البارت 40
#المشكله_والعنيد
منه محمد
عيونه عليها .. مش قادر يرفعها .. حس برجفة ايديها ...
طارق: فتون انا .... انا ..
فتون بصتله بقوه ... مستنيه يكمل هلسه ...
كمل: فتون انا بحبك .........
فتون وكأن كهرباء صعقتها .. وبسرعه بعدت عنه وبقوه ...
طارق نزل عيونه... ما يقدرش يحطها بعينها بعد الاعتراف الخطير ده ..
اعترافه .. بكل المقايس ما يتقبلش ولا بأي مكان ولا في اي مجتمع.. ازاي المعتوه ده بيحبها وهي مرات اخوه ...؟؟
فتون مصدومه .. ضايعه .. مش قادره تفسر الامور كما يجب .. ايه الي ممكن تقدر تقول في موقف غبي زي ده ...؟؟؟
وبحده: طارق.............انت في وعيك ؟؟
طارق رفع عينه من كلمتها : ايوه... انا في كامل وعي.. فتون انتي ليه مش قادره تحسي بيا .. انا غصب عني حبيتك وانا عارف انك مستحيل تكوني لي ..اعمل ايه في قلبي اللي عاندني وحبك ... انا مافيش بنت في حياتي هزت شعره فيا .. لكن انتي حركتي كياني ..وحتى زلزلتيني سلبتيني كلي .. ما قدرتش القيك ..حواجز كتير اتخلقت بيني وبينك.. كأن القدر قاصد انه ما يجمعنا..... ولا ليه اللي احبها تطلع مرات اخويا ...؟؟؟؟
فتون جسمها كله اترعش ... طارق بيحبها !! يعني كانت نظرته ليها نظره تانيه .. هي الي اعتبرته اخ ... صديق ... بس هي في عينه حبيبه !!!!!
حطت ايدها على راسها وهي حاسه انها بتنهار: طارق انت مجنون ,..انت اكيد اتجننت ..
طارق رفع راسه لفوق شوي ياخد نفس ... ونزلها ورجع يبصلها وعيونه فيها دموع: انتي بتجرحيني ... انا بقولك عن مشاعري ! وانتي تتهميني بالجنون ..(صرخ) ايوه مجنون..انا مبقتش قادر اتحمل اكتر من كدا ... انا مجنون بيك افهميني ...
فتون لحد هنا وخلاص ممكن تفقد عقلها وتتجنن وتقتله !!!!!
طلعت من المطبخ لقت كرم في وشها
اختفى الدم من وشها ... الهواء الاوكسجين ... مابقتش قادره تتنفس وكأن النفس انقطع عنها ... من نظرات كرم ... نظرات كرم ليها الي موزعها بين الشك واليقين ..
وقف يبصلها شوي... ثواني ... وطارق واقف عند الباب ومكتف ايديه وبصله وهو رافع حاجب ..((منه محمد))
كرم رجع يبص لفتون ... فتون حست ان الالم رجع لها .. والمره دي ألمين .. ألم حمل.. والم قرب كرم منها .. وعلى طول وقعت قدامه
................>>>>>>>>>>>>>>>..............
فالمستشفى ...
فتحت عيونها ... شافت اهلها حواليها .. ابوها... اخوها ... ابتهال وهبه ونسمه وعمها سَيار..
ابتهال انتبهت لها : فتون .... صحيتي !!
فتون بتعب: انا فين ....؟
الكل قرب عليها.
فتحي: سلامتك يابنتي ..
فتون: الله يسلمك..
سَيار وبأبتسامه عريضه: سلامتك يا بنتي ... كدا تبقي حامل وما تفرحينا معاك ..
فتون فتحت عيونها بقوه.. بلعت ريقها .. الكل عارف انها حامل !!!!! بصت لوشوش الكل ... ابتهال والبنات مبتسمين ليها ..
ابتهال قربت منها وبعتب: فتون.. كنتي عارفه انك حامل ..؟
فتون ما كانش بالها معاهم.. كل تفكيرها في كرم ... اكيد عرف ياتري ايه ردة فعله ...!
كان واقف برى .. رايح جاي في الممر بقلق .. مش قادر يصدق... فتون حامل !!
يفرح ولا يحزن..!!
علاقته مع فتون سيئه جدا ..واللي بينهم مسافه كبيره .. معقول الحمل يجمعهم ويلم شملهم..!!
قاعد بعيد عن الكل ...على كراسي الانتظار..الخبر صدمه .. ويمكن اكتر شخص فاجأه.. الحمل معناه ارتباط كبير.. معناه يفقد الامل.. ومعناته حواجز اكبر واعرض واطول . معناته تأنيب ضمير اقوى ..!!! هيقدر يتخلى عنها .. قلبه هيقف عن الحياه لانه دق لها ..؟؟ ايه المفروض يعمله في اللحظه دي .ياتري ايه القرار اللي ممكن ياخده مع نفسه ..!!(( ترحل لا تجيلك مصيبه سهله ))
جه سامح ووقف جنبه: طارق !! قاعد هنا .. بابا وعمي بيسألو عنك..
طارق رفع راسه عليه: عاوزين حاجه ضروريه...؟
سامح :لا.. بس ما باركتش لفتون ... انت عرفت انها حامل ولا لا؟؟
طارق ابتسم بأسى : مبروك عليها .."ووقف" عندي شغل .. سلملي عليها ....باي.."ومشي"
.....
((في غرفه فتون))
نسمه: فتونه ياتري ولد ولا بنت...؟
هبه: يمكن بنت اموره زي بالظبط..
ابتهال: لا انا اتوقع بنت شبهي انا فرع الحلاوه.
هبه لفت على فتون: انتي حاسه انه ايه يافتون ولد ولا بنت..
فتون نفسيتها تعبانه.. نفسها تقولهم سبوني في حالي واخرجو ..
فتحي: مش شيفين البنت تعبانه..كفايه كلام فوق راسها..
سَيار: اصلا يله ارجعوا البيت.. قعدتكم هنا مالهاش اي لزمه..!!!
ابتهال: عمي ارجوك خلينا معاها شوي..
فتون حطت ايدها على ايد ابتهال: معليش يا قلبي..تعالوا بكره عندي..
ابتهال والبنات فهموا انها تعبانه ..وطلعوا ..فضل بالغرفه الا سامح جنبها ... وكرم ما اتجرأ ودخل قاعد على كرسي في الممر ...
وهما طالعين من المستشفى ...
فتحي : سَيار..
سَيار وقف: نعم ياخويا.
فتحي:سالي هنا ..؟ بنفس المستشفى ..؟
سَيار: ايوه هنا ..
فتحي: عاوز ازورها ينفع..
سَيار: طبعا ... "وبصوت عالي" بنات اركبوا العربيه ...عشر دقايق وجايين ..
البنات زاروها العصر ..
رجع سَيار وفتحي..
فتحي ..وقلبه يعصر أسى الماضي,..ذكريات كرت زي الشريط على باله...افتكر ألم الظلم .. وجع القهر ..ازاي الواحد يعيش طول عمره مغيب من جواه .. ولا في ايديه اي حاجه .. عاش طول حياته مخدوع وساكت غصب عنه .. وبسبب كل ده .. خسر حياته.. شبابه .. صحته.. فقد زوجته .. وشتت عياله .. عاش حياة كلها ذول واهانه .. وضاع عمره وهو فاقد مش فاكر منه اي خيال او طيف ابيض مغيب .. وما حسش باللي حواليه..
سالي واخوه .. سببوا له جرح مستحيل ينساه.. حتى لو سامح اخوه .. الاثر باقي في قلبه ومعتق.. محدش يرضى بالظلم وهوانه ..شاف الويل منهم ومن الزمن ..!!!
كل اللي قدر يعمله يتنهد علي الاطلال..اول ما عينه تيجي علي اخوه بس لازم يسامح لانه تعب وحيله اتهد وعمره راح وزوجته ماتت قهر وفقر وغلب.. واقف عند باب غرفة سالي .. وكأن سَيار بيسأله بعيونه مستعد ..!
