البارت 34
#المشكله والعنيد
منه محمد
فتون فجأه سكتت..حست ان في خيال وراها وقريب منها..وطويل..
ابتسمت اكيد هو هيكون مين يعني غيره..
الصوت: واقفه بتعملي ايه؟؟
الصوت صدمها ..مش صوته لفت له مخضوضه : طارق !!
طارق كان قريب منها بشكل فظيع..
الصوت: ايوه طارق.. "وابتسم وبانت الغمزات" بسرعه رجعت كام خطوه علي ورى لجوه المطبخ..
طارق وقف عند المايكرويف وشاف جواه ايه : عندكم سهره على move..
فتون حطت ايدها على جبينها : ايوه.." وحست بخصله من شعرها افتكرت ان شعرها مفرود ..
" يقطع الشيطان ..اتعودت ما تلمهوش لان كرم بيحبه دايما مفرود"
طارق: وايه نوع الفيلم..استنتاجي بتحبي الرومنسي على شوية كوميدي....
فتون ما ردتش عليه ..مع انو فعلا ده كان ذوقها..
طارق كتف ايديه: قلتي لكرم انك شفتيني ولالأ ؟؟
فتون حست ان ايدها بدئت ترجف..وقلبها يدق ..خافت من اسم كرم والسبب مجهول ..قعدتها مع طارق لوحدهم وبالقرب ده خلت ضميرها يأنبها.
طارق لما ما شافش منها تجاوب سكت شوي واتكلم بهدوء: ليه ما قلتيش انه جوزك؟
فتون انصدمت وبصتله مستغربه..شافت في عيونه نظرة عتاب ..بس عتاب على ايه؟؟
طارق لما شاف نظراتها لف وعطاها ضهره : سهره سعيده..وتصبحي على خير.."وخرج"
فتون اول ما خرج قدرت تتنفس وحطت ايدها على قلبها : اه ..يمه قلبي هيطلع..مالي ماعرفتش ارد عليه..!!
دخلت عليها ريهام: ها فتون..فينك اتأخرتي..
فتون ابتسمت بس وشها ما كانش طبيعي: كنت جايه اهو.."اخدت الفشار وحطته فالطبق " يالا نطلع.
.......................................
يوم جديد..
وفي بيت مياده..بقلم منه محمد
طارق قاعد مكشر مالوش خلق ..
مياده: خلاص ماعندكش نيه ترجع هناك؟
طارق: والله ماعارف لسه ياعمتي..على حسب..
مياده: على حسب ايه!! خلاص يا بني اقعد واستقر في بلدك مشبعتش سفر..
طارق: ان شاء الله أحاول..
وشاف الهام دخلت عليهم..وسلمت عليه بحياء
: حمد لله على سلامتك ياطارق.
طارق: اهلا الهام..الله يسلمك..
وئعدت جنب امها .. سرقت بعض نظرات له وحاولت تكون طبيعيه..ده حب طفولتها كان بيعجبها في كل حاجه ..حتى في عناده وطريقة كلامه ..وشقاوته..كلها كانت مميزات تجذبها ليه..بس ولاعمره وضح لها بأنها تهمه بأي شكل من الاشكال..وهي عارفه انها اخر شخص ممكن يفكر فيه ...عشان كدا احتفظت بمشاعرها لقلبها ..احسن ما تفضحها للعلن وتكون بس محط شفقه ليهم.
دخلت ريماس وواضح انها مجبوره..وسلمت عليه وئعدت جنبهم..
طارق انتبه ان فيها حاجه متغيره: ريمو..شكلك تعبانه..
ريماس تجامل: لا عادي..
طارق: ليه ما تيجو معاي لبيتنا..هناك البنات لمه.
مياده بشده: لا ...خليهم في بيتهم..بكره عندهم مدارس..
طارق: واذا عندهم مدرسه..يرجعو بدري..يالا امشوا معاي للبيت..اشكالكم تجيب المرض واضح ان الملل واصل عندكم..
ريماس لفت على امها تشوف رايها..
مياده اضطرت انها تسكت..
ريماس ما صدقت انها تخرج من البيت وعلى طول راحت وبانت الفرحه عليها وراحت هي والهام يغيرو هدومهم.
طارق وقف: انا هستناهم برى..مع السلامه يا عمتو.
مياده: بحفظ الرحمن..
دقايق ونزلوا البنات وركبوا معاه بعربيته.
ريماس كانت قاعده جنبه قدام..
طارق بدون ما يبصلها وحاطط ايده على دقنه بتفكير: في حاجه بينك وبين عمتي؟
ريماس انصدمت وارتبكت: ها...لا مافيش.. ليه؟
طارق: واضح ان بينكم حاجه وكبيره كمان.
ريماس سكتت..
