المشكله والعنيد

البارت ٢٠

البارت العشرون
#المشكله_والعنيد
منه محمد
وقفنا لما فضل الصوت يقرب منهم ودخلت فتون أأعد تامر وبعده تمارا وأأعدت ابتهال اللي واضح عليها ان جايه بالعافيه..وفي الاخير قعدت فتون جنب اختها..وقعدت تبصلهم..
سَيار على قد ماهو مستغرب من جرأتها..على قد ما عجبته قوة بنت اخوه..
سالي مشعارفه تعمل ايه...ومن شويه واصلها تهديد قوي وجامد..
هبه. مبتصلهمش ابدا بس عطت فتون  نظرت احتقار...بس هي مش فاضيه لهم حاليا...تحل مشكلتها وتتفرغ لهم بعدين!!!!!
نسمه كانت مستنيه الاعصار الي هتعمله  امها ويهلك كل حاجه حواليه..
فتون على اعصابها...بس كان البرود ظاهر عليها وعيونها تحكي بقوه"انا هنا"
سالي بسرعه وقفت: بصحه وعافيه ليكم...انا نفسي انسدت.."ومشت"
هبه بسرعه قامت ورى امها...
نسمه ابتسمت تغير حركاتهم الغبيه: اتفضلوا ...كلوا..
فتون ابتسمت لها: يزيد فضلك.."واكلت اخواتها الصغيرين"
سَيار كان بياكل وهو ساكت ومستمع بس ولا علق على اي حاجه بتحصل حواليه..
بعد دقايق..
ابتهال زهقت: يالا فتون...خلينا نرجع...
فتون: لو تموتي منا راجعه...."وقامت اخدت اخواتها وقعدو في الصاله اللي موجود فيها التلفزيون..."
لحقتها ابتهال:  ممكن اسألك سؤال  ايه الي انتي  ناويه عليه...؟
فتون حطت رجل فوق التانيه: اعيش نفس عيشتهم ومحدش له دعوه بيا..وليا في القصر ذي ماليهم..
ابتهال متوتره: طيب يا فتون بشويش...بالتدريج مش كدا...المشاكل هتجلنا من كل اتجاه ..
فتون تغير محطات التلفزيون: خلي كل المواضيع عليا..ريحي نفسك انت..
وشافوا نسمه جايه عندهم وهي تتلفت لورى خايفه لحد يشوفها..
وابتسمت لهم: اهلا وسهلا منورين..
محدش رد عليها..
أأعدت جنب تامر وقرصت خده: اموت ع الحلوين انا "ورفعت راسها لهم"..بنات انا بجد مبسوطه بيكم..
فتون كشرت جدا..
ابتهال تحاول  تتوه حركه فتون: ههههه الله يسلمك..
نسمه: انا نسمه وبثالثه ثانوي...وانتي؟؟
ابتهال: انا ابتهال وكمان زيك بثالثه ثانوي..
نسمه فرحت: واو بجد...انتي بأي مدرسه..؟
ابتهال ضحكت: لا مدرستي بعيده عنكم ما بتعرفيهاش..
نسمه: اها..واختك اسمها ايه.؟؟
ابتهال : فتون..
لفت عليها فتون وبصتلها وكشرت مره تانيه
نسمه لاحظت عدم تقبل فتون ليها..بس هي مُصره تختلط بيهم وتتعرف عليهم اكتر: ياي انا بجد مبسوطه ان عندي ولاد عم
ابتهال ماتت ضحك...ما تعودتش على البنات الياي"الدلع"
وضحكت: ههههههههههه والله انا كمان انبسطت بيك..
وشافوا ظل سالي..
نسمه خافت قامت: طيب يالا يا بنات اشوفكم بعدين..."وراحت بسرعه وصادفت امها وعدت من جنبها وهي خايفه"
سالي لابسه بكامل اناقتها خارجه..وقفت قدام فتون: لما ارجع مش عاوزه اشوف ولا واحده هنا فاهمين..
فتون مطنشها وتضحك مع اخواتها ولا كانها سمعت حاجه..وابتهال ساكته وما بصتلهاش..
سالي اللي تغلي من القهر طلعت ما تحملتش تقعد بالقصر ده اكتر من كدا!!!!
....................................
هبه بغرفتها..
الدنيا بعيونها سوده..مشعارفه المصيبه دي وقعت ع نفوخها منين .. اياد ماسك عليها دليل قوي ازاي هتتخلص منه .
وصرخت: بكرهك يا أياد الكلب..اطلع من حياتي...بكرهك
...........................
كرم اللي طلع من البيت وهموم الدنيا بتخنق فيه...مشعارف يروح لمين مكبوت..جه على باله صديق عمره زين..وطلع الموبيل واتصل
كرم: الو زين.
زين: يا احلي الو عاش مين سمع صوتك ياعندليب
كرم بصوت حزين: عاشت ايامك...محتاج اشوفك..
زين حس ان فيه حاجه: تعال عندي البيت..
كرم: خلاص دقايق واكون عندك..
>>>في بيت زين<<<
زين بترحاب: اهلا بكرم سَيار اتفضل..
كرم دخل وقعد وواضح عليه التعب وانه مانامش الليله اللي قبلها..
زين بص لكرم: والله وشك ما يبشر بخير..
كرم اتنهد: وانا هشوف فين الخير  وعندي مرات اب..
زين: انت لسه مخلصتش مشاكل معاها...؟
كرم: قول بدئت...من ساعه ما جبت بنات عمي لبيتنا والدنيا قايمه..
