البارت 36
#المشكله_والعنيد
منه محمد
بالملحق الخارجي
ابتهال بتردد: فتون.. عاوزه اقولك حاجه ..
فتون لفت لها وشافت لون وشها قلب وردي وابتسمت: قولي..
ابتهال : احم...ا....اممممممم.. كنت حقول ايه..نسيت خخخخخخ
فتون ضحكت: ههههه اتكلمي بسرعه هاتي اللي عندك..
ابتهال: هههه مشكلتي مش محتاجه الف وأدور..طيب كنت بقولك انو ...تعرفي مرام ؟؟
فتون: صديقتك!!...ايوه مالها ؟؟
ابتهال وشها ولع احمر: خطبتني لاخوها علاء.
فتون بخبث: علاء؟؟؟ علاء مش غيره؟؟؟اللي بتحبيه !!
ابتهال ضربتها وهي بتضحك: رخمه..على الاقل قدري مشاعري..
فتون: هههه بس هو ده اللي بتحبيه ودي الحقيقه..
ابتهال: الغلطه غلطتي لما قلت لك ..اعوذ بالله ما يتقالهاش علي حاجه ابدا..
فتون ابتسمت وبجديه شوي: ايوه وقالت ايه كمان ؟؟
ابتهال: قالت فكري..عشان يجي يتقدم رسمي..
فتون: وانتي محتاجه تفكري انتي مفكره طول عمرك..روحي قوليلهم بس موافقين..
ابتهال بعصبيه وهي محروجه: فتون......اعلقي بقي..
فتون : هههههههه طيب..يا اختي الصغيره..واخيرا هجوزك واخلص منك ..الله يعينك يا علاء يابني..
ابتهال:انا لسه وافقت...اصبري لما اوافق وقولي الكلام البايخ ده!!!!
فتون بمكر: ياجمالو ع الي بيغلي نفسه..المهم ما تطوليش عليهم ليغيرو رايهم..
ابتهال صدقت : بجد!!!
فتون: هههه لا اختي رايحه فيها وهي اللي طايره عليه...
ابتهال: والله لو مش تعبانه لا كنت علمتك التقل..التقل صنعه
فتون ما زالت بتضحك: والله ليا زمان ما ضحكتش وقلبي انشرح كدا..ربنا يسعدك ياقلبي..
وشافت تامر وتمارا صحوا..
فتون: اهلا ..وسهلا...... صباح الجمال علي الحلوين..
تامر على طول راح لحضنها ..وتمارا ئعدت جنبها ..وحطت راسها على كتفها..
فتون: نمتوا كويس!!
تامر: ايوه...فين جانيت ؟؟
فتون : جانيت ....ا ..ايوه..راحت كما يوم وجايه عشان جوزها جه
تامر بعد عنها مخضوض: ومطوله ؟؟
فتون : لالا..مش مطوله..وهنكلمها كل يوم..
تمارا بقرفه: احسن..دايما عامله فاهمه علينا..تامر ربنا خلصنا منها ولا تزعل..
تامر كشر: بس انا عاوزها ..بحبها..
تمارا: عشان طفل وصغير..ولا هي محدش يحبها..
فتون بتحاول تمسك نفسها لا تضحك: تمارا.. عيب عليك يا ماما دي في مقامك خالتك..وهي بتهتم بيكم وبتحبكم..
تمارا: لا دي رخمه..بتحب تدخل في كل حاجه ..ما بتخلينيش اختار لبسي على مزاجي..!!!
ابتهال: ههههه انتي بتحبي الترقيع..وهي اللي بتعلمك الشياكه خليك ساكته ..
فتون : ههههههه ابتهال..مالك بالبنت
ابتهال: عشان انت ما تعرفيهاش ازاي بتطلع عيون جانيت..
فتون: لا يا قلبي تمارا كبيره وعاقله وبتسمع الكلام...
تمارا طلعت لسانها ل ابتهال..
ابتهال: شفتي بنت الايه..عماله تغظني...
............>>>>>>>>>>>>>>..........
من داخل القصر ..
الدنيا انقلبت من فوق لتحت ..
نزلت ريهام وهي مطيره عيونها في الاثاث: ايه الحكايه ؟؟
وشافت امها واقفه تشرف وتلقي التعليمات على الخدم..
سالي: شيلي الكراسي اللي هناك..وخليها جنب بعض..
ريهام: صباح الخير يا ماما..
سالي لفت لها : اهلا صباح الخير..صحى الكل عشان نفطر كأنكم اتأخرتو فالنوم!!
ريهام : والله من بعدك بقي الفطار يتأخر بأيام الاجازه..
سالي بكبر: عشان تعرفو قيمتي..
ريهام : بس فيه ايه النهارده؟؟
سالي بتهكم: نسيتي!! اليوم حفله استقبال طارق
ريهام ضربت راسها بخفيف: يا ربي ازاي بس راح عن بالي..
سالي بحده: ريهام ازاي نسيتي ..يالا الاهم استعدي بأحسن حاجه عندك..ولا روحي من بدري للاتليه واشتريلك فستان قيم وشيك.
ريهام بدون نفس : اوكي..
فاهمه وعارفه امها عاوزه ريهام تنخطب بأسرع وقت ومن الناس اللي عاوزاهم..
ونزلوا البنات..
هبه بهمس: خير عندها ايه ماما..
نسمه:معرفش مالها ...؟
وشافوا ريهام متجهه للمطبخ ولحقوها..
البنات: مالها السيده الوالده قلبت الاثاث !!
ريهام: نسيتوا الليله حفله استقبال طارق..
هبه: صح..ازاي راح عن بالي..
نسمه: والله وانا زيك نسيت برضو
هبه: عندك لبس !!
نسمه: ايوه انا عندي..
هبه ضحكت: بس انا بقي الحمد لله ما عنديش حاجه ؟؟
ريهام: والله كان نفسي اخدمك ..بس افتكرت ان عندي فستان جديد بحاول البسه واحلله ههههه
نسمه: شوفي فتون ولا بتول ..يمكن واحده منهم تحب تروح تشتري.
هبه: اوكي.."وطلعت من الباب الخلفي الموجود فالمطبخ "
يقطع نص الجنينه على ما توصل للملحق الخارجي ..
شافت سامح واقف عند البسين بيتأمله..وكأنه بيفكر يعوم ويضيع فيه ..
وقفت وراه: صباحو..
سامح اتخض ولف عليها بسرعه: هبه !! يسعد صباحك..
هبه ابتسمت ابتسامه حلوه: اسفه خضيتك..بس فيه ايه واقف لوحدك..وكأني شيفاك بتفكر !!
سامح: هههههه معرفش اني مكشوف للدرجه ..
هبه نزلت عينها بخجل ولنفسها" لاني بحبك بحسك وافهمك ومش أي حد يقدر يكشفك"
ورجعت تبصله من جديد: ايوه وياتري ياهل تري بأيه كنت بتفكر ؟؟؟
سامح: امممم بفكر افتح لي شركه..
هبه انصدمت : بجد !!!
سامح: لا طبعا بهزر معاك..بس كنت بتمشى شوي..وعجبني شكل البسين ووقفت قدامه..وانتي كنتي رايحه فين.
هبه: انا كنت رايحه للبنات..عاوزه اروح لمحل ..واشوف واحده منهم تيجي معاي..
سامح: اها..اوك طيب انا كمان جاي معاكي ...رايح اغير هدومي ..
هبه لسه منتبهه للبسه! كان بلبس النوم وما غيرهوش.. حست نفسها محروجه منه..
سامح فهم: عارف شكلي يكسف..بس الشكوى لله انا ابن عمك اتحمليني شوي..
هبه سكتت بدون ما تعلق ومشت جنبه للملحق..
ودخلوا مع بعض..
