(( تكلمه البارت33))
#المشكله_والعنيد
منه محمد
طارق سكت..
كرم: مكتبي مش متحمل وجودك.."ورجع يتأمل اوراقه"
طارق بأستهزاء: خليك يا ... يا..ابن البريطانيه..." وطلع "
كرم غضب : ده ايه رجعه دلوقت !! لما حسيت اني مستقر ومرتاح رجع !! "وضرب المكتب بقهره"
دخل عليه سامح: مين ده الي كان هنا من شويه؟؟
كرم بدون ما يرفع عينه على سامح: ده اخوي طارق.
سامح: اخوك؟؟؟؟
كرم: كان برى ورجع..
سامح: اها..حمد لله على سلامته..
كرم: الله يسلمك..
وطلع سامح وهو مستغرب" ربنا خلق وفرق معقول يكون ده اخو كرم !!..ده وهو لسه واصل جاي يتخانق الله ده ايه حكايته ؟؟"
كرم سند راسه على كرسي المكتب..واتنهد بقوه لانه عارف ان من اليوم ورايح..بداية لخبطة حياته..
>>>>>>>>>>>>>>...........>>>>>>>>>
رجع لبيت خاله..
طارق: هترجعي لبيتك معززه مكرمه..بس خليني اشوف بابا..
سالي ابتسمت..
طارق: يالا ريهام خلينا نمشي..مع السلامه يا ماما.
سالي براحه وثقه: مع الف سلامه ياعيون ماما..
احلام لما شافتهم مشو..طلعت لسالي وقعدت جنبها وهي فرحانه: بقي طارق وصل !! يعني هيرجعك..!!
سالي في سرها " الهي ياخد روحك ولا يرجعها"
ردت: اه وصل..
احلام: حمد لله على سلامته..ما شا ءالله عليه كبر وبقي راجل.
سالي وهي فاهمه تلميحها: الله يسلمك..يا احلام
>>>>>>>>>>>>>>...........>>>>>>>>>
طلعت من الملحق رايحه تدخل القصر..بس سمعت بوابة القصر الخارجي اتفتحت ..ودخلت عربيه اول مره تشوفها..بس كان شكلها خيالي وفخم..وقفت تشوف مين صاحبها ..وقفت العربيه ونزل صاحبها...الوجه جديد عليها ..قفل باب عربيته ووقف قدام الشباك العاكس صورته وظبط شكله..وعمال يكلم في ريهام اللي نزلت من جنبه..شوي واتجهوا لعندها..
هي من الصدمه مش عارفه تعمل ايه تدخل ولا تروح ناحيتهم .بس كل تفكيرها انحصر عاوزه تعرف مين ده اللي جاي مع ريهام وواضح انه عارف البيت كويس...
وقفوا قدامها بالظبط..
ريهام ابتسمت لها: اهلا بتوله..ليه واقفه لوحدك؟
ابتهال مطيره عيونها في اللي جنب ريهام..وهو كمان عمال يبصلها بدون اهتمام..
ريهام لفت على طارق ورجعت تبص لـ ابتهال: بتول..اعرفك على اخويا طارق.
ابتهال انصدمت: اخوكي !! ......طارق...انت ...انت عاشق الغربه..؟
طارق ضحك: ههههه حلوه عاشق الغربه..حتى انتي بتقوليها..
ابتهال شافت غمازاته وحست ان وشها اتحرق من السخونيه وابتسمت ابتسامه باهته: هه هه..
ريهام: طارق..دي ابتهال بنت عمي فتحي..اخت فتون.
طارق جات على باله صورة فتون.. ....وبعدها صورة كرم وهو حاطط ايده على كتفها ويقوله دي مراتي ..
اختفت ابتسامته وبدون نفس: أهلا..."ودخل وسابهم"
ريهام استغربت حركته بس حاولت مش تدقق كتير..
ودخلوا هي وابتهال مع بعض: انا هطلع لفتون فوق عن اذنك..
ريهام: اوكي..شويه وجايه انضم معاكم..
ابتهال : اوكي..
وهي طالعه السلم شافت طارق واقف ويتكلم بموبايله وبالانجليش..ومتحمس ويضحك.
محدش باله منها ..وهي حتي ماحاولتش تخليه يلاحظ وجودها..راحت لغرفة فتون وخبطت الباب ودخلت..: ليه قاعده في اوضتك !!
فتون اللي كانت مشغوله ترتب غرفتها: كرم قالي ائعدي وما تطلعيش منها لحد ما ارجع..
ابتهال ما زال تأثير جاذبية طارق مأثره عليها..لون وشها ما كانش طبيعي..
فتون رفعت راسها عليها: فيك ايه؟
ابتهال بحماس: شفتي طارق!!
فتون : ايوه ..اول واحده استقبله انا..واحلى استقبال كمان
" وحكت لها الحكايه"
بس ابتهال ما ضحكتش: تفتكري ممكن ترجع المشاكل من اول وجديد..نسمه كانت دايما تقول انه اذا وصل وصلت المشاكل معاه...
فتون بتفكير: والله الصراحه من اولها خناق مع كرم ربنا يستر هو شكله مش سهل..باين عليه داهيه..
ابتهال ابتسمت ابتسامه عريضه: بس يجنن..حسيته احلى من كرم.
فتون: لا..فين ده.. كرم احلى منه..بس كرم تقيل .. وطارق روحه خفيفه..
ابتهال: يمكن..
شوي دخلت ريهام: هاي..
فتون: هايات..
ريهام: بنات من دلوقت اعلن لكم حالة الطوارئ..
ابتهال وفتون مع بعض: ليه؟؟
ريهام بمسخره: طارق اخويا وصل..
ابتهال وفتون بصو لبعض ..ودقت قلوبهم خوف..على الضيف الجديد اللي مع رجوعه بتتغير أمور كتير ربنا يستر
