمه خافت.. وبصتله بتردد,..
زين: انا خطبتك وشبكتك ودلوقت كتابنا وانا ما سمعتش منك حرف واحد ولا كلمه حلوه.. وساكت.. وكل اللي كان في بالي انه كسوف بنات .. وانتي عارفه منبعه.. بس دلوقت حسيت بشعور تاني .. نسمه انتي مجبوره عليا؟؟؟
نسمه صدمها كلامه... حست نفسها زودتها ... هو مالوش ذنب وكلامه واقعي وصريح وما فيهوش غلط. وحتى اهلها ما اجبروهاش عليه.. بالعكس كرم سألها ثلاث مرات غير المره الاولى...وكانت مُصره على انها مواقفه.. هو مالوش ذنب في اللي بيحصلها .. هو انسان وله مشاعر.. ليه تستهين بيه وتلعب عليه ..
ردت عليه بعد صمت طويل : لاء..
زين في حقيقة الامر مكنتش متخيل الرد.. وارتاح بس لسه برضو ما تطمنش ليه بتعامله كدا!!!!!!
رد: طيب ممكن اعرف سبب طريقة تعاملك معاي بالشكل ده؟؟؟؟ ..
نسمه بأيجاز: انا طبعي كدا ..
زين: بس جوري اختي قالتلي كلام تاني عنك..
نسمه حست انها اتكشفت ورجعت لطبيعتها .. كلامه بجد هزها من جواها: انا كدا مع البنات .. بس انا ولا اعرفك ولا اعرف عنك حاجه .. ومش عارفه ازاي اتعامل معاك...
زين سكت.. واتطمن.. ممكن كلامها يكون صحيح.. بلاش يتسرع ويحط ظنون غبيه تخرب عليه حياته من اولها ...
رجع اخد الخاتم ولبسها.. وبالنهايه طبع بوسه على ايدها وطلع ..
نسمه البوسه حركت احساس خفي جواها .. خلاها تبتسم غصب عنها!!!!!
وبعد ما طلع الضيوف..
طارق قاعد جنب فتون ..
وقال: انتي لو شايفه ازاي كان محروج بعد ما طلع من عندها.. كنت اتأكدتي ان فيه بينهم حاجه حصلت..
فتون تكمل معاه عشان يرفعو ضغط نسمه: اعترفي يا نسمه..ايه الي حصل؟؟؟
نسمه: والله ما حصل حاجه .. فيكم انتوا ايه بس؟؟؟ ..
هبه بنص عين: نسوم.. احنا اخواتك.. "وقربت ودنها منها " قوليلي انا لوحدي طيب ..
نسمه دفعتها: ابعدي عني .. وانتوا يا ثنائي لو ما سكتوش وبعدته عني والله لا اطلع اوضتي واسيبكم ..
طارق وابتهال ضحكوا..
ريهام كانت في وضع المتفرج.. قاعده تتابع مشهد تعجز العين تصدقه.. غابت شهر واحد بس وكل حاجه اتغيرت .. من امتى فتون وطارق ثنائي ودايما جنب بعض وضحكاتهم توصل للسما ...!!
فتون:ريهام حتى يوم خطوبة هبه وسامح والله اشكالهم تضحك .. خليني اجيب لك الصور ..."ووقفت"
طارق مسك ايدها وئعدها : خليك انا اروح اجيبها .. الدكتوره اخر مره قالت لك ايه ...؟
فتون: طارق متحبكهاش .
طارق: بقولك ائعدي وقوليلي فين مكانها .. ولا قولي للبنات لو كانت في اوضتك..
فتون قالت لابتهال تجيبها ..
ريهام قربت تجن: وانت ايه الي عرفك عن دكتورة حمل فتون !!
ريهام كانت قاصده السؤال.. محتاجه حد يصحى من الغيبوبه ويقولها فيه ايه ... ليه الكل ساكت !!!
فتون: عشانه هو اللي اخدني..
ريهام: واخوكي ليه ماخدكيش
فتون مش قادره تفهم ريهام.. بس طارق عارف قاصدها وفاهم..