ابتهال شافتهم مع بعض وأشكالهم تجنن ولايقين على بعض..بس لما تفتكر شهد تضايق ويضيق خلقها.
هبه: صباحو..فتون عامله ايه النهارده ؟
فتون ابتسمت لها: لا الحمد لله تمام.."وشافت سامح جنبها "
وهي متأكده ان هبه بتميله ..بس هل سامح يبادلها المشاعر ولا طناش؟
هبه دخلت وئعدت على التربيزه قصادهم: بنات انتو عارفين ان اليوم حفله استقبال طارق !!
فتون وابتهال انصدموا..
ابتهال: انا والله راح عن بالي..
فتون : حتى انا .. ناسيته خالص
هبه: فتون هتحضري مش كدا !!
فتون : ايوه..اقدر احضر.انا دلوقت زي الحصان.
هبه: هههه دايما يارب..امبارح خضيتي العالم عليك من اكبرنا لاصغرنا ..حتى طارق اخوي لو شفتيه ازاي اتخض لما شافك بين ايدين كرم..تقولي كأنه اخوكي سامح...والله ما عرفت انه طيوب للدرجه دي..
فتون اختفى لون وشها وهي بتحاول تستوعب..طارق !! طارق ايه هو في حياتها من اول ما شافته لاول مره..وهو ايه في حياتها ؟؟ ياتري كل خوفه عليها من باب الطيبه بس ماتعتقدش!!
هبه: أه صح ..ياريتك شفتيه يا فتون ..هو وكرم قبل ما يتجوزك كانوا رجاله ينشد الظهر بيهم .وبيخافو علينا وبيحرصو علينا ..
سامح كان ساكت..بس بيسمع لهم..وبيحاول يفسر الامور من ناحيته...
هبه: المهم انا جايه عشان اسأل لو فيه واحده منكم محتاجه للمول ولا ايه ؟؟
ابتهال: انا اخر مره روحت فيها اشتريت لبس رسمي وغير ان جانيت ما قصرتش في كل مره تختار لي لبس رسمي تقولي مسيرك تحتاجيه..
ابتهال فجأه حست ان جانيت كانت ليهم زي الاخت..وان جمايلها كتيره عليهم..بس شكل غلطتها غطت على كل الحلو الي عملته.
هبه : فتون محتاجه حاجه ؟؟
فتون :انا لا ..شوفي ريهام..
هبه حطت ايدها على وسطها: ريهام عندها..اعمل ايه دلوقت .مش عاوزه اروح لوحدي..
ابتهال: كان نفسي اخدمك يا بنت عمي..بس الظروف اقوى مني ومنك " وابتسمت ابتسامته عريضه"
هبه: هبله..
سامح بتردد وشوية خجل: ينفع اروح معاكي ؟؟
هبه بصتله مصدومه ...واخيرا قررر يديها ريق.
سامح حس انه اتحرج: كنت دايما اشوف كرم مع اخواتي حتي طارق ..ليه انا ما اقفش مع اخواتهم..
ابتهال: ونعمه ابن العم..كفائه والله يا سموحه..خدها وخلصنا من لفة المول ..والنعمه لهبه تطلع عنيك وفي الاخر ولا حتشتري حاجه
اسال مجرب
هبه: ههههههه لا المره دي هشتري وبسرعه..
فتون واثقه في سامح: اوكي خدها انت..واحسن من السواق كمان
سامح : اوك..بعد الفطار اخدك..
هبه قلبها دق بسرعه..واخيرا هتقعد مع سامح وهو اللي طلب منها ..مش زي كل مره تحس بالنهايه انها راميه نفسها عليه..
.....................................
على الفطار..
الكل كان على الفطار الا فتون ..اللي بعتولها بالملحق بحجة انها تعبانه..
سالي : سَيار كرم ما تنسوش الليله استقبال طارق..زي ما البنات نسوا .."وبصت للبنات بنص عين"
طارق: مامي بجد هتعمليها ..تعرفي مابحبش الحركات دي...اتحمس وبعدين بح
سالي: لازم الناس تعرف انك وصلت وانا عاوزه افرح بيك.
كرم ساكت ولا علق..الدنيا اصلا سوده قدامه..مبقاش فيها حاجه تشجعه وتخليه يعشيها بألوان..
سَيار جوه نفسه ضحك على سالي..جات وبدء معاها مشوار مجاملة الناس دايما وابدآآ تحاول ترضي غرورها بأي شيء تقدر تعمله...
............>>>>>>>>>>>>>>..........
بعد الفطار..
وبعربيه سامح بالتحديد..منتظرها تطلع من القصر..كلم نفسه احم..معرفش ليه بحس نفسي متوتر..شكلي ورطت نفسي..
طلع برفانه من درج العربيه وعطر نفسه وملا ريحه العربيه..
جات هبه وهي متوتره وقلبها مبطلش دق من ساعه ماقالها .." اوه يا هبه..حركب لوحدي معاه طب عادي ليه مكسوفه عادي
وفتحت باب العربيه اللي قدام وئعدت..
سامح بلع ريقه.افتكر انها ممكن تتحرج وترجع وري : ا....احم..
هبه قفلت الباب ولفت عليه: فيه حاجه؟؟؟
سامح: ها..لا ...لا ولا حاجه ..."وحرك العربيه"
هبه على طول الريحه اخترقت كل حواسها ..دي ريحة سامح ..عطره بارد وقووي بنفس الوقت ..
سامح ما كانش عاوز يكون الوضع ساكت..حاول يدور ع اي موضوع بس مالقاش اي موضوع..قرر يشغل الراديو ..على الاقل يدي جو ولا الهدوووووء القاتل ده..
وفي نفس الوقت قررت هبه تشغل الراديو ..لان الهدوء ده مضايقها ..حست ان نبضات قلبها وصلت لسامح..
وجت ايدها على ايده بالغلط..
سامح بسرعه لف عليها من الصدمه ...وهي بنفس الوقت سحبت ايدها وضمتها لصدرها..
سامح رجع يبص في الطريق وهو التاني قلبه طلع من مكانه..
واشتغلت الاغنيه ..."اجمل احساس " اليسا..
أجمل أحساس بالكون أنك تعشق بجنون
و ده حالي معاك خلتني أعيش أيام
مليانه بشوق و غرام دوبني هواك
عاشقاك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا الاغنية زادت حالة الاتنين..أربكتهم..
سامح حس ان الجو حر لدرجه ان رفع درجة التكييف..
وهبه ما قدرتش تتحرك من مكانها وكأنها ثبتت فيه ..الاغنيه حركت قلب الاتنين..وداخل بعض كل واحد يحاول يهدي التاني الاغنيه..وفضلو ساكتين لحد ما وصلوا للمكان.
هبه ما كانش بيعجبها اي حاجه ..وبنفس الوقت محروجه من سامح..
طلعت من المحل..
هبه: والله..ما عندهم اذواق تفتح النفس..
سامح لف على الصف اللي مروا عليه: كل اللي عَدينا عليهم مافيش ولا اي حاجه ...ولا حاجه عجبتك !!!!!!!
هبه ابتسمت: احم..ايوه ولا حاجه..
سامح: ههههه ما كذبتش ابتهال..
هبه ضربته بعفويه: رخم ...والله المحلات مافيها حاجه ..العيب مش مني..
سامح ابتسم ابتسامه صغيره وهو حاطط ايده على مكان ضربتها وسكت..
هبه انتبهت لحركتها ووشها قلب احمر ومشت بعدت وهي بتكلم نفسها... يا لهوي انا ناويه على نفسي وعليه ..
ورفعت صوتها: امشي معايا انا حاسه ان ده بلاقي فيه
وبعد ساعه كامله..لقت هبه فستان روعه كلمه قليله بحقه ..واشترته وطلعت من غرفة القياس..
سامح قرب منها: مظبوط!!