فتحي هز دماغه: اتوكل ...
دخل سَيار الاول غطى جسمها كويس ..
: اتفضل ؟؟
دخل فتحي بخطوات تقيله .. جمعهم القدر من اول وجديد ..بس بحال مختلف.. فرقهم كان منزل راسه ذليل مطرود من بيتهم .. مقهور من جواه .. ودلوقت رجع لهم والفرق واضح .. هي طريحه فراش ماقادره تعمل اقل حركه ممكن يعملها الواحد وهو انه يشيل نفسه عن الناس .. دلوقت هي اضعف ما يكون مالهاش لا حول ولا قوه ... حتى الكلام .. عاجزه عنه ..
وهو مشاعره ناحيتها متبقاش منها الا الرحمه والشفقه والاسى بس ...
اتقدم وقرب منها ..حاول يبعد الصور القديمه .. ويحط بعينه صورة سالي حاليا ..اقتنع ان الزمن دار واخد حقه منها ..
سَيار: اتكلم معاها بتسمعك..
فتحي قرب اكتر وعينه فالارض: سالي ... انا فتحي ....فتحي ابن عمك ...
فجأه حسوا بأن جهاز دقات القلب بدء المؤشر يرتفع ...و الجهاز صفر ..
سَيار قرب من سالي ... شاف ملامحها اتغيرت ... اول مره تجلها الحاله دي من دخلتها المستشفى ... اول مره يبان تعبير على وشها..
كان واضح انها شاده على اعصابها.. وعاوزه تفتح عيونها .. او تتكلم بس مش قادره..
جات النيرس بسرعه.. واشرفت على حالتها ..
وطلبت منهم يطلعو برى لحد ما ترتاح المريضه!!!!!
سَيار: خلينا نرجع وبكره نزورها ..
فتحي: بس مالها...؟
سَيار: معرفش والله يا اخوي... اول مره يحصل معاها كدا ..كرم موجود مع سامح .. ان حصل حاجه هيبلغونا .. بس البنات تحت لوحدهم ..
وطلعوا من المستشفى وفتحي في صدمته من حالة سالي...!!!!
.....................................
في اجواء بعيده عن المشاكل ..اجمل مكان في الكون
الهدوء والراحه النفسيه هنا ... هنا كل مكان تكون موجود فيه ترتاح وتحس بالطمأنينه ... شعور لا يمكن يوصفه قلم..
ريهام : بجد كنت محتاجه زي الرحله دي .. دلوقت بس حاسه اني اقدر اتنفس براحه ..
عبد الرحمن وهو يتأمل الكعبه: مافيش مكان اطهر وانقى من المكان ده ..اللي يدخله قلبه يتعلق بيه ولا يرتاح الا لما يرجع يزوره تاني..
ريهام مشاعرها مع عبد الرحمن راحه اكتر من أي شعور تاني .. لسه ما حبيتهوش .. بس هو كل صفاته حلوه وتنحب.. حنين ..وهادي .. وكلامه مريح ..ومش بيرفض لها طلب ..
دعت ربها من كل قلبها .. انه ينسيها سامي عشان تخلص لعبد الرحمن حتي لو بأحساسها .. وانه يقدرها ويسعدها .. وتحقق له ويحقق لها معنى الحياة الزوجيه ... ويقدرو يتخطو مع بعض كل مصاعب الحياة ومشاكلها ..
واخلصت بدعوتها اكتر ... لامها .. ولفتون وكرم... وكل اهلها واحبابها ..
.....
اخر الليل ..
الساعه 12..
طلع من الملحق ياخد له كوبايه شاي .. وانصدم من وجوده لحد دلوقتي.
شكله يحزن جدا جدا ...نايم على الكرسي وواضح انه مش مرتاح بطريقة نومته..
قرب منه: كرم....كرم .
كرم بسرعه انتبه: ايوه..
سامح : ادخل البيت .. روح ارتاح .. ولما تصحا تعال..
كرم وقف شوي ومدد عضلاته حاسس كل جسمه مكسر.. تكييف المستشفى اثر عليه
سأله: فتون صاحيه ولا نايمه..
سامح: اظن نايمه .. مغمضه عيونها طول الوقت ..
كرم اتشجع و دخلها
ضروري يرتب حساباته.. خبر اليوم لخبط كل ترتيباته.. الموضوع ده بالذات حساس وما ينفعش مع الوضع الجديد..لازم يتحسم
دخل عليها بشويش.. شافها مغمضه عيونها بسلام..
من زمان ما شافهاش بموقف هادي.. بالعاده دايما يتخانق معاها .. وبمواقف جامده و قويه على قلبه واغلبها مع طارق..
حاول يبعد طارق عن عيونه دلوقت .. هو فرحان بالمولد الجديد.. ومتوقع انه بداية خير عليه ان شاء الله .. اكيد فتون فكرت زيه .. وناويه تصلح العلاقه ..
وقف جنب السرير اتأملها من فوق لتحت.. اشتاق لها كلها .. حبها لحد الان متغلغل جواه والحب سلطان القلوب بيدخل علينا زي الموت لا بيستأذن ولا بيدي انذار.. وعشان هي عشقه الوحيد مستحيل تغيب عن باله لحظه.. او حتى لو غفت عينه الا لما تزوره بحلمه ..هي واقعه.. وخياله.. هي حاضره وماضيه... هي اللي جددت حياته ولوحدها الي تقدر تنهيه..فتون انثى من كوكب تاني.. الوحيده اللي قدرت تدوب الجليد المغلف على قلبه .. وخلته يحبها بكل جوارجه بكل طاقته ..بس مع كل ده مش سعيد معاها ..
بص علي ايدها .. لمسها ... ومسكها... قربها لشفايفه وباسها برقه .. حس انه مخنوق.. ومن ضيقته مسجون وهي سجانه.. ومستحيل يتمنى ابدا انها تطلق سراحه..
حط ايدها بهدوء.. مش مستحمل يشوفها اكتر من كدا .. ما يتحملش يشوفها ويرجع كل خيوط الامل.. ولما تصحى تفاجأه نفس كل مره تصده وتصدمه بحقيقة الواقع...منه محمد
@@@@@
دخلت القصر..
وقعدت على الكراسي..اللي برى في الجنينه بس انتظارها طال
...: فينها دي؟؟ قالت في الطريق قريبه ولا جات ..
وانتبهت له طالع من القصر واضح من مشيته انه زهقان او شايل هم كبير!!!!!!...
لابس النظاره الشمسيه.. والشمس النهارده طالعه وبقوه وعاكسه عليه ..
شاف خضار الجنينه.. اتنفس بعمق.. يمكن يخفف التقل اللي على صدره.. ما راحش معاهم للمستشفى .. بأي منظر يشوفها من تاني.. حس ان الخبر كان قوي على قلبه اللي رافض يستوعبه من ليلة امبارح..
ولفت انتباهه واحده قاعده وبصاله.... قرب اكتر وعرفها ..
: شوق ...!!
وقرب لحد ما وقف قدامها..
: شوق... انتي هنا ..؟
شوق بلعت ريقها .. من زمان ما شافتهوش ولا قابلته ولا كلمته وجها لوجه من اخر موقف حصل بينهم ..
وقلبها بدء يدق بسرعه بس حاولت تجمع نفسها وتحسس نفسها ان وجوده ما يهمهاش : اهلا طارق.
طارق: اهلا بيكي... ليه قاعده لوحدك..
شوق:مستنيه اختك .
طارق قعد قصادها: شوق.. انا بجد متضايق ومش لاقي حد اشكيلو ..
