البارت31
#المشكله_والعنيد
منه محمد
بالملحق الخارجي...
فتون بتحكي بصدمه: مستحيل يكون انسان في راسه عقل ..تخيلي انا سمعته بنفسي وهو بيقول واخيرا يا سَيار !!
ابتهال بعدم تصديق: لالا يمكن انتي سمعتي غلط..
فتون: والله ..واحلف لك ده اللي انا سمعته..
ابتهال: بس مهما كان اللي بينهم ما توصلش لكدا !!
دخل سامح وقطع عليهم كلامهم: دلوقتي كدا اتغير الجو فجأه والكل طلع من الفرح متضايق..بنات الجيران..وعمي وعمتي واحنا ..!!
فتون وقفت: اهم حاجه احنا مالناش دخل فيها..
سامح: بس دي عيشتك مع جوزك.
فتون بزهق: اه جوزي...جوزي من المفروض يرضي امه ويعمل الي تطلبه حتى لو كان في قصرهم مكان اذا هي مش راضيه معليش فلوس عمي مش شويه ..تكفي تشتري قصور ..
سامح ئعد جنب ابتهال وسكت..
وفتون دخلت ترتاح بعد يوم طويل ..ومتكدس بالاحداث ..واللي اغلبها ما كانتش سعيده بالنسبه لها ..
.....
كرم دخل غرفته وحس انه ولا قادر يتحرك خطوه زياده..من الصبح وهو ولا ارتاح ولا لحظه..ئعد على سريره..واتنهد من قلبه ..اليوم فرحته وفتون معاه ..بس فرحته ما كملتش زي ماكان مخطط ليها ..مفكر انو هياخد فتون ويخرجو اي مكان ..او على الاقل يقعدو مع بعض.. بس افكاره اتبخرت لما افتكر صوت صريخ وزعيق سالي وكأنها قاصده تفسد عليه الفرحه..اتمدد على ظهره ..ونام بهدومه زي ماهو : سالي لحد امتي لحد امتي يعني ناويه تبوظي علي في كل فرحه...لحد امتي وانتي بتحرميني من كل حاجه حلوه ..عاوز اعرف امتي اخلص منك ومن شرك امتي !!
......قصص منه محمد كاتب.....
بتحاول تلاحق دموعها..عيونها حرقتها من كتر الدموع..
: انا ايه ذنبي !! بس لاني حبيتك ..انا بحبك وراضيه اني مش في بالك..بس ليه تجرحني في وشي ..على الاقل قدر مشاعري..
ودخلت في نوبة بكاء قويه..حست بقهر ونار تغلي داخل قلبها...تقدر تتحمل كل حاجه لو كان بعيد عن عينها ..لكن يبص لـ غيرها والاعجاب واضح في عيونه..وهي اللي في كل مره تسمع اسمه يدق قلبها..كل ما قالوا " سامح" ابتسمت وقلبها دق..وتجاهد تخفي حبها لان في نظرها ان المفروض هو اللي يبادرها ويبدء في الخطوه دي...ويوضح لها منه لو جزء بسيط..لكن النهارده الخطوه دي بعدت عن احلامها كتير وجرحت قلبها..وخلته ينزف ومكان الجرح مستحيل يلم..
:خلاص يا شهد...خلاص امسحي دموعك..انتي اقوى من كدا..سامح انا بحبك ..هفضل احبك..لاني بجد مافيش زيك تاني في الدنيا دي. ودايما وكل يوم بأحلم انك تكون جنبي..بس اذا كانت سعادتك معاها خدها الله يهنيك بيها ..اما انا اقدر اصبر ..واقدر اتحمل كل حاجه عشانك تهون" وشهقت" والله كل صعب عشانك يهون..
وغطت وشها بالبطانيه..وهي عارفه انها بتضحك على نفسها بالكلام ده ..بس تحاول تدي نفسها دافع للقوه ..جزء بسيط تقدر بيه تقاوم سامح لما تشوفه من تاني!!!!
وبعد ربع ساعه حست نفسها هديت شويه..وسمعت صوت خبط الباب..
: ادخل..
دخل عبد الله: نايمه !!
شهد حاولت تظبط صوتها لا يبان انها كانت بتعيط : لا ...ادخل..
دخل عبد الله في عتمه الغرفه مافيش نور الا نور الاباجوره اللي جنب سرير شهد..
:قلت اجي وادردش معاكي شوي..
شهد بتحاول تكون طبيعيه: قول من الاخر تدردش معايا ولا حاجه تانيه !!
عبد الله ضحك : لا بجد جاي ارغي شويه ..ما عنديش حاجه اعملها،، ايه الي حصل النهارده في بيتهم..!!
شهد: امممم حصل ايه !!..انبسطنا ورقصنا والعروسه كانت خيال وايه كمان ؟؟
عبد الله بعفويه: وابتهال ؟؟
شهد سكتت شوي..وبأسى وجديه كملت: عبد الله لسه بتفكر في ابتهال !!
عبد الله ارتبك: لا...عادي..
شهد: نصيحه مني يا اخويا انساها..دلوقت ولاد فتحي جيرانا أتغيروا عن الاول..بقت فلوس ابوهم تعيشهم ملوك..غير فلوس عمهم ..خلاص بقو فوق واحنا لسه تحت..معتقدتش يفكرو ياخدو مننا..الليله كتب كتاب الملكه فتون وكانت ملكه بجد ...كانت حاجه ولا اقدر احلم بيها في حياتي..كانت قمه في الشياكه ..القصر اللي هما فيه يحكي قصة بذخ..كل حته في حياتهم بقي واو..حتى ابتهال نفسها ولبسها وحياتها..اتغيرت وبقت نسخة من بنات عمها..لدرجه ان اليوم شوفت دولابها من كتر زحمه الهدوم بقت تشحت منه من كترهم...تفتكر انت قالت ايه ..قالت هوديهم للجمعيه الخيريه اصلها بقت قديمه..تتوقع دي ابتهال اللي نعرفها الاول !!
عبد الله كلام شهد اجبره على السكوت مش عشان ابتهال..لا .. كانت حسره على اخته الي كانت تتكلم بأسى وكأنها هتنفجر من الغضب ..حزنها على صديقتها كان اقوى..
عبد الله: هي ابتهال اتغيرت عليكي !!
شهد: لا ..هي النهارده معايا..بس بكره مااضمنش..عشان كدا يا اخويا ..عيال فتحي انساهم ..انسى انك تحاول تجاريهم ..وحتى انا بنسى .ضروري لازم انسى..
عبد الله انسحب من عند شهد وهوبيفكر بكلام اخته..لما يجي يفكر بعقله يحسه معقول..بس قلبه ما اقتنعش بيه..لان في دماغه ان ابتهال هتفضل ابتهال ليه تتغير !!
