قبل البارت المساحه بتقف عند حد معين من الكتابه اي بارت نزلته ده مساحته البارت الواحد فوق ٥٠٠٠٠ وشويه كلمه يعني البارت مقسوم ع جزئين تخيلي انتي المساحه فده حد المساحه فالي بتقولي طولي البارت اكتر من كدا مش هينزل غير للحد المسموح وانا بنشره أوقات ع مرتين
هبدء الفيلم
البارت ٣٨
#المشكله_والعنيد
منه محمد
بالشركه ...
رن موبايله ....ورد عليه ..
: الووو... ايوه معاك سَيار رشدان ....اييييه ؟؟؟ لقتوه ؟ طيب فين ؟؟؟ ....اوكي دقايق واكون عندكم ...
وقف وهو مصدوم ... مش مصدق ان القدر بيجمعهم من اول وجديد ... معقول بعد السنين دي كلها يلتقو ...؟؟ بس فين،،في المكان ده !!!!!!!!!
@@@@@@@
بعد شهر..... اتغيرت امور كتيره.. والاحداث بدئت تاخد مجرى تاني ..
بالقصر..
قاعد بالجنينه ..على التربيزه قدمهم فنجانين وشاي وكيك اشتراه وشكله يشهي ولذيذ جدا..
جات وقعدت قدامه ..
: دي الكيكه اللي بتقول كلوني ؟؟؟
ابتسم لها: لذيذه جدا..جربتها وحبيتك تجربيها معايا..
اخدت الشوكه وقطعت حته منها وأكلتها ..وعيونه كانت تراقبها بأهتمام وعلى وشه مرسوم ابتسامة سعاده..
حطت ايدها على بؤها: لا متبصليش كدا..
ضحك بصوت عالي : ههههههه مستني رايك..
فتون بلعت : بجد لذيذه.. تسلم طارق ..ذوقك عالي ..
طارق اخد شوكته واكل منها حته : انتي احلى من الكيكه "من غير ما يبصلها "
فتون سكتت وما ردتش عليه ..اتنهدت جواها ..طارق بقي بالنسبه لها صديق اكتر ما هو ابن عم ..بترتاح معاه ..تفضفض له ..تحكيله وتتكلم معاه ..وهو بالمقابل مش مقصر...مستعد يشاركها كل حاجه بحياتها ويقدملها كل اللي يقدر عليه واكتر ..حتى لو ما ملكش قلبها ..و كل حاجه بيقدمها بيحسها بدون مقابل ..احيانا محتاجين صديق في حياتنا لكن هل الصديق هيصون الصداقه البريئه ويقدر وخصوصا انه مش غريب ابن العم يعني من الدم!!!!!!
مد لها فنجان الشاي: خلاص اسف ...خدي فنجانك وبس "عارف انه ضايقها بغزله "
فتون اخدت الفنجان وشافت ابتهال جايه من الملحق وئعدت معاهم..بقي منظر فتون وطارق مع بعض منظر طبيعي ...
ابتهال: الله الله قاعدين تاكلوا ...ليه ما حسبتوش حسابي ..
فتون مدت لها طبقها: خديها لاتنشيني عين..
ابتهال خدتها وبدون تردد: والله شكلها مغري .. طارق انت اللي جايبها..
طارق: ايوه ..سيبي بتاعه فتون ..فيه فالمطبخ ..
ابتهال ابتسمتله ابتسامة مجامله: لا ...هاكل من طبق اختي..
طارق بهزار: بقولك حطيها " ووقف واخد الطبق منها " كيكتي وانا اللي جايبها ..
ابتهال وقفت : طارق جيبها .. بس ادوقها طيب..
طارق وهو بيرجع على ورى : لا ...بتاعه فتون .. جيبي لك غيرها " وخبط بحد وراه ..ولف بسرعه "
كرم واقف بكل شموخه وكبريائه..واخر جزء سمعه " كيكة فتون "بص لطارق بملامح جامده..
طارق بقي بيخاف منه ... مش نفس الاول بيحب يتخانق ولا يقفله ع الكلمه ... يمكن شعوره بالذنب ضعفه..او عاجبه الهدوء اللي بينهم ومرتاح لان المشاكل خفت.. ومش بيحب يحتك بيه..و يمكن احساسه بالرحمه اتجاه كرم منعه عنه...
كرم شهر كامل بعد عن الكل كليا ... عاش حياته مستقل ..
فتون مراته بالاسم وفي الحقيقه وبعيونه مفروض تكون لطارق ..كل ما يدخل يلاقيها قاعده معاه.. تاكل معاه.. تضحك على كلامه .. حتى الخروج بقت تطلع مع البنات ومعاه.. طارق مش سرق فتون منه وبس .سرق حتى حياة كرم وراه.. حاول في خلال الشهر كتير تتعدل علاقته معاها.. بس في كل مره تزيد حالتها اسوء.. وتكون عنيفه اكتر.. نفس ردة الفعل .. قانون نصي كل ما يقرب من فتون ..كل ما تمرض اكتر .. تتحول لفتون تانيه تصرخ تكسر تضرب تهدد باللانتحار..مش دي فتون اللي تضحك قبل دقايق مع ابتهال وطارق..
ابتهال وقفت بأسى وهي بتتأمل حاله كرم.. فتون شرحت وشرحت كتير وكتير عن الي بتحسه.. بس محدش قادر يصدقها او يفهمها.. ورموا كل الاسباب وما بقاش في بالهم غير ان طارق اكيد اللي غير حياتها ..
راحت عند كرم..
ابتهال: اهلا كرم .. اتغديت !! اقولهم يجهزوولك الاكل؟
كرم وهو ماشي: لا شكرا ... اتغديت برا ..
ابتهال وقفت جنب طارق : والله شكله يوجع القلب.. حتى الاكل ما بياكلش معانا ..
طارق وقف ومن جواه ماليه شعور موتره ومخوفه: احم....الله يعينه ..."ومد لها الطبق" خديه .. انا رايح جوه ..."ومشي "
ابتهال رجعت لفتون .. اللي كل ماشافت كرم بالشكل ده تخنقها الدموع .. بس مفيش بأيديها اي حل .. والله ماقادره ...سامحني
ئعدت قدامها ابتهال : ربنا يصبر قلبك يا كرم..
فتون فاهمه نغزات ابتهال اللي شبعت منها ..وتألمها في كل مره وبشده
فتون: قالك ايه ؟؟
ابتهال: سألته اجبلك غدا...قالي انه اتغدى برا
فتون سكتت ونزلت راسها ..
ابتهال: فتون..
فتون رفعت راسها لـ ابتهال وشافت دموع بعيونها: خلاص يا فتون ..ارجعيله .. اي حاجه هتطلبيها منه يعملها هيعملها .. ليه انتي بقيتي قاسيه كدا .. بحسك بدون قلب وانتي شايفه حال كرم وساكته..
فتون وقفت: ابتهال مهما اقولك انتي مستحيل تفهميني ..
ابتهال: مافيش حاجه تتفهم .. انتي مش عايزاه..
