البارت26
#المشكله_ والعنيد
منه محمد
: هي راحت لاهلها..وهتسهر معاهم..اكيد مش راجعه دلوقت..
: متأكد يا سامي.
سامي: ايوه متأكد..خالد انا ما جبتكش هنا الا عشان عاوز منك طلب واحد بس..اتمنى توعدني انك تنفذه..
خالد: اذا ربنا قدرني عليه..
سامي: عارف ان الي بقوله صعب..انت ماقصرتش معايا سفرتني على حسابك الخاص انا وريهام..واهتميت بينا..وتعبت معانا..بس اخر طلب وهو اهم طلب ريهام من بعدي يا خالد حطها بعيونك.
خالد اتخنق لما شاف الدموع بعيون سامي.ازاي واحد يطلب الطلب الصعب ده منه..يطلب من الغريب ينتبه لمراته من بعده!! ده اكيد انه مش حب الا تخطي كل مسافاته..
خالد: سامي..متتعبش نفسك بالكلام ده..ريهام ليها رب يتولاها..
سامي: ونعم بالله..خالد اناعارف بحكايه الورد..و دخولك كل ليله تطمن عليها..وقبل كل ده..الموقف اللي حصل بيني وبينك من زمان..احنا رجاله ونفهم بعض..واتمنى انك توعدني...اوعدني يا خالد..
خالد بأسى ومحروج من نفسه منه: اوعدك..
واتفتح الباب..
: يا صباح ومساء ال...."واختفت الكلمه وضاعت وتاهت من الصدمه"
عيون خالد وسامي ما تقلش صدمه..اخر شخص ممكن يتوقعوه هي ريهام.
ريهام مش مصدقه عينها...خالد!!...وخالد هنا مع سامي ليه؟؟
ريهام بحده: انت ليه هنا؟؟
خالد: دكتوره ريهام..هفهمك كل حاجه.
ريهام بصت لـ سامي شوي...وافتكرت على طول حكايه الورد..وسؤاله امبارح عنه..كان عارف صاحبه ومع ذلك سأل..هو اختبار ولا ايه؟؟
واتكلمت بكل غل: سامي..انت معاه!!...اذا هو حقير عارف اني متجوزه ومع ذلك كل يوم يبعت لي ورد..وانت عارف وساكت..ده معناه ايه ..فهمني يا سامي..
سامي بتعب: ريهام الله يخليك ما تفهميش غلط..
خالد: ريهام...سامي مالوش دخل بأي حاجه.
ريهام في قمة القهر.والعصبيه والحزن والجرح..ازاي سامي يكون مع خالد ازاي!!
طلعت وسابتهم..
سامي: الحقها يا خالد ارجوك..
خالد بسرعه لحقها: ريهام الله يخليك اسمعيني بس شوي.. بس شوي..انا مش مهم تعرفي عذري بس الاهم سامي...
ريهام وقفت وخدودها مرسوم عليها سيل من الدموع: انا صدمتي الاولى فيك لسه ما نسيتهاش وجات التانيه اسرع مما اتوقع..بعدين انا كل شئ اتوقعه منك..بس سامي عمري ما تخيلت انه يلعب بمشاعري عشان بس اقف معاه ولا اسيبه بعد ما الكل اتخلى عنه..
خالد الكلام جاله زي السهم الي انغرز في قلبه وكل طعنه اقوى من التانيه...هو في عين ريهام ولا حاجه من زمان..ومهما عمل مستحيل تشوفه..!!!
ريهام: فتون كان معاها حق...حتى اختياري للزوج ما عرفتش اختار عن اذنك..ومتجيش ورايا مالوش داعي نغلط على بعض اكتر من كدا
"ومشت بتمد ب................خطواتها"
خالد حط ايده على راسه ازاي يحل المسأله..ورجع لسامي..
: ازاي مشت وسبتها ليه ما فهمتهاش..