هبه مبسوطه: ايوه مظبوط..
سامح: ما شاء الله انتي يناسبك كل حاجه و...... وسكت..
حس انه بدء يتمادي معاها ..وانه كسر كل الحواجز بسرعه..
هبه بخبث: وايه ؟؟
سامح: واني عطشان..هلكتيني ..تعالي نشرب اي حاجه.
واخدو لهم عصير بارد..وطلعوا من المول..
وبالعربيه
هبه: تعبتك معاي..
سامح: لا ايه الكلام ده..بالعكس انبسطت معاكي معرفش ان الوقت بيكون معاك حلو "وبصلها و خفي ضحكته"
هبه: يعني قصدك انك كنت مفكرني اني دمي تقيل مش كدا..
سامح ضحك: ههههه لا بهزر معاك والله..عارفه ان الخروجه معاك غير عشان كدا قررت اغامر واللف معاك..
هبه سكتت وجواها فرحانه..حاسه نفسها طيره فوووووق..هي دلوقت جنب سامح وبتضحك معاه..وقضت نص يوم كامل جنبه..
................>>>>>>>>>>>>>>>...............
بعد الغدا ..
جت الكوافيره..المتخصصه والفنانه بشغلها..سالي ما كانتش بترضى بأي حد..
ظبطت البنات كلهم..ميك اب وتسريحه...
وبدؤ البنات يستعدو ..
فتون كانت عاوزه لبسها من غرفتها بس مش عارفه ازاي تروح تاخده. ولا عاوزه كرم يشوفها..
جات ابتهال جنبها: فتون لفي اشوف الميك اب بتاعك؟؟
فتون لفت عليها وبالها مش معاها..
ابتهال مبهوره: واو..اسم الله عليك..والله قمر شويه عليك...ما شاء الله عيونك طالعه واو.
فتون : طيب اسمعي..عاوزه فستاني من اوضتي..
ابتهال: لا مستحيل ادخل اوضتك وكرم موجود فيها..!!
فتون برجاء: عشاني ارجوك ..
ابتهال كانت قاصده: والله عيب ادخل اوضه نومك..
فتون اتوترت: طيب تعالي معاي..
ابتهال معرفتش ترفض والا هتظهر انها قاصده : اوكي ...اجي معاك..
وطلعوا من غرفة نسمه وراحوا مع بعض..
وعند الباب..
فتون: اسمعي يا ويلك اذا طلعتي ولا فكرتي تطلعي ..
ابتهال: ههههههه لا عيب ..
فتون اخدت نفس وفتحت الباب..دخلت بشويش ما شافتش حد بالصاله..
: شكله مش موجود..مش عادته ينام بالوقت ده..
ابتهال : ممكن..انا اقعد استناك هنا..
دخلت غرفته نومها كمان مافيش حد موجود ..ارتاحت اكتر..وفتحت دولابها وطلعت الفستان...ولبسته مفضلش الا شريطه تربطها على رقبتها ..
وقفت قدام المرايا وهي بتحاول تربطها بس ماجاش معاها..فجأه اتفتح باب الحمام
كرم كان بينشف شعره بالفوطه ولابس البرونس .
ورفع راسه وانصدم من اللي بتشوفه عيونه..فتون بالميك اب والتسريحه الناعمه ..والفستان..شكلها برررريئ وهي بتحاول تربط الشريطه وبجد ساحره..
فتون لما اتفتح الباب وقف قلبها..حست نفسها وكأن جبل اتهد عليها ..ليه ماظنتش انه يكون في الحمام ندمت انها مااخدتش الفستان وطلعت من الغرفه ولا تشوف انبهاره بيها..ونظراته عليها .. ده مش وقته ابدآآ..
كرم حط الفوطه على التسريحه..وجه وقف وراها وبعد شعرها شوي عن رقبتها ..وربط لها الشريطه بهدوء..
فتون ميته من الكسوف ..وقلبها بيطير من مكانه..وفي نفس الوقت محتاجه تبعد عنه بسرعه ..خلص ربط الشريطه بس ما زال واقف وراها وقريب قوي..
فتون كانت لازقه في التسريحه لازم تبعد عنه بس مشعارفه : ممكن شوي..
كرم ولا أتحرك..وكأنه مش ناوي يتحرك..
فتون حست ان العرق بينزل منها زي المطر ....ده ممكن يبعد عنها ..خلاص بدئت ترجع لها الحاله ونص دماغها كأن حد كب زيت مغلي عليه ..وبدء يتأزم وضعها عمودها الفقر كأنه اتشل عن الحركه احساس صعب جدا..وبنفس الوقت مش قادره تعمل حركه جنونيه..
وفجأه حست ان كرم حضنها من ورى وحط راسه على كتفها وباس رقبتها بشوق ورغبه..وكان مغمض عينه وهادي..
فتون غمضت عيونها بقوه...ما قدرتش تتنفس..
وبنفس الهدوء الي قرب منها ....هو نفسه بعد عنها وصد عنها وعطاها ظهره ..
فتون قدرت تتنفس بس بصعوبه قدرت تاخد انفاسها..
بتحبه ..وعاوزاه ..وتتمنى ان الحضن يطول وكتير كمان..بس جواها كل جزء فيها ينفر منه..حست ان الدموع اتجمعت بعينها ..مش قادره تفهم نفسها ..الحيره دي تعبت عقلها ..ونفسها تراضيه ..نفسها تكلمه لو بكلمه واحده..حتى لو تشرحله وضعها ..مع انه ملوش شرح .ومحدش هيفهمه او يبرر لها تصرفاتها .. وبالنهايه طلعت وسابته..
شافت ابتهال قاعده تلعب بموبايلها..
قالت: يالا نطلع..
ابتهال طلعت معاها...وهي مش عارفه ان كان كرم كان موجود..
......................................................
اول ما غربت الشمس الحفله اعلنت عن نفسها..وبدئت الناس تتجمع..ولكل واحد منهم غايه مختلفه..
الهام: الناس بجد ما بتملش من الكلام..كل همهم طارق رجع ومعاه شهاده ولالأ ؟؟ سيبو الولد في حاله.
نسمه: معاهم حق...طول حياته برى رجع بشهاده تشرف ولا لأ ؟؟
هبه : اكيد امي بتموت من السؤال..ابنها ولا رفع راسها.. يروح ويجي على الفاضي...وكل ما قالوا حاجه ..قلنا لهم بيحسن لغته ههههه
ريهام فايته من جنبهم: عيب عليكم ده اخوكم..
هبه: ههه بزمتك قلنا حاجه غلط..
ريهام: حلو فستانك..من ذوق سامح..؟
الهام لفت عليها: ليه سامح اللي اشترهولك؟؟
هبه: هههه تخيلي..لا انا اللي اشتريته..بس هو كان معاي..
ريهام: بس اتحسن ذوقك معاه..
منار جنبها: ههههه خلاص ارحمي البنت ..شوفي وشها بقي لونه وردي ..
نسمه: هههههه يلا اختي بقت تتكسف..
جات ابتهال: فين شوق ما جاتش ؟
نسمه: قالت جايه...بس بجد أتأخرت شوي ..
...........>>>>>>>>>>>>...................
في بيت شوق..
واقفه قدام المرايه وهي مكسوفه من نفسها
: والله ماعارفه هيقولو ايه عني..
ردت عليها سجى بسرعه: يعني هيقوله ايه عنك..والله تجنني..
شوق: طيب شعري بلاش ارفعه كله .. يعني خليه كدا فيه شوية حركه..
سجى: لا خليه ناعم ونازل على وشك..يا بنتي تجنني خليك واثقه من نفسك
شوق رجعت تشوف نفسها وتحاول تتشجع وتواجه نفسها والكل لاول مره..
.............>>>>>>>>>>.................
شهد ومرام دخلوا القصر..