شوق حست قلبها بيطلع من مكانه.. كلامه جي على القلب على طول ويدوس كمان.. وبسرعه رق وحن له ..هي حاولت تتحكم في مشاعرها وهي معاه .. بس لما اتكلم معاها ما قدرتش تمنع نبض قلبها له .. وما هانش عليها تشوفه كدا.. بجد واضح انه جبال على قلبه
قالت: مالك ... ليه متضايق ..؟
طارق ما صدق انها تفتحله مجال يتكلم: انا وبصراحه مش عارف اذا انا متضايق من نفسي . ولا من اللي حواليا .. ولا من حظي اللي مش قادر يسعدني ..
شوق أتفاعلت معاه ... ما تقدرش تشوفه بالحال ده وتكون بارده ..
وبحنيه:قولي .. اتكلم معايا.. يمكن اقدر اساعدك..!!
طارق اتنهد وبص لشوق .. اللي مش شايفه تعابير عيونه بسبب النظارات..
طارق: انا بشر... ومن حقي احب أي شخص فالكون ده حالي حال غيري.. ومحدش له الحق يمنعني... بس ليه اخترتها وحبيتها من كل قلبي من اول نظره يمنعوني عنها !! ليه ما اقدرش اقرب منها .. او اتكلم معاها.. ولو عملت كدا يحاسبوني.. ليه القدر حال بيني وبينها .. وما يقدرش يجمعني معاها لحظه حتى لو في منامي.. اقدر اتخطى الحدود.. واتخطيت منها .. بس قلبي مش مرتاح.. مش متطمن..عارف ومقتنع في النهايه انها مش لي .. وفاقد الامل انها حتى لو في المستقبل البعيد تكون لي .. انا اذنبت في ايه..؟؟ غلطت بايه ..؟ كل اللي محتاجه حبها لي .. ومستعد ابيع الدنيا كلها واشتري راحتها..تعرفي يا شوق لما قلت لها عن مشاعري قالت عني ايه ..؟؟ قالتلي انت مجنون !!! انا بقيت مجنون لاني بس حبيتها من بين كل البشر .. مافيش حد قادر يقف بصفي ..ويقولي يا طارق.. حبها .. وأعشقها وهيم فيها .. وبالنهايه تقدر تاخدها وتتجوزها وتهرب بيها بعيد عن الناس..
شوق دمعت عينها عليه .. وعليها .. وكأنهم في مسأله عويصه .. هي بتجري ورى حب مستحيل .. وهو بيجري ورى حب مستحيل برضو..معادله صعبه
وكل ما زاد حبها له .. كل ما زاد تمسكه باللي بيحبها .. ومين حب !!! فتون مرات اخوه ......
شوق حاولت تكون طبيعيه: انا ما اقدرش ألومك واقولك غلطت في حبك .. بس احنا ساعات بنغلط في اختيارنا للشخص نفسه..مثلا عندك انا ع اتغيرت عشان شخص مستحيل حتي يبصلي.. ايه ذنبي في اني حبيته .. قلبنا ما نقدرش نتحكم فيه.. بس نقدر نتحكم بمشاعرنا .. وتصرفاتنا.. ونتكلم بمنطق شوي.. ونرجع نعيش الواقع المعقول .. انت حبيت واحده .. لكن هي في وضع صعب عليها تحبك.. شفت موضوعك من زاويا واحده.. لكن هي عندها كام زاويه .. اولا هي بتحب جوزها .. ثانيا حتى لو حبتك في يوما ما.. ما تقدرش تكون ليك لانها مش ملك نفسها مربوطه يعني الحكايه معقده من جميع الجهات.. انا ما بقولكش الكلام ده من باب اني اتفلسف عليك او حابه اقولك كلام وحروف منسقه والسلام.. بقولك الكلام ده عشان اوضح لك .. ان مش كل شئ نتمناه يقدر القدر يحققه لينا .. قدرك.. وقدري .. وقدر اللي حبيتها كلهم مستحيل يتقبلو. وحتى لو تتمنى انه يتغير مستحيل تقدر .. ده نصيبك من الدنيا.. ولازم تكون راضي بيه ..
طارق بصلها كتير.. بنظرة شكر وعرفان.. ولا بنظرة كره وحقد..مش عارف يشكرها على انها ريحته بكلامها ولا يكرهها لانها بعدت حلمه عن عيونه.. وصعبت عليه كل المسافات..
طارق :تتوقعي مني اوقف عن حبها ...؟
شوق: الشخص النبيل هو اللي يضحي .. ضحي بحبك عشانها.. عشان تقدر تكمل حياتها..
طارق وقف ودخل ايده تحت النظاره يلحق يمسح دمعته قبل ما تشوفها شوق : بس انا اسف .. مستحيل اتخلي عنها بالسهوله دي.. حفضل متمسك بيها لحد مااخدها . اصلن اللي معاها ما يستاهلهاش..
شوق انصدمت من كلامه وقفت: طارق انت بتتكلم بجد !! ده مهما كان اخوك ..؟
طارق : اخوي مين ...!! ده ابن البريطانيه ...."ومشي"
شوق ما استوعبتش لا كلامه ولا اخر جمله نطقها : ابن البريطانيه ..؟؟؟؟؟
رجعت تبصله من تاني وهو ماشي بخطوات سريعه وطلع بعربيته من القصر بصوره اسرع..
ئعد شوق مذهوله.. مش مصدقه .. وحتى الفهم مش قادره تفهم قصده.. هو يقصد ان كرم مش اخوه؟؟ ولا ليها معنى تاني ...؟؟
اخدت شنطتها تطلع من القصر.. مش حابه تصادف نسمه .. وتحط نفسها في وضع تحقيق وهي كمان لسه ما استقرتش على بر..
وهي في طريقها ماشيه .. اتفتحت بوابه القصر الكبيره .. ودخلت منها عربيه سَيار .. وعربيه سامح..
لعنت حظها اللي فعلا حست انه يكسر الصخر من قوة وقعته..
نزلت نسمه والبنات معاها بسرعه ورحولها..
نسمه ضمتها: شوق وحشتيني والله .. من اول الاجازه واحنا مش بنشوف بعض زي الاول كنا كل يوم مع بعض..
شوق حاولت قد ما تقدر تكون طبيعيه..: ايوه.. ان شاء الله نتقابل بقي فالجامعه..
نسمه بعدت عنها: ان شاء الله..
ابتهال: ها شوق لا يكونا أتأخرنا عليك..
شوق: لالا عادي..فتون ايه اخبارها ...
هبه وهي تبوسها: بتسلم عليك.. انتي عامله ايه..؟
شوق: بخير..
دخل الكل جوه القصر..
والبنات على طول طلعوا لغرفه نسمه..
وكانت ابتهال وهبه بيتخانقو مع بعض..
ابتهال: في الاول ياحلوه يا اموره يا مسمسمه قوليلي كنتي بتقولي ايه لسامح واديكي موبايلك..
هبه: والله ما قلت حاجه.. اديني يا رخمه موبايلي بسرعه..
ابتهال: لو تموتي .. بسرعه اتكلمي.. طيب هو كان عاوز منك ايه..
هبه حطت ايدها في وسطها: بتول ... وبعدين !!
ابتهال تقلدها: ولا قبلين..
هبه اتعصبت: بتول .. يارب اجوزك واخلص منك..
نسمه: هههه يرحم امكم شوي هدوء.. يمين بالله طبلة ودني بحتاجها..
هبه: شوق قوللها تديني يمكن تتكسف منك
شوق مش معاهم ..
هبه قربت: شوق ..
شوق رفعت راسها وملامحها جاده: نعم ..
نسمه وجعها قلبها .. شوق فعلا من اول ما دخلت وهي مش طبيعيه وساكته: شوق مالك؟؟؟...
شوق خافت: ولا حاجه!! مالي يعني ..؟
نسمه بتأكدت: والله فيك حاجه .. شوق ارجوكي قوليلي..
شوق سكتت.. متردده تقول... هما عارفين ولا ؟ معقول عارفين ومخبين الموضوع.. ولا اصلا ما يعرفوش عنه حاجه ..؟؟
هبه وابتهال سكتو... وبصو لنسمه..