خالد: والله حاولت بس رفضت
سامي: ارجوك يا خالد...ريهام لازم تعرف كل حاجه..موتي ولا تفهمني غلط..
خالد: خليها ترتاح حاليا...بعدين اتفاهم معاها..
...............
ريهام على قد ما مشت بالشوارع وتئعد ترتاح لما تحس نفسها قطعت مسافات على رجولها...على قد ماحاسه دلوقت ان حتى الشوارع ما بقتش تقدر تحتويها..كل شيء فالدينا مابقاش يسوه بعيونها...لا الحياة ولا الحب ولا المشاعر ولا الأحاسيس ولا حاجه من كل الحاجات دي تسوى طالما مافيش حد يستحقها..صدمتها بسامي صابت قلبها باليأس وحكمت عليه بالاعدام قبلها باللي فيها..الاهل والاصحاب والناس كلهم ممكن يخدعو ويخونو الا سامي في نظرها..ممكن كل الناس تكون ضدها بس ما دام سامي بصفها هي راضيه...لو خيروها بين موتها وحياة سامي...اختارت الاسهل وهو موتها..اقسى واصعب شعور الخذلان..كل شئ بحياتك معلقه على شخص...وتتفاجئ بيه انه اخدها لعبه هنا بجد تتمنى الموت ولا تمر عليك اللحظه دي..او تتمناه هو نفسه يموت ولا يصدمك بالشعور ده على الاقل مات وهو باقي له في القلب محبه...ولا كل يوم تجرب شعور الموت ولا تموته..
..................................
قبل غروب الشمس...
ناجي: احلى حاكه هنا الاسواق..المولات عندهم حاكه تانيه خالص..اهم شي اكهزوا(جهزوا) النقود عشان الدفع..دا المول بياخد فلوسك لان كول حاكه حتعجبك وتجننك جنان..
ابتهال: هههههههههه اقسم بالله الناجي ده برنامح يعرف يعمل لنفسه دعايه..
نسمه: واضح يعرف ههههههههه
هبه: لو يسكت اريحلنا
ميسره: ههههههههه مالكم كلكم عليه والله عليه حركات تضحك..
الهام: دا مسخره..
ريماس: هههههه اتحداكم يسكت ثانيه واحده....
وطول الطريق وناجي ما سكتش..
جانيت: .ولك العمى اسكوت شوي..بدنا نتفرج بهدوء..
ناجي: يا جانيت يا أمر يا حلو انت..العصبيه ما تنفعش في برلين دا الدونيا حلوه..
جانيت بهمس: ست فتون بليز..خليه يغروب عن وشي(وجهي) وبربي ما صار لي نفس اتمشى..
فتون: ههههه خليه يدينا شوية سماجه اهيه تلطف الجو..
جانيت: ربي يصبرني..
الحريم والرجاله ماشين قبل ناجي وكلامه اللي مش بيخلص وكرم وراهم وشابك السماعات في ودانه..
وعند بوابة المول: وده الصرح العزيم(العظيم) المول..يمكن ياخد يومين ع بال ما تخلصوه..شدوا الهمه يا شباب..
كرم حط ايده على كتفه: هنا خلص شغلك ناجي...بس نخلص من الشوبنج نطلع لك..متدخلش معانا..
ناجي: حاضر يا باشا..حاكه تانيه!
كرم: لا سلامتك "وعطاه مبلغ"
ناجي: ربنا يخليك ياباشا..ويوفئك (يوفقك)..وينولك اللي في بالك يارب يا كبير..
كرم ابتسم غصب عنه: الاخيره كتر منها...
وسمع صوت نسمه تصرخ: بنات مش دي ريهام!!
الكل لف لجهه المكان الي شاورت عليه...
كرم سرع خطواته: اه هي ريهام.
الهام نادت عليها:ريهام احنا هنا ...هنا..