طارق: الهام كنت عاوز اسألك..عن بنات عمي؟؟
الهام حست ان الدنيا مش سيعاها من الفرحه واخيرا وجه لها كلام..قربت بينهم في النص بين طارق وريماس
: تقصد من أي ناحيه ؟
طارق: من كل النواحي...
الهام: فتون تجنن وشخصيتها حلوه..ابتهال عسل وحبوبه..وسامح حاجه تانيه..
طارق متردد شوي: وفتون ازاي علاقتها بكرم ؟
ريماس لفت عليه بشك..فاهمه حركاته.
: تقصد قبل الجواز ولا بعده..!!
طارق حس ان ريماس ذكيه وممكن تفهمه..لف الموضوع: انا شفت ان علاقتهم متوتره شوي ورسميه..خمنت ان كان بينهم مشاكل..
الهام على نيتها: الاول فتون وكرم مستحيل ماكانوش يتخانقو...بس دلوقت طيور الحب يجننو ..
طارق: احم..اها..."ودخل في تفكير عميق مع نفسه"
لحد ما وصلوا القصر..
واول ما دخلوا ..ريماس كانت فرحانه ومتحمسه
: هأي..."واختفت ابتسامتها فجأه"
كرم قاعد جنب فتون ويضحكو مع بعض ..صح الكل كان بيضحك كمان..بس هي اخدت بالها الا لكرم...الابتسامه دي عمرها ما شافتها مرسومه عليه..الا لما يكون مع فتون..
هبه انتبهت لها: ريمو !!!! "وبسرعه راحت ضمتها" وحشتيني والله..
ريماس تحاول تبعد عينها عنهم: وانتي كمان..
طارق كان واقف جنبها وشاف نفس المنظر.. حسه انه اتخنق واضايق وجواه نار مشعلله تحرق كل الي عليها.
قال: واضح ان لمتكم حلوه..
جات الهام من وراه: مفاجأه صح..."وراحت تسلم على الكل "
وئعدو مع بعض.
ريهام: ايوه يافتون ..كملي الحكايه....
فتون اول ما دخل طارق حست بربكه..نظراته ليها توترها..ممكن تكون نظره واحده بس كفيله انها توترها طول الئعده..
فتون: اه لفين وصلنا؟
هبه: لما ئعدتي تعيطي..
طارق على طول رفع عينه عليها..
فتون: ايوه صح...أأعدت يمكن شوي وبعدها جالي كرم بسرعه لعندي..
ريهام: وانت ازاي لقتها في الزحمه ؟
كرم مسك ايدها: قلبي دليلي..
فتون بصتله بنظرات شكر وكأن أحساس الموقف رجع لها من تاني..
ريماس ماتت قهر وحبت تغير الموضوع: طارق كنت فين؟
طارق نفس القهر والغضب جمعه مع ريماس ..وحس بمشاعرها: انا كنت في المانيا ..شوفتي الصدف انا كنت مع العرسان.. بس المشكله ما كنتش عارف انهم عرسان ولا ماكنتش حاولت اكلم فتون واضايقها واعكنن عليها الجو..
طارق كان متأكد مليون بالميه ان فتون ما قالتش لكرم كل حاجه .. واتأكد اكتر لما شاف ان كرم ساب ايد فتون..
كمل: فتون ..قلتي لهم عن الصدفه اللي جمعتنا بنفس اللعبه وكنتي جنبي؟
كرم طلع سيجارته..ووضحت رجفة ايده لانها وقعت منه وهو بيحاول يولعها..حس نفسه زي الغبي كان معاها طول الوقت ولا انتبه للي بيحصل من وراه ..
فتون بلعت ريقها..طارق مش ناوي ع خير ليها ..الخوف ملى قلبها ..وحست دمها نشف بعروقها ...
وبصت لطارق بعيون عاتبه..
الكل سكت والجو اتوتر.
دخلت قطه نسمه..
نسمه بسرعه غيرت الموضوع وضحكت: اه يا لولتي الحلوه..لالو كنتي فين ياحلوه" وراحت تاخدها" طارق شفت قطتي..
طارق وقف لما حس ان طفى قهره شوي: دي لسه على قيد الحياة!!
نسمه ضمتها: بعيد الشر عليها والله اموت بعدها..
طارق: هههه بتحطي عقلك بعقل cat..يالا يا جماعه بصراحه قعدتكم ما يتزهق منها بس مضطر اطلع..see you...
ولع النار في قلب كرم وطلع بكل سهوله..بعد ما اتأكد ان البركان لازم يثور اليوم ومستحيل يهدا زي المره اللي فاتت..
ريماس عجبتها حركة طارق..بس اكدت لها ان له غايه للحركه دي..بس لسه ما اتأكدتش من غايته فتون نفسها ولا ايه؟؟؟
بعد وقت..
البنات طلعوا لغرفة هبه.