طارق: سامح كان مشغول في اليوم ده وانا ودتها
فتون بصتلها مستغربه: ليه فيها ايه اذا اخدني طارق ؟؟ ما انتي دايما كنتي بتروحي مع سامح وانا ولا قلت حاجه .. ولما كنت بروح مع كرم قبل الجواز محدش قال حاجه
ريهام سكتها رد فتون ..عارفه انها مش فاهمه قصدها .. لكن ريهام فاهمه نوايا طارق. اصلا مبقتش تحسه انه اخوها ..بقت تشوفه ابليس ومستني الفرصه.. وبيستغل لحظه ضعفها واستسلامها له...
فتون ما كانش ليها نفس النظره .. كانت شايفه انها بس قربت كتير وكتير لطارق بس .. لكن لحد هنا وتنتهي المسأله .. لان مستحيل يوصل معاها لحاجه من الي في دماغه..
طارق الي ولا حاسس انه على غلط .. ولا اللي بيحاول يعمله شايف ان فتون حق مكتسب .. شخص ربته الغربه ..وعنده كل حاجه مباحه .. بس كل اللي عرفه انه بعيون اللي حواليه غلطان عشان تفكيرهم متخلف شوي.. لكن عند نفسه مستعد يستناها لحد ما تولد ويتجوزها.. هو أحق من كرم بيها .. والقدر كان مفروض كتبها له هو مش لكرم من الاصل ...قصص منه محمد
>>>>>>>>>>>>>>>>
بعد مرور شهرين ..
خلصت ااجازه الصيف.. ورجع الكل لشغله..
البنات الاربعه بالجامعه.. شوق...هبه....نسمه. وابتهال ..
نسمه تقبلت زين بعد اسبوع من كتب كتابها .. وتقريبا بيكلمها كل يوم .. ويوم عن يوم اكتشفت شخصية زين الحقيقه.. انسان محترم وذوق لابعد الحدود.. بيفكرها بكرم.. بس على اكتر حنيه ورومنسيه... الجواز اتأجل لبعد سنتين...
ريهام رجعت لغربتها من جديد .. وهي حاطه ايدها على قلبها.. القصر ممكن ينهار وفي أي لحظه .. لو غلط طارق غلطه بسيطه... وكرم كان عارف عنها .. ومش مستبعده .. لان مستحيل اللعب في الضلمه يدوم.. الا ما ينكشف في يوم ..
اهم خبر حصل خلال الشهرين ... سالي رجعت لبيتها على كرسي متحرك.. وكل يوم تروح معاها فتون للعلاج الطبيعي ..وفعلا سالي كانت تتحسن معاه.. بس لسه ما اتكلمتش ..والدكتور عطى سبب عدم الكلام انه صدمه نفسيه وعلاجها يرجع لسالي نفسها .. وهيجي يوم تتكلم فيه..
@@@@@@
بالقصر..
فتون اخدت سالي برى للجنينه ... الخدامه تدفع الكرسي المتحرك وفتون جنبها ..
فتون: خالتي محتاجه هوا صح !!.. من زمان ما شوفتيش الشمس ..
سالي بصت للناحيه التانيه من الجنينه عاوزه حاجه من المكان ده بالذات!
فتون قعدت قصادها: عاوزه تنزلي تئعدي علي النجيله يعني .؟؟
سالي هزت راسها بلا ..
فتون احتارت: تحبي ندخل..؟؟
سالي اتعصبت هزت راسها بلا مره تانيه ..
فتون: خالتي والله مش قادره افهمك.. طيب عاوزه حاجه من الجنينه.
ساالي هزت راسها بأيجاب على طول..
فتون : طيب ... "ودخلوا الجنينه" وادينا دخلنا عاوزه ايه..؟
سالي دمعت عينها .. ازاي تقول لها او حتي تفهمها ..
فتون : خالتي.. متعيطيش وفهميني..
وقعدت فتون معاها وتعدد لها حاجات وتجبلها اسماء كتير وبدون فايده.. لحد ما فقدوا الامل ورجعوا لجوه القصر تاني ...
@@@@
بعد اسبوع..
الدكتور وقدامه مياده: مين كرم ...؟
مياده: ابن خالها...
الدكتور: خلوه يجي حالا..
مياده: حاضر"واتصلت بيه"
دقايق وكرم وصل ودخل عند الدكتور..