ريهام ما بين انها تنهار من العياط..وما بين صمودها...شافت اهلها وقررت الصمود..مافيش حاجه تستاهل دموعها..على قد ما بكت الليالي السوده لوحدها..والناس نايمه وهي الدموع ما فارقت عيونها..مسحت بقايا دموعها..وحاولت تتماسك..ريهام مش من النوع الصامد القوي...بس ساعات تيجي القوه من بعد قوة ضعف..وقربت منهم.
ريهام: انتوا هنا !! "وحاولت تبتسم"
الكل بصلها شكلها مش طبيعي
كرم: مطولين ...يالا ادخلوا...
ريهام وتتصنع الحماس: اه يالا بنات...المول حيعجبكم...مع اني ما دخلتش الا محلين بس فيه...
فتون مستغربه حالتها...اكيد البنت مش طبيعيه...
وسمعت كرم اللي واقف جنبها يهمس لنفسه: البنت فيها حاجه..
فتون وهي ماشيه ورى البنات: وانا معاك فعلا فيها حاجه
كرم على طول لف عليها واتصدم..هي بتكلمه ولا بتكلم حد تاني!!
داخل المول..
انتشروا العايله وكل مجموعه راحت في جهه..ريهام كانت مع فتون وتتكلم عن امور مش مترابطه مع بعض .
: على قد ما بحب اشوف اللبس الا اني مش بلبس..وبحب اشتري برفانات..بس شغلي مابيسمحليش..ونفسي اقص شعري بس ما عنديش استعداد اهتم بيه..ونفسي اعمل امور كتيره بس اول ما نرجع هبدء فيها..
فتون وقفت ومسكتها من ايدها: ريهام..انا متأكده ان فيك حاجه انتي مش طبيعيه!!
ريهام نزلت راسها وعيونها اتلمت دموع..اللي كانت صامده طول الوقت بس كلنا لينا قوه احتمال وريهام قربت تنهار..
فتون حست بيها وقربت عليها رفعت راسها: ريهام ...فيك ايه؟
ريهام على طول ضمت فتون : فتون انا بجد مصدومه ومش عارفه اعمل ايه؟؟.
فتون اتفاجأت من انهيارها على طول وحضنتها: هدي نفسك يا قلبي وتعالي نئعد واحكي لي..
وقعدوا.
فتون: انتي مصدومه من جوزك..!!
ريهام افتكرت شكل سامي جنب خالد: عمري ما تخيلتها تيجي منه...عمري ما توقعته انه يستغل حبي عشان بس اكون جنبه مش لانه بيحبني..لا لانه مابقاش ليه الا انا..
فتون بعدم فهم : ريهام..انت اهدي دلوقت ووحدي الله..وقوليلي الحكايه من الاول..
حكت لها ريهام حكايتها مع سامي وخالد من البدايه لليوم ده.
فتون احتارت مشعارفه تقول لها ايه؟؟؟..
اتكلمت: طيب ليه سامي يكون مع خالد..او العكس ليه خالد مع سامي..خالد المفروض يكون بيكره سامي لانه اخدك منه..
ريهام: انا برضو محتاره..مبقتش عارفه اصدق مين...سامي اللي حبيته واخلصت له وحاربت الكل عشانه...اشوفه مع خالد اللي حاول يبوظ حياتي وحياته..وكان ضده من الاول..اشوفهم مع بعض وواضح ان بينهم حاجه..
فتون: ريهام لازم تعرفي الحكايه..
ريهام بأسى والدموع خانقه صوتها: لا مش عايزه اعرف حاجه يا فتون..مش عايزه انصدم اكتر..
فتون: وما ينفعش تخلي الامور معلقه..
وشافت فتون كرم من بعيد جاي عليهم ..
فتون: ريهام خدي بالك كرم جاي علينا
ريهام بسرعه مسحت دموعها: اوك واللي بينا يبقى سر..
فتون: اوك..
وصل كرم وشاف فتون تحاول تشغل نفسها بالشنطه او فنجان القهوه الدافي قدامها...