وريهام نفس الموضوع راحت لغرفتها..
مفضلش حد بالصاله الواسعه الا كرم وفتون
كرم كان ساكت بطريقه مخيفه..
فتون متأكده ان ده الهدوء اللي يسبق العاصفه..وفكرت انها هي اللي تبدء ...
: انا ...انا ما قلتلكش عشان ان..
كرم وقف: مش عاوز اسمع منك حاجه
فتون وقفت معاه: بس يا كرم.....وسكتت
كانت نظرته ليها قوووويه ومخيفه ..كفيله بأن تخلي قلبها يقف عن الدق..ويقلب لون وشها للصفار..
: قلت مش عاوز اسمع منك حاجه اظن كلامي واضح..
اخد مفتاح عربيته وطلع..
فتون ما زالت على نفس وقفتها ...ورجفتها ودقات قلبها اللي ما هديت..
اخر الليل..
دخل القصر..
كالعاده رايح للملحق الخارجي عشان ينام..لقاها واقفه عند الباب وكأنها منتظره حد..الجو كان بارد شوي ...الشتاء قرب يدخل..
وقف عندها: هبه !!
هبه رفعت راسها له: سامح !! جيت !!
سامح بصلها..واضح انها بردانه سألها: ليه واقفه هنا ؟؟
هبه نزلت عينها بخجل: احم.......كنت ...مستنياك..
سامح استغرب: مستنياني انا !! ليه؟؟
هبه: ممكن نئعد شوي..
سامح : اوك.."وئعدو على كراسي الجنينه"
هبه شافت سامح مستنيها تتكلم : احم .مفيش حاجه مهمه متخفش
سامح اتنفس براحه: الحمد لله..خوفتيني..اصل خطر في بالي الزفت ده رجع يهددك ولاحاجه..
هبه عقدت حواجبها بضيق على سيرة اياد...
: ايه الي جاب سيرته دلوقت !! لالا الموضوع بعيد عنه..
سامح اتحمس لموضوعها: طيب .. قولي موضوعك..
هبه: انا...والله ما عارفه ازاي اقولك..بس انا ملاحظه انك اتغيرت شوي عن الاول ...مبقتش تئعد معانا ولا حتى على الاكل معرفش اذا متضايق من حاجه او حد قال لك حاجه !!
سامح لما عرف موضوعها ابتسم ابتسامه حلوه..للدرجه هبه مهتمه بيه..لدرجه انها ملاحظه تغييره..وحركاته ..
وبعفويه: يهمك وجودي !!
سامح انتبه لنفسه مشعارف ازاي طلعت منه ...ونزل عيونه..
هبه حطت عينها بعينه: وأكتر..
سامح سكت كتير لما شاف الاصرار بعيونها ..تكفيره شت..قلبه بدء يدق..حط ايده ورى رقبته: اوعدك اكون اقرب لكم..بس الايام دي مع مجيه طارق بحس الوضع متلخبط..
هبه وقفت : بس افتكر ..دايما ان في ناس مبقتش تقدر تستغني عن وجودك..ويهمها وجودك ده..عن اذنك ..وتصبح على خير .."ودخلت القصر جري"
سامح ضحك وقلبه دق بشكل جنوني..
دخل الغرفه الابتسامه ماليه وشه..
فتح النور واتصدم من المنظر اللي شافه قدامه...واختفت ابتسامته..نايمه على الكنبه وهي شبه عريانه. عليها الا بس شورت ..وبلوزه خفيفه وقصيره ظاهره بطنها..
اختفى الدم من وشه..وبلع ريقه..وقلبه بدء يدق بسرررررعه..
رجع كام خطوه لورى وهو حاسس وكأن جبل أتطربق على راسه..
هيعمل ايه فيها دي !! ..وهي ايه قصدها من الحركه؟؟؟مع ان ابتهال نايمه جوه ؟؟؟
............
بغرفتها ...
باصه لنفسها بالمرايه وعلى وشها مرسوم ابتسامه خبيثه..
بصت في قطعه من هدوم فتون أخدتها وخفتها بسرعه!!!!
: بنشوف يا فتون مين بيضحك في الاخر !!
................
في جناح كرم..
فتون قاعده ومتوتره..نفسها تكلم كرم بالموضوع..وبنفس الوقت خايفه من ردة فعله تكون عنيفه..
في سرها فتون اتشجعي..وقولي له كل حاجه يعني هيحصل ايه..
قربت من الغرفه وطلت فيها..شافت كرم بيغير هدومه..وبيلبس بيجامة النوم..
دخلت ..وئعدت على كرسي التسريحه واخدت كريم وبدءت تحط منه على وشها..
وقالت: يا ربي..اليوم بحس بتعب مش طبيعي .."ورفعت عينها على المرايه تبصله"
شافته قعد على السرير وبياخد البطانيه واتغطى بيها ...وحط راسه ...وطنشها..