الدكتور: اكيد عارف عن حالة ريماس.. بس انا اللي مستغربه ان اسمك دايما تردده على لسانها .. كان بينك وبينها حاجه ؟
كرم بص لعمته: حاجه,, حاجه زي ايه ..؟
الدكتور:علاقه.. خطوبه.. أي علاقه وديه..؟.
كرم: معرفش... انا عن نفسي شايف العلاقه اللي بينا عاديه...
مياده نزلت راسها لتحت: لا انا... شاكه انها كانت بتحب كرم..
كرم اتصدم ..
الدكتور ابتسم: جميله صراحتك يا مدام مياده.. وبنفس الوقت احيي فيك انتبهاك على مشاعر بنتك..
مياده رفعت راسها وبصت لكرم.. وخلت الدكتور يكمل ..
د: كرم.. هجمعك مع ريماس النهارده .. وخلينا نشوف ردة الفعل.. حاول تتجاوب مع كل كلامها اوكي..
كرم: اوكي ...ما عنديش مانع..
اخد الدكتور كرم.. ودخله على ريماس ..
د: ادي يا ستي كرم ....جه لحد عندك..
ريماس اول ما شافت كرم راحتلو على طول وحضنته..
الدكتور بص لكرم. وشاورله.. بمعنى خليها تكمل على راحتها..
كرم مصدوم ...ومحتار فيها .. كانت ضماه بقوه كأنه هيهرب
ريماس رفعت راسها له : بتحبني صح !!
الدكتور غمز لكرم يتكلم ويسيرها
كرم: ايوه بحبك..
ريماس: طيب ليه اتجوزت بنت الشحاتين دي..
كرم فهم على الدكتور وسيرها ومشي معاها زي ما قال : عشان بابا غصبني عليها..
ريماس : بجد !! يعني ما بتحبهاش ..
كرم: لا .. بحبك انتي .. "وحرر ايديها عنه بهدوء "
ريماس : ياخسره.
كرم: خساره ايه ...؟
ريماس: لو كنت عارفه ماكنتش روحت مع سالي ..
الدكتور هنا اتحمس.. وطلب من كرم يستمر اكتر بالكلام..
كرم: روحتي فين...؟
ريماس: لمكان يخوف يا كرم.. مكان متوحش جدا جدا..
كرم: وليه روحتيلو ؟؟
ريماس: عشان نعمل حاجه كدا..
كرم عقد حواجبه وبدء اهتمامه يزيد.. ايه الي ممكن يجمع سالي وريماس..
كرم بهتمام: طيب هتقوليلي انا ؟؟؟
ريماس: وتطلق فتون !!
كرم هز دماغه: ايوه اطلقها ..
ريماس همستله: روحنا لوحده اسمها ام نادر.. كانت تخض وتخوف قالت لها طنط سالي.. عاوزين نعمل عمل .. عشان انت وفتون تكرهو بعض !
كرم بيستقبل تاني صدمه ..حس انه مضروب على دماغه وبص للدكتور وكأنه بيسأله الكلام اللي بتقوله بجد ؟؟ولا لأ ؟؟؟
الدكتور اتصدم كمان..ماتخيلش انه في ناس تفكيرها صغير للدرجه دي ..ونفوسهم مريضه ودينهم ضعيف!!!
كرم رجع لريماس: وعملتيه؟؟؟
ريماس: ايوه.. بس انا خفت.. هي قالتلي .. انا معملتش حاجه .. والله ماعملت حاجه .. "وراحت بعيد بخوف" والله ماعملت حاجه ..
كرم مش قادر يستحمل وقرب منها..: ريماس.. اذا بتحبيني اتكلمي...ايه الي حصل بعدين ...؟
ريماس: ايه الي حصل !!! ...ايه الي حصل؟؟؟ اه افتكرت .. روحنا نحطه في القصر..
كرم: فين ...؟
ريماس:لا سر... ما اقدرش اقوله..
كرم: عشاني ... ريمو انتي بتحبيني ارجوك قوليلي..
ريماس: ماشي بس ما تروحلهاش !!
كرم وصل توتره لحد الجنون: لا مش رايحلها..
ريماس: شفت الجنينه.. قريب من الباب.. يمكن على اليمين او على الشمال.. مش عارفه.. بس بمكان جنب الورد الحلو.. حطيته.. لا متخرجهوش .. سيبه مكانه عشان انا وانت نحب بعض..