شهد: فينها البنت !!
مرام: استني اتصل بيها " واتصلت"فينك ياحلوه..خلاص اوكي .."وقفلت"
بتقول جايه..
وشافوها من بعيد..
شهد تصفر لها: لالا انا على الجمال ده مقدرش يا شيخه..
ابتهال: هههه الله يسلم عيونك يا حبي..
شهد تسلم عليها: ومتواضعه كمان ؟؟ لا انتي ناويه علي اجلي بقي
مرام: اه.البي يا مرات اخوي المستقبليه بسرعه فكري عشان نخطبك..كفايه تقل عذبتي قلوب العذارى..
ابتهال اتكسفت: هههه هبله ..سلمي وانتي ساكته..
وئعدو مع بعض..
شهد بغيره: مالها بنت عمك هبه..حاطه الزينه كلها..
ابتهال بعفويه: هههه فرحانه شاريه الفستان مع سامح ......."وسكتت"
شافت وش شهد لف ناحيه هبه بسرعه..: قلتي اشترته مع مين ؟؟؟
شهد حست نفسها جالها الصم..ما سمعتش اسمه غصب عنها ولا حاولت تسمعه..
ابتهال : هي مالقتش حد يروح معاها ووو وسامح رفض تروح مع السواق لوحدها ..
قاطعتها شهد بوقفتها: خلينا نروح نسلم عليها..واشوف الفستان من قريب اصله عجبني.."وراحت بسرعه "
مرام بهمس: مالها؟؟
ابتهال وتأنيب الضمير آلم قلبها: معرفش ..امشي معايا..
وراحوا كلهم عند البنات..
شهد: هاي يا حلوين ..
نسمه : اهلا شهد والله وحشتيني .
شهد : وانتي اكتر يا روحي
هبه شافتها اتغير لون وشها ومزاجها..
شهد وقفت قدامها: ازيك يا هبه..بصراحه فستانك لفت نظري..وحبيت اقولك انه بجد ذوقه عالي..
هبه حاولت تبتسم لها: ميرسي كلك ذوق...بس مش ذوقي ده ذوق سامح..
نسمه لفت عليها مصدومه : هبه انتي اللي ..
هبه بصت لنسمه وهي رافعه حاجب بمعنى "اسكتي "
شهد: ايوه عرفت..فستان حلو..سامح قلبه طيب وبيحب يساعد الناس..انا اكتر واحده اعرفه ومتربين مع بعض..
هبه ولعت: ايوه ..ابن عمي مش بيحاول يقصر معانا ربنا يخليه لينا ولا يحرمنا منه..
ابتهال شافت الوضع اتأزم: ههههههه كل ده مدح بأخوي ههههههه معرفش ان فيه الصفات الجميله دي كلها..
البنات ضحكوا ..الا هبه وشهد..
شهد المكسور قلبها والمجروح...ولانها عارفه انها بتحلم بعيد..
هبه اللي قلقانه على حبها..مش متأكده من مشاعره..وخايفه انها تكون لشهد مش ليها..
........>>>>>>>>>>>>>>.........
: قالت لي استناها ولسه الهانم ما شرفتش ..ليه اتأخرت كدا ؟؟؟
وشافت واحده ماشيه جايه تدخل..بصتلها ولا ميزتها ..رجعت تشوف الباب تنتظرها..تنتظر شوق قلبها..
وقفت قدامها وهي مبتسمه عرفت انها معرفتهاش ونغزت كتفها وغيرت صوتها : لو سمحتي..
نسمه من غير ما تبصلها وباصه في موبايلها: نعم..
شوق: كنت بسألك..
نسمه وهي بتجيب رقم شوق عشان تتصل بيها: اتفضلي..
شوق هنا ما قدرتش تكتم ضحكتها: تعرفي واحده اسمها نسمه.
نسمه بصتلها وهي بتتصل : نسمه مين؟؟؟
دققت في ملامحها..مش غريبه عليها بس !!.....بس !!!!!!!! وسمعت الموبايل رن في شنطتها وبنفس النغمه..
قفلت الخط ورجعت تشوف الواقفه قدامها كويس..وهي مبحلقه عيونها ..فستان قصير..وميك اب ..وشعرها على وشها؟؟؟؟؟
: شـ ......شوق ؟؟؟
شوق تضحك بنعومه مصطنعه ومش لايقه: هههه ليه ما عرفتينيش ؟؟
نسمه رجعت كام خطوه ورى وهي حاطه ايدها على بؤها مصدومه: شوق ..انتي...والله مش مصدقه "وراحت تحضنها بسرعه"
والله طالعه تجنني..والله موزه.
شوق: ههه بس ما عرفتش امشي بالكعب العالي !! بس لازم البسه
نسمه مسكت ايدها وخلتها تلف حوالين نفسها: والله جنان ...والله جميله..حاجه مش طبيعيه..
شوق: احم خلاص اتكسفت
نسمه مسكتها من ايدها : تعالي..تعالي معاي خلي البنات يشوفوكي...
واخدتها للبنات..
نسمه خبت شوق وراها: بنات معاي مفاجأه ليكم..حطوا ايديكم على قلوبكم بسرعه..
البنات بستهبال وحطوا ايديهم..
نسمه بعدت عن شوق: مين دي .. ؟؟
الكل بصلها شوي ...محدش عرفها..
هبه بشك: امير اقصد شوق ؟؟؟
الهام: الا هي شوق..
ريماس: يا سبحان الله..
ابتهال نطت عندها: انتي شوق.؟؟
شوق بصوتها الغليظ: بنات بطلو هبل بقي ههههههه
الكل مات من الضحك.
هبه : لسه كتير .. نبره الصوت..
الهام: بس والله تجنني..بقيتي دلوعه بزياده..
ابتهال ضمتها: والله اتعبطت عليك..
نسمه تبعد ابتهال: انتي ابعدي عنها..دي لي ممنوع اللمسه والاقتراب..حتى السلام ما هتسلمش عليكم..
جات ميسره: هاي بنات..
شوق ماتت من الضحك: دي الدلع ولا بلاها...
هبه: هههه مرات اخويا اكيد دلوعه..
شوق اختفت ابتسامتها: أي اخ ؟؟
ميسره بدلعها الطبيعي: انتي بتصدقي..انا مش مرات حد .
نسمه: مالكيش مفر يا قلبي لطارق للابد.شوق مامي عاوزها لطارق.
شوق حاولت تبتسم بس واضح ان وشها قلب لونه: ايوه....ربنا يسعدهم.
الهام لاحظت التغير وبعدت عنها..
الهام بصت لشوق وميسره..واحده نفسها تاخده ولا قدرت ..وواحده مش عاوزه ولا قدرت ..شوف القدر ازاي مش قادر يحقق لحد امانيه..
الهام :شوق.
شوق بصتلها : عيونها..
الهام: خليك كدا ..والله احلى " وغمزت لها"
الهام اكتشفت ان ممكن سبب تغيرها يكون طارق..وخافت انها لما عرفت عن ميسره ترجع زي ما كانت وعلي اسوأ..
نسمه اخدت شوق وقعدو جنب بعض ونسمه ما رفعتش عينها من عليها..
شوق مزاجها اتغير :مالك !! مش عاوزه تشوفي حد غيري ..
نسمه: لا بس بسأل نفسي ليه التغير المفاجئ؟؟
شوق ابتسمت بأسى: اول مره واخره مره..ما حسيتش ان فيه شئ مميز..
نسمه: بالعكس انتي كدا على طبيعتك..خلاص ما ترجعيش زي الاول مع اني بحب شكلك وبموت في حركة شعرك ودوبت على طريقة لبسك.. بس ضروري اقتنع انك انتي كدا احلى ..وانك المفروض تكوني كدا ..
شوق: مافيش الي يجبرني اعمل كدا ...وانا لسه كمان ما اقتنعتش بيه..