حطت الكريم على التربيزه..وراحت وأأعدت على طرف السرير..
: كرم..
ماردش عليها..نغزت رجله..
: كرم..طيب اكلمك شوي..
كرم: نامي..
فتون: طيب خليني ابرر لنفسي..على طول كدا تظلمني..
كرم بعد البطانيه عنه وقعد على حيله وبصلها بعين قويه...
وقال: انا سألتك..وانتي كذبتي..بأيه هتبرري!!
فتون : انا ما كانش قصدي اني اكذب عليك بس خفت من..
كرم قاطعها: شوفي يا فتون انا عندي اي غلطه ممكن تهون الاطارق يمسك عليا زله ويصغرني قدامه.
فتون: بس طارق اخوك يا كرم..وانا ماقلتلكش عشان مش عاوزه مشاكل..
كرم: اصلا المشاكل من الاول موجوده..يعني انتي مش هضيفي امر جديد ..
فتون: بس ان..
كرم: ظهر الجد..لا طارق ولا امه يهموني..عشان كدا ما تشيليش هم من الاساس..
فتون صدمتها الكلمه: طارق وامه؟؟ ليه هي مش امك انت كمان..
كرم سكت احتار يقول لها...ولا يخبي عليها..
فتون دمعت عينها: انت لو كنت حسيت بقيمة الام عمرك ما قلت الكلام ده ..لو فقدت امك وعشت يتيم الام كنت عرفت قيمتها وفهمته..كرم اكتر حاجه كانت بتبعدني عنك تصرفاتك مع امك..واللي مالوش خير في اهله مافهوش خير للناس..
كرم بهدوء: انا حاسس بشعورك..وعارف قيمة الام..وعندي استعداد ابيع روحي واشتري يوم واحد معاها..
فتون بعدم فهم منه ..ازاي يقول الكلام ده وامه موجوده..: طيب روح لها وخد رضاها..
كرم: سالي مش امي...
فتون الخبر كان بالنسبه جالها زي الصاعقه الي نزلت عليها فجأه: أيه؟؟؟
كرم اتنهد بقوه: انا مش اخوهم من الام..انا وحيد امي ..
فتون صدمتها الكلمه صدمه قويه..ورشقت لها زي السهم في قلبها ...كرم مش اخوهم من نفس الام!! كان بيعاني من زمان ؟؟
: طيب..والبنات ما يعرفوش؟
كرم: ما يعرفش الا طارق
فتون اكتشفت ليه الخلاف دايما بينهم مستمر..
كرم رجع يبصلها: بس لحد اللحظه ..ما عرفتش مبرر كذبك عليا..!!
فتون : انا ما كانش قصدي اكذب..بس خفت اسبب مشاكل بينكم..
كرم بجديه: اذا اتكرر الموقف ده وطلعتيني صغير قدام طارق..صدقيني يا فتون ممكن نخسر بعض..عشان كدا انتبهي للموضوع ده ...وكتير كمان..
فتون سكتت" معقول لدرجه دي الوضع متأزم بينهم !!"
فتون: اطمن هنفذ الي يرضيك..
كرم قبل ما يحط دماغه: وطارق حاولي ما تقعديش معاه.
فتون استغربت ولنفسها" ما اقعدش معاه !! عشان مش بيحبه وده يسبب الخلاف اللي بينهم ولا عشان سبب تاني !!"
رجعت لفت لكرم عاوزه تسأله عن السبب بس شافت انه غمض عيونه وبدء يروح في نوم عميق ..
......
في الملحق
ما زال على نفس وقفته...اخذ نفس..وقرب منها شوي وبصوت واطي: جانيت...جانيت..
ماردتش عليه..
سامح: يا الله...اعمل فيها ايه دي كمان !!
فكر شويه وبعدين دخل ورجع...وفي ايده بطانيه ورماها عليها..ودخل غرفته..
وقعد على السرير وهو مستغرب منها..اول مره تحصل..اولا ليه تنام فالصاله..وثانيا ليه لابسه كدا وهي عارفه اني هنا !!
: استغفر الله ...استغفر الله واعوذ بالله منك ياشيطان..
وحط راسه يحاول ينام..وطيف هبه وهي مكسوفه ما غاب عن باله.
...............................
يوم جديد..
على تربيزه الفطار...الكل متجمع..وبياكل بهدوء..
طارق كان يبص لفتون وكرم ويشوف نتيجة امبارح هي جابت مفعولها ولا؟ بس كأن الوضع عادي بينهم..معقوله كرم عدي الموضوع من غير خناقه معاها!!
وصحاه صوت ابوه..
سَيار: طارق ...مش بتسمع انت!!
طارق متفاجئ: يس داد..سوري ما سمعتكش..