ابتهال شاورت لها بمعنى " مالها "؟
نسمه رفعت كتافها وعيونها عليها " بمعنى معرفش "
هبه ئعدت جنبها من الجهه التانيه : والله قلبي وقع من الخوف.. شوق قوللنا وريحينا ..
شوق اخدت نفس وقررت تقول واللي يحصل يحصل بقي.
شوق بحيره: بنات .. انا مش عارفه .. سمعت خبر ومش متأكده منه .. وحتى ما اعرفش اذا كنتوا تعرفوه ولا لأ ؟؟؟
التلاته بصو لبعض وكلهم اختفى الدم من وشهم ..
#المشكله_والعنيد
منه محمد
شوق : كرم اخوكم.. يعني بيكون شقيقك ؟؟؟ ولا من امك وابوك...؟؟
نسمه برقت بعيونها
نسمه: شوق جايبه الكلام ده منين ؟؟
هبه: شوق انتي كلامك بجد ولا مقلب...
شوق بجديه: والله جد .. الموضوع كله مافيش مجال للهزار..اظن كدا ما كانش عندكم خبر .. ان كرم اخوكم بس ..مش شقيق
ابتهال بلعت ريقها خبر زي ده يوقف القلب من صدمته..ازاي محدش يعرف عنه: شوق انتي متأكده ...!
شوق: ايوه متأكده ..
نسمه حاولت تجمع نفسها وما تبكيش: ومين قالك ؟؟؟
شوق: طارق...ومن قبل شوي ..
هبه بجديه: حرفيا قالك كدا ..؟
شوق: عشان كدا انا محتاره .. هو قال بالحرف الواحد مين اخويا .. ده ابن البريطانيه
نسمه حطت ايدها على بؤها تمنع شهقتها ..
هبه مش مصدقه: لا ... اكيد بيهزر... بابا وماما عمرهم ما حكو عن الموضوع ده..
ابتهال بمنطق:هبه... اللي خلاهم يخبو عليكم ان عندكم عم سنين يخليهم يخبو عليكم ان كرم من ام تانيه ..
نسمه بصت لابتهال وكأنها بتقولها ارجوكي ما تأكديش علي الموضوع..
هبه: انا مستحيل اافضل ساكته ...رايحه اتأكد منه..
طلعت من غرفتها...شوي حصلوها البنات كلهم ..
هبه دخلت على ابوها وعمها وسامح اللي كانوا غرقانين فالكلام.. وبصولها مبتسمين ... بس عيونها اللي كانت مليانه دموع كتيره ومخيفه
سامح خاف: هبه فيكي ايه ..؟
هبه وقفت قدام التلاته : انا عاوزه اعرف الحقيقه .. كفايه صدمات بحياتنا.. وكل يوم نكتشف حاجه بالصدفه .. تعبنا واحنا طالعين زي الاغبياء بالعايله دي ..
سَيار اتعصب جدا: ايه اللهجه دي اللي بتكلمي بيها ابوك دي!!
فتحي حط ايده عليه: هدي نفسك يا ابو كرم.. وخلينا نفهم الموضوع..
وشافوا الثلاثه صافين وراها.. وكلهم عندهم نفس الموضوع..
هبه بصوت عالي شويه: حقيقة عمي اللي خفيتوها سنين و بلعناها وهضمناها وسكتنا ولا اتكلمنا .. بس تطلع حياتنا كلها ألغاز واسرار.. ما نقدرش نسكت ... وعاوزين الحقيقه ..
سامح ما تحملش طريقة كلامها الجريئه على ابوها وتاني حاجه عاوز يفهم الموضوع: ادخلي في الموضوع يا هبه ..
هبه بدموع: كرم اخويا ...
سَيار قلبه وقف.. الا الموضوع ده اللي ما يحبش مهما كان حد يعرف عنه....!!!!
فتحي سكت ونزل راسه ... عرف انهم عرفوا بالحقيقه ..
هبه كملت : كرم.. مش اخويا من امي ...؟؟
سامح انصدم ... ولف على عمه و ابوه ... لو فعلا كرم مش من سالي ليه محدش اتكلم .....؟؟
سَيار حاول يتكلم بس ما قدرش ..الكلام صعب
فتحي اتكلم: ومين اللي قالك عن الموضوع ده ..؟
هبه: ما يهمش مين قاله.."ونزلت دموعها" وكل اللي محتاجه اعرفه هو فعلا مش من امي .. امه مش سالي !!! حد يفهمني ارجوكم ....
سَيار حاول تطلع معاه الحروف ما قدرش .. حاول لكن ما قدرش ينطقها صعبه.. ونزل راسه ..
نسمه ركعت تحت رجوله : بابا.. بليز اتكلم .. مش معقول ما تقولولناش .. ليه تخبو علينا ...!
فتحي حس بأخوه مفيش امل يتكلم: ايوه ... كرم اخوكم من ام تانيه ..
نسمه رفعت راسها على عمها وكأنها كانت مستنيهم يكذبو الخبر وما يأكدوهوش..
نسمه : عمي... انت بتتكلم جد ...؟
فتحي: ايوه يا بنتي .. ابوكي كان متجوز واحده قبل امك.. وجاب منها كرم وماتت..
سامح بلع ريقه.. صح ولا تفرق معاه .. بس مهما كان صدمه على البنات..
هبه ارتاحت شوي .. على الاقل اعترفوا.. لكن لسه الصدمه مأثره عليها ..
شخص طول حياتها عاشت معاه على ان امه هي امها .. واحساسه نفس احساسها .. ما يفرقش عنهم بحاجه ..
هبه بشده: وليه ما قلتولناش من الاول ..
فتحي : ابوك في الفتره اللي فاتت ما حبش يقول عشان محدش يفرق بينكم وبينه .. وراحت السنين والمستور بقى مستور ..
نسمه لفت لهبه وكأنها بتسألها انتي مصدقه الكلام اللي بيقولوه ؟؟؟
هبه حبت تثبت لها : عشان كدا علاقته مع امي سيئه وطارق دايما ضده... عشان كدا هو معزول عننا وساعات بحس اني ما عرفهوش .. ليه ما قلتولناش على الاقل كنا نعذروه و نبرر تصرفاته.. ومش نفهمها غلط.. على الاقل نقدر مشاعره ومحدش يلومه .. على الاقل نشوف الحقيقه بعيونا .. نشوف ازاي امي فرقت بينه وبين طارق وكنا نسأل نفسنا ليه ... عشان نعرف ليه شخصيته كانت جامده ولا يقدر يضحك الا في لحظه ويسرعها وفي لحظه تختفي ..
وسمعوا باب القصر يتفتح ... ودخل منه زي عادته .. راحلهم..
حس ان في امر غريب .. ابتهال واقفه وجنبها شوق ووششهم لونها مخطوف..
هبه دموعها على خدها .. وبصاله بنظرات غريبه ..
نسمه قاعده تحت رجول ابوها وتبكي .. عمه فتحي منزل راسه ..
وسامح الوحيد اللي مثل ولا كأن حصلت اي حاجه من شويه .. ومع ذلك واضح عليه ..
كرم: السلام عليكم ..
مفيش حد منهم رد السلام .. قرب ومشي بخطوات عندهم اكتر ..
بقلق: فيكم ايه !!! فتون حصلها حاجه ..؟
محدش رد..
سأل: سالي حصلها حاجه ..؟
هبه سمعت اسم سالي على لسانه عرفت ... ليه ما بيقولهاش امي
من زمان كان يقولها سالي ومحدش انتبه خالص .. ليه كانوا مغمضين..
لفت وبصتله... مهما كان ... مهما حصل.. هو اخوها .. وحتى لو مش اخوها ... هتفضل تحبه وهيفضل غالي عندها
بصلها كرم مستغرب نظراتها .. حط شنطة الشغل على جنب وثواني ماحسش الا هي طايره جوه حضنه وضامه بقوه ..