زين مد له فنجان قهوه: في البدايه بس..وبعدين بيتأقلمو على بعض..
كرم مسح بين عنيه: ربنا يسمع منك.
قصص منه محمد
.......
على العصر..
ابتهال وقفت: فتون بجد انا زهقت ...قومي خلينا نرجع أوضتنا.
فتون: ليه تزهقي..عادي كل وسائل الترفيه هنا..ولو تاخدي جوله في القصر اكيد بتنبسطي..
ابتهال: مش عاوزه اي جولات..قومي خلينا نرجع..
فتون: والله انا مبسوطه هنا..
ابتهال: انا عارفه انك مستنيه مرات عمك تيجي وتشوفك قاعده..
فتون: طيب وأديك انتي عرفتي..أأعدي.
وسمعوا صوت خطوات وراهم..
ابتهال بصتله وبلعت ريقها وبهمس: النسر وصلت......
سالي اول ما دخلت انصدمت لما شافتهم لسه قاعدين لحد دلوقت جوه بيتها..
وقربت منهم: انتي وهي..انتو لسه هنا.
لفت عليها فتون وبعين قويه: ولحد بكره ...عندك مانع؟؟؟
سالي: اسمعي بقي يا بنت سلطانه... صوتك ده اياك ترفعيه عليا وبلاش تتحديني انتي لسه ما تعرفينيش..
فتون ببرود: ولا يهمني اعرفك.."ودورت وشها عنها"
سالي قربت عليهم اكتر وسحبت تمارا من هدومها بعنف: انا هرميكم زي الكلاب...
الا صرخه وراها: سالي...سيبي البنت..
فتون كانت مصدومه...اختها اللي امانه في رقبتها يحصل فيها كدا..راحت بسرعه واخدت منها اختها وضمتها..
ابتهال لا تقل صدمه عن فتون...اول هام من سالي وتصرفها المتوحش مع اختها وتاني هام دخلة كرم..
قرب كرم من سالي: وبأي حق تمدي ايدك على طفله...
سالي خافت منه: و...وانت مالك؟؟
كرم وصل لحد الانهيار رفع ايده يضرب سالي..
صرخت فتون: لا...كرم....امك..
كرم وهو ضاغط سنانه وشد على قبضته...
وصرخ: غوري من خلقتي غوري...!!
سالي بفزع من ايد كرم الي مرفوعه فوق راسها ...ومن خوفها مشت بدون ما تتكلم...بس فضلت تدعي عليه..
كرم اخد نفس  يهدي اعصابه..خلاص اعصابه تلفت مبقتش قادره تتحمل أي خناق..فتح عيونه وشاف الخوف بعيونهم..
: ا...احم...انا طالع فوق.."ومشي وسابهم"
وهو مقهور من نفسه شافوه متوحش وانسان يخوف...وبعيونهم انه الولد العاق اللي كان بيضرب امه..
فتون ما زالت متأثره بالموقف..."ازاي كان هيضرب امه ورفع صوته عليها؟؟"
واخدت اخواتها وبسرعه طلعوا للملحق..
................
سالي فتحت الباب بقوه على مكتبه..
سالي بعصبيه وصريخ: انا...انا اخر عمري ابنك يرفع ايده علي..
سَيار انصدم: ايه؟؟؟
سالي تمثل الدموع: انا في مقام امه ربيته وتعبت عليه اخرتها يرفع ايده علي..
سَيار طلع بسرعه يشوف ابنه...ودخل غرفة كرم علي طول..
بصوت عالي: كررررم..
كرم اللي طلع من الحمام مخضوض لدرجه انه مالحقش يلبس التي شيرت عليه لابس بنطلون بس..
: خير يا بابا...."وشاف ابوه في قمه غضبه"
سَيار: انت بتمد ايدك على مراتي...؟؟؟اللي في مقام امك..."وعطاه كف جامد"...انا ربيتك على كدا
كرم غمض عيونه بقوه ونزل راسه وشعره غطى وشه وسكت..
سَيار: انا ما خلفتش رجاله تمد ايدها على الحريم..مابالك بواحده ربتك وتعبت عليك..
كرم اخد تي شيرته ومد ايده اخد مفاتيح عربيته وقال : بس هي للاسف ولا ربتني او بعتبرها في مقام امي.."وطلع"
سَيار نزل راسه بعد ما طلع كرم..هو ما كانش عاوز  يضربه بس لازم يعرفه حدوده...
كرم وهو نازل شاف سالي مبتسمه وتبصله بنتصار...نزل بسرعه..لانه لو طالها ممكن يفجرها
كرم بالعربيه..
حس انه مخنوق...وهو بالعمر ده ينضرب..والسبب سالي...دايما وابدا يربط سبب تعاسته بسالي..وكل شيء بيحصل ضده سببه سالي... عمرها ما رسمت له طريق للفرحه...او حتى عطته عنوان للبسمه...
بس حط في باله ان ده اول المطاف ولازم يصبر عليه...وبرضه هيعمل الي في دماغه  ..وراس سالي بيكسرها...
طلع لسامح  من زمان ما زاره..
قعد على الكرسي ينتظره..
سامح لما عرف ان عنده زياره..فرح بيها كتير...وحس ان قلبه بيسبق خطواته عاوز يتطمن على اهله...
كرم شاف سامح وهو جاي له وواضح عليه اللهفه والابتسامه مرسومه عليه...ولو دقق اكتر كان شاف حزن العالم بعيونه..
سامح على طول ضمه..: اهلا يا كرم..
كرم وكأن النار اللي قلبه طفت شوي لما شاف سامح..