وريهام اللي واضح عليها انها كانت بتعيط وبضمير..أأعد ولا علق على اي حاجه..
ريهام: امال فين البنات!!
كرم وهو يطلع سيجاره من العلبه: سبتهم شوي..وقلت ائعد معاكي..
ريهام: انا راجعه معاكم..
كرم حط السيجاره بين شفايفه ورفع عينه عليها مستغرب: ليه!!
ريهام: انا خلصت مهمتي..
كرم وهو بيحاول يولعها: وسامي.؟!
ريهام سحبتها من بين شفايفه: معليش كرم متدخنش جنبي .
كرم مد ايده ليها: حطيها..
ريهام خافت منه وحطتها :طيب مش تدخنها..
كرم حطها بجيبه وبعصبيه خفيفه: مره تانيه ما تسحبيهاش كدا..اوك!
فتون كانت بصاله ازاي كان بارد وفجأه اتعصب..
لف بسرعه على فتون وجت عينه بعينها..وفتون بسرعه بعدت نظرها عنه..
رجع يبص لريهام:ماقلتيليش..ليه هتسبيه هنا..اظن هو محتاجلك..
ريهام: عنده اللي يرعاه..انا راجعه معاكم..
كرم: تقصدي خالد!!
ريهام انصدمت: وايه عرفك ان خالد هنا؟؟
كرم: شفته فالمستشفى لما زرت سامي...
ريهام تحت الصدمه: وكلمته...ولا عرفك من نفسه؟
كرم: ايوه كلمته..وقالي انه نقل اوراقه هنا..وانك ما تعرفيش انه موجود ولا له علاقه بسامي وحالته..
ريهام انفعلت: كذاب..هو جه معانا وسامي عارف بكدا دول بيشوفه بعض من وراي..
كرم: وليه مش عاوزك تعرفي .؟
ريهام: ما يهمنيش لا هو ولا سامي انا راجعه معاكم..!!!!
كرم سكت شوي ووقف...
وبعدها اتكلم: انا رايح مع البنات..ولما تخلصوا كلامكم اتصلوا بيا اوكي..
ريهام: اوكي...
.............................................
عند البنات..
هبه وريماس مع بعض وبقية البنات مع بعض..شافوا كرم مقرب عليهم لكن بخطوات سريعه..
هبه وريماس عطوه ضهروهم وعملوا نفسهم مش شايفينه..
هبه: والله ما بتتكسف تكلمه كدا قدامنا..
ريماس: يا حبيبتي بنت فقيره ولا شافت تربيه..عايزه تكون ايه اخلاقها..
هبه: انا مالي بيها وباهلها بس على الاقل تحترمنا مش قدامنا تكلم شباب..
ريماس: ماتقوليش لحد يا هبه متعرفيش ربنا بكره يبليك ببنت زي فتون صايعه ومش متربيه.
لفت هبه : يوه كرم انت هنا..
وريماس لفت معاها..وكلهم لاحظو ان وشه انقلب فجأه للون الاسود..
كرم سكت شوي...الكلام اللي ناوي يقوله لهم وجايهلم مستعجل عشانه ...طار..اتبخر
هبه: كرم كرم مالك بس؟؟
كرم غمض عيونه واخد نفس: انا رايح مشوار قصير...ما تطلعوش من هنا من غيري اوكي...
ريماس بصت لهبه اللي ردت عليه: اوك..
"ومشي بغضب اسود"
ريماس بخبث: دلوقتي بس...اقول ان كرم لي ...
............................
على ارض القاهره وفي القصر بالتحديد..
دخلت عليها بالغرفه وفتحت الانوار وقربت منها..مازالت نايمه من تأثير الابره المهدئه...
: ربنا يكون في عونك يا ريهام.."واتنهدت وطلعت"
وراحت للصاله اللي بالدور التاني..والكل بصلها..