هبه: كرم.. ربنا ما يحرمنا منك .. والله والله ان محبتك في قلبي بتكبر ومستحيل تصغر .. انت كبيرنا .. انت عظيمنا .. انت اللي ربنا ما خلقش منه اتنين ...
كرم مش قادر يبدالها الحضن من الصدمه... شاف وشوش البقيه محتاج حد يفهمه .. بس مفيش اجابه ... يقولوله ايه بس... مافيش كلمه تتقال ولا حاجه تتشرح ولا تترجم !!!!!
كرم بعد هبه عنه: هبه... قوليلي مالك ...؟
هبه مسكت ايده وئعدته.
جات نسمه وباست دماغه : انت سندنا من بعد ابويا ربنا يطولنا بعمره ..
كرم بيكره يكون الغبي الوحيد بالحكايه: ممكن تفهموني ..
سَيار من غير ما يحط عينه بعين كرم: عرفوا ... ان امك مش سالي..
كرم اتصدم .. حس ان قلبه وقف .. بلع ريقه .. بجد جواه ما كانش نفسه حد يعرف عنه كدا!!! ..
شاف هبه بصاله بحب: والله مفيش حاجه اتغيرت .. بس كل اللي كنا عاوزين نعرفه اللي بيدور حوالينا .. وليه كانوا مخبين علينا ..
نسمه: والله ما تفرق... انت هتفضل كرم اخونا الغالي ..الكبير
كرم عقد حواجبه... حزن انهم عرفه.. مش عاوزه نظرة شفقه ولا رحمه او كل ما يشافوه او حصل موقف يفتكروا انه اخوهم من ام تانيه ..
سأل: ومين الي قال لكم ...؟
هبه: طارق
سَيار رفع راسه بقوه... كرم عصبيته وصلت حدها ... طارق زودها كتير وبقوه.
.......
بأخر الليل..
كان قاعد مستنيه.. واعصابه مشدوده على الاخر .. وطول وقته يحرق في سجاير كتير...الفتره دي بيدخن كتير .. اعصابه تلفت في الاسابيع اللي فاتت..
دخل القصر..
وما شافش حد .. بس لفت انتباهه كتلة الدخان المتجمعه بمكان فالصاله ... قرب عليه وبدون اهتمام..
....: بشويش على نفسك وعلينا .. الجو اتلوث.. "وشاف طفاية السجاير كانت مليانه"
وحس ان كرم في حاله غضب مخيفه .. حتى ملامحه واضح عليها ... بلع ريقه وهو بيحاول يوصل لسبب الحاله اللي هو فيها ..
كرم: اظن انت الشخص الوحيد اللي مُصر يلوث حياتي مش الدخان ."وحطها بالطفايه وقرب منه" طارق هسألك سؤال واحد وصريح وعاوز منك تجاوبني عليه بصراحه..
طارق رجع كام خطوه علي ورى لان كرم قرب منه كتير ودقات قلبه زادت .. ومنتظره يكمل كلامه..
كرم جز سنانه بغضب اسود: انت عاوز مني ايه ...؟؟ عاوز ايه من حياتي ..؟ ليه مش سيبني في حالي .. وتسبني اعيش مرتاح ومبسوط ..؟
طارق بعدم فهم لقصده :وايه مناسبة السؤال ده .. وانا مالي بيك اصلا عيش حياتك حد قالك اني ماسكها ..
كرم: انت عاوز تدمرني !! عاوز تشوفني مكسور وذليل ... لو دي غايتك قولي عشان افهم وارتاح ..!!!
طارق حس ان كرم خلاص طلع من طوره ولا حب يلعب معاه خايف يعمل فيه حاجه : انت تقصد ايه بالظبط ...؟
كرم: ليه قلت للبنات اني مش اخوهم من امهم ...؟؟
طارق افتكر دلوقت : طيب واذا عرفوا.. مش دي الحقيقه ...؟
كرم بدء ينفعل: انت بتستهبل ولا بتحاول ... ما تلعبش معايا يا طارق
طارق راح الخوف منه طالما سيرة فتون مش في الموضوع : والله يا كرم باشا.. اذا ما عرفوش النهارده هيعرفو بكره .. ليه نأجل المواضيع ..
كرم زعق: طارق قولي عاوز مني ايه ..؟؟ بس محتاج افهم ليه بتكرهني للدرجه دي ...؟
طارق: انا ما بكرهكش.. ولا حاقد عليك.. ولا عاوز منك حاجه .. وعلى الموضوع اللي بتتكلم عنه .. قلت لك مسيرهم يعرفوه ..هنفضل لحد امتى واحنا بنخبي عليهم ..
كرم بتهديد: طارق صدقني انا مش عاوز اضرك .. ولا عاوز اتهور عليك .. انت في النهايه صغير وطايش .. والبنات لما عرفوا ولا حتي اهتموا ولا فرق معاهم الموضوع من اصله.. بس حاجه كانت سر طول العمر .. مالوش داعي تقولها ..."وبحركه مفاجأه حط ايده على كتفه"طارق اللي بعد وشه على باله بيضربه ..
كرم ضحك بأستهزاء.. وبعدها اتكلم بجديه حازمه: وده تاني انذار ليك يا طارق .. التالت صدقني ما بيعديش كدا على خير ..."وبعد عنه"طارق غمض عيونه براحه ... بس لما بعد عنه بصله بتحدي ولنفسه "برضه هعمل اللي يعجبني ... وأعلى مافي خيلك يا كرم اركبه "
.......
اليوم اللي بعده طلعت فتون من المستشفى ..
وبالقصر..
وبالملحق الخارجي .. البنات قاعدين ويبصو لبعض.. ومترددين ..
فتون سندت نفسها على سريرها.. الدكتوره قالت لها تخفف من حركتها وترتاح قد ما تقدر ..
انتبهت لنظراتهم لبعض..
سالت: عندكم ايه.. قولوه بسرعه ..
ابتهال بصت لهبه ... وبعدها راحت لها وئعدت على سريرها
ابتهال: فتون .. عندنا حاجه ولازم تعرفيها..
نسمه وهبه بسرعه قربو عندها وئعدوا من الناحيه التانيه من السرير..
فتون بترقب: قولوا... والله بدئت اخاف..
ابتهال:تفتكري الخبر ممكن يأثر على حملك !!
فتون بجديه: بلاش هبل... اتكلموا والله تعبت ...
نسمه: هو الموضوع... عن كرم..
فتون عقدت حواجبها: ماله كرم ؟؟؟
ابتهال: من قريب عرفنا سر في العايله وكانو مخبينه لسنين ...
هبه: يمكن يصدمك شوي .. بس شوفي والله عادي .. احنا اقرب ناس له ارتحنا لما عرفنا اكتر من الاول ...
فتون اتنهدت: شوفي اعصابي مبقاش فيها اعصاب تتحمل حاجه اتكلموا بسرعه ولا اسكتوا ..
ابتهال: ايوه... احم... تعرفي ان كرم... طلع مش من ... من.. اقصد طلعت امه مش ... سالي....!
فتون ارتاحت لما سمعت الخبر وارتاح قلبها : ايوه عارفه ..
نسمه وهبه مع بعض: بجد !!!
ابتهال: كنتي تعرفي وساكته ...؟
فتون: كرم قالي انه سر اقولهولكم ليه ..؟؟
هبه: ولا انصدمتي ...
فتون: في البدايه انصدمت بس ارتحت اكتر.. كنت بكره تصرفاته مع امه سالي... بس لما قالي على الاقل ريحني ..
نسمه: واحنا نفس الارتياح..كنا نستغرب العلاقه بينه وبين امي .. بس لما عرفنا ارتحنا.. لان امي اصلا معاملتها معاه مش كويسه ..