فتون: وايه الي يمنعني .... انتي مش بتحسي الي انا بحسه " ودمعت عيونها "
انا كل يوم بموت مليون مره .. لما بشوف كرم وحالته بموت ... ولما ما اقدرش اقرب منه بموووت اكتر.. ولما بيحاول يلمسني او حتى تكون المسافه اللي بينا قصيره .. بتعذب .. بموت بتخنق.. ما اقدرش .. ما اقدرش ،،ليه محدش فيكم فاهمني ولا حتي عاوز يفهمني ..
ابتهال وقفت معاها : لاني مش مصدقه..
فتون بصتلها بدموع وسابتها ومشت ... الكل محدش مصدق .. الكل مش فاهمها.. حتى ريهام وهبه ونسمه .. وعمها .. كلهم مش مصدقين !تعبت وهي بتشرح وتوضح وتفهم لكن محدش للاسف مصدقها ليه محدش مترجم لغتها وشرحها
......
فالمستشفى....
وبالممرات.. ريهام ومنار ماشين مع بعض ويتناقشو في حاله جديده..
ريهام اتجاوزت ألمها .. وقدرت تقاوم كل جروحها ووجعها .. مكان سامي .. غرفته.. حتى ريحته صحيح انها كانت معقمه ومطهره ..بس هو له عطره الخاص ... قدرت تتناسى حبيبها ومكان اللقاء والوادع..وكل الذكريات اللي كانت ليها هنا ...
حفظتها بركن جوه قلبها .. وقررت تعيش حياتها بشغلها وجنب امها .. ومع صديقتها اللي فعلا اثبتت ان الدنيا ما جابتش منها اتنين ... مستحيل تلاقي واحده بوفائها واخلاصها ..هي الوحيده اللي وقفت معاها بكل الي تقدر عليه ...
ريهام: اوكي ... خليه عليا ... انا بحاول معاه..
منار: ليه دايما نديلك الحالات الصعبه .. اللي تتعب نفسيتك..خليها على دكتوره تانيه ..
ريهام: لو ما مقدرتش اثبت نفسي بالحالات دي أمتى هقدر اثبتها ..
منار ابتسمت لها .. وقعت عينها على دكتور خالد اللي جاي عليهم.. وريهام عطيته ظهرها وما انتبهتله
منار بهمس: جه خالد..
ريهام بدون ما تلتفت:اوكي ..
وقف خالد جنبهم: السلام عليكم
منار وريهام: وعليكم السلام ..
خالد: فاضين ولا ؟
منار: انا مشغوله والله ...ورايحه لمكتبي فورا..ريهام اشوفك بعدين..
منار بطبعها ما تحبش تقف مع حد .. وريهام عارفه كدا
خالد: وانتي يا دكتوره ..
ريهام: ليه كنت عاوز حاجه ؟؟
خالد: اذا فاضيه ..عاوز اكلمك بموضوع..
ريهام: أي موضوع؟
خالد: ما ينفعش هنا .. يا ريت لو تيجي مكتبي او ننزل تحت بالكافتيريا ..
ريهام: لا ننزل تحت احسن ..
وبالكافتيريا ..
خالد له ساعه مشبك ايديه .. وعمال يطقطق كل صوابعه ولسه ما اتكلمش..
ريهام كانت تفتح اوراق ملف بايدها وتنتظره يتكلم .. بس طول ..
قفلت الملف ورفعت راسها عليه ورجعت نظاراتها الطبيه لورى ..
: أأمريا دكتور خالد... اعتقد ان في موضوع عاوزني فيه ؟
خالد مرتبك: احم.. ريهام.. انا مش عارف ازاي ابدء بالموضوع .. لكن الموضوع شاغل بالي وتعبني كتير وما اقدرش أأجله اكتر من كدا..
ريهام انقبض قلبها .. وخافت من الكلام اللي جاي فالطريق ..
خالد اخد نفس وكمل : ريهام انا ....لسه عاوزك ومتمسك بيكي ...والمره دي مش هاخد رفضك لي زي المره الاولى لا هاخد قرار ... لانك كنتي بوضع ما يسمحلكيش تقرري بعقلك وقلبك .. ودلوقت عارف ان الوقت مش مناسب.. بس على الاقل ارتاح من ناحيتي ..
ريهام صدمها الموضوع .. ما فكرتش ابدآآآ ان خالد ممكن يرجع يفكر فيها من تاني.. او اللي صادمها اكتر انها تفكر فالجواز بعد سامي !!
ريهام: مشعارفه اقولك ايه بس
خالد قاطعها : ما تقوليش اي حاجه .. وكل اللي عاوزه منك تفكري بعقلك وقلبك المره دي ... انا شاريك يا ريهام وعاوزك .. اوعي تفتكري انك غبتي عن بالي لحظه .. عارف اني تماديت بكلامي معاك .. بس ضروري على الاقل اوضح لك مشاعري وتحطيها بعين الاعتبار.. انا يا ريهام من ايام مرض سامي الله يرحمه .. ولما حسيت انك قريبه منه جن جنوني .. ما عرفتش ازاي اقدر احافظ عليكي واخليك لي ... اتجوزتيه هو ... ومتعرفيش كان حالي ايه وقتها .. ما تحملتش ابدا يمر يوم جوازك وانا قاعد بنفس المكان اللي انتي فيه .. روحت ونقلت اوراقي لالمانيا ..بس اتفاجأت بعدين ان اوراق سامي جات عندنا .. وانتي جيتي وطلبتي مني اساعدك لما كنت راجع لهنا عشان شوية اجراءات .. ما فكرتش اتردد لحظه في اني اشوفك قريبه مني لو حتى مع غيري ....ودلوقت بما ان مافيش في حياتك حد .. بطلب منك اني اكون انا اللي يملاها عليكي .. وفكري فيا للمره التانيه .. فكري في خالد اللي مستعد يبيع الدنيا عشانك.."ووقف ".. انا حمشي دلوقت عن اذنك..
ريهام الكلام جه زي المخدر على عقلها .. تستوعب ايه ولا ايه .؟؟ عمرها ما تخيلت خالد بيحبها للدرجه دي؟؟ عمرها ما كانت منتبه له ولا كان عندها استعداد تلتفت له ...ورفضته المره الاولى بكل قسوه ..
وقفت واثار الصدمه ما زالت مأثره عليها وراحت لمكتبها ..
دقايق وجات عندها منار...
منار واقفه تكلمها .. وفجأه حست انها مش معاها ..
: ريهام !!
ريهام انتبهت لها: ها..
منار: لا انت مش معايا .. وانا قاعده ساعه بكلمك لما صوتي اتنبح
ريهام: سوري سرحت شوي ... كنتي بتقولي ايه ..
منار: خالد كان عاوز منك ايه؟
ريهام سكتت شوي .... وبعدها اتكلمت : حتتفاجئ..
منار: ليه ؟؟ عنده ايه !
ريهام: خطبني للمره التانيه ..
