البارت 35
#المشكله والعنيد
منه محمد
فتح عيونه و سمع صوت داخل الحمام عرف انها جوه
كرم : الساعة 1 بالليل .... وحشتيني لو ما قربتش منها كل يوم بيحصل فيا حاجه بتتجن
خرجت من الحمام و شافته صاحي و اتكسفت من نظراته النارية المصوبه عليها!!!
كرم فضل ثواني يفحصها و بلمح البصر راح عندها و شالها
فتون كانت لابسة بيجامة وردية كانت عبارة عن شورت مخطط ابيض و وردي و بلوزة كات وردية عليها كلام بالإنجليزي والكلام بالأبيض و كانت في قمة البراءة
كرم حطها بالسرير و باسها شفايفها بشوق :ههههه لسه بتتكسفي مني والله لا أخليك تتنفسي أنفاسي
فتون بصتله ودابت من الخجل
كرم كان مع كل بوسه من شفايفها بص في عيونها الي دايما تقدر تأثره وتسحره وتعصف بقلبه لشط بعيد وغريق!و فجأة قرب وشها منها و باسها بشويش وهي اتكسفت ووشها احمر بس عجبها جراءته ووووووو
صحيت ع الظهر شافته لسا نايم و قامت اخدت دش لبست و اتبرفنت و راحت تصحيه
فتون همست في ودنه مع هزه بالخفيف: قوم يالا يا كرم
كرم نومه خفيف فصحي و عمل نفسه لسه نايم
فتون ضحكت : كرم عارفه انك كذاب ياكرم!!!
قربت منه وباست خده و هو على طول سحبها لحضنه
فتون بصدمه : الله مش انت كنت نايم
كرم فضل يشم ريحتها الي تدوخه : ازاي أنام و روحي و عمري قامت من حضني
فتون ضحكت وبعدها كرم قام اخدله شاور وطلع لبس وراح ع الشركه وفتون غيرت هدومها و طلعت من غرفتها ..وهي حاسه بزهق كبير..!!!
فتون: شكلي بأقترح على كرم يفتح لي محل او أي حاجه اشتغل فيها..والله ملل..
نزلت السلم ..تدور ع اي حد يمكن تلاقي ريهام ولا جانيت..بس خاب ظنها ولا لقت واحده منهم..
فتون ضحكت بخفه: بالعاده اشوف سالي..والله ليها وحشه..وكمان اكلم كرم عنها..امتى ناوين يرجعوها..
دخلت وعملت لها كوبايه شاي مع ان الخدم دايما يترجوها يعمله عنها..بس هي رفضت..خدت الكوبايه وطلعت للجنينه..فتحت البوابه ومشت ع السلم..وحست ان تحتها فيه حاجه ..بصت تحت...بودره بيضه معجنه!!
فتون كشرت: ايه ده !! فين الخدم ما ينضو القرف ده .. والغريب انه واضح وعلى خط واحد ..!!
رجعت دخلت ونادت واحده من الخدم تمسحه..وهي طلعت وئعدت على واحد من الكراسي...وبتفكر بسالي..وكرم..معقوله كان بيعاني معاها زي ما كانت هي نفسها بتعاني مع سالي..افتكرت ابتسامته لما طردها عمها من البيت...واضح ان القهر مالي قلبه بس كان ساكت ومتحملها..
فجأه حست معدتها غريبه..وكأنها عاوزه تتقئ..اخدت كوبايه الشاي وشربت منه..
فتون بتفكر في كرم: ما سألتوش امتى امه ماتت ولا عن حياته والله اني......
ورجع لها نفس الشعور...حطت ايدها على بطنها: يا الله مالي النهارده..حاسه اني هستفرغ.."اخدت الكوبايه ..ودخلت جوه"
>>>>>>>>>>>............>>>>>>>>>
رجع الكل الي من شغله..والي من مدرسته
بغرفتها دخل عليها كرم..
: السلام عليكم..
فتون سمعت صوته ابتسمت..بس شافت شكله رجع لها نفس شعور الصبح.. عاوزه ترجع وبضيقه غريبه..قاومت الشعور وردت عليه..
فتون: وعليكم السلام..
كرم قرب منها زي ما اتعود عاوز يبوس شفايفها: وحشتيني ل......
بعدت عنه بصوره سريعه وكأنها خايفه منه..
كرم كان محني..وثبت في مكانه اتفاجاء من حركتها...لف عليها مصدوم..
فتون نفسها كانت مصدومه من حركتها..: انا ...كنت ..."ورجع لها نفس الاحساس أقوي من الصبح ودخلت الحمام بسرعه"
كرم عقد حواجبه وئعد على السرير مستنيها تشرحله حالتها..
فتون اول ما دخلت الحمام حست نفسها قدرت تتنفس شويه في الاوضه كانت مكتومه..حست براحه شوي غسلت وشها وطلعت له..
كرم : فيك ايه ؟؟
فتون ردت بدون نفس:لا ...انا زي الفل.
كرم: تعبانه اخدك للمستشفى !!
فتون حست بجد انها مخنوقه خلاص مش قادره تتحمل:لا مش تعبانه.." ووقفت عند باب غرفة النوم" هستناك تحت...
كرم حاول ما يدققش بالحكايه..وغير هدومه ونزل..
على السفره..الكل قاعد..وهو اخر واحد وصل..
ئعد جنب فتون..
سَيار: بسم الله ..." و بدء ياكل"
فتون وقفت فجأه : احم..انا اسفه .."ومشت بسرعه"
كرم بشك ..لا اكيد فيها حاجه..
سامح كانت المعلقه في بؤه بطريقه طفوليه وهو يبصلها وهي بتجري للحمام ..ولف على البنات..