سَيار: لحد امتي ناوي تئعد في البيت !؟
طارق بعدم فهم: ازاي يعني ؟؟
سَيار: ياتشتغل فالشركه ولا ارجع للبلد اللي جيت منها..
كرم رفع راسه على ابوه وهو مش قادر ما يبينش صدمته ..مش معقول طارق يشتغل معاهم..كان دايما يرفض ومالوش أي ميول للشغل..
طارق بتفكير: ايوه هشتغل معاكم...خلاص انتهى وقت اللعب واظن انه جه وقت الجد..و لازم اكون مسؤول عن اخواتي ومالهم..
فتون دلوقت صدقت كلام كرم امبارح ..فعلا واضح انهم مش اخوات من نفس الام..وبدليل نغزات طارق بالكلام المستمره لكرم..
سَيار وقف: كويس..اليوم تداوم بالشركه وتبدء تتعلم الشغل..بس شد حيلك..
طارق: اطمن.
ريهام بعد خروج ابوها طلع من غرفه الاكل: واخيرا قررت ترسم طريق حياتك بجد..
طارق واخد الحكايه تحدي: ضروري اثبت نفسي..واعرف اللي ليا واللي عليا...
.............................
في بيت مياده.
نزلت عند امها بعد ما فضى البيت...وشافتها بتكلم واحده من صاحباتها ئعدت جنبها متوتره...
مياده استغربت نزلتها بس ولا اهتمت لها وكملت مكالمتها..
ريماس شافت امها ما عطتهاش أي اهميه..في الاول لو ئعدت جنبها وهي بتتكلم مع حد تقفل ع طول وتشوف رغبتها..بس دلوقت كل حاجه اتغيرت بقت تطنشها بشكل جنووووني..وكأنها ولا شيفاها اصلا..حست ان الدموع خنقتها بس مسكت نفسها..
مياده خلصت المكالمه وحطت السماعه..ولفت عليها ببرود: نعم !! فيه ايه؟
ريماس اتوترت: ايوه فيه..مامي..عاوزه اروح عند مرات خالي سالي...
مياده استغربت: عند سالي !! وعندك ايه معاها ؟
ريماس: هي اتصلت بيا..وقالت عاوزاك..وما قالتش عاوزني ليه؟؟
مياده بصت لـ ريماس بشك..
ريماس عرفت ان امها ما صدقتهاش : والله..حتى اسأليها "واخدت موبايل امها ومدته ليها "
مياده :اوكي..هأخلي السواق يوصلك لبيت محمد..وانا هكلم سالي بنفسها ترجعك لحد هنا.
ريماس وقفت بحماس: اوكي...يالا باي..
مياده عقدت حواجبها مستغربه: سالي!! عاوزه ايه من بنتي ؟؟ "وحست قلبها مش متطمن "
ريماس بسرعه لبست واخدت شنطتها وراحت لبيت محمد
وفي بيته..وقاعده جنب سالي..واصواتهم كانت منخفضه..
: قدرتي تجيبي اللي قلت لك !!
ريماس ابتسمت بخبث: ايوه "وحطت ايدها على الشنطه" ومعاي هنا..
سالي وهي تتأكد اذا جاي حد او لأ: كويس...انا اقوم اغير هدومي واجي معاك..
ريماس: اوك مستنياك..
شوي جات احلام: ريماس عندنا !! يا اهلا وسهلا..
ريماس ابتسمت مجامله: اهلا بيكي..
احلام ئعدت: ما عندكيش مدرسه ؟
ريماس: لا..النهارده رايحه انا وطنط سالي لمشوار..
احلام: مشوار !! فين كده..في الوقت ده ؟
ريماس ملت: عاوزها تيجي معاي عندي جلسة لعلاج لبشرتي وماما مشغوله..
احلام: اها.."وشافت سالي جايه عليهم"
سالي من غير ما تبص لاحلام : يلا بينا ريمو...نمشي
وسابو احلام ميته من القهر..والفضول واكل قلبها...متأكده ..ان ريماس عندها حاجه اهم من اللي قالت لها عليه..
......
دخل الملحق الخارجي .
وما كانش فيه الا هي..حس انه اتوتر لما افتكر شكلها امبارح..نزل راسه ودخل بسرعه لغرفته..اخد حاجاته وطلع مره تانيه...لقاها واقفه في وشه وواضح عليها الخجل
: سوري سامح..امبارح نمت بالصالون وما حسيت بحالي..ومشكور كتير انك فكرت تغطيني .."لان البطانيه كانت بطانية سامح "
سامح بدون نفس وهو متوتر: العفو..بس مره تانيه نامي في اوضتك.."وجه يمشي يبعد عنها "
بس وقفت في وشه من تاني: سامح !!
سامح وقف ووقفت كل الدنيا حواليه...الهواء..الدم..قلبه ..عايزه منه ايه دي .
