تكمله البارت ٣٦
المشكله والعنيد
منه محمد
ريهام : انا متفائله بالرحله دي..بحسها ممكن تقرب البعيد..
فتون بعدم فهم لقصدها: أه والله انا اتمنى عمي ومرات عمي محتاجين لها ..
ريهام لوت شفايفها بسخريه: الاموره يظهر نست نفسها !!!!..
فتون لسه حاسه بووضعها حست انها نست نفسها بجد : انا ؟؟؟
ريهام: ليه ما عندكيش مخطط تستغلي الفرصه فيه ..؟
فتون ارتبكت: لا .. اقصد انشاءالله..
ريهام لاحظت ان فتون وكأن عاجبها الوضع كدا ومرتاحه..لو كانت علاقتها مع كرم قبل الخناق عاديه كانت ممكن تسكت ..بس هما من اول ما رجعوا من شهر العسل وهما يجننوا وباين ان ايامهم كلها كانت سعيده وهاديه...ليه فتون ما فكرتش ترجع زي ما كانت !!
جه طارق والخدم وراه بالشنط ينزلوها من الدور التاني ..
طارق بصوت جهوري: الكل موجود؟؟
نسمه: yes الكل هنا..
طارق: روعه.."دوره بعيونه" فين كرم !! ولا مش رايح...
الا كرم طالع في وشه: وليه ما اروحش..
البنات انبسطوا ..جدا
ريهام: كدا بقي ننبسط اكتر لما تكون معانا...
نسمه: كرم حبيبي الفسحه معاه دايما احلى..واحلي
هبه صفرت: وانا اشهد..يا احلي منهم يافارق عنهم
ريماس وقفت جنبه: واحنا نقدر نستغني عنك..
فتون ماتت قهر..حست انها ولعت..ايه الوقاحه دي !!
طارق شاف الصدمه بعيون فتون على حركة ريماس..ولف ليها
: ريمو...الفسحه معاك كدا "وشارو لها بأيده لايك"
فتون مافهمتش قصد طارق زي ما هو واضح ولا بتحاول تفترض حسن النيه !!
كرم بص لطارق فعلا مش ناوي ع خير..
جه سامح ودخل عليهم وهو بصعوبه يلاحق انفاسه: ان شاء الله ماكون أتأخرت ..ولا فاتني كتير!!!
مياده ابتسمتله: ابدآ ..مافاتكش حاجه ..ائعد بس خد نفسك الاول
طارق : سموح..كويس انك جيت عاوزين تاخد الحلوين الكبار للمطار..واحنا ناخدها عربيه..
سامح بهزار: اوكي..يالا بالعواجيز نطلع على المطار..
سالي كشرت: عواجيز!! عواجيز في عينك..
مياده: هههه لسه مش عاوزه تعترفي يا سالي..
سَيار: طول عمرها 35عمرها ما بتكبر ثابته محلك سر ..
سالي وقفت: والله انا اشتري راحتي واروح بالطياره..مش عشان ما اقدرش ..بما ان واحده معرفش مين مقترحه الاقتراح الخايب ده وابني مصدقها في كل حاجه.
هبه: مامي...بالعكس فتون معاها حق العربيه انبساط وخصوصا انها اول تجربه لينا..
كرم بص لطارق ..وطارق بادله النظره مبتسم بخبث..
كرم طنش نظرات طارق ولف على فتون..بمعني طيب طارق خبيث لكن انتي يافتون !!
فتون نزلت راسها للارض..ما تقدرش تحط عينها بعينه..
كرم بس تخيل انه لو سابها تروح لوحدها مع الواقف جنبه ازاي بيهدا باله ويرتاح ؟؟؟
سامح اخد الحريم معاه ...سالي ومياده واحلام..واخواته الصغيرين
وسَيار وراهم مع السواق..
ما بقاش فالبيت الا البنات والشباب...منتظرين سامح ويمشوا مع بعض...
بعد ساعه رجع سامح..وشاف الجو هادي بينهم ..والبنات اللي عايشين حياتهم..
طارق وقف : نمشي...!!
البنات بحماس: يالا.
وطلع الكل..
فتون سحبت شنطتها وراها...واخدت واحده كبيره ليها ولاخواتها..ما حبتش تكتر في الشنط..وطلعو للجنينه طارق فات من جنبها..
: اسحبها عنك..؟؟
فتون بمجامله: لا عادي ...مش مستهله
طارق مد ايده ليها: مينفعش ... البنات الرقيقه يسحبوا وراهم الشنط..خلي دي لناسها
كرم كان واقف وراه: ونساها هو انا ...مش انت ..
طارق اتفزع وسحب ايده الممدوده : والله ما شفتكش شديد ..
فتون ملت من خناقهم ونفخت: انا اعرف اخد شنطتي.."ومشت بعيد عنهم"
كرم مشى وهو مبتسم: في ناس تحب تحشر نفسها..وتكسف نفسها
طارق مشى وهو ساكت..