كرم: اهلا سامح..اخبارك طمني عنك..
سامح  سكت شوي...عاوز يطمن علي اخباره...اي اخبار ممكن يقولها له...وهو شاف ذل وخوف ورعب طول الوقت..فاقد اغلى شي على الانسان وهي الكرامه....بيعاملوهم وكأنهم اقذر المخلوقات واحقرها..دي هي كل اخباره..عايش محبوس بين اربع جدارن وقضبان من حديد ايه يعني هتكون اخباره وحريته مسلوبه منه اكيد مش بتكون عنده اخبار..
بس في النهايه رد: الحمد لله ماشي الحال...المهم طمني على اهلي وعليك..؟
كرم اللي وجعه قلبه...امبارح فتون..والنهارده اخته الصغيره ..وبكره مين.حس انه بجد ماحافظش على الامانه...بس ما حبش يزعله..
وابتسم: لا الحمد لله كلهم تمام...وحاليا هما في رقبة عمهم..
سامح: يعني اخواتي عند عمي..
كرم: ايوه..ابويا رجع فلوسكم..وهما ساكنين في بيت جدهم..
سامح انبسط: الحمد لله ان ربنا هداه...ايوه احكيلي ياكرم احكي لي عن اهلي..طمني عنهم.
كرم حكى له عن الحفله بدون ما يذكر اسواء الامور وخلا الدنيا حلوه بعيون سامح..
سامح مبسوط وهو بيسمع عن اخواته...واتمنى من كل قلبه انه يكون معاهم وجنبهم ويملو عليه حياته وينسوه كل اللي مر عليه من قسوه..
خلصت الزياره سريعه على الاتنين...وكل واحد رجع لهمه...زي ما كان..
.......
متردده تتصل ولا.لأ.
ريهام: ها سامي اتصل ولا.؟؟
سامي: اتصلي وتوكلي على ربنا...
اتصلت ريهام وتنتظر الرد وطال انتظارها..
: شكل محدش هيرد علي...لا الووووو
: الو مين؟؟
ريهام بكت : بابا انا ريهام.
سَيار فرح بيها: اهلا  بنتي..طمنيني عنك وعن احوالك..
ريهام: انا الحمد لله بخير وكله تمام...انت طمني عنك..
سَيار: الحمد لله بخير..
ريهام بلهفه:وامي ..واخواتي...وحتى بنات عمي...
سَيار: ياحبيبتي كلهم بخير...بس نقصنا انتي...
ريهام : وكرم؟؟
سَيار سكت شوي: وحتى كرم بخير..
ريهام حست ان صوت ابوها اتغير وخافت: بابا...فيه ايه...كرم جراله حاجه ...؟؟
سَيار: لا يا حببتي هو كويس..بس انتي عارفه كرم ومشاكله مع امك ما بتخلصش.,
ريهام: ربنا يهديه..مبخفش غير من عقوبة العقوق..دايما حاطط راسه براس امي..
سَيار اتنهد: ربنا يهديه...واخبار جوزك..؟
ريهام بصت لـ سامي بحب: تمام بيسلم عليك...بس دلوقت هو مش موجود جنبي عشان اخليه يكلمك..
سَيار: اها...طيب ماشي يا بنتي روحي لجوزك ماتسبهوش لوحده
ريهام: حاضر يا بابا..وسلم لي على الكل...مع السلامه..
سَيار: مع السلامه..
قفل من بنته وهو بجد حن واشتاق لها كتير...ودعى ربه يحفظها من كل شر..
ريهام: بابا  بيسلم عليك..
سامي: الله يسلمه...بس ليه ما خليتنيش اكلمه..
ريهام: كدا...مش عاوزه اسيبك ..
سامي حس انه عشانه تعبان وواضح على صوته التعب:طيب همشيهالك المره دي...
ريهام وقفت: لما أروح اشوف النتيجه طلعت ولا لسه.. كأنهم طولوها..
سامي اتوتر: روحي...معرفش انتي علي ايه بس مستعجله...
ريهام لفت ودورت وشها لان دمعتها بطرف رمشها ولنفسها
"لاني عاوزك دايما تكون جنبي ومعاي...ومش عايزه المرض ياخدك مني"
.......
دخلت غرفة اختها..
:هبه قلبي..انزلي نتعشي..
هبه وهي مغطيه وشها بالبطانيه: ماليش نفس..
نسمه قربت منها: هوبا...دادي حيزعل..
هبه: قلت ماليش نفس..
نسمه: راحت ورفعت البطانيه عنها وشافت دموع هبه: هبه.....مالك فيك ايه....انتي بتعيطي؟؟؟
هبه قعدت ومسحت دموعها: خلاص بقيت كويسه..."وراحت للحمام"
وقفت قدام المرايه شوي وشافت دموعها بعيونها.. لا متعيطيش يا غبيه...انا بحلها..انا بحلها..
نسمه اللي كانت تنتظرها وطولت...قامت ودقت عليها الباب..
نسمه: هبه هوبا
هبه فتحت الباب وببرود: خير انتي فيك ايه؟؟
نسمه خايفه عليها: هبه بليز قوليلي ايه الي بيحصل معاك؟؟
هبه:لا شوية سخافه ولا تهتمي..روحي اتعشي انتي..شوي وأجيلكم..
نسمه متعوده من اختها الصد...مش دايما تحكي لها ..ولا مره حست انها تؤامها بالفعل..
سابتها ونزلت وفعلا ثواني واتجمعت العايله...
كرم كان قاعد قدام سالي ولو عليه كان فجرها بالكرسي اللي قاعده عليه..