جانيت رجعت شعرها المموج بطريقه حلوه عن وشها: مستر سامح ...انا..انا..
وفجأه اتفتح الباب..
: سامح..يل
وسكتت..كان منظر جانيت وهي قدامه ووشها لونه وردي..وسامح كان مخضوض.. حست فيه حاجه بالكون غلط..
ابتهال بلعت ريقها وقلبها دق بجنون..وفضلت تتلعثم بالكلام: كنت ...بقول...ان ..
سامح زق جانيت عن وشه..ومشى مع ابتهال..ومسك ايدها وطلع معاها برى..
: انتي ما تأخرتيش عن المدرسه !!!
ابتهال وبعيونها نظره عتاب: ايوه بس كنت عاوزاك توصلني..
سامح كرهه نفسه لما شاف النظره دي في عيونها..عارف ان ابتهال فاهمه غلط..بس مشعارف يقولها ايه؟؟
ورد: طيب..اوكي خليني اوصلك..
وركبوا العربيه وطلع بيها بسرعه..
جانيت بالغرفه ئعدت على التربيزه اللي كانت اقرب ليها ..
: شو كنت راح اعمل!! شو صار لي !!! "وحطت ايدها اللي ترجف على بؤها"
........
في شارع من الاحياء البعيده..والمهجوره..المكان غريب ويخوف..البيوت قديمه جدا..وواضح ان سكانها سابوها..الحي كله ما فهوش حد ممكن يعدي من جنبه حتي. بيوته مهجوره
بلعت ريقها بخوف: طنط...انتي متأكده انه هنا ؟؟
سالي ما كانتش اقل منها خوف: هما قالو لي انه هنا..امشي معاي اظن قربنا للبيت..
مسكت ايد سالي ومشوا مع بعض والسواق كان وراهم..لحد ماوقفوا عند باب مفتوح نصه..
سالي لفت لها: اظن كدا يكون ده.
ريماس تبص في البيت كله ورجعت تبص ع الباب: ده !!!
سالي فتحت الباب كله واتقدمت خطوه: امشي يالا.."ولفت على السواق" انت خليك هنا لحد ما نطلع..
ودخلوا..
ريماس ماتت خوف:طنط..خلاص بطلت ..خلينا نرجع ..
سالي: نرجع بعد كل ده ؟!..امشي خلينا نخلص شغلنا ونطلع عشان مش نضطر نرجع..
شوي طلعت لهم بنت صغيره..وواضح انها افريقيه من ملامحها..
ريماس اتمسكت اكتر بسالي..
سالي دق قلبها خوف..الصغيره ..وهي طفله شكلها كان يفجع.
سالي: ده...ده بيت ام نادر !!
البنت الصغيره: ايوه... اتفضلوا..
سالي سحبت ريماس معاها ودخلوا..لقو ام نادر قاعده وشكلها غريب والمكان اغرب ..وريحته عفنه..
وقفوا على راسها..
اام نادر: ائعدو ليه واقفين ؟؟
سالي وريماس من الخوف قعدو على طول بدون نقاش..
ام نادر: ايه الي عندكم !!
سالي: احم..احنا جايين هنا..عاوزين نعمل عمل (سحر) لواحده..
ام نادر: و فيها ايه الواحده دي ؟
سالي: عاوزها تبعد عن ابني.
ام نادر هزت راسها بتفهم...وبدئت في شغلها ...
........
فالمدرسه..
قاعده معاهم بس ساكته..
نسمه لفت عليها..ده حالها من اول ما جات ..حطت ايدها على كتفها..
: ابتهال !!
ابتهال اتفاجأت وبصتلها : ايوه..
نسمه: فيك ايه شكلك مش طبيعي !!
هبه: طول الوقت ساكته!!
شوق تحاول تلطف الجو: لو تحبي قولي لنا ..
ابتهال ابتسمت ابتسامه باهته: مفيش يابنات..
نسمه: لا فيه حاجه...قولي..
ابتهال افتكرت شكل جانيت و نظراتها لسامح...اتخشب جسمها وبسرعه ردت
: لامافيش حاجه ..بس افتكرت شهد صاحبتي وبفكر ازورها..
هبه على سيره شهد كشرت واضايقت .
نسمه وشوق بصو لبعض..وهما متأكدين ان فيه حاجه حصلت لها.
ابتهال بنفسها" ابتهال شيلي الافكار دي من بالك مستحيل جانيت تعمل كدا..ومستحيل اخويا يغلط معاها "
........
فالشركه..
رفع السماعه..
: سامح تعال عندي..
ثواني ودخل سامح عنده..ووقف عند مكتبه..
:نعم..امرني..