نسمه: عشان نفسك اقتنعي..واحنا دايما نسعى للتغير..
شوق سكتت
منار بتردد: ريوم..
ريهام: نعم..
منار: امتى ناويه ترجعي للمستشفى..؟؟
ريهام: قريب..
منار انبسطت: بجد !!
ريهام اتنهدت..وهي بتحاول تتناسى انه مكان سامي.وانه بداية حبها ونهايته..
ردت: ضروري ارجع..انا حياتي هناك..فالبيت ماليش أي وجود..وأغيركمان المكان عشان اقدر ألاقي نفسي...مع ان فيه مليون عذر يرجعني عنه..بس راجعه..
منار مسكت ايدها وشدت عليها :بحب شجاعتك..ريهام صدقيني لما تروحي هناك وتواجهي نفسك حتقدري تغيري امور كتيره وبوقت اسرع..
ريهام اتنهدت من قلبها: وده الي انا عاوزاه..سامي في قلبي مش بالمستشفى او بأي مكان تاني..
...........................
كانت قاعده مش مش مع حد . ولا عاوزه حد قاعده مع عمتها بين الحريم بس ولا عارفه هما بيتكلمو في ايه ..ولا فكرت تسمع لهم..تفكيرها كان محصور في نقطه واحده..هي ليه فيها كدا وكل ما توصل بتفكرها لنقطه ترجع لنفس الدوامه..حياتها..تغيرها..مشاعرها..ضياعها.. كرم ..طارق ..حتى اخواتها..كل حاجه حواليها اخدها من جهه..مش عارفه ازاي تفكر ولا عارفه ازاي حتي تنسق افكارها..
لفت مياده وبصتلها: فتون ؟؟
فتون بصتلها : نعم !!
مياده: شكل بالك مش معانا..مالك ؟
فتون: والله يا عمتي مش عارفه اقولك ايه ..بس انا ما لاقيه نفسي بحس بأحساس غريب..
مياده بعدم فهم: زي ايه يعني ؟؟
فتون عيطت لدرجه الدموع خنقتها: والله انا مش فاهمه عشان افهمك..كل اللي اعرفه ..اني مش قادره اتحكم بنفسي ..فيه حاجه بتمشيني ع كيفها..ولا قادره اسيطر على مشاعري ولا حركاتي ولا حتى تصرفاتي..
مياده مصدومه من كلامها : فتون...ايه الاحساس الغريب ده ..ولا تعرفي من ايه؟؟
فتون: يا عمتي انا لو اعرف كنت قلت لك.. فيه شئ خفي بيبعدني عن ناس وانا عاوزاهم ..عاوزه جوزي بس بلاقي نفسي بعيد عنه .
مياده بحيره وخوف: بسم الله الرحمن الرحيم..ياربي على بنت اخويا..اايه ده الي بيحصلك..خايفه تكون عين...خليني اخدك عند شيخ..
جات سالي وسمعت اخر كلمه " شيخ "
سالي: شيخ ايه..مين اللي تعبان ..
مياده: بنت اخويا..حتى امبارح وقعت من طولها..خايفه تكون ناس حاسدينها على جمالها ولا جوازتها ولا اخلاقها..والله الناس ماليها امان..
سالي: بعيد الشر عليها ..مالك كدا بقيتي توسوسي للبنت..سيبك بس بكره نروح شرم ويتغير مزاجك..ولا تخافي..
مياده سكتت لما شافت فتون اقتنعت بكلام سالي...
.........>>>>>>>>>>>>>>..............
كملوا البنات الحلفه رقص ووانبساط واستهبال وفعلا كان احلى بارتي فات عليهم ..الكل متعود على بعض والنفسيه مرتاحه..
..يعتبر المكان مزحوم شوي ..وقررت سالي تحتفل بابنها بطريقتها الخاصه..
طارق الي لابس في منتهي الشياكه والاناقه
وقف برى في الجنينه مع اتنين صحابه المقربين والدي جي استعد بالانوار والاغنيه..
ثواني وفتحوا الخدم البوابه والتصوير قدامه..وخدم واقفين عند البوابه يرموه بالورد. واشتغلت اغنيه ناسي الدنيا حلوه
كان مبتسم ابتسامه ساحره..وفاجئ الكل بطلته..نص القصر بنات واشتغل التصفير والتصقيف..والكل كان متجنن عليه..شكله غير..وجماله غير..وسحره وصف تاني..
اول ما وصل لنص القصر سلم على امه وعمته وئعد بينهم ..واتجمعوا عليه اخواته..وصحابه
جابو كيكه حجمها مش طبيعي وعليها صورته..وعليها شموع ..الحفله كانت روعه وكل شئ فيه منسق ورايق..
ئعد الكل ..
طارق بدئت عيونه تدور عليها..طول الوقت يدور ولا لقاها..واخيرا وقعت عينه عليها وهي بتأكل الكيك لتامر مع ان خدامتين فوق راسها بس هي حابه تأكله بنفسها ..وابتسم براحه حتى لو اتكلمش معاها بس على الاقل حس انها مستقره نفسيا..
شوق كانت مركزه عليه ..عيونه لا كانت على ميسره ولا حتى انتبه لها .. معناته ان مالهاش في قلبه مكان..بس اكيد اذا امه اصرت عليه ممكن ياخدها عشانها..
قربت جنبه وكل همها ...انها تكسر كلمته اللي غيرت فيها كتير وبالنهايه حست انها ضيعت تفكيرها على الفاضي...
ووقفت قدامه..
شوق: سوري المره اللي فاتت ما قلتلكش حمد على السلامه..مع انها جات حاليا متأخره.
طارق رفع عينه عليها ..واكيد ميزها بس بعد ايه : انتي كنتي ...
نسمه وقفت جنبها وهي خايفه عليها يجيلها كلمه منه تجرحها: ايوه دي صديقتي شوق.
طارق بصلها من فوووق لتحت: والله جميله..سوري شكل خيالي بقي محدود ..انا قلت لك ما اقدرش اتخيلك بنوته ناعمه..بس فعلا لايق عليك..خليك كدا..عليك احلى..
شوق ابتسمت غصب عنها..متعرفش ليه ..هو عشان رضى غرور الانثى ولا عشان عجبته..ولا هي كانت مستنيه المجمله دي..
طارق شاف ابتسامتها وعرف سر التغيير..حركات البنات من خلال خبرته الطويله مستحيل ما تخيلش عليه..
طارق بمغزي: بس بجد يسلم اللي خلاكي تتغيري عشانه..
شوق فهمت النغزه: الحمد لله ما تغيرتش عشان حد..قلبي فاضي..والحقيقه هو اساسآ مش فاضي بدء يدق لحد
طارق: اوك برضو خليك زي..وعيشي حياتك..
شوق رفعت حاجب ما توقعت منه التجاوب ده ..يعني هو كان عاوز يقولها ان قلبه فاضي كمان..ياتري قال كدا عشان يريحها..ولا عشان يفتحلها مجال..
نسمه حست نفسها ضاعت بينهم: شوق..امشي نئعد تعبت من الوقفه..
الهام كانت مركزه ع شوق..حسدتها على جرأتها ..بس يمكن فرصتها اكبر لطارق منها..هي مستحيل تلفت انتباه وعارفه ده ومؤمنه بيه..
بعد ما طلع الكل دخل سَيار لانه بيكره الزحمه والدوشه وئعد معاهم شوي..
سَيار: امال فين فتون ؟؟
ابتهال وقفت: لحظه اروح اناديها..
طارق شكر ابوه من كل قلبه..ما شافهاش الا من بعيد وكمان عطياله ظهرها.ازاي يفوت اليوم كدا من غيرها .
فتون حطت شال ع كتفها وطلعت لهم.