ابتهال: ها يافتون طمنيني ازاي حالتها دلوقتي ؟!
والبنات مع سالي وعمتهم منتظرين الجواب..
فتون: لحد دلوقت نايمه "وأأعدت"
سالي بقهر وحسره: انا قلت من الاول جوزها ده فال شر علينا..وكام مره اقنعتها ما تاخدوهوش ولا ينفع لها ..بس ولا سمعت ولا في واحده عاقله بتاخد واحد بيموت..
مياده: اللي حصل حصل يا سالي...الله يرحمه..
الكل: الله يرحمه..
نسمه بكت على اختها: والله حرام اللي حصل فيها ..ريهام طيبه وعلى نياتها..تستاهل حظ احسن من كدا..
فتون: يا نسمه اذكري الله..وحرام ما يجوزش الكلام ده الي ربنا كاتبه ليها..اللهم لا اعتراض..
جه كرم عندهم وواضح عليه القلق وملامح التعب..
سأل: عامله ايه دلوقت !!
مياده تطمنه: لا الحمد لله احسن..دلوقتي هاديه عشان الابره..
سالي وقفت وهي منهاره والدموع بعينها: كله منك انت..انت السبب لو ماكنتش طاوعتها على اللي عايزاه ما كانش حصل لها اللي حصل..كنت زعلت لها يوم او يومين وفي الاخر هترضي..بس انت دمرت بنتي ..انت عاوز تموت عيالي.."وقربت عليه لحد ما بقاش فيه بينهم أي مسافه" انا عرفاك..لا بتحبني ولا بتحب عيالي..وعاوز الشر لينا دايما..
مياده مسكتها: سالي ايه الكلام ده..كرم ماله بالي حصل ؟؟
سالي انهارت: هو السبب في كل حاجه هو يا مياده..ناوي يدبحني ويدبح ولادي..
كرم كان واقف ثابت..وشه خالي من أي تعبير..بس كلام سالي كان قاسي عليه ..وجه على الوتر الحساس في الايام دي..هو عمره ما كرهه اخواته..ودايما عاوز لهم الخير..ما قدرش يحرك رجوله مبقتش تشيله من كتر الحمول الي على ظهره..والكلام ضاع اللي كان بيقوله او بيرد عليه..طول حياته صابر ومتحمل وساكت على سالي وبلاويها..واذا طلع منه كام كلمه فهو بس رد بسيط على اللي بتعمله فيه كل يوم..كفايه بقي منين ما تشوف وشه تحس انها شافت ابليس وتستعيذ منه..
البنات كلهم في وضع يرثى عليه..والموقف اللي حصل قدامهم مش شوي..
هبه ونسمه بكوا وريماس تهدي فيهم..الهام ما تحملتش اكتر من كدا وسابت المكان..وفتون وابتهال مصدومين..
وخصوصا فتون..اللي شافت كرم واقف ولا أتحرك ولا قال ولا كلمه..
سالي بنفعال : روح..روح غور من وشي..اطلع من حياتي اطلع..
كرم لسه واقف...ورفع عيونه للسقف لفوق يمنع الدموع تتجمع بعيونه ويفكر بنفسه" هو انا السبب في اللي ريهام فيه دلوقتي !!!"
مياده صرخت: فتون..اتصرفي..
فتون وقفت بسرعه محتاره..تتصرف مع مين..مع كرم ولا سالي..
بصت لسالي اللي على يمينها تصرخ وتقول كلام مش مفهوم
ولفت على كرم اللي متثبت بمكانه..وراحت له..وقفت قدامه..
فتون بهدوء: خلاص كرم روح..
كرم ما زال بصص لفوق..ومغمض عيونه..
فتون عيطت:كرم "وزقته بخفيف بأيدها" كرم اتحرك..
كرم فتح عيونه وبص لفتون اللي واصله نص صدره..وشاف عيونها..فيها خوف..ولمعة دموع..وفيها نظره تكه يمكن رحمه ع حاله ووضعه..