كرم: مايأمر عليك ظالم ..عاوزك تتصل على موظف سابق عندنا اسمه ياسر..خليله يجي الشركه اوكي..ولما تخلص تعال عندي اوك..
سامح: اطمن.."وطلع" ونفذ اللي قال عليه كرم.
بعد نص ساعه..
ياسر واقف قدام مكتب سامح..: ادخل !!!
سامح افتكر شكله..فات عليه..: ايوه اتفضل..كرم بيه في انتظارك.
ياسر كان متوتر..وخبط الباب ودخل..شاف كرم قاعد ورى مكتبه ..مازال محافظ على هيبته وتقله..ما تغيرش..كرم بيفضل مثله الاعلى مهما حصل منه..
ياسر: احم..السلام عليكم..
كرم لما سمع صوته وضميره أنبه
ياسر موظف مستحيل يلاقي زيه..بالامانه والاخلاص بالعمل اللي عنده شخصيه نادر وجودها..
: وعليكم السلام."وقف وراح لعنده وصافحه" ازيك ياسر؟
ياسر سلم عليه وهو مستغرب ..كرم بيسلم عليه ويرحب به بعد ما كان شبه طارده من الشركه..!!
ياسر: انا الحمد لله..انت طمني عنك ؟
كرم وهو ماسك ايده ووصله للكرسي اللي مقابل مكتبه وئعده عليه بعدها راح وئعد ورى مكتبه
وبأبتسامه: عاوز كلمه الحق...فقدتك..
ياسر مش مستوعب:ها!..اقصد تسلم يا بيه..
كرم اخد نفس:ياسر انا مش عارف ازاي ابدء معاك..بس كل اللي عاوزه منك ترجع عندي..
ياسر ردد زي الغبي: ارجع !! انا..؟!
كرم: اظن تأنيب الضمير اللي جاني يكفي يكون عقاب على اللي عملته فيك..
ياسر: بالعكس ياكرم بيه..انت ما صدر منك غلط..ولا شفت منك الا كل خير..انا الغلطان لاني فكرت اني...
كرم قاطعه: ترجع عندي !!
ياسر ابتسم وبدون تفكير: يا بيه..انا لحد دلوقت ما لقيتش واحد زيك..بمستوى احترامك..وطريقة تعاملك..ونجاحك في عملك..ويشرفني اني ارجع..
كرم : طيب روح لمكتبك دلوقت..وخلي سامح يدخل..
ياسر الفرحه هتشقه نصين..كل موظف بالشركه دي يتمنى انه يتعامل مع كرم بشكل مباشر..لانه انسان راقي بكل ما تحمله الكلمه من معنى..
ياسر: شكرا يا كرم بيه..وان شاء الله اكون زي الاول واحسن..
كرم: وده اللي بتمناه منك..
ياسر: عن اذنك..."وطلع لعند سامح"...استاذ سامح....كرم بيه عاوزك جوه.
سامح وقف: اوكي..."ودخل عند كرم"
كرم: فاكر الوعد اللي قلت لك عليه..
سامح وهو بيحاول يفتكر: والله مافاكر..اي وعد؟
كرم: وعدتك اول ما تتوظف انك تكون السكرتير عندي لفتره لما احس انك اتمكنت من الشغل..بعدها احطك في مكان يناسبك.ودلوقت جه الوقت اللي اوفي فيه وعدي..
سامح فرح بالخبر وبنفس الوقت زعل: بس انا مرتاح معاك..
كرم:وانا كمان مرتاح معاك..بس جه الوقت اللي تكون فيه مسؤول عن فلوسكم..انا مش ضمنالك بكره..
سامح سكت بتفهم..وكرم اخده معاه على مكتبه الجديد..وعين واحد من الموظفين يكون مدربه الخاص..لحد ما يتمكن من الشغل كويس..
وبعدها راح مكتب ابوه..فتح باب مكتبه ..واتفاجأ بوجود طارق..اللي غاب عن باله ان اليوم اول يوم له هنا..
: السلام عليكم..
سَيار: وعليكم السلام..
طارق ما ردش السلام..وحط رجل على رجل وسند ظهره براحه على الكرسي..
سَيار: كرم ..جيت في وقتك..عاوزك تاخد اخوك على مكتبه وتكون معاه..
كرم مقهور: معليش يا بابا..انا بجد مشغول ..بس حبيت اقولك اني عينت سامح في منصبه الجديد النهارده..
طارق: يعني فاضي لسامح بس !! وبعدين ليه سي سامح ياخد منصب في شركتنا..!!
سَيار: عمك له نص الشركه..ونص كل الي املكه..ماتنساش كلامي ..
طارق : كويس انكم فتحتوا الموضوع..انا عاوز افهم دلوقتي عمي ده كان فين من الاول..؟
سَيار: كرم ائعد...
ئعد كرم وقصاد طارق عشان ابوه..