فتون: كرم اخوكم مهما حصل منه.. او جه منه بيفضل اخوكم .. هو انسان حنين وطيب.. بس ساعات ما يعرفش يعبر عن اهتمامه الا بطريقته .. وطريقته ساعات بتكون قاسيه .. لازم اللي يحبه ويحب يستمر معاه يفهمه.. وبيكتشف ان قلبه مليان حب لدرجه اوقات ما يعرفش ازاي يعبر عنه ..
التلاته سكتوا وبصو ابعض...ويتسألو .. اذا بتحبه لدرجه دي وعارفه شخصيته اهو.. ليه ما ترجعلوش .....؟؟؟
فتون حست بيهم : يمكن لولا الحمل كنت اطلقت منه.. مش عيب فيه .. بس لاني انا الي ما استاهلهوش ... كرم يستاهل اللي احسن مني ..
نسمه بخوف:: طلاق !!! انتي بجد بتفكري فيه ..
هبه: كان اخويا يموت ... ارجوك متفكريش كدا ...
فتون حطت ايدها على بطنها: ده الي ربطني .. انا مقصره معاه .. ولا اقدر اقدم له أي حاجه .. من حقه يعيش حياته ...واسهلها عليه!!!
دخلت عليهم الخدامه بعد ما خبطت الباب وقالت لهم ان العشي جاهز..
فتون: يالا روحو اتعشوا.. ابتهال قولي لهم يجيبوا لي العشي هنا ..
ابتهال: اوكي..
وطلعوا التلاته..
وهما بالطريق رايحين القصر..
نسمه: بالله يا ابتهال ايه رايك بكلام اختك ...
هبه: مش معقول اللي بتفكر فيه ...
ابتهال وقفت عند البوابه: والله اختي ماعارفه بتفكر ازاي...كرم .. بيحبها وبيموت فيها وتفكر تسيبه وتتطلق منه ..
واتفتح الباب..
بصلهم شوي بعدين مشي
نسمه تناديه: طارق.. مش حتحضر العشي معانا ..
طارق لوح لهم بأيده من بعيد .. من غير ما يتكلم بأنه مش عاوز ... وطلع بعربيته..
ودخلوا مع بعض...وهما ملاحظين ان التوتر اللي بين طارق وكرم اليومين زايد ..
.....
بعد عده ايام..
جواز ابتهال وعلاء الليله ... الكل فرحان ومبسوط ليها ...
وبالقاعه..
الدنيا مليانه وزحمه..فتحي محبش فرح بنته يكون مختصر كفايه عليه ما شافش فتون وهي عروسه وفرحانه ..
سَيار اللي أيد وشجع اخوه على انه يعمل لابتهال فرح كبير.. وهي اصلا ملهاش علاقه بسالي...
كانت فرحة الكل مكتمله الا من غياب ريهام اللي فقدوها بجد..
وبنفس الوقت فرحانين انها طلعت من جوها القديم وبدئت تشوف الحياة بنظره تانيه .. نظره كلها تفائل .. وماليها الحب..
هبه: بنات خلونا نطلع عند ابتهال عند الكوافيره. نفسي اشوفها لما خصلت من الميك اب والتسريحه..
الهام: والله حتى انا .. متشوقه اشوفها ..
نسمه: اختك ريماس فين؟؟؟؟ ....
الهام اتنهدت .. وهي بتفتكر حال اختها ...مياده حجزت لها عند الدكتور ورفضت تروحلو نهائي... وكانت ردة فعلها عنيفه جدا.. وبقت حبيسة غرفتها.. وسجينة الوحده والضلمه .. مبقتش تحب تئقعد مع حد ..ولا تتكلم مع حد ولا حتى تشوفهم.. استسلمت من الحياة ... و بتتمنى حاجه واحده الا الموت يجي وياخدها.
ردت بعد صمت طويل: فالبيت تعبانه ..."وهي طالعه السلم شافت امها ووشها الي الود وده يضحك ويبتسم عشان فرح بنت الغالي .. لكن قلب الام القلقان ما يقدرش .."
مياده احتارت في حال بنتها .... ياتري ايه اللي غيرها ومرضها نفسها تلاقي اجابه.. مش معقول انه من بعد عقابها حصل معاها كداا .. لان كان وضعها طبيعي .. بس هي اكيد بسبب حادثه سالي لانها دايما تردد " دي طنط سالي في لحظه وقدام عيونا حصل ليها كدا انتو بقي ضامنين حياتكم وتطلعو وتدخلو عادي "
اتنهدت لما سمعت ضحك البنات اللي رج القاعه.. كلهم عايشين حياتهم الا بنتها ..
صحاها ايد فتون الي اتحطت على كتفها: عمتي.. في ناس بيسألو عنك ..
مياده لفت: اه رايحلهم حبيبتي ... بس انتي ما تتعبيش نفسك ماشي ...؟؟
فتون ابتسمت بمحبه لاهتمام عمتها: اطمني ...
....منه محمد
وعند ابتهال ..
البنات واقفين صافين بأخر الغرفه .. ويبصو لـ ابتهال وهي بتتصور لوحدها قبل العريس ما يطلعلها عشان تهبل براحتها .. وكانت كل صوره احلى من التانيه ..رغم حركتها
والمره دي شكلها غير .. كبرت فجأه.. وبقت عروسه بفستان ابيض كبير .. ولا كأنها ابتهال اللي امبارح كانت تضحك بجنون خوف من الليله دي ..
نسمه بهمس والدموع خانقتها: ماشاء الله عليها قمر..
هبه: بجد متغيره ... ولاكأنها ابتهال..
شوق: حتى صورها روعه ,,,
ميسره: عاوزين نتصور معاها,,
شهد كانت تساعدها: قمر خسمه وخميسه عليكي ..
ابتهال ابتسمت ابتسامه هاديه: هبله.. اعقلي وأبعدي عني ..
شهد: نفسي ابوسك.. بس هأجلها لبعدين .."ومسحت دمعتها "
ابتهال وهي تبعد عيونها عن شهد: بنات اللي هتعيط تتفضل .. انا ماسكه نفسي بالعافيه..
نسمه سمعت ابتهال جابت سيره العياط ونزلت دمعتها وطلعت..
هبه: يؤ... شكل اليوم حفله الدموع ولا بتخلص خزانات هتنزل..
وكمل المصور تصوير.. واخدوا معاها كام صوره .. ونسمه اللي رجعت بعد ما هديت وظبطت مكياجها واتصورت معاها كمان.. حتى فتون اتصلوا بيها تطلع عشان تاخد لها كام صوره مع ابتهال ولوحدها ..
مرام دخلت عليهم اللي كانت طول اليوم مشغوله مع امها : اوه ..اوه بس على الجمال كله ... اخوي الله يعينك الليله..
البنات ضحكوا...
ابتهال ما قدرتش تضحك.. جسمها كله يترعش..عمرها ما انحطت بموقف حساس زي اليوم ده.. دايما تقلب الامور على طول ضحك الا المره دي.. عجزت تتجاوز خوفها ..
فتون نزلت: انتبهوا لها .. شوي ونزفها .. وعاوزين الزفه حلوه ومن غير دموع يا حلويات..
شوق: فتون.. قولي لنفسك .. شوفي كحلك سايل من على جنب..
فتون : ههه مشكلتي مكشوفه.. بس انتوا ما تدققوش اوكي .. عشان الناس اللي بترتعش هنا ..
شوق قعدت جنب ابتهال ومسكت ايدها: بتوله.. خوفك طبيعي.. بس بلاش يتجاوز حدوده.. هي تجربه جديده عليكي .. بس خليها ذكرى حلوه..
نسمه بألش: مش عاوزين نفتكر حركات ونضحك عليكي..
هبه: ابتهال .."سمايل" شوي ... محتاجين ابتسامه..
ابتهال ابتسمت ابتسامه وكأنها مغصوبه: كدا !! ولا اوسع شوي
شهد: على حسب الطلب هههههههه
مرام زقتها بكوعها: بتول ... اخوي والله طيب وحنين وبيقدر المراءه ماتخافيش وغمزتها ..