ابتهال وهبه ونسمه بصو لبعض..
ريهام ابتسمت..واول أمر جه في بالها..ممكن فتون تكون حامل..
سامح اللي كان شارد...بسبب نظرات جانيت له كل شوي..بس قلق على اخته...
فتون في الحمام باصه لنفسها : ياربي مالي ؟ايه بيحصل لي !!
لما دخلت الحمام راحت غمه النفس ...بس فجأه حاست انها مخنوقه لدرجة الجنون..
رجعت لهم وقبل ما تدخل اخدت نفس عميق ودخلت محروجه: انا اسفه..
ورجعت تئعد جنب كرم بس بصتله ووقفت ولا قعدت
سَيار: يالا فتون اقعدي ..
فتون: سوري انتوا كلوا بالهنا..انا ماليش نفس.."وراحت اعدت بعيد"
كرم حط المعلقه ع الطبق ووقف..
سَيار: اقعد..خليها على راحتها..
كرم قلق: اروح اشوف مالها
سَيار: كمل اكلك وروح لها بعده..
كرم كمل اكله..وباله مع فتون..
واول الي خلص كانت ابتهال وبسرعه راحت لغرفتها ومالقتهاش..نزلت تحت ودخلت المطبخ وشافتها بتاكل..
: فتون !!...انتي هنا ؟؟
فتون: جعانه اعمل ايه..
ابتهال ئعدت جنبها: وليه ما كلتيش معانا ؟
فتون: معرفش ليه مره واحده حسيت ان معدتي قلبت و...
ابتهال صقفت ايديها مع بعض وبحالميه: معدتك قلبت؟؟ يعني حامل..الله واخير هبقي خاله..
فتون شرقت: حامل !! حامل مين ؟؟ وانا لسه متجوزه يمكن ما كملتش شهر..
ابتهال: بتحصل ليه لا ..
فتون : كفايه اسكتي ما عندكيش حكايه .
شوي وجم البنات..وانضمو
نسمه: سلامتك فتون..مالك؟؟
هبه: تعبانه؟
فتون ابتسمت لهم: لا يا يا قلبي انتوا..انا بخير..بس بدلع شوي..
ريهام دخلت وراهم: فتون حاسه معدتك قالبه عليك !! "وابتسمت وغمزت لها"
فتون: لا يا ريهام حتي انتي تفكيرك متخلف زي المتخلفين دول ..لالا مش في اللي بالك..
نسمه هبه فهموا..
نسمه: متخبيش علينا..خلينا نفرح..
هبه: لا انا عاوزه بيبي يقولي عمتو هبه
فتون وقفت وغسلت ايديها: انتوا ناس ماعندكمش شغله فاضين !لما اروح اوضتي احسن لي "وطلعت وسابتهم"
وهما مسكوها تعليق...
طلعت السلم..ولما وصلت الدور التاني شافت طارق واقف يتكلم ويبصلها..جت عينها بعينه بس بسرعه بعدتها واتجهت لغرفتها..
دخلت وشافته فالصاله تبع غرفتهم كرم قاعد وواضح انه مستنيها لانه كان بيهز رجوله...بقلق!!
قربت منه شوي..وهو لف عليها..
كرم: خليني اخدك للمستشفى..بسرعه غيري هدومك.
فتون: لا مش عاوزه اروح..انا بخير والله
كرم وقف: انا رايح اغير ..
فتون: كرم قلت لك مش عايزه اروح..
كرم قرب منها ومسك ايدها وسحبها:فتون..بلاش عناد وامشي معايا.
فتون من مسكه ايدها حست ان قلبها طلع من مكانه وقفته بالقوه وحررت ايدها من ايده وبكل عند: قلت لك مش عايزه اروح معاك..
كرم بص ع ايده وهومصدوم من حركتها..ليه تتعامل معاه كدا !!
وبحزن: فتون !!
فتون دمعت عيونها: ياريت ما تجبرنيش ع حاجه.."وفتحت باب السويت بالقوه تخرج"
لقت في وشها طارق لسه واقف مكانه وبيتكلم في الموبيل..وشاف الدموع بعيونها وسكت..
كرم وقف وراها وبص لطارق.اللي قفل المكالمه وبصلهم مصدوم.
كرم بحزم: فتون ارجعي لجوه خلينا نتفاهم..
فتون مشت كام خطوه تبعد عنه ولا ردت عليه...
كرم انقهر منها ولحقها وسحبها : لما اكلمك تقفي..
طارق جه يتدخل هنا بس مسك نفسه..
فتون لفت عليه ورجع لها الشعور بالضيق واحساس انها مخنوقه اكتر من الاول..
روحها المره دي بتطلع وصرخت: سيب أيدي..
كرم برقلها جامد طارق لحد هنا وما اتحملش اكتر..بعد صرختها بسرعه قرب وفك ايديهم عن بعض..
وقال: مش عاوزه تروح معاك..خليها على راحتها..
كرم من غير حاجه هو اصلا مخنوق لوحده وجه طارق وزودها عليه: انت تسكت مالك انت ..
طارق شاف فتون ضامه ايدها وتفركها بألم والدموع بعيونها ..
: الا ليا دخل.مش من حقك تجبرها ع حاجه هي مش عاوزاها
كرم غمض عيونه واخد نفس عميق قبل ما يتهور واتك ع سنانه: ابعد عن وشي
طارق وقف قدامه عند بحيث تكون فتون وراه
بزعيق: مش هبعد عاوزه اعرف هتعمل ايه!!
كرم ما حسش بنفسه الا موجه لكمه في وش طارق..وكانت عنيفه
طارق من قوة الضربه رجع لروى كام خطوه...