كرم خلاص.. رجوله حرفيا مش قادره تشيله .. عاوز يجري للقصر جري .. هناك علته.. هناك اللي فرق بينه وبين حبه ونبض قلبه.. لف على الدكتور يترجاه يخليه يطلع..
الدكتور اللي بجد تفاعل مع موضوعه: اوكي كرم.. انت روح نام دلوقت .. وريماس هتنام.. عشان بكره تشوفو بعض وقت اطول..
ريماس راحت للسرير واتغطت: كرم حبيبي.. بكره عاوزه أشوفك..اوعي تنساني..
كرم طلع بسرعه وراح للقصر.. زي المسافر وراجع من الغربه ولهفته سباقه يشوف اهله..دلوقت بس حس انه رجع كرم من تاني .. دلوقت بس عرف ليه فتون كانت بعيده عنه ..
ركب عربيته وانطلق بسرعه جنونيه..
رجع شعره لورى وهو متوتر وكل جسمه يترعش.. لا عارف يضحك ولا يعيط ولا يصرخ..
: فتون .. انا راجع لك ... دلوقت بس عرفت ايه اللي كان بيني وبينك..دلوقت فهمتك لما قلتيلي انه في سبب اقوى منك بيبعدك عني .. وانا اللي كنت ظالمك.. وشكيت فيكي .. فتون والله بحبك .. ولحد دلوقت بحبك .. ولا عمري اتغيرت مشاعري ناحيتك .. انا اسف ..سامحيني ..سامحيني ..
كل الكلام ده ناوي يقولهولها لما يوصل لها .. بس كل همه حاليا يوووووصل لها ...
>>>>>>>>>>>>
بالقصر..
الساعه اعلن مؤشرها 9 بالليل..
البيت فاضي تقريبا .. سَيار خرج والخدم مشغولين ..
فتون جهزت لها فشار وقررت تسهر "على فيلم تسلي نفسها!!!!!!!
طفت الانوار اللي بالصاله الثانيه اللي فيها التلفزيون ...
وشغلت الفيلم وئعدت تتابع ...
نزل من السلم كان ناوي يخرج مع شلته .. بس شافها قاعده ومندمجه جوه مع الفيلم..
راح عندها: شكله حلو ..
فتون بحماس: حلو جدا... يمكن انت شفته..؟؟
طارق بص للفيلم.. ده شافه كتير لما كان بكندا: لا ماشفتوش
فتون: غريبه.. ده حتي مشهور..
طارق ئعد جنبها: اشوفه معاكي.. يمكن شفته.. بس معاك هيطلع احلي..
فتون ابتسمت على هزار طارق. مع ان طارق ما كانش بيهزر في الحقيقه... ومدت له طبق الفشار.
الفيلم كان رومنسي وحزين.. لكن كان حزنه معقول ومش مبالغ فيه...
فتون كانت لقطات تمر قدامها وتوتر ئعدتها وخصوصا ان طارق جنبها ويتابع الي متابعاه.
طارق الجو وتره وأربكه.. حس بحراره فظيعه وفتون جنبه .. ضلمه وهدوء.. والفيلم رومنسي جريئ شويه ...
وحاسس نفسه مش عارف يتصرف..
مد ايده ياخد فشار وبالصدفه كانت ايدها موجوده جواه ولمسها..
فتون من غير ما تبصله سحبت ايدها بهدوء من الطبق بس فجأه طارق مسكها..
فتون حست الرجفه والخوف .. وبسرعه فكرت تعمل ايه في موقف غبي زي ده ..
طارق طلع من وعيه.. .. بس كل اللي عرفه ان ده هو الي عايزه..ورغبه
فتون سحبت ايدها بالقوه .. ورمت الطبق جنبه.. ووقفت
: عن اذنك اروح ل..... "ولسه بتقف "
ما حستش الا بطارق مسكها من دراعها وسحبها وئعدها ومسك وشها وباسها من شفايفها وهو متعمق ومتحمس ....
وصل القصر.. ووقف عربيته بسرعه حتى ما كلف على نفسه يطيفها .. نزل منها .. وجري للجنينه زي المجنون ...