فتون انصدمت من عيونه لونهاكاسات دم..كان بيبكي !!
كرم اتحرك بعيد عنهم بخطوات تقيله واتجهه لغرفته.فتح بابها وبص حواليه نفسه يدمر كل شيء..ولو عليه كان هدم جدارنها..الحسره والقهر والحزن اكلوا قلبه.خلاص مابقاش فيه حيل يتحمل اكتر من كدا كل انسان وله طاقه..وهو ضغطه النفسي وصل لاخر حد..قرب ينفجر...!!
قعد على كرسي بغرفته بتعب وشاف وشه وشاف الاحمرار اللي بعيونه ..
وفهم نظرة فتون المصدومه قبل شوي زاد قهره..بسرعه راح الحمام وغسل وشه مره واتنين وتلاته وبحركه سريعه ..
ولنفسه" ليه..ليه تشوفي يا فتون ضعفي..ليه تشوفي الدموع بعيوني..ليه!!!" وضرب المرايا بأيده..
سمع خبط الباب..
صرخ : مش عاوز اشوف حد..
وبتردد : انا...انا فتون ...!
كرم اتعصب والميه قطراتها تنزل من وشه: قلت مش عاوز اشوف حد..
وطلع من الحمام وقفل باب غرفته..ورمى نفسه على السرير..وافتكر الاحداث الي حصلت من يومين في برلين
#فلاش_باك
شاف هبه وريماس وقرب منهم وسمع هبه.
هو سمع اسم فتون بس بالاخر..ومسمعش باقي الكلام..وكل اللي بقى في باله " معقول فتون !!"
اتعمت عيونه..واطرش من بعد الكلمه دي مش عاوز يسمع كلام تاني ..ومبقاش فاكر هو قالهم ايه ولا هما ردو عليه بأيه؟؟
بس كل اللي عرفه انه لقي نفسه برى المول..لفت بيه الافكار ..والدنيا..فتون البنت اللي كان يشوفها ملاك..تكون كدا!!..شيء مستحيل او مش معقول ..استحقرها بجد ما تستاهلش مكانتها بقلبه..ولا تستحق اللي عمله عشانها ..وعرف ليه هي رافضته..اكيد عشان حبيب القلب..بس بيأأجل الحكايه لحد ما يرجعو ويعرف مين الي واخد قلب فتون ويعرف ازاي يتفاهم معاه ومعاها..
اخد له تاكسي وطلع للمستشفى اللي فيها سامي..واول ما دخل عليهم..
على طول خالد وقف له: كرم !! كويس انك جيت..
سامي بتعب وصوته ما ينسمع: كرم ..تعال عندي شوي..
كرم ولا اتكلم ولا كلمه ...وقرب من سامي..
سامي: كرم انت اكيد شفت ريهام..واكيد زعلانه مني.
خالد: يا كرم هي فهمت الموضوغ غلط..
كرم : وايه الموضوع الصح..؟
خالد: من الاول..لما كان فالمستشفى بالقاهره..ما كانش له علاج هناك او العلاج هنا افضل..بس اجره السفر على حساب الدوله بتاخد وقت..جاتلي ريهام في مره من المرات ..وقالت محتاجه انقل سامي هناك..طبعا انا كنت عارف ان حالة سامي نسبة العلاج بقت قليله..وكنت بحس ان لي ذنب باللي حصل فيه..روحت ظبطت السفر واوراق سامي على حسابي..انا كنت ناقل اوراقي من زمان عندهم..طبعا اللي حصل انا سافرت قبلهم وهم حصلوني.وكنت بتابع حالة سامي من ورى ريهام وما كنتش عاوزها تعرف عني لانها اكيد بتتضايق من وجودي اولا وثانيا هتستغرب ليه انا هنا !!...بس الاهم من ده كله سامي طلب مني اني ما اقولها واني اكون معاها بدون ما تحس ..وانا ماسكتش الا عشان سامي..