فتون اللي كانت عطياهم ظهرها..لفت من قوة صوت الضربه..شافت طارق حاطط ايده على بؤه..
طارق بعد ايده وشاف الدم فيها..هنا وصل لقمه غضبه..
: بتمدك ايدك عليا "وبنفس السرعه رده له الضربه وكانت لا تقل قوه عن اللي جاتله"
فتون شافت كرم هيرجع يردها له لكمه تانيه صرخت: بس كفاييييييه بسسسس..
وطلع الكل من اوضهم..البنات وريهام كانوا مفزوعين وهما شايفين ايد كرم ممدوه لفوق بس ثابته..وطارق يتنفس بسرعه وكل شوي يحط ايده على بؤه يتأكد مازال ينزف ولا وقف..
سَيار صرخ: ايه ده !! الي بيحصل ده؟؟
كرم بص لكل العيون الموجهه ليه ..نزل ايده وقضبته لسه مشدوده..والكل فهم ان طارق انضرب ونزف..ولا وواضح ان الضربه اتردت له....ساب الكل ونزل بسرعه..
سيار كلم طارق: ايه الي حصل بينك وبين اخوك؟؟
طارق ابتسم: سوء تفاهم بسيط..."ولف على فتون"
فتون شافت ابتسامته وكأن ماحصلهوش اي حاجه من شويه ..نزلت عينها..
نسمه وهبه ميتين خوف..من زمان ما حصلتش واتخانقو بالايادي..كانت بالفترات الاخيره اكترها كلام..
ابتهال راحت لفتون: حصلك حاجه ؟
فتون هزت راسها" بلا"..سندت على ابتهال ودخلت غرفتها..
سَيار في سره" لا حول ولا قوة الا بالله"..وسابهم ورجع غرفته..
البنات كلهم راحو لطارق
ريهام :تعال اشوف حصلك ايه.
طارق بعد عنهم وهو بيضحك: انا حلو..ما تتجمعوش عليا كدا.
ريهام بشده: تعال قرب خليني اشوف..
طارق مشي : ثانك يو انا زي الفل..مافيش حاجه بتوجع .."وملس علي الجرح بأيده يشوف الدم ما زال ينزف" ودخل غرفته..
نسمه: متأكده..انه بيحصل امور اكبر من كدا..
هبه: لا والمصيبه ان طارق المره دي ناوي يستقر..ربنا يستر..
ريهام: معرفش امتي يتغيرو..
>>>>>>>>>>...........>>>>>>>>>>>>>
بغرفة فتون..
ابتهال ماسكه ايدها كانت تترعش..
: خلاص فتون اهدي..عشان خاطري اهدي..
فتون ما زال تأثير الصدمه واضح عليها: انتي ما شفتيش ازاي ضربه ...كانت جامده..
ابتهال: طارق متهور وانتي عارفه ..كأنه مراهق..
فتون هزت راسها: لا ..مش طارق ..كرم..
ابتهال انصدمت: انتي مع مين ؟؟
فتون بصت لـ ابتهال: مع طارق..طارق كان بيدافع عني وبسببي انا انضرب...
ابتهال حست نفسها ضايعه بالحكايه ومش فاهمه حاجه : يدافع عنك؟؟ ليه؟؟
فتون سكتت وما ردتش عليها...
>>>>>>>>>>........>>>>>>>>>>
طارق يشوف نفسه بمراية الحمام ويغسل جرحه: ربنا ياخده ايد حديد دي ...عليه ضربه جامده ..اخ..والله بتوجع.."وقفل الميه" بس ليه كانوا بيتخانقو..؟؟ ..وليه ما كانتش عاوزه تروح معاه !! "طلع وهو ينشف وشه" والله امر غريب ؟؟
>>>>>>>>>>......>>>>>>>>>>
في بيت مياده..
الهام: سمعت انك طلعتي مع طنط سالي... روحتي فين ؟!
ريماس: مالكيش علاقه..
الهام بقمص: اذا بلوه جديده قولي من دلوقت خلينا نحلها..
ريماس خافت: بلوه..ايه بلوه انتي كمان..الهام روحي انا مش فايقه لك.
الهام بصتلها بشك: انا متأكده ان وراكي مصيبه..بس نصيحه انتبهي لتصرفاتك وتهورك..وقت ساعتها محدش هينفعك وترجعي تخسري تاني من اول وجديد .
ريماس وقفت وزقتها برى غرفتها: اطلعي ..اطلعي..انتي لما تيجي عندي تيجي المصايب.."وقفلت الباب بالترباس" اوف..البنت دي تحسس الواحد بتأنيب الضمير.."وئعدت على اقرب كرسي" يارب اسمع النتيجه بأقرب وقت..
>>>>>>>>>>......>>>>>>>>>>
بأخر الليل..
رجع البيت بوقت متأخر..ودخل الغرفه..كانت ضلمه ..فتح الانوار وشافها قاعده ولفت عليه بسرعه..
: جيت !!
سامح بدون نفس: عاوزه مني ايه ؟؟
جانيت: انا اسفه..ما قدرت اظبط مشاعري معاك...بس غصب عني اتجهت اليك..انا عندي خطيب وبحبوه بس بدون شعور حسيت نفسي ملت لك..سامح انا عارفه اني في مقام اختك فتون..وان عيب علي افكر فيك..وانت اصغر مني بكتير..انا اسفه ع هالشي..سامح بدي اطلب منك تعطيني شوية وقت بس اظبط مشاعري...
سامح كلامها خلاه يقف زي التمثال..ومخه وقف عن التفكير..وكل كلمه قالتها تدور وتقتحم عقله ومش فاهم "مشاعرها أتجاهي!!"
جانيت مسحت دموعها: سامح بليز ما تتطلع فيي هيك..والله غصب عني..