وقف محتار : قالت قريب من عند الباب جنب الورد.. الاول أبدء يمين لانها قالت اول جهه.. وفعلا راح بسرعه جهة اليمين .. وجنب الورد.. بدء يشيل الطبقه الاولى كلها .. وما احتاجش لكتير من الوقت لانه حس ان في شئ طار مع التراب اللي نثره..
راح واخده بسرعه وبصله.. كيس اسود.. وشكله غريب.. ومربوط بعقد كتيره.. بصله بأسى ..
: الله يسامحك يا سالي ... دلوقت عرفت ليه في كل مره تشوفيني فيها تبكي..
وبسرعه طلع من الجنينه .. واتجه للباب الرئيسي وفتحه بكل قوه وحماس..
دلوقت يبشر فتون.. والكل يعرف مع بعض ايه اللي حال بينهم..
اتفاجأ بالضلمه.. قرب كتير.. شاف منظر مستحيل تصدقه عيونه.. يهد جبال.. يشق سموات..يزلزل ارض... اخوه ساحب فتون مراته و .........
قبله بدء يدق بجنون.. العقل اللي في دماغه اختفى .. فتون بين ايدين طارق وبتصرخ وبتضربه بصوت مكتوم ..لكن كرم اتحجبت عنده الرؤيه انه يشوفها بتصارع بكل قواها
صرخ من اعماق قلبه : فتتتتتون !!!!
طارق اتخض وبعد عنها بسرعه..
فتون لفت بقوه على صاحب الصوت وكل خليه فيها اتأكدت انها ماتت من الخوف..
كرم راح يفتح الانوار ... لانه عاوزه يشوف اشكالهم..
طارق حط ايده على راسه .. وبلع ريقه .. وبص لفتون شوي ..وكأنه واحد لسه صحى من نومه ع كابوس مفزع.. ويلوم نفسه على الحلم المزعج..الي نسّجه بنفسه لنفسه!!!
فتون على طول بكت.. بحرقه هي حاولت تبعده بس هو كتفها وكتم شفايفها بس لو هي مظلومه هي برضو مالهاش عين تتكلم تقول ايه تقول انها غبيه متخلفه حقيره كانت لازم تصده من اول ما هجمها في المطبخ هي استسهلت وتفكيرها انحصر انها مستحيل تخون وتتعدي الحدود ..ومهما حاول ومهما قال هي فتون بنت سلطانه الي مستحيل تقع وتتكعبل في الرزيله لكن نست انها دلوقت بعيده تماما عن طريق ربنا والشيطان اتملك منها هي غصب عنها بس برضو مالهاش عين .. ورغم مالهاش ذنب .. بصت لطارق بأسى وحزن وألم .. تلومه بكل مافيها على الجرم اللي عمله فيها .. ومين شافها !! حبيبها وجوزها كرم
اللي مفروص تصونه.. وتصون نفسها قبله..
كرم مشحون بغضب اسود.. قهر اسود الم اسود..."بصلهم الاتنين بأحتقار"
وقال بصوت يرعب جدران القصر من هدوئه المخيف: انا مش هكلمك انتي .. بعدين اتفاهم معاكي ..." بيتكلم ويتقدم لهم مندفع" انا شغلي مع الواطي ده .. "وعلى طول سدد له اول لكمه "
ومسكه من هدومه وتلاها ضربات قووويه .. وكل لكمه يشهد صداها القصر..فضل يضربه يضربه لحد ما حس انه بيتنفس بصعوبة
طارق مستسلم له ..وده زاد من شحنة غضبه عليه ..وخلي كرم يزيد اكتر واكتر بالضرب والقوه. والقسوه.
جرجره على الارض وكمل عليه: يا واطي يا منحط.. تخوني وتغدر بيا مع بنت عمك ومراتي.. يا اللي " وانهال سيل من السَب لحد ما غرق طارق بالدم ...لانه مضروبة ضرب أليم "
فتون انهارت الولد بيموت بين ايديه ...بيموت اخوه..
صرخت بفزع: كرررررم.. بس كفايه.. بيموت بين ايديك ..!!!
بصلها والعرق نازل منه: انتي تسكتي يا خاينه وهتفاهم معاكي بعدين ..