سالي قاعده توزع ابتسامات اليوم قدرت تاخد شويه من حقها بالكف اللي سمعت صوته وهي برا الغرفه...
نسمه وهبه يبصو لبعض وحاسين ان فيه حاجه بس لسه ما اكتشفوها.
سَيار سأل: الا فين بنات عمكم..؟؟
كرم بص لـ ابوه مصدوم مكنش حاضر فطار الصبح ولا يعرف اخبار عنهم..
سالي : خليهم ياخدو راحتهم..
سَيار: راحتهم لما نكون متجمعين...نسمه روحي ناديهم..
نسمه انبسطت: من عيوني دادي..."وراحت بسرعه"
هبه بصت لكرم  وكأنه فرحان بالموضوع..
واتكلمت: اما فاتك اليوم يا كرم الاخوات فطروا معانا خساره ما كانتش معاهم..
كرم بصلها و رافع حاجب: هبه..نقطينا بسكوتك..
هبه سكتت..
بس كرم من جواه فعلا فرح...وبنفس الوقت مستغرب اكيد ان فتون قاصده شئ من ده
نسمه دقت الباب فتح لها تامر..
ببتسامه: اهلين تموره..
تامر ابتسم لها: انتي حلووه نسوم وانا بحبك..
نسمه: اوه ...وانا بحبك..."ودخلت"..ابتهال...فتون..
طلعوا لها الاتنين مستغربين..
نسمه: واو روعه غرفتكم..اخر مره دخلتها ما كانتش كدا..شكل كرم مظبطهاعلي الاخر.
ابتهال: ربنا يديلو العافيه..
فتون كانت تنتظر نسمه تتكلم وتقول ايه الي جابها..
نسمه: دادي بيسأل عنكم..وبيقول مش ها نبدا عشي غير لما نكون كلنا مع بعض...
ابتهال لفت على فتون..
فتون: انا مش جايه خدي اخواتك يا ابتهال وروحي..
نسمه راحت لفتون: لا يافتون مينفعش لازم انتي معاها..
فتون: لا قلبي انا مش جعانه...خلي ابتهال تروح بس..
ابتهال: فتون ازاي تسبيني لوحدي.
فتون: ماتطوليش اتعشي وتعالي بسرعه..
ابتهال عارفه فتون اذا حطت العناد في دماغها خلاص مستحيل تتنازل عنه...
ابتهال اتنهدت: اوكي..هروح لوحدي وامري لله...
فتون قلبها متقطع عاوز تروح مع اخواتها...بس بعد اللي شافته اليوم من سالي وكرم ...حست انها مبقتش عاوزه  تدخل القصر ابدا..
نسمه استسلمت..واخدت تمارا معاها وطلعوا..
اول ما دخلوا غرفة الطعام كانت العيون عليهم الا كرم..اللي كان عامل حاله ياكل ولا مهتم..
سلمت ابتهال وقعدو
تمارا قربت لنسمه: انا دي مس بحبها.."وتشاور على سالي"
نسمه نزلت صوباع تمارا بسرعه: اسكتي ربنا يكرمك بعدين نتفاهم؟؟
وسكتت تمارا.
كرم حس ان فيه شخص ناقص...دور بعيونه مالقاهاش واتعصب..
سَيار: فين اختك يا ابتهال..؟
ابتهال محروجه وخايفه من سالي بنفس الوقت: الله يسلمك يا عمي بتقول مالهاش نفس ..
هبه: ليه هيجلها عشي زي ده وترده..
نغزتها نسمه.
كرم: هبه كلمه تانيه وهتندمي...
سالي حب تقهر كرم: ماخلصنا.. خلونا نتعشى السم الهاري...ونخلص"وبصت لـ ابتهال"
كرم وقف: انا شبعت الحمد لله ..
وطلع على طول برا القصر..
وقف عند الملحق ساند نفسه على الجدار ...والحيره واكله قلبه...ليه ما جاتش تاكل معاهم...
وفالنهايه خبط وهو ما زال على نفس وقفته..
فتحت فتون الباب ماقلتش حد طلعت شوي شافته واقف..
: ليه ما جيتيش تتعشي؟؟
فتون: عافيه ليكم.
كرم وقف بنص الباب وسند ايد واحده عليه...وحط عينه بعينها: ولا عشان انا موجود...مش عاوزه تشوفيني...
فتون اللي خافت منه ..كان قريب منها ورجعت خطوه ورى: والله ليه بفكر فيك مثلا...انا قلت ماليش نفس.
كرم انقهر من ردها وضرب الباب: فتون...لما اكلمك اتكلمي كويس.
فتون خافت بس ما وضحت: وليه اكلمك اصلا..وانت ليه تاعب نفسك وجاي مهتم..
كرم صدمه السؤال..ما فكرش ان فتون ممكن تفكر التفكير ده..كان ماشي ورى قلبه وبس...وضحك بصوت عالي..
:هههههههههههه وان شاء الله مفكراني مهتم بيك...بس قلت اجي واشوف السبب واروح..
فتون اتعصبت بجد ضحكته تنرفز: طيب يا سيد كرم عرفت السبب!!
كرم قرب منها اكتر وباستهتار: اه عرفته..."ومشي"
فتون وسعت عيونها"ده بجد انسان مش طبيعي؟؟ده جدار والله جدار اشك ان عنده احساس ولا قلب...ليه بيعاملني كدا"
كرم وهو ماشي يشوط تراب من الارض"الله يلعنك يا شيطان الله يلعنك وانا كمان لازم اخربها"
•°•°•°•°•°
داخل القصر...وعلى سفره الاكل ...الهدوء عم المكان الا من صوت معلقة تامر..