سامح مفيش كلام ممكن يرد عليها بيه او حتي يعرف يتصرف معاها..
جانيت شافت منه عدم ردة فعل بسرعه دخلت غرفتها وقفلت على نفسها الباب..
سامح لما اختفت من قدام عينه قدر يتنفس..وحس نفسه وكأن حد عطيه كف..
: بتقول ايه دي ؟؟ "حط ايده على راسه " اكيد مجنونه..ومجنونه رسمي انا متأكد..
وراح غرفته وخطواته مش متوازنه...مش قادر يستوعب واحده اكبر منه بتفكر فيه..وكمان بتحبه...ويمكن بتحاول تغريه...!!!كل الامور دي اكبر منه..واكبر من ان يستوعبها عقله...
من ورى باب غرفتها سمعت اللي دار بينهم وحطت ايدها على وكانت شهقتها بايديها
"جانيت !!! معقول بتفكر بأخويا ؟؟؟؟"
حست ان جانيت وصلت من الحقاره مرحله اتعدت كل الحدود..مش معقول تستغل شاب صغير ..وتقوله عن مشاعرها...
...
دخل حناجه وكل عظمه فيه مكسوره..دور عليها فالصاله وبغرفة النوم وبالغرفه التانيه ومالقاها..
اكيد مش هتكون موجوده..
اتصل بريهام وكان صوته تعبان:من غير ما تقولي اسمي..بس ردي بـ اه او لا ..
ريهام تاهت وهي شايفه فتون بصالها وهي بتاكل شوكلاته: ايوه..واخبارك ؟؟
كرم عرف انها عندها بس حب يتأكد: فتون عندك ؟
ريهام نزلت راسها وواضح انها مرتبكه: ايوه..الحمد لله بخير..
كرم: اوكي..بس حبيت اتطمن يالا باي.."وقفل"
ريهام: اوكي ان شاء الله اشوفك بكره باي .."وحطت الموبايل"
فتون مستغربه: مين ؟؟
ريهام: دي ...دي منار....عاوزه تشوفني بكره..
فتون ابتسمت: منار بجد انسانه جميله..خليها بكره تيجي هنا ونئعد معاها..
ريهام ابتسمت مجامله: ايوه هقولها..يالا خلينا ننام..
فتون: اغسل سناني وارجع لك.."ومشت"
ريهام لنفسها ايه الي حصل بينهم..متخانقين بسبب طارق ولا ايه؟؟
فتون في الحمام تفرش سنانها وشافت نفسها فالمرايه..تفكرها انشغل بكرم وياتري ايه الي حصله..: اه..مالي انا حاسه اني عاوزاه ونفسي اقعد معاه...بس بنفس الوقت بكره وجوده..
فضلت تفرش سنانها بقوه وبسرعه ...تحاول تبعد الافكار المتعبه عن بالها..
كرم كان قاعد على السرير وبأيده الموبايل يضرب بيه وشه بخفيف ويفكر بفتون وتصرفاتها من اول اليوم..
فجأه وقف وحس انه منهار..شاف مكانها الفاضي ومن القهر سحب الغطا ورماه بعيييد...
: اه ليه الحظ معايا واقف...ليييييييييييييييييييييه؟؟؟
.....
باليوم التاني...
وبعد الغدء اللي نفس الوضع برضو ما حضرتهوش فتون ..والكل توقع بسبب خناقه امبارح..
فتون قاعده بين البنات وكرم معاه جهازه..سامح جنب طارق بس ساكت..
وسَيار متابع التلفزيون..
طارق: احم..ممكن تسمعوني شوي..
الكل التفت عليه..
طارق: وضع ماما بجد ما ينسكتش عليه..يعني مش معقول نخليها طول العمر عند خالو...وكمان مش معقول ترجع من نفسها..ولا ايه رايك داد؟؟
سَيار ما علقش..
ريهام: انا معاك..
نسمه وهبه: واحنا كمان...
فتون بصت ع البنات وشافت لهفتهم على امهم رفعت ايدها بتردد: وانا .....
كرم وابتهال لفوا لها بنفس الصدمه..
طارق استغرب حركتها مع ان واضح من كلام امه ان العلاقه بينهم مش كويسه ابدا.
ابتهال مصدومه: فتون !!
فتون همست: امهم ضروري ترجع..ارفعي ايدك معايا...
ابتهال رفعت ايدها عشان البنات..
طارق: اوكي كدا الاغلبيه مستعده تصالح ماما ويرجعها..وانت دادي؟؟
سَيار لما شاف ان الكل عاوز يرجعها: رجعوها اذا رضت اهلا بيها تشرف.
طارق: داد..انت عارف ماما حنقولها ان بابا بيفكر بموضوع كرم..بس اهم حاجه ترجع اوك!!!
سَيار سكت..
طارق واخيرا لف على كرم
كرم على طول:متبصليش انا ماليش دخل..
ريهام: كرم بس....
كرم: وقف واخد اوراقه وجهازه : قلت ماليش دخل.."وسابهم ومشي"
طارق:It is ok..
...سيبكم احنا نكفي والليله نرجع سالي..
ريهام: امك مش واحده صحبتك..
طارق: ههههههههههه طيب نرجع.. my mother
نسمه وهبه أتحمسوا..
فتون كانت بتعمل اللي يملاه عليها ضميرها وبس..مهما كانت النتايج.. حتى لو انها عارفه ان مع رجعة سالي بتزيد المشاكل فالبيت..
طارق بص لفتون اللي واضح ان بالها مش معاها..توقع انه رد جميل له بعد حركة امبارح لما وقف معاها..وابتسم..
هبه لسامح: ابن عمي ساكت !!
سامح ابتسم: اقول ايه..