وكمل سَيار: عمك كان بيني وبينه خلاف من زمان..وحاليا هو اختفى مفضلش لبنات عمك حد غيرنا..خلي في بالك حاجتين..الاولى ان لهم زي ما ليك في كل حاجه ..تاني حاجه عمك وعياله حطهم بعيونك..لحد ما يرجع ابوهم ...ويكون مسؤول عنهم..
طارق سكت شوي..محتاج يستوعب القصه اللي رواها ابوه..
كرم: انت بس ابعد عنهم تكون عملت خير للكل.
طارق وقف بدون نفس: والله انا حر..وهما بنات عمي زي ما هم بنات عمك..هتصرف التصرف اللي يعجبني انا
وطلع وسابهم..
سَيار لف على ابنه: كرم خف على اخوك شوي..
كرم اتنرفز: بابا انت شايف طريقة كلامه وتصرفاته الغبيه...
سَيار: هيفضل اخوك مهما حصل..
كرم طلع من مكتب ابوه وهو متعصب..
سَيار: الله يهديهم..مشعارف امتي ينسو اللي بينهم والماضي..
وجات في باله لقطات من الماضي..ازاي كانت سالي تفرق بين طارق وكرم في التعامل..وتزرع الحقد والكره في قلب ابنها..ودايما تردد قدامه "بأنه ابن البريطانيه" لحد ما اتعود طارق على ان كرم شخص غير مرغوب فيه..وكبر على كدا..وفهم انه مش اخوه من امه..وكانت الغيره تاكل قلبه من كرم..لانه من لما كان صغير..مميز وعقله كبير وابوه يعتمد عليه ..وحبيب ابوه اللي في نيته يعوضه فقدان امه..ومعاملة سالي القاسيه له...طارق بقي نده الوحيد كرم اللي ينافسه بكل حاجه .. هو كان متهور اما كرم العاقل..لما يكون هو اللي يلعب كرم الجاد..لما يكون هو المدلل يكون كرم المعتمد على نفسه..لحد ما كبروا وجه الوقت اللي يثبتو فيه نفسهم..كرم مسك الشركه مع ابوه..بعكس طارق اللي قرر الهروب وسافر برا يكمل لعبه..
سَيار اتنهد بتعب: ده حصادك يا سالي..مش قادر اخلي عيالي على قلب واحد...
........
عند بوابة القصر..
وبالعربيه الواقفه برا..طلعت الكيس الابيض الصغير بايدها وكيس تاني اسود !!!!.
: فهمتي دلوقتي هتعملي ايه ؟؟
ريماس وهي خايفه ومتردده: ايوه فهمت ....بس..
سالي قاطعتها: بلا بس ..بلا هبل..بسرعه انزلي قبل ما يجي حد..
ريماس ثبتت في مكانها ...ما قدرتش تتجرأ وتنفذ الخطوه الاخيره..الخوف والرهبه ملت قلبها..
سالي اتكت ع سنانها بغل: ريماس بسرعه انزلي..واياك تنسي ان فتون هي الي بوظت علينا كل حاجه..
ريماس بصت لسالي..وبنفس اللحظه عدي عليها الموقف لما امها اكتشفتها..افتكرت الدموع اللي نزلتها كل ليله..ندمانه وعاوزه ترجع علاقتها مع امها معاها زي الاول..
اتشجعت اكتر وفتحت الباب: اوكي....ثواني وراجعه..
وبسرعه دخلت البوابه الخارجيه..
ومشت للجنينه كلها لحد ماوصلت لعند بوابة القصر الداخليه..
اخدت نفس عميق ومسكت الكيس الابيض وفتحته..وايدها كانت ترجف ووقع منها..رجعت تاخده بسرعه ورشته على البوابه من اولها لاخرها..وهي بين كل لحظه والتانيه تتلفت حواليها وتتأكد ان مافيش حد..شافها
خلص الكيس الابيض..وباقي الاسود..اللي مفروض تخبيه في مكان موجود في بيتهم...
تتلفت حواليها: بسرعه يا ريمو فين اخبيه ؟؟فين ؟ ...فين !!!
وفجأه حست ان في خطوات جايه من ورى الجنينه..وبسرعه حفرت حفره صغيره بالجنينه وحطتها فيها ودفنتها..
ونفضت هدومها وطلعت..وركبت العربيه وعلى طول انطلقت بيهم
ريماس وهي تتنفس بسرعه وحاطه ايدها على قلبها...
سالي: حد شافك؟؟
ريماس ما تكلمتش بس هزت راسها "بـ لأ"
سالي ابتسمت: دلوقت نستني النتيجه ...المبلغ اللي دفعناه مش شويه...واكيد هتكون نتيجته سريعه..
ريماس ولا علقت ..بس بصت لسالي..وهي حاسه جواها بشعور غريب!!!!!!!