ابتهال محروجه: حبيبي بشويش..
تامر انبسط وزاد الصوت...ويضحك..
ابتهال: تامر هخليك تقوم..
تامر: لا خليني قاعد...
ابتهال: يبقي اتأدب..
تامر بدء يبكي: مش عاوز "ورمى المعلقه بالارض وفضل يبكي ويصرخ"
سالي ولعت: بس خلاص فين احنا هنا قاعدين "ووقفت" بجد ناس تقرف..
ابتهال اتعصبت واخدت المعلقه من على الارض وحطتها وشالت تامر
: عن اذنكم اسفين..
سَيار: هاتيه عندي..
نسمه وهبه بصو  ل ابوهم..
ابتهال: لا يا عمي....ممكن يضايقك..
سَيار: جيبيه...عاوزه.
راحت ابتهال وعطته لعمها..
تامر اول ما شاف عمه سكت...راجل وغريب ولا يعرفه فاسكت..
سَيار بحنان:ليه يا بطل ما اكلتش؟؟
تامر: دي وحسه..
سَيار: تعال انا بأكلك..
هبه بعصبيه: لا طولت وبقت رخمه..."وقامت"
نسمه احتارت فيهم: يا الله..
سَيار: نسمه سيبك منها."وفضل يأكل تامر وتامر مبسوط"
ابتهال ونسمه قعدو يشوفه سَيار...بجد لايق انه يكون ابوه...
ابتهال حست بشعور غريب...عمرها ما شافت الحنان ده من ابوها...واخواتها محرومين منه زي ما كانت محرومه...
نفسه اللي يدي اخوها الحنان هو نفسه اللي حرمه من حنان ابوه .."وخنقتها الدموع"
في غرفة الضيوف...
دخلت ابتهال ولقت فتون شارده .
: سلامو عليكم..
فتون صحت من تفكيرها: وعليكم السلام...فينكم اتأخرتوا..
ابتهال: تخيلي يا فتون..عمي بنفسه أكل تامر..
فتون مش مصدقه: بجد؟؟
ابتهال: والله..و كان فيه حنية الدنيا كلها..
فتون: بحس انه طيب وساعات اقول لا..هو اللي كان السبب في كل المصايب الي حصلت لنا واللي بتحصلنا..
ابتهال: انا متأكده ان الحكايه فيها سر..
فتون: يمكن...
ابتهال بتردد: ما جاش عندك كرم؟؟
فتون نفخت: جه.
ابتهال: قالك ايه؟؟
فتون: بهدلني ومشي.
ابتهال: اها
وهي عارفه ان كرم اكيد اتنرفز لانها ما جاتش معاهم..
شوي سمعوا صوت الباب يخبط..فتحت ابتهال الباب لقت عشي مع الخدامه..
الخدامه:ده لمدام فتون..
ابتهال: مين قالك؟؟؟
الخدامه خافت: معرفش معرفش..."وراحت بسرعه"
ابتهال ماتت من الضحك ولنفسها" هههههه الله يقطع حركات يا كرم"
ابتهال:فتون عشاك وصل لحد عندك..
فتون : مين بعته؟؟
ابتهال: الخدامه بتقول ما عرفش...يمكن عمي...
فتون وهي بتشوف العشاء وتشم ريحته: والله جعانه..ههههه بدئت احب عمي..
ابتهال لنفسها" والله اختي غبيه وما بتشوفش"
...........
وصلها مسج وهي في عز نومها..
"هبه حبي...عاوز اشوفك بكره.....بحبك.."
هبه قرت المسج وصرخت من قهرها: حقير...والله حقير"ورمت موبايلها" بكرهك..
..........................
ريهام  معاها ورقة النتايج...
ومش مصدقه النتيجه.........................!!
............
هبه وصلت حد الانهيار..خلاص حاسه مبقاش في ايديها أي شيء ممكن تعمله..والخوف محاصرها من كل اتجاه..اذا مشت معاه بتضيع واذا سابته كمان بتضيع..ايه ممكن تعمله..!!
هبه وهي نايمه على بطنها والدموع ما وقفتش لحظه: انا كنت عملت ايه عشان يحصل فيا كدا وهعمل ايه مع اياد الزفت ده..ولو عرف كرم  اقوله ايه واقل شئ ممكن يعمله فيا؟؟!!!.."وقفت عند النقطه دي كتير اللي بعيد المدي وفجأه
بكت بصوت عالي" لا لا كرم مش عايزاك تعرف ولا عايزاك تدبحني..
وراح ليلها كله في تفكير ضايع...وماوصلتش مع نفسها لحل يريح قلبها وعقلها..
.....
اما عند كرم اللي ما عرف طعم النوم..دي الليله التالته وما اخد منها الا غفوه..
قاعد برى في البلكونه وبيدخن سيجاره...ويفكر بفتون هيعمل ايه معاها..ومش فتون وبس  حتى ابتهال...وسامح..واخواتهم..
قرر كل قرارته...وعزم يبدء التنفيذ من بكره الصبح و يوم جديد...
صباح يوم جديد..
صباحك ضحكة طفل..تملى الدنيا فرح وسرور..
........صباحك عطر.. ينتشر في مكانه جمال وغرور..
صباحك ورده حمراء...تداعب خدك وتقولك صباحك نور...................
صحت نشيطه كاعادتها..بدلت هدومها وحطت ميك اب صباحي وظبطت شعرها وطلعت لغرفتها ولولا وراها فين ما تروح..
دقت الباب على هبه ودخلت..