سَيار: تعالي جنبي..عامله ايه النهارده يارب ما تكوني تعبتي؟؟
فتون ابتسمت لعمها ولاهتمامه: انا الحمد لله وبأهتمامك بقيت احسن ..
طارق ركز عيونه فيها..عيونها سحر من كوكب تاني..ماشفش زيها ..اي نعم هي جمالها عادي جدا ورغم انها تعبانه بس حتى تعبها رقيق وناعم..زي جمالها ناعم وهادي
طارق اتمنى امنيه وقرر يحققها: فتون شفتي ابن عمك شكله بالبدله
فتون الي اول ما سمعت اسمها على لسانه دق قلبها ولفت عليه و السبب مجهول..على انها ممكن تمدح حد تاني بس مدحها لطارق صعبه..
فتون: والله لايق عليك..مخليك رزين
طارق كانت امنيته توجه له كلام..وتحط عينها بعينه ..بس جه ع باله سؤال :يعني احلى من كرم؟؟
الكل سكت ولف بصله مصدوم..
فتون على سيرته قلبها وقف..بس ليه ده يقارن نفسه بيه؟؟
ريهام حبت تغير الجو: ايه جاب لجاب ههههههه
هبه: طروق خليك متواضع انت بالسبور تغطي عليه بس هو بالبدله محدش يقدر ينافسه
طارق حس نفسه غبي بالمقارنه دي..ليه يحط نفسه بالموقف ده وقدام فتون..
فتون نزلت راسها ..وكل اللي عاوزاه دلوقت دخلة كرم..بس اتأخر وما دخلش ..
ريماس شافت فتون..فيها حاجه متغيره..وكأن روحها اللي تملي المكان طفت..مش عارفه تنبسط على وضعها وتفرح فيها ولا يحزن عليها قلبها ..
وبعد وقت...طلع الكل لبيته..
طارق وقف: قبل ما اطلع اوضتي..عاوزين نروح شرم بكره ولا بعده !!
ريهام: انا بقول بكره بالليل..
نسمه وهبه وابتهال : واحنا نفس القرار..
فتون ساكته..
سَيار: امتى قررت !!
طارق : سوري داد..بس كل حاجه جات كدا فجأه..بس على العموم هي هديه مني ...خلينا شوي نغير النفوس وتصفى "وغمز له"
سَيار فاهم حركته وما عطالهوش منظر.
طارق: مامي موافقه اوكيه..
سالي ببتسامه: هديتك وانا اقدر اردها ..
طارق بالاخير لف على فتون اللي انتظرها تتكلم كتير: وفتون قلتي ايه؟؟
فتون: انا معاكم...عادي..
طارق فرح: حلووو..
ودخل سامح.
طارق: ايوه يا سامح جيت في وقتك..بكره ناوين شرم معانا مش كدا؟؟
سامح بص ع الكل: خيانه مقررين من غيري .
طارق: وبمناسبه المنصب الجديد..
فتون : سامح اترقيت ولا قلت لنا ؟؟
سامح حط ايده ورى رقبته: ههههه والله انتوا حشرتوني..بقرار السفر يا اقول لكم الخبر..
ابتهال: هههههههه عاش البطل..
سامح: والله ما جه الوقت اقول لكم..بس انا اترقيت ..
الكل بارك له وفرحله
فتون : مستنيه هديتي لك..
سامح: اهم حاجه تكون هديه على مستوى ههههه
فتون : ايوه..
هبه قررت تشري له هديه تعبر عن اللي جواها ناحيته وقررت توضح له على الاقل بطريقه غير مباشره..
طارق: الكل اتفق انام مرتاح !!
سامح: اوك انا معاكم..مستحيل طبعا افوتها..
ريهام: وكرم ؟؟
طارق افتكره واتنهد: خاليه عليا انا بتفاهم معاه ...
........منه محمد
رجعت البيت وهي حاسه بشعور غريب وجديد عليها..دخلت الغرفه و اتتنفست براحه..رمت الشنطه على السرير من بعيد...ووقفت قدام المرايه تبص لنفسها بأعجاب..
: والله انا حلوه...ههههههه
اللوك الجديد غير نفسيتها واتغيرت مشاعرها بعد ما علق عليه طارق..ماتصورتش فرحتها توصل للدرجه دي..ما تخيلتش انها كانت بس محتاجه منه الكلمه دي..ولما قالها قلبت حالها فوقاتي تحتاني..
رمت حالها على السرير ورجولها نازله على طرفه..وجابت شعرها القصر على وشها والابتسامه ما فارقتهاش وتلعب فيه..شعرها المره دي حرير بعيد عن المثبتات وكان نادر ما يلامس وشها..كانت تكره الحركه دي..لانها تحسسها دايما بالانوثه او تحسها بتناسب المدلعين بس..وهي بس يليق عليها الا التسريحات الغريبه..ضحكت بصوت عالي على تفكيرها ولخطبت شعرها بطريقه عشوائيه لما افتكرت شكل طارق:اه..لا من النهارده هخاليه كدا ع وشي .
وفجأه قامت من سريرها وقعدت على حيلها تبص ع دولابها..
: اعتقد اني من بكره حرمي كل الهدوم دي واشتري لي غيرهم..او اخلي سجى تشتري لي بدالهم..؟؟
"وابتسمت" طارق انت حاجه تانيه..انت خليت شوق مجنونه بيك..خليك مستعد لحبي ليك..واكيد غصب عنك بتحبني..
ضحكت على نفسها..لانها بدئت تحس نفسها اتجنت..ومن كتر الفرحه نامت بفستانها الناعم..اللي اليوم حيكون هو بداية مشوار سعادتها..
........
وفي مكان تاني..
حست ان قلبها متقطع من كتر تأنيب الضمير وعمال ياكل فيها..جالها بكل شوق وحب وكان واضح في عيونه..بس هي للاسف ما قدرت تبادله لو حتى ربع اللي كان بيحسه او محتاجه حتى منها..
مشاعرها غصب عنها ما قدرت تظبطها لا إرادي منها ..مالت لانسان غصب عن الكل يجذب كل اللي حواليه وكانت فعلا واحده من ضحاياه..
ئعد جنبها وهي ماحستش بيه..بصلها كتير..حس ان فيها شي متغير.. بس لسه ما اكتشفه..مش دي جانيت اللي يعرفها..
جود: حبيبي فيكي شي ؟
جانيت لفت عليه بخضه: لا ....لا حبيبي مافي شي..
جود: حاس انو في شي شاغلك بالك..
جانيت حاولت تكون طبيعيه: نو حبيبي..بس الصغار كتير اشتقت اليهون..
جود بشك: اكيد هيك..!!
جانيت هزت راسها: أيه اكيد..
بصت لـ خطيبها جود..من تلات سنين مخطوبين..وبيحبها ومخلص ليها..وسايب لها مطلق الحريه في حياتها..ولا عرضها لما فكرت تيجي القاهره بعد عرض كرم عليها..
حست نفسها انها ماتستاهله لما فكرت لو حتى التفكير انها تخونه بمشاعرها ..انسان عطاها كل الي يقدر عليه..ليه مش قادره لو حتى توفي له..حست انها عطت نفسها مجال في ان مشاعرها تتغير عنه..مفروض تكون اكتر حزم من الناحيه دي..شدت على ايده اكتر...وهي كلها اصرار..بأنها تمحي سامح وبكل الاحاسيس اللي حستها معاه للابد..جود معاها واكيد بحبه بينسيها العالم كله..
جانيت: جود .انا بحبك كتير ..ما تتخلى عني شو ما صار اوكي !!
جود ابتسم لها بحب وهو حاسس ان في شي بس مش فاهمه..
رد عليها ببتسامه: اكيد ما راح اتخلى عنك..انا إلك وبس..
@@@@@@@
وبالقصر..