منار انصدمت: بجد !!!...ريهام بجد ؟؟ هو انتي لسه في عقله ؟؟؟ وضحكت
ريهام: قالي كلام كتير ... والله منا قادره استوعبه..
منار بتردد: وانتي ايه رايك فيه لو على الاقل مبدئيا ...
ريهام: انا رافضه فكره الجواز بعد سامي وبدون نقاش .. بس كلامه لي النهارده .. مش عارفه حسسني اني ما اقدرش ارفضه للمره التانيه وخلاص.."اتنهدت من قلبها " محتاره يا منار مش عارفه اعمل ايه ؟؟ حطني في موقف صعب ..
منار: طيب انتي اديله حقه .. صح مش منطقي ترفضيه كدا ... عشان ولا حاجه .. انتي فكري فيه كزوج .. وربنا يكتب لك الي فيه الخير ...
ريهام: بس انا مش متخيله اتجوز بعد سامي !! سامي اخد قلبي وراح ..بحس اني بخونه وبخدع خالد لو وافقت عليه او على غيره..
منار: كل شئ في الدنيا ممكن نقدر نتجاوزه .. سامي ومرحلته في حياتك مستحيل تنتهي وده الكل عارفه .. لكن الحياة مش بتوقف عند شخص يا ريهام .. وانتي مستحيل تعيشي على ذكري شخص طول عمرك .. وهو مات ومافيش امل يرجع لك ..حتى سامي نفسه... مستحيل يكون راضي ولا ايه ؟؟
ريهام على طول خطر في بالها كلام سامي بالدفتر ... اللي حفظته عن ظهر غيب ... ذكر فيه خالد ...واتكلم عنه كام مره .. وكتب انو حيكون لها الزوج المناسب واللي بيخلص ليها ....... يكون سامي عارف بمشاعره من قبل كدا؟؟؟
منار طلعت وسابت ريهام على راحتها ..مش حابه تضغط عليها .. ولا حبت تسيبها نايمه على احلام بعيده عن الواقع ... وتعيش على اطايف من الماضي ... واللي مستحيل تقدر ترجعها تاني
@@@@@
لبست واتشيكت ...وشافت نفسها بالمرايه برضا
:اليوم شكلي احلى من امبارح ..
اخدت شنطتها وطلعت ..
دخلت القصر .. وعطت الخدامه الجاكت .. بقي شغلها الشاغل تيجي تقريبا يوميا للقصر ... عشان تشوفه .. وفي كل مره تلاقي تقبل ايجابي منه اكتر من اللي قبله ..
دخلت جوه تدوره بعيونها.. في كل مره وبالوقت ده بيكون موجود....وفعلا لمحته قاعد بالصاله التالته اللي تعتبر اصغر واحده .. لانها مش رسميه ..وفيها التلفزيون ..
راحت عنده وبأبتسامه : سلام ..
رد عليها بدون نفس شوي : اهلا وعليكم السلام ..
انصدمت من رده ... حتى ما لفش عليها ..
ئعدت على الكنبه جنبه : اخبارك النهارده..
مدد رجوله على التربيزه الي قدامه بزهق : زي ما انتي شايفه نفس كل يوم " وعطاها ابتسامة مجامله "...بخير ...
بلعت ريقها على طريقته .. شكله اليوم مش رايق ابدا ..
شوق: اها..
وسمعت صوت نسمه وقطتها قبلها بتجري تنزل من السلم: شوق وصلتي.. ليه ما قلتيليش .. الخدامه اتصلت بيا وبلغتني ..
شوق وقفت تسلم عليها: كنت بتصل بيك ناو ..
نسمه شافت طارق اخوها ما عطاهمش منظر..ما حاولتش تدقق كتير .. واخدت شوق لغرفتها ..
شوق ئعدت على السرير: ماله اخوكي .. كأنه متخلق او مش رايق..
نسمه بدون اهتمام: معرفش ماله.
شوق : ملاحظه انك ما بتهتميش لطارق ابدا...
نسمه ئعدت جنبها وبتفكير: لان ما بتعجبنيش تصرفاته وخصوصا الايام دي.
شوق بعد فهم : ليه ؟؟
نسمه: بحسه انه قاعد يعمل حاجات كلها غلط وهو مش واخد باله خالص..
شوق حست ان مخها وقلبها وقفوا : غلط !!!! ايه الغلط ؟؟؟
نسمه: اووه يا شوق .. ما علينا..سيبك من طارق بمشاكله على جنب ..
شوق: لا بليز نسوم قوليلي ..
نسمه وقفت: بقولك ايه امشي ننزل تحت عند ابتهال وفتون ... واركني طارق وعمايله.. شايفه اسألتك كترت عنه ..
شوق وقفت بخجل مع شوية ربكه : لا سألت ولا حاجه..
"وطلعوا " وشوق كلام نسمه حيرها وحست انها ضاعت بين الالغاز .
•°•°•°•°•°•°
وبالملحق الخارجي ..
متجمع الكل ... وشوق هي اللي كانت واخده الجو بالكلام والحكايات ...شخصيتها تحكم عليها القياده بكل حاجه .. دايما تحب تاخد المجال والاجواء .. او حتى تكفيها تخطف الانظار .. غير ان كلامها حلو وجذاب واسلوبها منمق .. بس اللي مخليها اليوم تتكلم ومش سايبه مجال لغيرها ..كانت محتاجه تبعد الافكار عن راسها كلام نسمه عن طارق.وعن تصرفاته وكأنها مش راضيه عليه وبقوه كمان
فتون: ههههه يا قلبك والله ..والله انتي تخوفي.. ابتهال خليك شرسه في فرح شوق زي ما كانت شوق في فرح اختها
ابتهال: كويس اتعلم منها ... عشان اضمن ان ورايا حد ..
شوق: هههه ابدا انا معاكي .. متخافيش انا اللي حكون مسؤوله عن جوازك..
نسمه: لا والله ... وانا ؟؟
شوق : ههههه خلاص ولا يهمك كلكم ان شاء الله اجوزكم وافرح بيكم ..
نسمه: اللي يسمعكم يقول العريس عند الباب .. استريحوا يا بنات ..
وسمعوا صوت خبط علي الباب.. واتفتح وكانت ريهام..
: السلام عليكم ..
الكل رد السلام..
دخلت وئعدت معاهم : ازيك يا شوق..
شوق: الحمد لله كويسه ..
ريهام: محلوه النهارده اكتر .. ايه الي عندك يا بنت قوللنا علي السر ؟؟
نسمه: هههه كنت حقولها ..شوق الايام .. شغلها الشاغل الشياكه والتسوق .. وبتهتم بنفسها كتير..معرفش ناويه علي ايه !!
شوق ضحكت بخجل: هههههه ما عنديش اي حاجه .. ليه مش عاوزني اطلع حلوه ..
ابتهال قرصت خدها: بس فيه سر.. تجنن خدودك..
نسمه ضربت ايدها : هبل شيلي ايدك.. انا مش قلتلك الف مره ممنوع اللمس اوالاقتراب ..
ابتهال: والله ما عارفه نسمه هتعمل ايه في نفسها لو اتجوزتي يا شوق..