سامح بعد ما حط الشنط في العربيه
: مرات عمي كام خدامه ناوي تاخد ؟؟
ريهام: هي قالت ثلاثه..
سامح: والله..ثلاثه !! يعني ما كانتش تكفي اتنين او حتي واحده
طارق: سيبك انت خدو واحده بس..وهي عاوزه كل دول هتعمل بيهم ايه ؟؟
نسمه: ياسلام دي سالي هانم..
طارق بإلش: هههه قولي والله واصدقك..طيب يا قمرات انا عربيتي ما تكفيش الا اتنين او تلاته...وعربيه سامح اربعه..وفيه كرم..قسموا نفسكم..
هبه: احم..معليش اقترح اقتراح ؟؟
طارق: انا قلت لكم يومين تاخدو راحتكم فيهم ......اتفضلي..
هبه: عاوزين الدبليو ام من كرم بس يسوقها سامح ابن عمي..
نسمه تكمل معاها: وكرم ياخد عربيه سامح ..يعني هو ومراته ياخدو راحتهم..
سامح لكرم: موافق ناخد مراتك التانيه "وحط ايده على العربيه"
كرم بص لفتون ..
فتون حست ان قلبها انقبض..هتركب مع كرم وتكون جنبه من تاني!!! وخط 3 ساعات ؟؟؟؟؟
طارق مش عاوز فتون تروح معاه رد سريعا: ولا اخد عربيه السواق وكرم يجي معانا كمان..؟؟
فتون احتارت...صعبه وقدام الكل تختار البنات وتسيب كرم.. وبنفس الوقت طارق عطاها الحل وريحها ...عذرها هيكون البنات..
كرم شاف تردد فتون ..رمى المفتاح على سامح: انا هاخد عربيتك.."ومشى"
ريهام زقتها بكوعها: فرصتك يا فتون ..روحي معاه..
هبه: ايه رايك فيا ظبطتك وغمزت !!
سامح بصلها..بمعنى جوزك مستنيك يالا
فتون راحت نظرتها لطارق ..هو عشان منقذها الوحيد.. بس لقته بيلعب بمفتاح عربيته ولا حاول حتي يبصلها ..لانه ميقدرش يعمل اي حاجه ...
ابتهال: فتونه..بلاش حركات تقليه " ودفعتها من وراها" روميو مستنيك
فتون بلعت ريقها وغصب عنها مشت ناحيه عربيه سامح الي قاعد فيها كرم
نفسها تروح معاه..وقلبها بيموت لما بتكون جنبه ..بس من كتر ما أتأذت من الاحساس الغريب اللي بتحسه لما تكون جنبه كرهته او يتعبها قربه لدرجه فظيعه..
طارق شافها راحت ناحيته..لف عيونه عنهم..: اللي عاوز يجي معايا يتفضل
ركبت ابتهال ونسمه وهبه وريماس مع سامح..
وريهام والهام اللي كانت قاصده ما تركبش معاهم وميسره مع طارق
فتون واقفه عند الباب ..وفتحته بتردد ..شافت المكان الفاضي ..شئ غصب عنها بيمنعها !نفسها تقفل الباب بقوه وتهرب..عارفه انه مش من كرم لا من المها تعبها احساسها القاتل
بس اجبرت نفسها وركبت ..وقفلت الباب وهي شاده على اعصابها..عاوزه تجبر نفسها وتجرب..يمكن تقدر تتغلب على الشعور الغبي ده وتتخلص منه..
كرم رجع العربيه على ورى بهدوء..وطلع من القصر..ولحقته العربيتين
فتون كانت متمسكه بالباب..وشعور الضيق خنقها..حاسه روحها بتطلع منها..فكرت تفتح الباب ترمي نفسها لمجرد تتخلص من النار الي هي فيها!!!!
ومسكوا طريق شرم..
كرم كان هادي ومستقر تقريبا الا من مخاوفه ..وبيحاول قد ما يقدر يتفائل بأن الخطوه دي ..هي الخطوه الاولى لرجعة فتون لحضنه زي الاول..
لف لها..حس ان فتون مش مرتاحه معاه..وده احساس مبوظ عليه هدوئه..
قرر يقطع الصمت الرهيب: صحتك عامله ايه دلوقت ؟؟
فتون حاولت تهدا..اخدت ازازه ميه موجوده بعربيه سامح وشربت منها ..مش قادره تتكلم..
: لا .......الحمد لله كويسه..
كرم صوتها ماعجبهوش ولا حتي طريقه ردها..متأكد ان فيها حاجه..فضل كل شوي يبصلها ..عاوز يشوف عيونها ..تبصله يفهم منها مالها
فتون كان وشها للجهه التانيه وبقوه ...ثواني فتحت الشباك محتاجه نفس..رقبتها اتشنجت
كرم: أرفع درجة التكييف
فتون هزت راسها بلا..