ابتهال افتكرت حكايه جانيت وعرفت انها اكيد هي اللي واخده كل تفكيره..
راحت وئعدت جنبه..
: اخويا طلعنا شوي..ولا خدني لشهد..
سامح: حددي عاوزه شهد ولا تخرجي
فتون: متنسيش رايحين لسالي بالليل..
ابتهال لفت على سامح: خلاص اروح لشهد دلوقت.
سامح: اوكي..شوي واخدك ليها..
......
دخل غرفته وحط اللاب على التربيزه ورمى الاوراق والملفات على الكنبه..وفضل يروح ويجي بالغرفه و الدم يغلي بعروقه..
مش عارف سبب تصرفات فتون اللي اتغيرت فجأه..امبارح كانوا زي السمنه على العسل وهي الي بتحاول تراضيه والنهارده كانو تمام لحد الظهر وفجأه قلبت عليه كدا بدون مقدمات..واللي يزيد الطين بله انها ناويه تروح معاهم لسالي عشان ترجع..مع انها عرفت ان كرم مش ابنها ..ويكفي اللي شافته منها من اول ما جات للقصر..
وصل لسبب يبرر بيه تصرفاتها بس على طول بعده عن باله"لالا مستحيل..مستحيل ان يكون السبب طارق..مستحيل"
ئعد على الكنبه يهز رجليه وساند دقنه على ايديه ..وسمع صوت الغرفه يتفتح وما حاولش يلف..
بس شاف فتون دخلت غرفة النوم...واضح انها كانت عاوزه تاخد حاجه وطلعت منها..وصلت عند الباب هتطلع خلاص..
كرم ما تحملش يسكت وبسرعه لف عليها وقفها: فتون !!
فتون دق قلبها خوف وقفت بدون ما تلتفت..
كرم: عاوز سبب واحد يبرر لي تصرفاتك..
فتون دلوقتي بس اكتشفت نفسها انها مشتته اصلا هي مش حاسه بنفسها ولا حاسه بالي بتعمله..وسؤال كرم كان فعلا وجيه بس للاسف ما كانتش تملك له جواب..نزلت راسها وطلعت...وسابته..
كرم ما تحملش الضغط النفسي اللي محاصره..اخد خداديه كبيره كانت جنبه ورماها بعيد بقوه لدرجه انها وقعت معاها كام تحفه على الارض وادمرت..اتنفس بسرعه ..حط ايده على شعره ورجعه على ورى بعنف ..وهو حاسس ان الدنيا ضيقت عليه من كل ناحيه..
....
فالعربيه.
قاعده وساكته..نفسها تتكلم معاه وتفتح الموضوع بس بتفكر في الطريقه
وهو حس بسكوتها ولف عليها: ابتهال ..ليه قاعده ساكته ؟
ابتهال ارتبكت: ها.. لا مفيش..بس انت فيك ايه؟
سامح : انا الحمد لله..مبسوط ومرتاح..اتعينت اليوم بمنصب مدير قسم..
ابتهال فرحت له مع ان قلبها وجعها عليه: بجد !!! مبروك..ليه ما قلتلناش عشان نعملك بارتي..
سامح ابتسم: خلاص اعمليلي مفاجأه وكأني معرفش..
ابتهال حاولت تضحك بس ما قدرتش.افتكرت شكل جانيت لما كانت واقفه جنبه وقريبه منه...واليوم اللي كمان صرحت له عن مشاعرها..
وقف عند بيت شهد...ولا حست انها وصلت..
لف عليها وبحنيه: لسه مش عاوزه تقوليلي مالك ؟؟
ابتهال كانت شارده: ايه؟؟؟
سامح اتنهد: بقولك انزلي وصلنا بيت صحبتك..وقولي لها تسلم على اخوها عبد الله..
ابتهال فتحت الباب: اوك يوصل..مش تتأخر عليا..عشان اروح معاهم لسالي..
سامح: حاضر..
وحرك العربيه لما شافها دخلت البيت وبتقفل الباب عليها ..
.....................................
اول ما دخلت
شهد على طول صرخت من الفرحه: بهولتي..وحشتيني "وحضنتها"
ابتهال شافت شهد حست روحها ردت لها: انتي كمان ياروحي وحشتيني
شهد افتكرت الخبر اللي عندها وابتسمت ابتسامه واسعه..
ابتهال وهي تدخل معاها لجوه البيت: الابتسامه دي وراها سر..
شهد ضحكت: يعني هيكون فيه ايه؟
ابتهال: معرفلكيش..اسألي نفسك..
شهد: انتي ادخلي عند امي..وانا هروح اتصل بمرام عشان تيجي..هي وصتني قالت لي منين ما تيجي اديني خبر..
ابتهال:حبيبتي...اوكي وانا رايحه اسلم على امي خديجه وحشاني ..لحد ما توصل مرام..
دخلت عند خديجه..وسلمت عليها اللي فرحت بيها نفس كل مره تشوفها وكأنها واحده من بناتها واكتر..
>>>>>>>>>>>>...........>>>>>>>>>>
اتجمعت الشله ..
شهد تبص لمرام ..ومرام ترد لها النظره..وابتهال بينهم في النص بتاكل من الفطير..وبصلهم بشك..
: دلوقت ممكن تقوليلي انتي وهي فيه ايه عندكم؟
شهد ابتسمت ابتسامه عريضه: بحبك يا ابتهال اصل مش مصدقه انك كبرتي..
مرام: اه الدنيا بتجري يا شهد بسرعه مين يصدق ان ابتهال هتبقي عروسه..