كرم فهم ليه سامي طلب الطلب ده.."وبص في عيونه اللي ملاها الخوف والحزن على ريهام.."
واضح بجد انه بيحبها...اكيد انه رافض ان ريهام تعرف بوجود خالد عشانه كراجل فيه غيره ما رضى ان خالد ممكن يستغل مرضه ويكون مع ريهام.وتاني حاجه.. رافض يحسس ريهام انه يعرف عن حالته شي وان علاجه مستحيل..فا خلاها تقول اللي عايزاه انه ميعرفش بس وهو بيصدقها بكل حاجه.. زي ما هي لسه مخبيه عليه ان اللي بياخده حاليا مش علاج ..هي بس مهدئات تديلو فرصه كام يوم يعيشهم..
سامي اتكلم: كرم ..ارجوك فهم ريهام الكلام ده ..سواء كانت عاوزه تشوفني او لا..وقولها سامي راضي عليك..واذا ما قدرت تودعني ..قولها بس ترضى علي..خليها ترضى يا كرم..وده اخر طلب في حياتي..
كرم الموقف اللي فيه صعب..وهزه من جواه..سامي شكله بيحتضر وحاسس بأجله..واخته ازاي بس بينقل لها الخبر..!!
خالد شاف الحيره بكرم: كرم اتحرك لريهام يالا..
كرم وقف: اوك انا رايح لها...سامي ...تماسك..متسبش اختي..
"وطلع بسرعه"
خالد لحقه: كرم...شكل سامي حالته صعبه جدا...استعجل..
كرم بلع ريقه وبتوتر: انشاءالله ..
وبسرعه رجع لهم في المول..
وراح للمكان اللي سابهم فيه مالقاش حد فيهم .واتصل عليها..
ريهام: ايوه ياكرم..
كرم: فينك.؟
ريهام: مع فتون...بالمول...ليه؟؟
كرم: ايوه فين بالظبط!!
ريهام حددت مكانها..وكرم قفل معاها وطلع رايح لها بأقصي سرعه
ريهام بصت لكرم اللي واقف قدامها وبصعوبه يتنفس: مالك بتنهج كدا !!
فتون كمان مصدومه من لون وشه وتوتره..وشكله جايهلم يجري!!
كرم وهو يتنفس بسرعه: ريهام..روحي بسرعه لسامي..
ريهام: مستحيل اروح له..
كرم: سامي..يا ريهام تعبان جدا
ريهام وجعها قلبها..بس سامي خاين وخدعها..مستحيل ترضى عليه او تسامحه..هو استغلها..
: متحاولش ياكرم معاي مستحيل اروحله..
كرم :ريهام اسمعيني انا رحت له وفهمت كل الحكايه منه.. وسامي بيحبك ولا فكر يزعلك..هو عمل كل ده عشانك..انتي تثقي فيا يا ريهام..روحي له..هو بيحبك..
ريهام غرقت عيونها دموع:كرم...انت متأكد..!!
كرم مسك ايدها: بسرعه تعالي معاي..فتون خلي بابا ياخد الكل للفندق...
فتون هزت راسها: اوك ..
وبسرعه راحوا للمستشفى..
وأول ما طلعوا للدور الموجود فيه سامي كان في استقبالهم خالد..
خالد منزل راسه: بسرعه ياريهام روحي له...
ريهام دق قلبها خوف وسابت ايد كرم وبسرعه جريت لسامي...
خالد وقف جنب كرم: طلعت النيرس من بعد ما طردها..يارب تلحقه.
كرم لف عليه بصدمه : ايه !!! سامي بيحتضر..
خالد والغصه وقفت بحلقه: ايوه...
كرم سند نفسه على الجدار الموقف كبير وصعب..اشحال بأخته اللي دخلت عليه وبتشوفه..."