كرم بقلق جَلي: عاوزه حاجه طيب ؟؟؟ محتاجه حاجه ؟؟
فتون رجعت تهز راسها بلا..
كرم مات خوف عليها: فتون اتكلمي فيك ايه حبيبتي ؟؟؟
فتون شاورت بأيدها يوقف على جنب..جالها شعور انها تتقيئ كل الي في معدتها وزيت بيغلي في نص راسها وعمودها الفقري اتشل وعرق ع جبينها غير طبيعي
كرم على طول لف بقوه شمال في يمين..ووقف..
فتون اول ما وقف العربيه نزلت محتاجه تتنفس وتتقيئ
كرم نزل من العربيه بسرعه..ونزل لمستواها لانها قعدت على الارض..
حط ايده على ضهرها: ايه الي حصلك ؟؟؟
...قصص منه محمد.....
وفي مكان تاني وبجو تاني..
طارق مشغل الكاست وكلها اغاني اجنبيه ورافع أعلى صوت وبيستهبل ويرقص ..وحافظ الاغاني كلها..
ريهام ميته ضحك على هبله..
الهام معاه على الخط وكل انواع الهبل...ميسره كانت ناقده جدا على حركاته.. وتتخيل ان اهلها بجد يجبرو ها عليه..مستحيل..اكيد بترفضه بكل الطرق اللي تقدر عليها..
ريهام تصرخ : طيب على الاقل هدي سرعتك..
طارق يستهبل: ايه ؟؟ اعلى اعلى مش سامعك..
ريهام بتضحك بس خايفه: طارق بطل هبل والله سرعتك مجنونه..
طارق: انا قلت لك مش سامعك ..ارفعي صوتك..الهام مبسوطه ؟؟
الهام تصرخ: اكيد..
طارق لف لريهام: شوفتي الهام معايا بالمود.. اما انتي ......."وفجأه خفض على الصوت واتغيرت ملامح وشه" بنات مش دي عربيه كرم !!!
وبقوه لف واخد لجهة اليمين..
سامح اللي كان وراهم: يا حلوين مش دي عربيات عيال عمي ؟
ابتهال: اه ..دي عربيه طارق اللي لفت على اليمين..
نسمه وهبه: ايه الي حصلهم؟؟؟
ريماس بخضه : لا يكون كرم فيه حاجه ؟؟؟؟
>>>>>>>>>................>>>>>>>>>>>
فتون اول ما كرم حط ايده على ظهرها حست ان عروقها شويه وتطلع من مكانها ..
بعدتها بقوه وصرخت وكأنها مجنونه: ما تلمسنيش...ما تلمسنيش..
كرم مسك ايده..كانت ضربتها قويه عنيفه..
فتون صرخت فيه: انت ايه مش بتفهم ...اياك تقرب مني...اياك
كرم جن جنونه مسكها بقوه: انتي اللي انهبلتي.. ولا اكيد فصل مخك..
فتون بكت بحرقه ودموعها سيل على خدودها: كرم سبني ...كرم بليز ما تقربش مني .. ابعد عني ... ابعد ارجوك ..
حسوا بشخص زق كرم بكل قوته لبعييد: انت مجنون..مش سامع بتقولك ايه؟؟ البنت بتتألم وانت جدار مش بيحس..
كرم هنا ما حسش بنفسه ولا شايف قدامه: طاااارق اطلع منها ...
شويه شافوا انوار عربيه سامح واقفه ونازل منها بسرعه..: خير فيكم ايه ..
كرم بلهجه حاده: خد اختك معاك..
سامح ولا فاهم وبص لفتون : فيك ايه ؟
طارق بأستهزاء: خدها بعيد عن المجنون ده..."وسابهم متعصب"
سامح بص لكرم محتاج يسمع منه اجابه بس ما عطاله اي مجال لانه الثاني سابهم ...وركب عربيته ومشى..
سامح شاور لطارق يحرك عربيته وفتون جوه حضنه.
وطارق على طول انطلق..
وسامح اخد فتون لعربيته ..نزلت ابتهال ..وخلت فتون تركب قدام مكانها ...ورجعت ورى مع البنات..
ابتهال: سامح مالها فتون ؟؟
سامح وهو محتار مش فاهم ايه الي بيحصلها: مش عارف شكلها تعبت من تاني..
هبه:مالها فتون ...كل يوم تقع كدا مع ان والله اهتمينا بيها ..
نسمه: يا قلبي عليها ...فتون حاسه بأيه؟؟
ريماس كانت مصدومه..معقول كل اللي في فتون من السحر ...؟؟ عمرها ما توقعت انه يأثر على صحتها كدا !! اكتر الي تخيلته انهم يكرهو بعض وبس..بدون ما يتأذى حد..اليوم شكل كرم ما يدلش على انه بخير..وفتون وكأن ملامحها اختفت اللون الاصفر طاغي عليها..والسواد محلق لنص وشها بشكل كبير
بلعت ريقها بخوف..ولاول مره تقلق على فتون بجد !!!!!!!