لقت هبه قاعده  وحاطه المخده على رجولها ورايحه في تفكير عميق..واضح انها على وضعها من ليلة امبارح..
نسمه استغربت: صباحو هبه.
هبه بصت لنسمه مليانه نشاط وحيويه..حسدت اختها..
نسمه قربت منها وحركت ايدها قدام وش هبه: ياهو..هبه....نحن هنا؟؟
هبه قامت بثقل للحمام وقفلت على نفسها الباب...خلاص الحياة مبقتش تغريها..ولا عاوزها منها اي حاجه...اتمنت الموت لنفسها..
نسمه احتارت في اختها..امبارح واليوم نفس الحاله..
"ياتري ايه الي حصل لها.؟؟!!"
قررت تتفاهم معاها بالمدرسه.دلوقت مافيش وقت..طلعت هبه من الحمام وما لقتش حد (بقلم منه محمد()وارتاحت لانها ظنت بتلاقي تحقيق من نسمه وهي معندهاش خلق...
.........................
كرم نزل لابس قميص نص كم اسود وعلى كتفه دريل كات..سلم على اهله على السريع.
: السلام عليكم..."وطلع حتى من غير ما يسمع الرد"
وطلع راح بسرعه على الملحق اللي برا...وخبط الباب...
كانت فتون صاحيه..لان تامر صحاها من نومها عاوز يلعب..فتون لامه شعرها كحكه وشورت جينز اسود فوق الركبه بشويه وبدي تلت كم لونه احمر..راحت فتحت الباب..في بالها انها الخدامه...بما انها هي وكرم متخانقين امبارح
وانصدمت لما شافت كرم..
كرم دور بسرعه عينه لتنزل ع لبسها  تفادي  لضربات قلبه اللي رافضه تقف..
كرم: احم فين ابتهال..؟؟
فتون كتفت ايدها: وعليكم السلام...
كرم: سلام...فين ابتهال؟؟
فتون : نايمه ليه؟؟؟
كرم: روحي صحيها هتروح المدرسه اليوم.
فتون انصدمت: طيب كدا فجأه..على الاقل كنت قلت لها من امبارح..
كرم ببرود: مافيش فرق بين امبارح والنهارده  .
فتون بقله صبر: الا فيه فرق...
كرم ضحك عليها من جواها كأنها طفله وكمل معاها يمثل البرود: لا ما فيش فرق..
فتون بحده: الا فيه....
كرم وهو باصص فوق ويرد: لا ما فيش ..مافيش..مافيش...
فتون قلدته بدون شعور: فيه وفيه وفيه..
كرم خلاص هنا ومبقاش قادر يتحمل اكتر وضحك عليها...الا ابتهال جاتلهم وهي لسه صاحيه من النوم وحتى شعرها منكوش..
: خير...ايه الحركات دي ع الصبح..مره فيه ومره مافيش ؟؟؟
كرم مات من الضحك..اصلا شكل ابتهال يضحك وهي لسه صاحيه من النوم وشعرها منكوش..تاني حاجه ضحك على فتون وحركاتها...
فتون لفت على كرم اول مره تشوفه بيضحك..يتغير 180 درجه..ولا كأنه كرم الجامد الجدار...بس ضحكته جميله
حتى ابتهال بصتله ...ونفسها تصور اللقطه النادره..
كرم: ربنا يديم السعاده عليا..."وبص لفتون بنص عين"...ابتهال غيري بسرعه اليوم رايحه المدرسه...
ابتهال فرحت: بجد ياكرم!!!
كرم رجع لجديته: ايوه بجد...ما تتاخريش مستنينكم على الفطار..."ومشي"
ابتهال: واو مبسوطه...حاسه ان لي شهور معزوله عن العالم...نفسي اشوف الدنيا ..وشهد ومرام..
فتون: فعلا لازم تغيري  جو...
وغيرت ابتهال  لبسها بسرعه وطلعوا كلهم للفطار..
...............
من داخل القصر...
لما رجع كرم لقي الكل قاعد يفطر...
قال: البنات جاين ياريت يا بابا..تقولهم يجو  كل يوم من نفسهم..
كرم ما نساش كف ابوه بس هو الغلطان واتحمل اللي جاله...
سَيار: انا ناوي اقول لهم...
سالي اتعصبت: ما تخليهم ياخدو راحتهم واحنا ناخد راحتنا...
نسمه: مامي..لا عادي احنا مرتاحين..
سالي بصت لنسمه بعصبيه: لما الكبار يتكلموا الصغيرين يسكتو..
سَيار بحده: البنات راحتهم معانا..واحنا كلنا مرتاحين وانتهى النقاش..
كرم بص لسالي ومبتسم نص ابتسامه..
سالي ماتت قهره وسكتت..
دخلوا فتون وابتهال...وأأعدو في نفس اماكنهم..
على راس السفره الفخمه سَيار..يمينه سالي..وشماله كرم,,جنب سالي هبه.وجنب كرم نسمه..
قعدت فتون جنب نسمه ومعاها تامر...وابتهال جنب هبه ومعاها تمارا..
كرم ما قدرش يشوف فتون  لان الفاصل بينهم نسمه...بس كمل اكله ببرود ولا كأن فيه شيء يحركه...
فتون اول ما قعدت كانت مرتبكه شوي
:...صباح الخير..
الكل رد: صباح النور....ما عدا سالي وهبه.
سَيار ببتسامه: اهلا ببنات اخوي...اسمعي يافتون من اليوم ورايح الفطار والغدا والعشي معانا...
فتون محروجه : بس يا عمي...