ابتهال: طيب اسكتوا شوي ... محتاجه اركز...
نسمه: ما كفاهاش تركيز من امبارح ما نامتش هههههه
شوق ضمتها: خلاص ارجوكم خلوها شوي ..
نسمه داست رجل شوق بخفيف:ابعدي عنها بسرعه ..
شوق: ههههه دلوقت غيرانه عليا ولا عليها ..
نسمه حطت ايدها علي بؤها : بس ولا كلمه ..
الهام صفرت: احلى شديد هههههههه
>>>>>>>>>>>>>>>>>>>>>>>>>>>
وعند الرجاله..
علاء واقف طول الوقت وبيسلم على الناس..بعد مرحله التصوير وجنبه سامح كرم طارق..
علاء: هما مش ناوين يخلوني ائعد شوي ارتاح..
سامح: مالكش امل .. وبعد شوي بينهد حيلك عشان الرقص .. واذا ما هدكش الرقص عيون الحريم بتموتك هههه
علاء بصله : طيب انت مفيش امل ترفع معنوياتي ..
سامح رفع ايديه: مالي انا .. حد قالك اتجوز يا بابا ..
علاء: هههه طيب هي اختك..
سامح: حتى اختي .. انا جبرتك عليها هههه
كرم: سامح شكلك شارب حاجه هههههه
سامح ضحك: لا بس متحمس شويه ..
طارق: شوي وتنزف يا علاء استعد يا بطل ..
علاء: والله ما عملتش فيا خير يوم ما قلتلي ..
سامح مد البوز بتكشيره: عيب .. ده انت ظابط..
علاء: الجواز اكبر من منصب الظابط ههههههه
.......في اول القاعه .....
ابتهال واقفه بأولها.. وعلاء في اخرها والنور اتسلط عليها والانوار الباقيه طفت ..
الدنيا ماليها اللون الازرق البحري.. وتلمع زي لمعه النجوم.. وابتهال كأنها دانة البحر .. بتلمع بلمعة الؤلؤ.. وتشبهها في كل حاجه..
ابتسمت للكاميرا ..ومع ابتسامتها كأن الشمس شرقت للدنيا .. بنور البرائه والمحبه والسلام..
وبدئت تنزف على نغمات حلوه.. وممزوجه بصوت البحر.. كانت رووووعه قليله بحقها.. ومؤثره بنفس الوقت .. الكل كان يبصلها .. ومبهور بيها...
ام علاء ومرام..بصلها بأعجاب .. وفعلا دي اللي تمنوها لابنهم..
فتون واخواتها واقفين مستنينها توصل لهم ..ودموع فتون وسامح ما قدرتش تنحبس كتير.. ونزلت غصب عنها ..
ابتهال على ان اللحظه مش متحمله تفكير.. وذهنها مشتت.. الا انها اتمنت امنيه مكسوره.. ان امها تكون واقفه بعيد جنب فتون وسامح ومستنيها توصل وتبارك لها .. وقفت ابتهال بأمر من المصور .. وغمضت عيونها ثواني .. بعتت فيها سلام لامها اللي ان شاء الله بروضه من رياض الجنه ..
صح القدر حال بينهم .. وهي مش موجوده قدام عيونها .. بس اذا غمضتها تقدر توصل لها .. لو بينهم مسافات ومسافات...
ووصلت واخيرا لعلاء ..ووقف قدامها.. وهي وقفت قدامه ..
قرب منها وطبع بوسه على جبينها ..
علاء: الحمد لله اللي جمعنا مع بعض... الف مبروك..
ابتهال ما زالت منزله راسها وتأثير البوسه على دقات قلبها ما زال فعال..
ابتهال: الله يبارك فيك.... والف مبروك ليك ..
علاء ابتسم: الله يبارك في عمرك..
قرب ابوها وسلم عليها : الف مبروك يا بنتي ... والحمد لله اللي فرحني بيك وشفتك باليوم ده ..
ابتهال مسكت ايده وباستها : انا اللي بشكر ربنا على انه منحني اللحظه دي.. وعوضني غياب امي ..
فتحي بعد عنها قبل ما يبكي قدامها ...
بارك لها سامح وباس جبينها وحضنها عمها سَيار بحب ..
وطلعت اللاستدج بمساعدة علاء مرام وفتون ..
وباركوا لها ... وثواني اتجمع الكل يبارك لها..
والبنات مهيصين ويرقصو لها ..
بعد ربع ساعه بعد التصوير الاهل والاصحاب ... بدءت الفقرات في عروضها .. وكلهم حواليها ..
واعلنت المطربه .. ان فيه اغنيه مخصصها العريس للعروسه وبدئت تغني بصوتها والكل سمع لها.
قرب كرم وباركلها وشويه وقرب طارق سلم وبارك ..
واخدوا الشباب فرصتهم.. طارق وسامح ابدعوا فيها ..
وكرم اكتفى بالوقوف.. اما سَيار وفتحي عرضوا عرضه رقصهم وهما واقفين مكانهم..
نسمه: بسم الله عليهم بسم الله عليهم والله يجننو.
الهام: بنات انشن ع طارق ولا سامح..
هبه ضربتها: بت غضي البصر ..عاوزه طارق حلال عليك سموحه لا ..
شهد سمعت الكلمه ولفت عليها غصب عنها ..
هبه انتبهت لكلمتها.. بس ولا همها .. تسمع ولا ما تسمعش ما يهماش..
شهد حاولت تنسى وحاولت وتقريبا قدرت تتجاوز مرحلة الجرح .. لكن صورة سامح اللي قدامها دلوقت وضحكته وخفه دمه .. وحنانه وطيبته رجعت لها كل حاجه من اول وجديد..
وبعد الهيصه والضحك.. طلعوا الناس ودقايق طلعت ابتهال وعلاء مع بعض .. ومن هنا ابتدت حياة جديده على الاتنين .. والكل يتمنى لهم التوفيق.. لانهم بجد لايقين على بعض.. ويستاهلو بعض..
........>>>>>>>....
وعند البوابه..
الدموع هي اللي ماليه المكان.. ابتهال ما قدرت تسيب حضن فتون .. اللي اجبر فتون تبكي نفس بكاها..
سَيار: ابتهال ... خلاص... كفايه دموع والله تعبتونا...
مياده: ابتهال..انت مهاجره . وعلاء وعدني يجيبك كل يوم عندنا..
علاء وهو حاسس انه ضاع من نظرات البنات له وكأنه هو المجرم اللي بيخطفها..
رد: والله هجيبها عندكم والوقت اللي تحبه ... ابتهال حتى لو مش عاوزنا نسافر الاسبوع ده ما نسفرش اعمل الي يريحها!!!
فتحي: ابتهال .. . خلاص ما تبوظيش على الراجل فرحته..
ابتهال ولا كأنه سامعه لاحد.. متمسكه برقبة فتون وحاطه راسها على كتفها ..
فتون بهدوء وحنان: بتوله... عشاني... وعشان ابويا بلاش تكسفينا ..مش ده علاء اللي بتحبيه.. وأوعدك قبل ما تسافري اكون في المطار لو حبيتي.
ابتهال بعدت عنها بشويش وكأنها رجعت طفله: بجد !!
فتون مسكت وشها : امسحي دموعك لايشوفك علاء كدا والله يهرب منك.. واعدلي مكياجك لما توصلي ..
ابتهال كل الي همها .. صدمات حياتها كافيه تغرس في قلبها خوف ورعب الفراق... صعب تفكر تتخلى عن حد لو يوم واحد..محتاجه الكل حواليها وخصوصا اختها فتون بتخاف من فراقها ..
سامح: يالا ابتهال علاء مستنيك برى ..
نسمه وهبه والبنات ودعوها ودموعهم على خدهم ..
ابتهال بروحها الحلوه والمرحه..دايما تملا المكان.. وفقدتها اصعب من غيرها.. لان وجودها قوي ..