ابتهال وقفت عن الاكل والفطيير جوه بؤها بطريقه مضحكه: بقولك ايه يا شطه انتي وهي "وبلعت لقمتها"بتلئحو ع ايه ؟؟
مرام قربت جنبها وحضنتها : ابتهال..عندي موضوع عشانك..انتي كبرتي وبقيتي واحده ست ناضجه فا قررنا نجوزك..
شهد: بما انك اثبتي انك عدله وحبوبه وبنت ناس اكابر ومافيش منك..
ابتهال: جواز؟؟؟؟ وهتجوزوني مين بقي؟؟؟
مرام بشوية جديه: ابتهال..علاء اخويا قرر يخطب واحنا والله مش نلاقي احسن منك..قلت اقولك واشوف رايك قبل ما يتم اي شئ رسمي.
ابتهال وسعت عيونها وعلامات الصدمه واضحه عليها : خ ..خط.. خطبني انا ؟؟؟
مرام ضحكت: ههههههه ايوه..انتي فكري بالموضوع وردي علي واعرفي ان رايك مهما كان مستحيل يأثر علينا..
ابتهال لسه بستوعبت..مش مصدقه الكلام اللي مرام بتقوله ليها..لفت على شهد..
: بتهزرو صح؟؟
هنا شهد ما قدرتش تمسك نفسها وماتت من الضحك..
ابتهال فضلت تنطط في مكانها: بتكذبو صح..مقلب مش كدا!!
شهد من كتر الضحك وقعت على مرام من قوة الضحك..
مرام: لا والله جد يا ابتهال ..
ابتهال بنص عين: شهد صادقين ولا ؟؟
شهد محتاجه تاخد نفس: اه يا قلبي..كنت مستنينه اللحظه دي من زمان..لاياقلبي والله الموضوع بجد..ابو الجد وولا بنهزر..
ابتهال سكتت شوي..وبصتلهم الاتنين..وهي محتاسه مش عارفه ازاي من المفروض تعبر عن مشاعرها ولاعارفه ترد عليهم..
مرام وقفت: يالا يا حلوين..اخوي العزيز عند الباب..ابتهال خطيبك وصل..
ابتهال مازالت سرحانه ولا ردت عليها..
شهد اخدت مرام وصلتها لحد الباب برا ورجعت لابتهال ..اللي ما زالت على نفس وضعها ومفيش اي ردة فعل .. ئعدت جنبها وضربتها على كتفها..
: جالك الي بتتمنيه يا بنت الناس الكويسه..
لفت ليها ابتهال وبجديه: اضربيني....
شهد بعدم فهم: ايه؟؟؟
ابتهال : اضربيني...
شهد ابتسمت ابتسامه شريره: عز الطلب."ومسكت خدودها وقرصتهم جامد" ها صدقتي..
ابتهال حست انه واقع مش حلم نطت في حضن شهد وفضلت تصرخ بفرحه..
: مش مصدقه ..مش مصدقه..
شهد شافت فرحة صديقتها..وكان الشعور الجميل يكفي بأنه ينسيها حزن اخوها عبد الله ..وجرح قلبها من سامح.. ضحكة ابتهال غاليه عندها وتسوى حياتها كلها لو لزم الامر..ودمعت عينها..
ابتهال بعدت عندها وشافت دموعها: شهود ليه بتعيطي...
شهد ابتسمت مع ان دمعتها كانت بتجري على خدها: والله فرحانه لك..
ابتهال: روحي انتي "وباستها على خدها" كنتي عارفه بالموضوع..وكان ليك دخل فيه ؟؟
شهد: لا..مرام لما شافت اخوها ناوي يتجوز قالت عليكي لامها..وامها اكيد ومستحيل تلاقي زيك...وقالت لعلاء وهو وافق..
ابتهال تتكلم بحالميه: يعني كان بيفكر فيا...وبيحبني زي ما انا بحبه..
شهد : هههههه كل شيء جايز..
وبعد نص ساعه جه سامح ...وعند الباب..
ابتهال ضمت شهد وهمست لها: والله انتي اغلى انسانه على قلبي وربنا شاهد عليا..اني بحبك واتمنى لك الخير.."وبعدت عنها" شهد عارفه ان ليك علاقه بالموضوع وانا متأكده من كدا..ربنا يقدرني ارد لك جزء من جمايلك اللي بتعملهالي من اول ما اتعرفنا على بعض..
شهد: ابتهالوه..ايه الكلام الكبير ده ..!!
ابتهال مسكت ايدها تقاطع كلامها: لا متقوليش حاجه...ربنا يخليك لي ولا يحرمني منك.."وطلعت"
شهد شافت ابتهال وهي طالعه وبتركب العربيه وبسرعه انطلقوا...قفلت الباب والدموع خانقتها..حتفقدها كتير..وكل اللي تتمناه من ربنا انه يوفقها مع علاء ..ويكون هو اللي يستحق قلبها الطيب...
>>>>>>>>>................>>>>>>>>>>
على الساعه 8 بالليل..
الكل جاهز ..ومنتظرينه ينزل..
نسمه: فينه أتأخر..
هبه : لحظه اتصل بيه
الا لقوه طالع من الاسانسير وجاي عندهم: سوري اتأخرت عليكم
كان شيك جدا لابس قميص مخطط بأبيض وازرق خطوط مش عريضه..وبنطلون جينز والشوز والساعه كانت تحكي عن ذوقه العالي وريحة عطره القويه المميزه..: ها الكل جاهز..
نسمه تصفر: اقسم بالله يا اخويا انك موز السنين..
هبه بأعجاب: نقدر نقول دي الحسنه الوحيده من الغربه ..
طارق ابتسم بثقه وضحت الغمزات: عشان تعرفو ان اخوكم "جنتل مان"
ريهام: انا بقول ما فضلش الا نجوزك
طارق كشر: لاء الا سيره الجواز ربنا يكرمك
ولا ارادي لف على فتون.مستني منها تعليق او على الاقل يقرء رايها بعيونها ..