شوق: الله يعين قلبها تعرفو اللي يحبني ربنا يكون في عونه .. حبي صعب الواحد يسيبه.. فا الله يعينك يا نسومتي..
نسمه كشرت: كلامكم بايخ .. مين اللي جابت سيره الجواز دلوقت.
ريهام وقفت واتنهدت بتعب: عن اذنكم انا تعبانه رايحه ارتاح.. اشوفكم بنات على العشي ...
الكل : اوكي ..
فتون قلقت عليها: مالها ... من اول ما دخلت ووشها ما يطمنش ..
هبه: لا يكون ماما فيها حاجه ؟؟
نسمه: لا... بلاش تخوفيني .. يمكن ضغط الشغل ..
وبعد عشر دقايق ..
سمعوا خبط الباب ... ومفيش حد دخل ..
فتون : شكله سامح.. لحظه .."وراحت تفتح "
هبه بهمس: ياناس سامح ابن عمي حيوي..
ابتهال برقت: انا موجوده.. انا اخته موجوده..
هبه: ايوه اعمل فيك ايه يعني ..؟
ابتهال بنص عين : لا بس بقولك ..
فتون فتحت الباب ما شافتش حد ... وطلعت ... كان الجو بارد ...والهواء قوي ..
شافت ظهره ... قربت منه.. مش جسم سامح ..ده طارق .. لحد ما بقت وراه وهي مستغربه ..
: طارق !!
طارق لف لها: فتون ... كويس انك انتي اللي جيتي ..
فتون: ليه فيه ايه ؟؟
طارق حاول ما يبصلهاش وعقد حواجبه: انتي ليه طالعه كدا !! .."واخد الجاكت اللي على كتفه .. وحطه عليها " الجو بارد.. لا تمرضي .
فتون نزلت راسها ووشها قلب فرواله
طارق لما شاف كسوفها.. اتحرج معاها .. وفضل يحرك شعره من ورى ويديلو حركه وعينه على الارض: شفتي ريهام ؟؟؟
فتون : ايوه من شويه كانت عندنا..
طارق بجديه: روحي لها .. وشها لونه غريب .. خفت اسألها تقولي ان امي فيها حاجه.
فتون بقلق : لا ... لا ان شاء الله .. ما يكونش فيها حاجه.
طارق: ايوه.. روحي أتأكدى بليز..
فتون : اوكي ..
فتون دخلت القصر .. اللي بجد فقدته .. وفقدت جوه .. بقت لمه البنات عندها .. ووقت الوجبات لما يكون كرم موجود ترفض تحضرها.. اتنهدت وطلعت ..
@@@@@@
وبغرفة ريهام ..
رمت الشوز وشنطتها ...وئعدت بهدومها على السرير... خالد ليه كلامه زعزع فكرتها .. وهي كانت متمسكه برآيها ورفضت كتير قبله .. بس حيرها خالد ومشاعره اتجاهها.. صعب ترفض واحد عاوزها ومتمسك بيها بقوه .. لدرجه ان بعد رفضه رجع يخطبها من تاني .. بأي حق تقدر ترفضه وبسهوله !!
سمعت صوت دق الباب:.. اتفضل ...
فتون طلت براسها : هاي ..
ريهام ابتسمت لها ... من زمان ما شافتهاش بالدور التاني : هايات تعالي..
فتون دخلت وقفلت الباب وراها: مش عارفه ليه يا قلبي قالولي انك عاوزاني ..عشان كدا جيت.
ريهام: هههه يا خرابي ع الفضول..
فتون دخلت وسط الغرفه: كويس انك فهمتني ..يعني وفرتي عليا مقدمات طويله عريضه..
ريهام: تعالي ائعدي جنبي..
فتون ئعدت جنبها : بصراحه .. ومش انا لوحدي .. الكل لاحظ ان فيك حاجه ...
ريهام ابتسمت بأسى: يا الله ..انا مكشوفه قوي كدا.
فتون مسكت ايدها:ايه الي حصلك .. في أأمر جديد بالمستشفى ؟!
فتون كانت تقصد سالي.. بس مش عارفه ازاي تقولها ..
ريهام فهمتها: لا ... امي بخير على وضعها .. بس في أمر فاجأني ..
فتون عقدت حواجبها: خير ....؟؟
ريهام حكت لها الموضوع من اوله ... من قبل جوازها بسامي لحد ما كلمها خالد النهارده..
فتون سكتت شوي : انا مع منار صديقتك .. الحب مش كل حاجه يا ريهام .. الحب ممكن يجي بعدين ... لكن اهم حاجه الود والراحه .. اذا انتي حاسهم مع خالد اقولك اتوكلي ... خدي انسان شاريك ولا انسان انتي الي شرياه..
ريهام: بس انا ضد فكرة الجواز.
فتون: لحد امتى ؟؟ سنه.. سنتين... اربعه.. وبعدين ..حتفضلي طول عمرك وحيده .. اخواتك كل واحد مسيره يروح لحياته ... وانتي فين ؟؟ ..فين موقعك بين الناس .. هيفضلو يبصولك برحمه وشفقه بس !!
ريهام سكتت كلام فتون ومنار معقول .. بس ازاي تحب بعد سامي !!
فتون: فكري فيه كزوج.. حرام ترفضيه كدا بدون سبب.. على الاقل اديلو فرصه ..
ريهام سكتت.. ..
فتون حبت تغير مزاجها: وده اللي قالب حالك .. وانا على فكرت عندك حاجه اكبر..
ريهام: ههههه ايه اكبر من الجواز ؟؟
فتون: هههههه والله صح مافيش اكبر... هم على قلبك ..
ريهام اختفت ابتسامتها لما افتكرت حال فتون واخوها .. فعلا هما الاتنين# المشكله والعنيد لحد اللحظه مش قادره تفهم السبب
فتون: امشي معايا ..النهارده انا ناويه اطربكم .. وأعملكم شوط خاص عشان خاطر العرايس..
ريهام ضربتها: عرايس في عينك.. والكلام بيني وبينك.. لحد ما اقرر..
فتون شاورت على عيونها : عيب اطمني. وأحاول امسك نفسي وولا اقولك يا عروسه .. مع انها كلمه لايقه عليكي اكتر " وهربت منها "
ريهام: طيب يا فتون ..الغلط ع الي يقولك سره ..
فتون فتحت الباب وبتكلمها وهي عماله ترجع على روى : انتي تعالي ولما اديكي الشوط..هتنسي كل ابو الهم ياشيخه .." وخبطت بقووه في الي وراها" اه...ووقع الجاكت منها ..
لفت واختفى الدم من وشها: كرم !!
كرم نزل ياخد الجاكت اللي على الارض.. ريحته مميزه ومعروفه.. ريحة "طارق"
جز ع سنانه: ده كان عليكي !!
فتون بصت ع الجاكت كتير ... ورجعت تشوف عيون كرم.. يا الله من زمان بعيد عنها ... بس اتغيرت ... واتغيرت كتييير.. تحتها ملاها السواد.. والتعب واضح فيها ... وفيها نظره جديده بقت عنوانها " نظرة حزن "
فتون: ايوه.....ليا ...