واقف منتظره برى..ضروري يعرف عن نيتهم للسفر..وجواه يدعي انه يعتذر وما يجيش معاهم..
شاف عربيته دخلت القصر..واول ما يشوفه يحس قلبه شعله نار..في شيء غريب يتحرك جواه من ناحيته بغل وحقد وغيره
كرم منافسه بكل حاجه من لما كانوا صغيرين..حتى في اللي اختارها وحبها طلعت ملك لكرم..مش معقول القدر جمعهم في كل حاجه حتى البنت اللي حبوها..
شاف كرم نزل من العربيه وأكرم ولا كان منتبه له ولا متوقع وجوده..بس واضح عليه انه تعبان ومالوش خلق لاي حاجه..
طارق بينه وبين نفسه " انا ازاي قارنت نفسي بيه..والله انا واحد غبي..هو بيعرف ازاي يرسم نفسه.."
بعد الفكره عن دماغه لان كل ما افتكر نظرة فتون وكأنها بتقوله " ايه جاب لجاب !!"
راح عنده ونده :كرم!!
كرم اخر شئ ممكن يتوقعه ان طارق مستنيه او يكلمه..
وقف اول ما شاف طارق جاي لعنده وواضح ان عنده كلام عاوزه يقوله..
طارق وهو حاطط ايده بجيب البنطلون لان الجو بارد شوي..
طارق: اتأخرت... كنت فين !!
كرم اخد نفس بصعوبه..مش قادر يشيل نفسه من التعب وبدون نفس: انت ولي امري مثلا ؟؟
طارق بدون اهتمام: لا ...بس قلت غريبه..راجل منتظم وعملي وبيحب شغله ويتأخر للوقت ده "وبص في ساعته"
كرم سكت وما ردش عليه..
طارق: ايوه..كنت بقولك ان بكره رايحين شرم
كرم شده الموضوع: ومين مقترح الفكره؟
طارق نفخ صدره وهو مبتسم بفخر: انا طارق بن سَيار رشدان ..هديه مني للجميع..
كرم ما بتعجبهوش حركات طارق: ومين رايح معاك ؟؟
طارق: الكل..
كرم مشى وسابه..
طارق لحقه: طيب انت هتروح ولا ايه النظام؟؟
كرم بيأجاز: هفكر..
طارق وقف: اوكي ...خد راحتك يا ....يا اخوي..
كرم اتنهد جامد..طارق شغلته في الحياة بس يرفع له الضغط..
طلع غرفته اللي بقت بالنسبه له الجحيم ..ومين له نفس يدخلها لانه اول ما بيدخلها كل الغضب والعصبيه والقهر تتلم عليه ..وتخنق عليه الدنيا من كل جهه..
ورمى جاكت البدله وفك اول زرار من القميص ...وئعد على الكنبه وطلع سيجاره...
: شرم !! والكل هيروح ؟؟...فتون لو راحت حتكون لوحدها ؟ اكيد ما بيهدالي بال وهي في مكان وانا بمكان..وخصوصا طارق الزفت موجود..
سند راسه على الكنبه..فجأه اتمنى امنيه محرومه..لكنه اتمنى تتحق من كل قلبه..
أتمنى فتون تكون موجوده جنبه وينام جوه حضنها..ويحكي لها عن تعبه ..يشكي لها عن اللي جواه ومعذبه..عن قهره وألمه..بأحساسه الجريح والوحيد..ليه الدنيا في غيابها تفضي..وليه الكون بدونها مالوش قيمه..وليه عيونه ما تشوفش الا هي والباقي سواد ..ليه بيحبها ويتعذب قلبه..
نام في مكانه من غير ما يحس علي نفسه..
.......
اليوم الجديد..
الكل صحى من بدري ..وفطرو ..الوضع تقريبا هادي والنفسيه مرتاحه..برجعة سالي البنات استقرت نفسيتهم حتى سَيار..
ابتهال كان وضعها طبيعي وخصوصا ان سالي مبقتش نفس الاول حاطه العين عليها..بالعكس بقت تشوفها تضحك وتتكلم مع بناتها وعادي..وده اكتر شئ مطمنها ومريحها ..وتدعي انه يدوم مش ليوم واحد
فتون ما شاركتهمش الفطار بعذر انها تعبانه..وئعدت برى في الملحق مع اخواتها..
كرم كان معاهم على الفطار كمالة عدد بس..وبعدها طلع وراح لصحبه ورفقيه في وقت الشدايد زين..كان محتاج يحكي لحد..
وبمكان هادي قاعدين مع بعض..كرم طلب له قهوه..وزين عصير...
زين فضل ساعه قاعد قدامه وما تكلمش معاه بحرف..وباله بعيد عنه.. ما ستحملش الوضع .
زين : كرم..
كرم بصله مفزوع: نعم !!
زين كشر: انت جايبني معاك في يوم اجازتي عشان ابصلك وانت بتشرب في القهوه وتدخن السم اللي فأيدك؟؟
كرم بعد عيونه عن زين: وايه في الدنيا يفرح الفرجه والشماته الايام دي بقت موضه..
زين: انت بتستهبل ..يا اخي مكتوب على جبينك هنا هموم الكون..مانفسكش تتكلم عنها شوي..
كرم بص لفنجان قهوته: وايه اقدر احكهولك وايه اقدر اخبيه ..انا يا زين بحس ان كل طقتي انتهت خلاص مبقاش فيا قوه اصارع الحياة..كل شئ بقي ضدي ومن كل ناحيه
زين شافه كدا ..مش محتاج كرم يتكلم عنه..عارف كرم انه قد المشاكل وكل المصاعب ومافيش اي حاجه بالكون يهزه او يهده..بس المره دي شكل الضربه جات قويه عليه..
زين:اتكلم ياخويا...احكي فضفض مالك؟؟
كرم طلب قهوه جديده..ولف على زين..
: انت عارف برجعة طارق..وانت اكتر شخص عارف ايه هو معنى طارق يرجع و المره شكلها للابد.. انت بقي ليك انك تتخيل بخيالك الواسع ان امه كمان جات معاه في البيت ..وكلهم ضدي حتى اخواتي في صفهم وشيفني غلطان..
زين : بس كل ده مش جديد عليك ولا ايه ؟؟
كرم عارف ان زين فاهمه: عارف مش جديد..بس المشكله كمان جوازي اتقلب من فوق لتحت..و المره دي كأني شايف مالهاش حل ..حاسس اني مربوط...لما اجيبها يمين تروح مني شمال..ولما اجيبها شمال تروح مني يمين..تعبت
زين: معليش اني بتدخل في حياتك..بس الغلط من مراتك ولا حد قاعد يضغط عليها..؟
كرم بحيره: والله ما انا عارف..هي جات من كل الجهات..
زين: وانت ناوي ع ايه؟؟؟..
كرم: ناوي اروح معاهم شرم ..يمكن يتعدل وضعي لما يتغير المكان والجو.. اتمنى النفسيه كمان تتغير والحال كمان يتغير
زين: انت بس خليك اقوى من كدا..ومهما تعكر صفو حياتك صدقني هيرجع زي ما كان بس انت اصبر وهدي نفسك وريحها وما تتخيلش الحياة سهله ..الحياة صعبه لانك ما تعرفش هي مخبيالك ايه بكره..فا انا بقولك خلي ايمانك قوي وتوكل على ربك..واصبر..وصدقني كل شي هيرجع زي ما كان واحسن..وبخصوص اخوك طارق حتى هو مع الايام ممكن يتغير اكيد مش هيفضل طارق الطايش طول حياته..
كرم بأمنيه: ربنا يسمع منك...مع اني شاكك في ده يحصل
زين ابتسم ابتسامه واسعه: الا على سيره شرم ليه ما تعزمنيش معاك..أجي انا وأهلي معاكم..