فتون كانت بصاله ..وبجد ستايله جذاب..ومستحيل يعدي من عنده أي شخص كان وما يلتفت عليه..
قارنت بينه وبين كرم..اي نعم كلهم في الاناقه واو..بس كرم دايما رسمي وهيبه..عكس طارق اللي سبور وجذاب..
شافت نظرات طارق ليها ..وبعدت عينها عنه بحياء..
طارق :ابتهال..ايه رايك في ابن عمك ما علقتيش "وكانت نظراته لفتون"
ابتهال: انت مش محتاج راي
ضحك الكل
طارق: لا حلوه الثقه اللي عندك...يالا بنات نمشي !!
البنات وقفوا: يالا...بقلم منه محمد
............>>>>>>> >>>>>>>>>>...........
وفي بيت محمد.
دخل الفوج كامل..وكانت احلام وسالي وميسره موجودين..
طارق: مسا الجمال على كل الي هنا.
سالي اول ما سمعت صوت ابنها دق قلبها ولفت عليه: يا اهلا بيك ياحبيبي.."ولما شافت بناتها كلهم زادت ابتسامتها" الكل جاي !! "ولمحت فتون وابتهال وبدئت دقات قلبها تدق بخوف لما شافت فتون..اخر شخص توقعت حضوره هي فتون وسكتت"
سلموا عليها الكل وسلم على احلام وميسره وقعدو..
سالي: جايين كلكم ايه الحكايه؟؟
ريهام بصت لطارق بأبتسامه: الحبيب اخدنا كلنا..
سالي بفخر: اه ده طارق حبيب امه..قلب امه..هو الوحيد اللي حاسس بيا وفاهمني..
نسمه: مامي..للدرجه طارق غطى علينا وبقينا من المنسيين..
سالي: انتو عارفين طارق عندي غير..
طارق كان عنده الوضع عادي..متعود على مدح امه ..فاواضح ان ولا همه
طارق:ماما..احنا جايين نرجعك لبيتك..معززه ومكرمه ..والكل جاي معاي..عشان يترجاك ترجعي معانا "ولف على فتون" حتى بنات عمي..
سالي لما وقعت عينها ع فتون وهي اختفى الدم من وشها ..افتكرت الي عملته فيها وقلبها بدء يدق..وماعلقتش..
فتون ابتسمت لها: خالتي والله البيت ضلمه من غيرك.
سالي رفعت حاجب مستغربه: ومن امتى وانتي بتهتمي لوجودي..
فتون حاولت تكون هاديه ومتحكمه في نفسها: يهمني من الاول..وكنت بقول لكرم نطلع بس هو كان مُصر نفضل..
طارق: على فكره باباحيفكر بالموضوع..بس انتي ضروري ترجعي للبيت..
سالي رفعت راسها بغرور تفكر في وضعهم..وخصوصا انها سمعت من كلام الناس ما كفاها..
ريهام: ماما راجعه مش كدا!!
احلام تدخلت:الست مالهاش غناة عن عيالها ولا جوزها.
سالي: اوكي هرجع...طالما ان ابوكم هيفكر بالموضوع..
فتون بنفسها" للدرجه مش عاوزاني معاها !!"
طارق لنفسه" شكل الوضع بينهم زفت"
سالي اكتر حاجه شجعتها ..عاوزه تعرف نتيجة السحر اللي عملته ام نادر..ولما ينجح خلاص مش محتاجه حد يطلع من البيت..لان فتون اكيد حتتطلق من كرم....بما ان كل واحد مش طايق التاني..
ابتسمت بخبث: هبه قولي للخدامه ترتب شنطتي..
ريهام فرحت: واخيرايا ماما..البيت هينور اليوم..
سالي: من بكره نعمل حفله استقبال لطارق..مسكين ابني ما فرحتش بيه زي الناس .
طارق: مامي بعد الاستقبال ايه رايك بهديه حلوه مني للكل.. منها تغير جو..ومنها نعدل نفسيه اهل البيت..
الكل بصله بحماس..
سالي: وايه الهديه..
طارق: ليه ما نروحش شرم كام يوم نغير جو!!
البنات طاروا من الفرحه وايدوا الفكره على طول...سالي فرحت لان اكيد السفريه بتكسر الحواجز بينها وبين سَيار.. اما فتون اخدت جانب ايجابي منها وفكرت انها ممكن تتعدل نفسيتها وتتصالح مع كرم
طارق: يعني الكل موافق ؟؟!!
الكل: ايوه..
احلام: طبعا احنا معاكم..
سالي: والله مابتكمل الفرحه الا مع مجيه ميسره معانا "وبصت لطارق"
ميسره ابتسمت بنعومه وهي باصه لطارق..تتخيله زوج ليها..وحست الفرق بينهم فرق السماء عن الارض...
.......
في القصر..
رجع بدري ومالقاش حد في البيت ..عرف ان الكل راح عند سالي عشان يرجعوها..
ئعد بالصاله..المرده دي بس حاس انها كبيره كبيره لدرجه ان الفراغ ملا قلبه منها ..بارده..ما فيهاش اي احساس..ايه يسوي البيت بدون اهله..وايه فايدة قلبه لما يدق بدون ما تكون فتون جواه و جنبه وتحس بيه..وتبص في عيونه..وتملى روحه بأبتسامتها ..
سمع صوت الباب الرئيسي فتح...وخطوات هاديه دخلت ..انتظر الشخص يدخل عنده..ولما شافه استغرب..
: جانيت !!
جانيت كانت متردده : مستر كرم.