كرم ضغط على الجاكت بقووه في ايده ... ومن قوة الضغطه لو كانت على صاحبه لكانت كسرت بيه عظمه..
زقها بدارعه ومشى وسابها..
فتون قلبها فضل يدق بقووووووه وبسرعه مخيفه.. كرم اتحول لانسان تاني .. شئ يخوف... الحنان والحب اختفوا من قلبه ..
ريهام اللي كانت حاضره الموقف شافت فتون وهي باصه لكرم مع انه اختفى عن عيونها وهي مصدومه ... وراحت لها ..
: فتون.... ننزل ؟؟
ومسكتها ونزلتها معاها ..
صادفوا في طريقهم طارق.. لاحظ ان ريهام اتغير مزاجها للاحسن .. بس فتون وكأنها لعبه بتمشيها ريهام معاها .. لدرجه انها مشفتهوش قدامها ..
عدو من جنبه ولا كلموه.. وهو مستغرب ومصدوم من الاحوال اللي اتبدلت ... وهو نفس الشئ ولا كلمهم ..
دخل القصر ... طالع يغير هدومه ويخرج ..
وهو طالع... شاف كرم واقف عند باب غرفته..
طارق بلع ريقه : خير عنده ايه الاستاذ كرم واقف عند اوضتي ؟؟؟"
و قرب منه بخطواته وكأن ولا همه الموضوع..
كرم اول ما قرب منه وقف قصاده بالظبط اخد الجاكت اللي بايده وحطه بصدر طارق بقوه .. لدرجه انو رجع علي روى كام خطوه...
: حاجتك احتفظ بيهم ... وخليهموملك ... انا ساكت ومتحمل.. مش عاوز انفجر في يوم .. والقي نفسي عملت حاجه اندم عليها طول عمري ... "وسابه ومشي "
طارق وهو ماسك جاكته .. وبجد خوفه كلام كرم.. مفيش مجال يستهين بتهديده اوحتي ياخد الامور ببساطه..
دخل غرفته وهو يدعي ان ربنا يستر منه ومن شره ...
•°•°•°•°•°
اليوم التاني ..
وعند بيت شهد بالتحديد ...
سامح: كأنها اتاخرت شوي ؟؟
ابتهال: دلوقت تطلع..مالك انت قاعد علي نار ..
وشافوا شهد طلعت من بيتهم .. وقفلت بابه وراها..
ابتهال بفرحه: دي جات ..
ركبت شهد وهي بتنهج: السلام عليكم ... سوري اتأخرت..
ابتهال: لا يا قلبي عادي ... كنتي اخدتي راحتك زياده..
شهد كتمت ضحكتها عارفه انها عاوزه تقهر سامح!
سامح: عادي يا شهد عندي ... بس انا ماكنتش عاوز اطول مع البت المتخلفه دي ..
شهد: اسفه والله ما قصدتش اتأخر .. بس جدتي الله يديها ..
ابتهال:شهوده .. ايه الحركات الجديده دي .. اقعدي و استريحي بس عماله تدي تبرير واعذار لسامح..
سامح ضحك: لا كله ولا بنت جيرانا ... والله ماتعتذر ابدآ ..
شهد ابتسمت وقلبها بيطير من الفرحه..
اخدهم سامح على المكان اللي عاوزاه شهد ... وفضل ماشي وراهم طول الوقت .. ومن محل لمحل.. وفي كل مره يطلعو من واحد الا ما يكونو رشقو في التاني .
سامح: ممكن يعني اسألكم سؤال ... انتو بتشترو لفرح شهد ولا لايه ؟؟؟
شهد بسرعه : لا جواز ايه .
ابتهال: هههههه اسم الله عليك ياشهد هتتجلطي ..صحبتي لسه عزبته.. وانت ما تضيعش نصيبها بأشاعاتك ..
سامح: هههههه والله ماعرفلكم انتو تقريبا نفضتو كل المحلات..
ابتهال:تعرف الشتاء وهدومه كتيره .. فا احنا لازم نحط فوق الكتير اكتر.. وكل ما كترت اكتر .. كل ما طلع اكتر واكتر ..
سامح كشر ورفع انفه لفوق: انا مروح ..
شهد ميته ضحك عليهم...
ابتهال: ههههههه لا خلاص هتوب ..
سامح: انا ناقص لحس مخ ..
شهد: سامحها المره دي عشاني ..
سامح ابتسم: عشان شهد اختي مسامحك ..
ابتهال سكتت فجأه ..
وشهد حست الكلمه قوووووويه على قلبها..
سامح اختفت ابتسامته وخاف: قلت حاجه غلط ؟
شهد : احم ... خلصنا صح ... خلونا نطلع ..
ابتهال بصت لسامح بعتب وبسرعه راحت ورى شهد...
وبعد ما رجعوها للبيت ..
سامح: انا قلت حاجه غلط ؟؟ ليه فجأه قلبتوا ؟؟
ابتهال: معليش سامح ممكن اكون معاك صريحه .. شهد ايه بالنسبه لك !!
سامح استغرب السؤال :شهد !!.. زي اختي والله وغلواتها من غلاوتك.. ولا عمري فكرت في أمر تاني ..واذا على كلمتي ....
ابتهال قاطعته: بس .... بس شهد بتحبك ..
سامح لف وبصلها بقوه لان العربيه واقفه عند باب شهد: نعم !!!!!
ابتهال نزلت راسها: ايوه .... بتحبك ..
سامح مصدوم ...وكأن صاعقه صعقت تفكيره ...شهد بتحبه ومن امتى ؟؟ وليه ماحسش بيها !!!
: بتحبني انا ؟؟؟ طيب .... طيب ليه ما قلتيليش .. على الاقل كنت انتبه لتصرفاتي معاها ..
ابتهال: يعني ما فيش امل تفكر فيها ؟؟؟
سامح: ابتهال انتي فيكي عقل ... شهد اختي .. اختي افكر فيها ...
ابتهال خنقتها الدموع : طيب حرك العربيه ...
سامح: طيب هي زعلت ؟؟
ابتهال بضيق: سامح بليز قفل علي الموضوع وحرك العربيه ..
@@@@@@@
دخلت غرفتها بصعوبه ..حابسه صوت بكاها .. ومن لما حطت راسها على مخدتها انفجرت عياط ... وبصوت عالي.. ... عيطت ... وعيطت...وعيطت.... ... ..محتاجه تطلع كل القهر في قلبها ...محتاجه دموعها تغسل ألمها ووجعها .. قلبها بقي اشلاء.. متهشم ..ازاي تقدر تجمعه .. وصدى الكلمه عمال يلف ويدور في دماغها.." شهد اختي " المره دي.. اثبتت ان سامح .. مستحيل يبصلها... ولا حتى يفكر فيها .. عمرها ما كانت تعني له اي حاجه .. وهو اللي كان ليها حياتها..حبه كان كل يوم يكبر ويزيد .. وفي كل مره تسمع صوته او تسمع اسمه يدق قلبها له شوق ولهفه ... وفي كل مره تشوفه وتقع عينها عليه يزيد حبها له .. وفي كل مره ينطق اسمها (شهد) تزيد هيام بيه... ازاي وهو ولا مره حس بأحساسها .. اكيد ولا مره جات في باله ... ولا في حياته بيفكر فيها..