سَيار: لا بس ولاحاجه.
فتون سكتت...صحيح ما تقبلتش سَيار بالمره..بس على الاقل بيعاملها كويس...وما شافتش منه شر...
سالي كل شوي تضرب فتون نظرات احتقار..حست انها بتكرهها من اول مره شافتها..
كرم لاحظ نظراتها لفتون: ماما....فيه حاجه عندك!!
سالي عارفه ان كرم ما يقولش ياماما الا ووراه شر..
سالي:لا....مفيش..
نسمه: ابتهال...رايحه المدرسه معانا...؟
ابتهال: بس بمدرستي..
نسمه: يا الله ..طيب امتي تيجي معانا؟
سالي صرخت فيها: نسمه...كلي وانتي ساكته...
نسمه خافت: اوك مامي..
فتون ما طولتش اول واحده قامت: الحمدلله..."واخدت اخوها معاها.. وطلعت..
كرم خلص اكله بسرعه وطلع..
وشاف فتون قاعده بالجنينه وراح لها..
: فتون.
فتون لفت له : نعم..
كرم: كنت بقولك اني ناوي اجيب مربيه لتامر وتمارا تساعدك شوي..
فتون: لا متتعبش نفسك مفيش داعي..
كرم ضرب دماغه بكف ايده: لا مش من مالي...من مالك طبعا...
فتون سكتت شوي..: اعمل الي تعمله."وقامت وسابته"
كرم تبعها بعيونه لحد ما دخلت جوه الملحق: أكيد بعمل الي عايزه..
وانتظر ابتهال تطلع لانه هيوصلها..
في العربيه.
كرم بيسوق وابتهال وراه..
كرم: أمتى هيخلص الترم.
ابتهال: خلاص هاانت..يعني تلاته اسابيع تقريبا وتبدء ايام المراجعه..
كرم: كويس...لاني ناوي انقلك  مع اخواتي...
ابتهال سكتت شوي...واتكلمت..
: كرم ممكن طلب؟؟
كرم : طبعا أأمري..
ابتهال: لما اطلع من المدرسه هروح بيت شهد صديقتي..
كرم: اوكي...ورحي وانتبهي لنفسك..
وصلت لعند مدرستها..
كل البنات واقفين يشوفه صاحب العربيه الرنج الي اول مره تعدي بحارتهم..وبالشخص اللي فيها...لابس نظاره ماركه.ومش بس البنات حتى الشباب..
نزلت ابتهال: مع السلامه..
كرم: مع السلامه..
وطلع علي للشركه..
ابتهال اول ما دخلت المدرسه البنات اتلمو حواليها..
استغربت: خير فيه ايه؟؟
واحده من البنات: مين ده يا ابتهال..ومنين وقعتي عليه.؟؟؟؟
وسمعت واحده تحكي: شكل امها ماتت وابوها الله العالم فينه..قامت تطلع مع شباب ووقعت لها واحد غني...
ابتهال سمعت كلام البنات اللي شبه السم..كل واحده تطلع اشاعه على كيفها..مست بسرعه ولا كلمت حد..وقلبها وجعها...ازاي ممكن يطلعو عليها كلام زي ده..
ومن بين البنات لمحت شهد...وابتسمت..
وصرخت بأعلى صوتها: شهوده..
شهد سمعت الصوت وشكت: مرام انا سامعه صوت ابتهال ولا خرفت..
مرام تضحك: ههههه لا  خرفتي...
ابتهال وصلت لهم:خير ليه ما استقبلتونيش.. مشعارفين انا دلوقتي بنت اكابر
شهد وقفت مش مصدقه: ابتهال!!...ايه الي جابك؟؟
ابتهال: ههههه حلوه ايه الي جابني...مدرستي يا اموره..
شهد ضمت ابتهال بقوه: يا صندل واحشتيني موت والله والله المدرسه من غيرك مالها طعم..
مرام دمعت عيونها: ابتهال والله فقدانك..
ابتهال ما زالت بحضن شهد: وانا اكتر والله..خلاص من اليوم بحضر معاكم...وانتي اتخري خليني اسلم على مرام..
شهد بعدت عنها وهي بتمسح دموعها فرحانه...وضربتها..
:وحشتيني يا عفشه..
راحت مرام تسلم على ابتهال وحضنوا بعض..
وقعدو طول اليوم هبل وكلام وضحك..والحصص ركنوها على جنب
...
ماسكه ورقة النتايج وايدها تترعش..
: دكتور انت متأكد..!!
الدكتور مصري الجنسيه: ده اللي طلع معانا يا دكتوره..
ريهام حاولت تثبت نفسها اكتر...لحد الان ما استوعبت النتيجه..اصلا مستحيل تستوعب ان "سامي يروح منها"
ضربت مكتب الدكتور بقوه وهي بتصرخ: بقولكم ارجعوا حللوه من جديد...انا متأكد ان فيه خطأ..
الدكتور مقدر حالتها: ارتاحي دكتور ريهام.
ريهام غرقت عيونها دموع: انا مش عايزه  ارتاح...مش عايزه...انا راحتي من راحة سامي..انا سعادتي اذا قدرت اسعد سامي..وانت تقولي ارتاحي منين  اجيب الراحه..
راح الدكتور وقعدها بنفسه على الكرسي: دكتوره ريهام..انا حقولك كل حاجه..انت دكتوره وما بيخفي عنك حالة سامي ...سامي اتأخر كتير..لو انه جه قبل مده يمكن كنا قدرنا نلحقه .بس حاليا المرض اتمكن منه وما نقدرش نسيطر عليه...