كرم رد له الابتسامه: والله تشرف..بالعكس محتاجلك معاي..واهلك بينبسطو معانا..لان كل العايله رايحه واكيد سالي هتاخد اخوها..وعمتي دايما معانا..جيبهم خليهم يغيرو جو..
زين: احم..اطمن انا راشق..جايبهم جايبهم ..مشتاق للبحر..اهو بشكيلو همومي "وغمز له وضحك"
كرم رفع فنجان القهوه وهو بيضحك: اظن عمرك ما جربت قهوه سخنه رايقه على دماغك..
زين قهقه: ههههههه لا والله عمري ما جربتها تخيل..
.........
دخلت ابتهال لفتون وشافت عندها ريهام..
: بنات نروح بعربيه؟
ريهام: ايوه صح بجد نسافر بعربيه ؟؟
فتون : العربيه احلى ..نلفها ونغير جو..
ريهام: ما سألناش صاحب الهديه..
ابتهال:ريهومه خلينا نسأله عشان نستعد للرحله..
فتون: ههههههه يا تري ايه ناويه عليه..
ابتهال تلعب بحواجبها: سر..للمراهقات فقط ههههههههه
فتون: ههههههه اهم حاجه انك معترفه ..
ريهام: لحظه اتصل بيه ..."واتصلت"...الووو طروقه..
طارق: يعني انا موجود في البيت عشان تتصلي بموبيلك ؟؟
ريهام: مستعجله وانا بالملحق ما اقدرش اتصل منه على اوضتك..
طارق: يعني عند فتون ؟؟
ريهام : ايوه..بس كنت بسألك هنسافر بعربيه ولا طياره.؟؟
طارق:لحظه..انا نازل لكم حالا ..
ريهام: طيب مستنياك......."وقفل بوشها" ماله ده ليه قفل في خلقتي..
ابتهال: ها قالك ايه ؟؟
ريهام: قالي جاي.
فتون بخضه : هنا !!!
ريهام: ايوه اكيد..
ثواني الا خبط ع الباب ودخل..
طارق: سلام..
الكل رد السلام..
طارق بص لفتون حاول يخفي ابتسامته الجانبيه..غصب عنه منين ما يشوفها يبتسم..
طارق برقه: ما صبحتش عليكي...صباح الخير..
فتون حست ان وشها قلب احمر وكارهه اللون ده يبان عليها: صباح النور..
ريهام: اخويا طارق بقي ذوق اسم الله عليه..
طارق بغرور:عشان تعرفي اني انسان راقي بكل المقاييس واي بنت فالكون تتمناني..
ابتهال قربت جنبه: والله لو تشوف البنات امبارح يا طارق ازاي ماتو عليك بتطير وتحلق في السما..
طارق ضحك من كل قلبه : ههههه لا متخافيش متعود على كدا..البنات دايما يطاردوني هههههه
فتون فتحت بؤها غصب عنها على ضحكته وغمازاته وابتسمت ابتسامه حلوه..
طارق جت عينه عليها وشاف ابتسامتها ونظرتها له ..وفجأه ئعد جنبها ..
وقال: النهارده نخلي فتون دلوعتنا بما انها مريضه تختار ..تحبي نروح عربيه.. ولاطياره..ولا قطر .."حط عينه بعينها"
فتون قلبها دق بقووووه..وحراره غريبه ملت كل جسمها قربه منها فظيع..مافيش حاجه تفصلهم واللي اكتر من كدا مقرب وشه منها جدا..
ريهام بصت ع ابتهال ...وابتهال ردة لها النظره مستغربين حركته..
بس اقرب تفكير جه في بالهم شاب طول حياته برى فحياته فري ..اكيد واخد عاداتهم وطبايعهم..
فتون ميته من الاحراج وحاولت تبعد جسمها شوي عنه: والله على راحتك انت..
طارق بأصرار: لا ..انا عاوز رايك انتي ..واللي يريحك انتي..
فتون: معرفش بس انا بحب العربيه وبحسها اكتر انبساط وكمان ناخد راحتنا وخصوصا شرم مش بعيده..
طارق : اوكي عربيه عربيه
ريهام ..مسكت ايده وسحبته وئعدت مكانه جنب فتون : تعبت من الوقفه..
فتون نزلت راسها ...اتحرجت من ريهام
طارق: شوف الحركات !! يعني عشان اختي كبيره امشيهالك ..
ريهام: ههه طيب خلاص تقدر تتفضل عاوزه اقول لفتون موضوع خاص..
طارق وقف عند الباب: اليوم كرامتي بقت صفر ..بس معليش عشان انا اليومين دول كريم وعطيكم هدايا وعامل ليكم مفاجأت مضطر اعدي ليكي كتير..بس اهم ما في الامر نريح النفسيات اوكي..واجهزوا عشان تطلع الرحله اوكي " وغمز لهم ونظراته كانت موجه لفتون "
وطلع وقفل الباب وراه..
ريهام لفت على فتون بسرعه: اخويا فري شويه..مش تدققي كتير..
فتون حاولت يكون الوضع عادي: لا عادي ..مقدره طبعه ...
ابتهال سكتت وما هضمتش الحركه ابدا..
>>>>>>>>>>...............>>>>>>>>>>>
طلع من الملحق ووقف عند بابها ورفع راسه للسماء وابتسم ابتسامه واسعه ...وحط ايده على قلبه اللي كان نازل دق بسرعه .."مجنون..انا عقلي فصل ..ازاي قربت منها للدرجه دي وقدام ريهام واختها !!...طروق المره الجايه انتبه لنفسك "
مشى كام خطوه وشاف كرم واقف وتعابير وشه ماليها الصدمه..
كرم اللي عاوزه يعرفه هو كان طالع من الملحق ولا بس واقف جنبه !!!!!!
طارق بلع ريقه ومشى جنبه ولا كأن حصلت حاجه ..مع ان قلبه دق خوف ..لانه فعلا عامل امر غلط ..وهو معترف بالغلط جواه.. وعقله رافضه ...
طارق عدي من جنب كرم
كرم مشى جنبه وبكل هدوء: اياك حتي تحاول...ولا تفكر انك تقرب للملحق ده...اظن مالكش حاجه فيه ..
طارق وقف ولف عليه وهو رافع حاجب: ليه يا اخ كرم ؟؟ لا يكون في حاجه في بالك وجاي تحطه فيا ؟؟
كرم: افهمها زي ما تحب..بس انا حذرتك.."ومشى وسابه"
طارق مات قهر: ده اللي بيعكر مزاجي ...
وغير طريقه...وقرر يطلع بعربيته ويغير جو...
>>>>>>>>>
>>>>>منه محمد >>>>>>>
اتجمع الكل بالقصر...
البنات حماسهم واصل القمه..
الهام:والله بنلفها حته حته لما ندوخ..نعوض الايام اللي جايه ...الامتحانات خلاص مفضلش عليها كتير..
نسمه: اهمه التعويض..
هبه: بنات اعلن اللف من اللحظه دي..ومش هنسيب مكان ولا بنخلي حاجه غير لما نعملها و نخربها..
ابتهال: وأعلن من ناحيتي الهبل بكل انواعه انا عنوانه...وابشركم كل المهارات هطلعها واطبقها عليكم..
الهام: ههههه يرحم امك الا مهاراتك نقصين تخلف..
ريماس: انا عن نفسي بعوض كل الايام اللي راحت لان ما عنديش حاجه اعوضها قدام..
ميسره مبسوطه معاهم بس ما علقتش..
لفت عليها ابتهال: نفسك تعلني حالة طوارئ ولا فيه امر نستعد له ..
ميسره: هههههه لا شكرا..خلي مواهبي مدفونه..
نسمه: اتمنى في يوم نشوفها ..
هبه: يارب نلحق قبل ما نموت..
رايكم (( البارت له تكمل?