حتى لو عرف عن حبها له .. كل اللي يقدر عليه يرحمها ويشفق عليها غير كدا مفيش!!!!! ..
سمعت صوت جدتها تناديها للغدا
مسحت دموعها وفتحت الباب شوي: ماما ماليش نفس .. اكلت مع سامح ..."ونزلت دموعها" كلي انتي بالعافيه ليكي ..
رجعت تقفل الباب وسندت راسها عليه ... ودموعها تحكي عن قصه .. من بدايتها كانت نهايتها ..
•°•°•°•°•°•°°•°منه محمد
بعد يومين..
زاد صراعها مع نفسها وكتير .. والافكار تتقلب براسها من كل جهه... محتاره تبدء منين وتنتهي فين ... كل الامور متلخبطه عندها ...
سلمت من صلاتها... وحسمت الامر انها مفروض تقرر.. مشاعرها ما كانتش مرتاحه...والباقي طاغي على احساسها رحمه وشفقه ... ومستحيل ترضى بالاحساس ده
قررت قرارها... ليه قاعده تطول في الامور وتمط فيها وهي حسه ان واضح من اوله ..اي نعم فتحت لنفسها المجال للتفكير بعد سامي.. بس ما توقعتش نصيبها لخالد ...
.....قصص منه محمد...
في المستشفى ...
طلعت من عند امها بعد ما اطمنت عليها ..وحكت لها عن كل اللي بتحس بيه .. ولاول مره امها تسمع لها بهدوء... وبدون رفض او أي اجبار...
طلعت وهي في نيتها تبلغه بقرارها ..وتريحه وتريح قلبها ..
شافته قاعد بمكتبه .. وضايع بين اوارق شغله... نزل نظارته الطيبه ..وفرك عيونه بتعب..
خبط الباب ودخلت : فاضي ؟؟
خالد بخضه: هه .... ايوه فاضي " ولبس نظارته من تاني" تعالي اتفضلي ..
دخلت ريهام مكتبه وئعدت قدامه... بس المره دي هي المرتبكه والمتوتره ... القرار صعب .. وشرحه اصعب ...
خالد حس انها جات ومعاها القرار: فكرتي !!
ريهام: ايوه ..
خالد اتوتر من تاني ... واخد نفس يستعد لقرارها : و قررتي ايه ؟؟
ريهام: خالد.. حسيت بشعورك اللحظه دي.. لما ماكنتش عارف تبدء .. ودلوقت انا زيك .. مشعارفه ارتب كلامي ... بس اتمنى انك تفهمه .. خالد انا قلت لك اني كنت رافضه فكره الجواز بعد سامي الله يرحمه .. ولا كان عندي نيه افتح الموضوع ده وأعيد حساباتي ...بس كلامك ومشاعرك اتجاهي خلتني اعيد النظره فيها.. انا وللامانه فكرت كتير.. وقدرت وحطيت كل كلمه قلتها لي في بالي .. وبالنهايه قررت ... وما طلعش معاي قرار غيره .. خالد انا ما اقدرش اكون ليك ..
خالد صدمه الرد.. جامد على قلبه ... كان متوقع رد ايجابي بعد الكلام اللي قاله وتعبيره عن احساسه اللي فضل فيه اسابيع يرتبه ..
: طيب ممكن اعرف ليه ...؟
ريهام: انت تؤمن بالنصيب ... وانا ما اظنش ان انت نصيبي .. استخرت ودعيت ربنا كتير .. لكن ما حسيتش براحه ... ودي حاجه غصب عني مش بأيدي ..."ووقفت".. خالد اتمنى انك تسامحني.. لكن الامور دي الاقدار فيها الي تجمعنا .. مش المشاعر والاحاسيس.... "وطلعت وسابته "
خالد حس بفراغ كبير لما طلعت... بس ياتري الفراغ بقلبه ولا بالمكان ... وكأنه وقع من فوق جبل وصحى على وجع فظيع ..
للمره التانيه ترد قلبه ... وتكسره ... وينداس عليه ...لكن المره فقد الامل بتجمعهم مع بعض و للابد .......
-------
بعد كام يوم ...
ابتهال قررت تروح بيت شهد .. حابه تتطمن على حالها ..وتشوف نفسيتها ..
اكتر شيء ريحها .. شافته بعيونها مرتاحه وهاديه ... والوضع مطمن ..ما كأنش فيه حاجه تقلق .. بصتلها بحب تعرف صديقتها اقوى من انها تنكسر بسرعه .. وحتى لو انكسرت تقدر تلملم نفسها من تاني..
شهد: خير .. ليه بصالي كدا ؟؟؟؟؟
ابتهال: عشان بحبك ..
شهد: ههههه من امتى الرومنسيه .. ولا من بعد علاء احترفتي الرومنسيه ..
ابتهال: اه بس واه على علاء وعلي سيرته ..ع سيره علاء روحي اتصلي بـ اخته عاوزها بموضوع..
شهد: اصلا هي جايه فالطريق.. وشايله ومعبيه منك ..
ابتهال: اوف ليه ؟؟؟ماعملتلهاش حاجه..
شهد ابتسمت بخبث: خليها تيجي وتعرفي منها ..
ودقايق ومرام داخله عليهم ... وسلمت وأأعدت ..
ابتهال تتبسم بوشها خايفه منها لان واضح انها متعصبه ..
مرام: انتي ماتقعديش تبتسمي في وشي ماشي ..
ابتهال : طيب انتي ليه شايطه ؟؟؟ والله خوفتيني ..
مرام: بسبك يا اللي ما بتقدري .... اخوي الضعيف بقاله شهر كل يوم يجي عندي يسأل ...ردوا ؟؟ ما ردوش؟؟ فكرت ... ولا قررت .. ياختي ريحي الراجل وقولي لنا رايك ..
ابتهال قلب وشها لون احمر .. ولفت على شهد : ليه ما قلتلهاش ..
شهد رفعت ايديها : انا مالي ... انتوا اتفاهموا مع بعض ...
ابتهال: بجد انت ندله .. مش صديقه مخلصه ووفيه .....مرام شوفي قايله لها ردي من اسبوعين او تلاته ...
مرام: خلي شهد على جنب .. انتي موافقه ولا ايه خلصينا ...؟؟
ابتهال نزلت راسها تعمل نفسها مكسوفه ..
مرام: ههههه دي بتعمل ايه .. انتي يا جميله .. يا حلوه ..عاوزين جواب ..
شهد ماتت ضحك مش عارفه تخبي نفسها ..
ابتهال رفعت راسها وبعصبيه: انتم بجد ما عندكمش ذوق ما تعرفوش اني حاليا مكسوفه موت ..