شهد ودعتها ودعت لها من كل قلبها .. تشوف السعاده بدالها .. وفرحة ابتهال تعوضها عن كل حاجه حتى عن فرحتها هي ...
واخيرا سابتهم وركبت العربيه جنب علاء وسامح اللي ساق بيهم .. موكب اصاحب علاء وسامح كان وراهم...بزفه كبيره متعملتش قبل كدا رغم سامح كان فرحان لاخته وزعلان لفرقها ...
.............>>>>>>>>>>>>>>>>>..............
لما طلعت من القاعه.. طفا حماس الكل .. وقلب وشوشهم حزن
قعدوا جنب بعض ويبصو بس لبعض..
فتون ضحكت ودمعتها ما وقفتش لو لحظه: اه ..مالكم قلبتو الفرحه عزا.. خلاص ابتهال اتجوزت .. ومن اللي بتحبه اوعو تنسوا .. ربنا يهنيها قلب اختها..
شهد وقفت : بنات عبد الله عند الباب.. اشوفكم على خير .. وربنا يسعدها حبيبتي اللي بشوف الدنيا بعيونها... باي "وطلعت "
فتون سمعت رنت موبايلها وردت..
جالها الصوت بحماس: الوووو
فتون حاولت تعدل صوتها: احم ريهام عامله ايه ياقلب اختك
ريهام: الف مبروووك فين العروسه نبارك لها ,,,
فتون رجعت تبكي: العروسه راحت بيت جوزها
ريهام: بجد !! الوقت يختلف عندنا وتوقعت ان ده وقت الزفه لسه..
فتون: لا مشت من زمان "وشهقت"
ريهام بألش: والله حالتكم صعبه... يا حلوه اختك اتجوزت يعني حاجه تفرح
فتون: والله من الفرحه بعيط ومش مصدقه انها كبرت وبعدت عني و هتبقي مسؤوله عن نفسها وبيت وزوج وبكره عيال..
ريهام: اهم حاجه انتي انتبهي لنفسك وللبيبي.. عاوزين ابننا سليم وقمر زي ابوه وامه ..
فتون: ههههه اطمني .
ريهام: ايوه كدا اضحكي ..وقولي للمهابيل اللي جنبك بلاش دموع لا اتهور واجيلكم على اول طياره ...اكمل عليكم
.................>>>>>>>>>>د>>>>>.....
وبالقصر...
الكل رجع بعد ما هدو..والنفسيات خفت شوي ..
وئعدو مع بعض يتكلمو عن الفرح واللي حصل فيه ..
سامح: والله الجواز حلو و استقرار..
طارق: هههههه انت ايه بدئت تغير ولا ايه...
سامح: كأني بلمح..
فتحي : انت بس شاور واجوزك من بكره
سامح: بجد !!
هبه عيونها وسعت فعلا الولد كان حاطط عينه على واحده وعازم..
فتحي: سامح الامور دي مينفعش فيها الهزار.. انت راجل ولا نقصك حاجه.. شاور على البنت ولا قول لاختك تدور لك على بنت الحلال..
سامح وقف بسرعه وبحماس وئعد جنب ابوه: طيب يالا..
فتحي والكل ضحكوا عليه..
فتون: يالا ايه ...؟
سامح: يالا يبه.. اخطب لي... بنت عمي هبه من عمي سَيار..
سَيار وهبه انصدموا..
هبه وفتون لفوا على بعض... فتون كانت متوقعه.. بس هبه صدمتها كانت قويه ... محدش كان يتوقع ان سامح يبادلها الشعور ..
طارق: انت بجد عاوز اختي ..؟
سامح: احم.. اه.. ليه عندك مانع اخ طارق "ويعدل جاكت بدلته "
طارق: هههه لا ما عنديش اي موانع.. بس اختيار غير موفق ..مين ينجدك من هبه ودلعها ..
هبه ميته حيا والهوا انقطع عنها .. والجو قلب فجأه سخن نار.
فتحي: والله لينا الشرف ناخد بنت سَيار. وهبه اجمل البنات.. ها يا اخويا .. قلت ايه .. انا وابني اتقدمنا وطالبين نخطب بنتك ..
سَيار مبسوط: والله انا عن نفسي اتمنى سامح في نفسي لواحده منهم.. بس ما اقدرش اجبره.. والنهارده اتكلم من نفسه .. خلاص اقول ايه غير ان بنتي مابتلاقيش احسن من ابنك ..
سامح ابتسم وبص لهبه...هبه رجعت ظهرها لورى عاوزه تدراي نفسها بظهر نسمه ..
نسمه بنداله: انتي ابعدي عني ... كسرتي ظهري براسك ..
هبه ضربتها وبهمس:والمصحف ادبحك..
سَيار:هبه... بنتي قربي شوي..
هبه اتمنت الارض تنشق وتبلعها..
: نعم يا بابا .."منزله راسها بضمير وشعرها كله مغطي على وشها "
سَيار: ابن عمك سامح زي ما سمعتي عاوزك وشاريكي .. فكري في الموضوع كويس .. لان ده جواز مش لعبه...
فتحي: ويا بنتي مهما كان قرارك ما يأثرش علينا ..بتبقي بنت عمه وعلى راسه من فوق ..
هبه ما قدرتش تفضل كتير وقامت بسرعه.
نسمه وفتون ماتوا ضحك..
فتون : البنت طلعت بتتكسف
نسمه: الله حلو كدا.. حركات واكشن .. ياريت ابتهال معايا .. والله كانت حرجتها مظبوظ ..
ودخل كرم
فتحي وقف:وجه كرم كمان بوقته..
كرم و مبتسم لعمه.. لان عمه راسم بسمه حلوه على وشه واضح الفرحه عليه ..
كرم: أأمرك يا عمي .. كنت مستنيني.
فتحي: ياخدك عدوك.. كنت بقول قبل دخلتك بدقايق خطبنا اختك ..
كرم انصدم وفرح بنفس الوقت: اخت أي اخت فيهم ..؟ "وبص لنسمه"
نسمه بسرعه شاورت: لالا مش انا .. هبه المكسوفه اللي هربت قبل شوي ههههه
كرم قرب لعمه: والله فين نلاقي احسن من سامح لاختي.. احنا شارين الراجل ..
سامح خبط ع صدره: تسلم والله..
طارق: والله حركات يا سامح..وقعت بسرعه ..
فتحي: عقبالك انت كمان..
طارق وقعت عينه على فتون غصب عنه: ان شاء الله..
رد على عمه يسكته.. ما حبش يفتح مواضيع مقفوله فتون على طول دورت وشها عنه وافتكرت اعترافه الوقح اللي لحد الحظه ما راحش عن بالها لحظه..
كرم ماحبش يعكر مزاجه ويقلب التربيزه ع دماغه وعلى طول استأذن وطلع اوضته..
وسامح وفتحي طلعوا لبيتهم ونسمه طلعت غرفتها ..
طارق كان هيطلع كمان بس شاف فتون وكأن عندها نيه تئعد قدام التلفزيون ومش تنام..
وقف بتردد واضح: مش هتنامي ؟؟؟ ..
فتون قلبها خاف ودق انها فضلت هي وهو.: لا هقعد شوي..
وراحت تبعد عن نظراته تشغل التلفزيون وتقلب في قنواته..
ئعد جنبها على الكنبه القريب منها .. وبصلها.
بقايا الميك الاب بتعها باقي موجود.. وعيونها طالعه حلوين بزياده.. ما قدرش يبعد عينه..
فتون اتوترتت من نظراته.. وقلبها بيدق زي المجنون..توتر،،قلق،،خوف،،اعجاب
نظراته غصب عن أي احد فالكون تدوب اي بنت.. بالاصل طارق مافيش بنت تقدر تتجنبه
وفجأة
((رايكم .....الحلقات الجايه الحد الفاصل لنهايه المهزله للخيانه للسحر للحب انتظروني