ريهام وقفت كل الدنيا عند كلمة الدكتور"اتأخر كتير"...حست ان الحياة انتهت هنا..ومش عارفه قال الدكتور ايه بعدها..
"سامي اتأخر..لان انا اللي اخرته بغبائي..بأنانيتي...بسبب اهلي..بسببنا كلنا...كلنا"
ورفعت عينها على الدكتور وهو  لسه عمال يتكلم..
: والحل الوحيد نبدأ بالعلاج الكيماوي عشان يعيش اكبر مده ممكنه
بصت لـ الدكتور وعيونها غيمت من كتر الدموع واذا نزلت دمعه نزلت وراها عدد حبات المطر..
وقفت من غير ما ترد عليه...وطلعت ومعاها الورقه...مشت بين الممرات والاماكن..الشوارع...البيوت ..بلا هدف...والورقه ترفرف بايدها...
" اقوله ايه...عاوزني اقولك يا سامي ..كل الامال والاحلام ضاعت...كل السعاده والهنا اللي عشنا فيهم اتبخرت...كل الحب والعشق والهيام بيموتو ..انا من بعدك لي مين ...عشان مين هعيش واكمل...انا ماليش غيرك يا سامي..ماليش الا ربنا ثم انت..مش عايزه من الدنيا حاجه..بس كفايه انت فيها ..ارجو يا سامي ماتسبنيش...بلاش ياخدك الموت مني"
لقت نفسها قدام الفندق اللي ساكنين فيه...وطلعت للسويت  بتاعهم بسرعه..وجريت لغرفة النوم بالتحديد..وفتحت الباب بقوه...جت عينها على السرير...قربت له بخطوات مش ثابته..حسست ع المخده واللحاف والمكان اللي نام عليه...افتكرت اسعد ليله بحياتها كانت معاه..رمت نفسها بمكانه وبكت..وبكت...وبكت.. عسى دموعها تقدر تخفف من شوي من لهيب قلبها...
.........
بعد كام ساعه....
كانت ساكته وما زالت على نفس مكانها ووضعها.. دموعها خلصت..مبقاش للدموع قيمه...وبقت همومها قد الجبال او الارض بكل ما فيها...ازاي تقدر تشوف جوزها وحبيبها وعشقها الاول والاخير يموت قدام عيونها..."قعدت على حيلها شوي"
وراحت للحمام..غسلت وشها كام مره...وعيونها ورمت من كتر العياط...شافت نفسها بالمرايه وشافت حال عيونها ورجعت تدمع من تاني...ما حبتش تبكي رجعت تغسل وشها..واتوضت للصلاة وطلعت..
صلت لربها ركعتين ودعت من كل قلبها...انه يشفي سامي او ياخده بدون ما يتعذب...مش عاوزه يدوق الويل وتشوفه يدبل خطوه خطوه من غير فايده...
خلصت صلاة..لفت على السرير وشافت ورقة النتايج..قامت بسرعه ودخلتها بالشنطه,..وغيرت هدومها وجريت  لسامي؟؟؟من اليوم ورايح مش عاوزه تفوت لحظه من غير ماتكون جنبه ومعاه...من اليوم ورايح حتكون ضل سامي..من اليوم هتحاول تسعده بكل دقيقه وثانيه من عمره..هتخليه يروح من الدنيا وهو راضي ومبتسم...
وصلت عند غرفته...
اخدت نفس وحاولت ترسم ابتسامه عاوزه تبقي شوية قوه...
وفتحت الباب...
لقته قاعد وباين القلق بعيونه..
:  روحتي فين....؟؟؟
ريهام شافت وشه وافتكرت الورقه اللي بشنطتها وما قدرتش تتكلم..وقعدت جنبه على سريره..
سامي بص جامد في عيونها حس فيه حاجه..
: ريهام في حاجه..؟؟؟
ريهام هزت راسها"بلا"...ومسكت ايديه..وبصوت مخنوق..
: اوعدك يا سامي احبك قد ما اقدر...احم...واوعدك اسعدك قد ما اقدر..واوعدك ما اسيبك ولا لحظه..اوعدك..
وحضنته بأقوى ما عندها..لدرجه انها ألمته..
سامي استغرب كلامها...وطريقتها في الكلام..بس في النهايه حضنها..
ريهام: مش عاوزاك تسبني..
سامي بهدوء: ريهام...طلعت النتيجه!!
ريهام رخت ايديها من صدمتها بسؤاله..
سامي بعدها عنه وحط عينه بعينها: طلعت صح..!!
ريهام لفت وشها عنه عيونه: لا...لسه..
سامي حاول يكتشف هي صادقه معاه ولا:ريهام اذا طلعت قوليلي..
ريهام: لا حبيبي ما طلعتش..
سامي: طيب ليه اتأخرتي..؟
ريهام افتكرت  وعدها لنفسه وابتسمت: لان  حبيبة قلبك  حست انها مخنوقه  من جو المستشفى..وقررت تتمشى شوي..
سامي مسح على وشها بنعومه: وحبيبتي...ما عيطتش!!
ريهام غمضت عيونها بقوه: يمكن عيطت لانها مشتاقه لاهلها..
سامي قرص خدها وهو بيضحك: وانا مش اهلك..؟؟
ريهام حطت ايدها على خده: والله انت اهلي ودنيتي وكل حياتي يا سامي..
سامي على انه حس انها فيها حاجه ومخبيها...وشك ان النتيجه طلعت..بس ما حبش يضغط عليها
#####
الناس المتابعه ممكن تظهر يعني ولا ايه