مرام ابتسمت ابتسامه عريضه: يعني موافقه..
ابتهال هزت راسها: ايوه..
مرام ضربتها من كتفها بقوه : منا عارفه انك . موافقه .. واخيرا سمعتها منك ..
ابتهال حطت ايدها على مكان الضربه : اخ .. بتوجع انتي بشويش بايدك المرزبه انا كتكوته مابستحملش ..
شهد: هههه خدي بالك هي دلوقت حرم الظابط علاء .. احترسوا..
مرام بجد مبسوطه: نفسي اشوف ردة فعل اخويا دلوقت ... اسمعي هاتي رقم اخوك عشان علاء يكلمه ولا رقم عمك احسن !!
ابتهال :رقم عمي احسن .... وسامح يعرف من عمي ..
مرام: اوكي حلو... هاتي الرقم واستنو اتصال الحبايب بكره ..
..................>>>>>>>>>>>>>..................
بعد يومين ...
نسمه وهبه وابتهال والهام الكل متجمع عند باب الصالون يتسمعو ..
نسمه: بقر... ابعدوا عني كسرتوا ظهري ..
ابتهال: عرفت ليه الطول عز .. عشان محدش يوصلك ..
نسمه زقتهم كلهم عن ظهرها: ابعدو.. ابعدو.. لا يكون قصدك اني قصيره ؟؟؟
هبه حطت ايدها على بؤها : بس وطي صوتك.. والمصحف يطلع كرم ويدبحنا .
نسمه خافت وحطت ايدها على بؤها ..
•°•°•°•°•¤¤¤¤¤•°•°•°•°
وبالصالون..
علاء: والله يا عمي انا جاي وقاصد القرب منك في بنت اخوك ..
سَيار: اهلا يابني بيك ... سامح قالي انه يعرفك وبيشكر فيك .. واحنا بنشتري راجل ..
علاء: الله يخليك يا عمي ... وانا عارف الظروف اللي بتمرو بيها ... ربنا يقومها لكم بالسلامه ..
سَيار بحزن: الله يسلمك يارب ..أمرها لربها ..موضوعك ما يتأأجلش .. بسببها.. لان زي ما انت عارف .. حالتها مجهوله ..
علاء نزل راسه بأحراج .. من العيون اللي راشقه بصاله .. كرم وطارق
شوي طلع سامح من الصالون
وانصدم من الجيش الواقف جنب الباب
: بسم الله الرحمن الرحيم .. ليه واقفين هنا ..
هبه ظبطت شكلها وعملت نفسها مش معاهم..
نسمه وابتهال والهام ابتسموا ابتسامه جميله وملبخوين مش عارفين يقولوه ايه..
سامح : ههههههه والله لو طلع كرم وشاف منظركم البشوشه دي اقسم بالله يدبحكم واحده واحده " وعمل علامه الدبح على رقبته "
ابتهال ونسمه خافوا ..
نسمه: الواحد قبل ما يعمل الموقف لازم يشتري كرامته ..
ابتهال بهمس: طيب هسأل سامح سؤال ..
الهام تدفعها: عيب عليك خلي فتون تسأل عنك..
ما بقاش الا هبه بصتله وكأنها بريئه ..
سامح خفى ابتسامته: وانتي واقفه عندك هنا ليه؟؟؟
هبه خافت : لا ... انا ما كنتش معاهم.. كنت بس ..
سامح ضحك عليها : روحي ... روحي عارف حشريه البنات اللامنتهيه ..
هبه كأنها ما صدقت وعلى طول جريت وري البنات بسرعه ...
......
وعند فتون...
: ها بشروني ...؟
ابتهال: انا يا بنات هروح انام لحد ما يجي الفرح مش عاوزه افكر باي حاجه تانيه
نسمه شهقت: كمان مستعجله على الجواز .. شكلك عاوزه من بكره ..
هبه: ما عندناش جواز الا بعد التخرج.
فتون: اكيد بعد الثانويه الجواز..مفيش امل قبلها.
ابتهال: نعم !! وانتو مالكم انا اللي اقرر...
الهام: دي طنشوها عامله فيها انسانه ... من امتى البنات ليهم راي ..
ابتهال بردح:لا... على كيفي انا ... انا الي ااحدد هنا.
شوي وجات ريهام: ايه هو الي على كيفك ؟؟
ابتهال اتحرجت : على كيفي اقرر ..يعني على الخطوبه ..
ريهام: ايوه اكيد محدش هيضغط عليك يا قلبي .. بس بابا عاوزك ..
ابتهال خافت : عمي !! لالا مش رايحه .. خلاص قوليله ابتهال نايمه ..
ريهام بنص عين: فين اللي بتقرر على كيفها ..
فتون ضحكت: وانتي الصدقه مش على الخطوبه ... هي عايزه تحدد معاد الفرح..
ريهام شدتها: كمان !!! امشي قدامي عند بابا ... يالا يا عروسه ..
وطلعت ابتهال والجيش كله وراها حتى فتون ...
دخلوا القصر لقو الرجاله كلهم موجودين..
سَيار ئعد على كرسي لوحده ... وكرم وطارق وسامح جنب بعض على كنبه لوحدهم..
دخلوا البنات وئعدو جنب بعض.. وابتهال تحاول تنزل وشها عن عمها وتستخبي بظهر نسمه ..
سَيار: ابتهال ..
ابتهال قلبها دق وغمضت عيونها : افندم..
سَيار: تعالي جنبي ...
ابتهال اتمسكت بنسمه : لا مش عايزه ... .
نسمه تزقها بكوعها: بقولك بسرعه روحي جنبه.
ابتهال وقفت : احم ..."وراحت عنده وهي ميته كسوف حتى ماقادره تمشي كويس ..
كرم كان بصصلها وهو مبتسم ... دايما ابتهال مصدر ابتسامته في القصر ده...
فتون شافت ابتسامته وابتسمت لها ... من زمان ما شافتهاش مرسومه على وشه الجذاب... واخيرا قدر يفردها ..
طارق بصلها وشافها ازاي بتبص لكرم اللي ملهي مع ابتهال ومهتم بيها وكأنه اخوها الكبير ... وسند ظهره وكتف ايده بزهق ..
سَيار: قبل شوي كان عندي علاء اخو صديقتك؟؟
ابتهال هزت راسها: ايوه ..
سَيار: وانتي اكيد عارفهم كويس .. ناس محترمه !! اقدر أأمنك معاهم ؟؟
ابتهال: احم... والله يا عمي صديقتي واهلها ناس ينحطو على الجرح يبرد..اما علاء فسامح ادري عني بيه
سَيار: سامح مدح فيه جدا .. بس كمان لازم نسأل عنه ونتأكد ... وانتي فكري بالموضوع مبدئيا ..
ابتهال سكتت..
سَيار: ربنا يسعدك... وان شا ءالله عقبال البقيه ..
هبه بهمس : امين.. ويكون اللي في بالي ..
الهام: انا كمان معاكي امين ..