"قام ووقف طارق "
طارق كان مهدووووود مافيهوش حيل يحرك اي جزء منه.. بس بص لكرم..
وشاور على فتون وبصوت بصعوبه ينسمع لدرجه ان فتون ما سمعتهوش: مالهاش دعوه .."واخد نفس عشان يقدر يكمل" انا الغلطان..
كرم وكأنه مش عاوز يسمع الكلام الي قاله: حالا تطلع برى البيت.. ومش عاوز اشوفك فيه .. الا والله واللي خلقني وخلقك.. لا يكون اخر يوم في حياتك اطلع برى يا حقير..ياكلب
وسحبه ورماه برى القصر... وقفل كل الابواب زي المجنون
وفتون مع صوت ضرب الباب.. كأنها قفلت على قلبها من الخوف..
رجعلها فتون رجعت كام خطوه ورى ..كرم اتحول زي الثور الهايج.. او الاعصار اللي مستعد يدمر كل حاجه قدامه..
كرم بصلها من فوق لتحت... وطلع موبايله.. اتصل على السواق ياخد طارق للمستشفى بدون ماحد يحس ..وبعدها رجع بص لفتون ..
قرب منها وطلع من جيبه كيس : تعرفي ايه ده...؟
فتون من الخوف ما قدرتش تركز باللي بأيده .. وهزت راسها ب لاء...
كرم: ده سحر عملته سالي.. حبت تفرق بيني وبينك .."وفكه وبعتر محتواه على التربيزه "
عرفتي دلوقت ليه احنا كنا بعيد عن بعض وغصب عنك...!
فتون رجعت تبص في المبعتر ع التربيزه بصدمه.. بس هو ما خلهاش تطول النظره ..
كرم اتكلم بنبره كلها قسوه: بس كنت تقدري تصوني نفسك حتى لو انتي مسحوره .. انتي على ذمتي .. وفي بطنك اب....."وسكت"
فتون نزلت دموعها بحر على خدها: لا ... لا والله ابنك .. واحلف لك بربنا ابنك .. كرم الله يخليك ما تشكش فيا .. احلف لك بربنا اني ما خنتك معاه.. وولا عمري فكرت فيه .. كرم انا بحبك والله بحبك.... انا حاولت امنعـ.....
كرم قاطعها بأستهزاء ودموعه نزلت: بعد ايه قلتيها !! فاكره لما اترجيتك تقوليها وتريحي قلبي ... فاكره قلتي ايه ؟؟؟ قلتي لما اتأكد من مشاعري.. دلوقت اتأكدتي بعد ما شفتك في حضن اخويا ؟؟؟؟ دلوقت يا فتون قلتيها ...؟
فتون نزلت عند رجوله: والله يا كرم.. انا مالي ذنب .. باللي شفته دلوقت .. واحلف لك بالمصحف كمان.. كرم والله ما فكرت اخونك..تحب اعمل ايه عشان تصدقني ...
كرم زقها بكل قوته برجله: ابعدي عني.. لو عليا أقتلك انتي مبقاش ليك في قلبي مكان .. انتي يا فتون انتهيتي ... من حياتي للابد.. ومن بكره مش عاوز اشوفك هنا ... بيت ابوكي يلمك..
ومشى وسابها فتون انهارت كرم خلاص ماتت مشاعره ماتت خلاص انتهى كله انتهي : كرم اسمعني طيب
.. كرم مشى وهو بيحاول يجمع نفسه ويثبت خطواته على الاقل قدامها.. بس بمجرد ما وصل للاسانسير ودخل فيه انهار وبكى..
كرم العظيم بين دموعه اللي بقت بحر ... كرم الكبير اللي هيبته تهز كل اللي حواليه .. اول ما وصل للاسانسير ودخله ئعد على الارض وسند نفسه على اقرب جدار وضم رجوله يبكي ... يبكي كل شئ شافته عيونه من اول ما اتولد... لحد اللحظه دي.. ولا شئ ... ولا شئ قدر يسعده... القدر حتم عليه حزن ابدي يعيش سجينه طول حياته...
ده اخر الطريق يا قلبي يا صافي وبريئ يا قلبى
يا صبرك معايا يا قلبي في بحر الهوا الغدار
هوينا ...
وشوفنا نصيبنا بين وهم وقلوب كدابه