نسمه: وانا ؟؟؟
ريهام: دوري لك علي واحد وحطي عينك عليه وادعي زيهم.
نسمه:ليه الهام مين عينها عليه ؟؟
الهام ارتبكت: انا بس بأأمن على أي واحد موافقه هههههه
سَيار بص لكرم وفتون : ويصلح احوال ناس ..
كرم اتنحنح...وعدل ئعدته..
فتون دورت وشها وبصت لريهام
طارق وقف : عقبال الباقي
ريهام: وعقبالك انت كمان.
طارق: انا انسيني شوي حاذف نفسي من القائمه ..خليها لسامح..
سامح عدل نفسه: احم ...ان شاء الله قريب..
سَيار: ها يا سامح حاطط عينك على حد ؟؟
سامح ابتسم بحياء: ايوه يا عمي ... قريب ان شاء الله اقولك عليها ..بس اجوز فرع الشقاوه الاول وأتفرغ لنفسي ..
هبه انصدمت ووسعت عيونها ..حست قلبها طار من مكانه ...
سامح حاطط عينه على واحده ... لفت على نسمه بصدمه ..
نسمه صدمتها لاتقل عن اختها .. مين اللي حاطط عينه عليها ..
فتون وابتهال خمنوا مين تكون !!
سَيار: ان شا ءالله خير .. المهم انتي يا ابتهال حطي في بالك حاليا دراستك والامتحانات خلاص بتدق ع الابواب ....ومفيش حاجه هتم الا بعد الشهاده ..
ابتهال مسكت ضحكتها لان فتون وريهام والهام ماتوا ضحك عليها
ابتهال: بس كدا من عيوني ..
سَيار وقف: انارايح لمكتبي عن اذنكم ... وانت ليه واقف ..
طارق لما شاف ابوه هخرج قرر يئعد : لا انا مش رايح مكان ..
سَيار ما ردش عليه وسابه ومشى ..
طارق: بابا اخلاقه اخلاق راجل عجوز.
سامح: اكتشاف جديد عليك يعني !!
طارق بألش: بالله مين اللي حاطط عينك عليها .. عشان اسبقك وأروح اخدها منك؟؟؟؟ ..
كرم حط رجل على رجل وعينه على فتون: شكلك متعود تاخد حاجه غيرك ..
طارق ما كانش له نفس لكرم ونغزاته بالكلام
: انت مين وجهلك كلام ..
كرم بدء يتعصب: انت تعرف شئ اسمه احترام..
سامح: يا اخوات صلوا على النبي .. محصلش حاجه يا حلوين .. اكتر هدوء لو سمحتو..
ريهام : بجد خلونا مروقين .. النهارده خطوبة البنت ليه تنكدو عليها ..
كرم وقف : غلطتي اني قاعد معاه ..."ومشي"
فتون كل يوم تكتشف صفه جديده في كرم ... بقي انسان تاني منعزل.. عصبيته زادت كتير ..وكلامه بيقوله من غير ما يعمل حساب لتمن الكلمه ..
طارق لما شافه خرج: مشكلتي اني ما كلمتهوش .. ليه دايما بيحب يناقرني ..
ريهام بمغزي: متخرجش نفسك من الغلط ..
طارق لف على ريهام بصدمه .. قصدك ايه ؟
ريهام بمغزي: انت اكتر واحد فاهم قصدي..
طارق بص لفتون خايف لا تفهم .. وفتون عملت نفسها مش فاهمه مع ان الكل وصله نفس الرساله .. بس بطريقه غير مباشره ..
والكل قاعد يقول جواة نفسه " طارق وفتون على غلط "
سامح: خطوبة اختي لو سمحتوا ناوين تخربوها ... شوفوا .. شوفوا وشها البرئ بقي حزين ..
نسمه: ريهام .. فكينا هه ..
هبه: طارق ارتاح انت لما بتقف بتتعصب اقعد ..
الهام حست بنغزات بينهم بس مش فاهمه اي بدنجان....!!
......
بالمستشفى ...
كان عليها الدور بالمناوبه عند سالي .. فضلت عندها من وقت الزياره لحد اخر الليل ..
: اه يا سالي.. امتى تفوقي وترجعي بيتك .. على الاقل تلمي شمل عيالك.. صحيح عمي مش مقصر .. بس هما محتاجينلك اصحي بسرعه وارجعي لهم ..
وشربت من العصير اللي معاها ..
: الدكتور قال اتكلمو معاها بصوت عالي .. بتسمعكم .. انتي بجد بتسمعيني !!
وئعدت جنبها على السرير ومسكت ايدها ..
: لو بتسمعيني اضغطي على ايدي .. اوكي ؟؟... لما اقولك بقي اختي ابتهال اتخطبت امبارح .. وهي موافقه ... وان شاء الله فرحها قريب .. علاء خطيبها راجل بجد..عقبال بناتك ان شاء الله ..وطارق كمان ...."سكتت فتون شوي .. بتركز هي قالت طارق من قلبها ولا ومن وراه "...حتى كرم .. بفكر أجوزه .. مقدرش الومه لو فكر يتجوز عليا .. عشان كدا نفسي اختار له واحده تعوضه عن اللي شافه معاي .. انا يا خالتي مش قادره اديلو اي حاجه .. بأحكي لك.. يمكن انتي الوحيده اللي تفهميني .. وتقدري وضعي..
عارفه كرم مش ابنك ولا بيهمك .. وانك بتكرهيني وانا ما اعرفش السبب.. انا مش فاكره عملت لك حاجه .. واذا كان على اهلي.. امي و ابويا عمرهم ماجابو سيرتكم ..وحتى امي لما عرفت عنكم ما قالتش كلمه عنكم وحشه .."اتنهدت" الله يرحمك يا يمه .. ويرجعك لينا يا بابا ان كنت عايش .. ..خالتي .. تعرفي اني اخدت كرم غصب عني ..وكنت مش عاوزه وهو اللي جبرني .. وانتي اللي فكرتي اني طمعانه فيه ..بالعكس كان عندي استعداد أرجع حتى الفلوس اللي رجعهالنا عمي ..ولا اتجوز من كرم.. بس القدر هداني احلى هديه لما فرض علي كرم.. حبيته من كل قلبي .. وكان نفسي اقدمله اكتر من كدا .. بس معرفش مالي ولا فيا ايه !! فجأه اتفرقنا وكأن عقوبه نزلت علينا ... تتخيلي يا خالتي شعوري وانا نفسي بس ائعد جنب كرم ولا اقدر! تعرفي بحس بأيه بألم فظيع بشع بيخليني انفر منه ولا بتحمل قربه مني(نزلت دموعها) .. بحبه وعاوزاه ولا قادره اعمل اي حاجه ،،فيا حاجه بتحركني بتشدني بعيد عنه مش قادره غير اني ابص جوه عيونه الي بيضمني بيهم .. بس تعبت وطال الامر..عشان كدا بفكر اطلب الطلاق" فجأه حست الي شد ايدها "
رجاء ارفعي الحلقه لغيرك برايك