كرم سكت لما شافها جايه لعنده وواضح ان عندها حاجه عاوزه تقولها .
وئعدت قريب منه: مستر كرم..انا قررت ارجع لبنان..
كرم استغرب: ليه ؟؟ حصلت حاجه ..في حد ضايقك؟؟
جانيت بسرعه: لا ..الحمد لله كل الامور تمام..بس خطيبي ما لقتو يجي فا قررت اروح له..
كرم: هو طبعا براحتك..بس انا ظبطت اموره وكل حاجه ..ولو حبيتي احجز له من بكره ويجي هنا معاكي!!!!!..
جانيت رفعت راسها بحماس: عن جد !! عن جد مستر كرم بتحجز له بكره..وتخليه يجي ع اول طياره..!!
كرم قلبه وجعه على لهفتها لخطيبها.. افتكر لهفته فتون اللي دبحته..
: ايوه..احجز له ع اول طياره..بكره يكون عندك..
جانيت ابتسمت براحه: كتير مشكور مستر..ما بعرف شو بدي أول (اقول)..بس جد يسلموووو..
قدرت جانيت تتنفس براحه..على الاقل ممكن تستقر مشاعرها لو شافت خطيبها وتبعد عن سامح شوي..
طلعت من القصر..وشافت ثلاث عربيات داخله القصر..عربيه طارق..عربيه السواق ومعاه البنات..وعربيه سواق سالي..ووقفو ورى بعض..
نزل الكل فرحان واصواتهم ماليه المكان..
سالي نزلت من العربيه ووقفت بشموخ قدام القصر..هنا عزها.. هنا مجدها !هنا مكانتها وقدرها..ده بيتها ومكان راحتها..وابتسمت بغرور..
ريهام وقفت جنب امها وبصت ع المكان الي بصاله: وحشك بيتك !!
سالي وبكل ثقه:لا بيتي وحشته..
طارق سمعها وحضنها من ورى: هههه لا انا على الثقه ما اقدرش ..
هبه: مامي والله البيت نور..
نسمه دمعت عينها: فقدناك كتير ..
سالي مشت بكل بشموخ لداخل القصر
فتون كانت ساكته ..وقلبها مش مرتاح..رجعة سالي صح استقرار للكل..بس بداية معاناتها..
ابتهال تبع فتون..اذا حست ان فتون اختها في امر مقلقها تقلق معاها وتتخوف من مخاوفها..
الكل مشى ورى سالي اللي فتحت البوابه الداخليه وأول الي حط رجله داخل القصر..
كرم اللي كان قاعد وابدا ما توقعش رجعتهم دلوقت..ووقف لا شعوري..
سالي شافته من بعيد ووقفت..والكل وراها وقف لما شفوه..وضعه اليومين دول يوجع القلب.
فتون الي اول ما شافته حست قلبها بيتقطع عليه..ونفسها تروح وتقف جنبه ..وتكون معاه باللحظه دي وماسكه ايده..حست ان الكل ضده..
لكنها اتفاجأت بأن اللي جنبها طارق وكأنه بيقولها انا هنا وجنبك..
لفت عليه ..وهو بنفس الوقت لف عليها وبصلها وبهمس: متخافيش انا معاكي.
فتون برقت عيونها ..ده فاهم غلط ولا ايه؟؟ مين قال انها خايفه من كرم..هي عاوزاه..والله بتحبه بس رجليها غصب عنها مش قادره تجري تترمي جوه حضنه.
شافته قرب منهم ..ووقف قدامهم بهيبته..
صح انهم جماعه وهو فرد ..بس هبيته غطت عليهم كلهم...
وقف قدام سالي بالظبط: عاوزاني اقولك نور البيت !!
سالي بغرور: هو نور من اول ما دخلته مش محتاجه تقولهالي من اساسه
كرم جت عينه ع فتون وكأنه يترجاها تيجي تقف جنبه..عند فتون ينكسر شموخ كرم سَيار
فتون شافت نظرته..وقلبها انعصر..وبنفسها تردد" والله ما هقدر مش هقدر"
كرم ما شافش منها تجاوب..وقلبه ألمه أكتر وخصوصا انه شاف طارق هو الي جنبها ..مالهوش نفس حتى يفكر هو قاصد ولا لأ ؟؟
حس فجأه انه مهدود ..وجسمه ضعيف .بص ع الكل بنظره..ولف وعطاهم ظهره ومشى..
ريهام مصدومه مشت كام خطوه :ماله كرم؟؟؟
وبصتلهم مستغربه ..وبنفس الوقت خايفه عليه؟؟
ريهام: مش ملاحظين انكم كلكم ضده؟
سالي لفت على بناتها..شكل في حاجات حصلت وما عندهاش بيها خبر !!!
نسمه بسرعه: لا ..مين قال اننا ضده..
هبه: والله مافي حاجه من اللي بتقوليها يا ريهام
سالي بصت لفتون ..شافتها منزله راسها..وابتسمت اكيد حصل بينهم حاجه
طارق بص لـ امه وشاف ابتسامتها..ياتري ايه اللي يسعدها للدرجه دي ؟؟
فتون بعدت عن الكل:عن اذنكم انا طالعه فوق..
وراحت وسابتهم..
ريهام لحقتها: انا جايه معاكي..
والباقي ئعدو بالصاله مع سالي..
.............................
بغرفة ريهام..
ريهام: مش ناويه تروحي لكرم !! على الاقل ادخلي عنده..هو بيصالحك باين من عيونه قبل شوي انه محتاجلك..
فتون خنقتها الدموع من كتر ما حاسه نفسها مشتته وتعبها الاحساس ده جدا دمرها
ردت: مش عارفه ياريهام محتاره
ريهام نزلت دمعتها غصب عنها: والله اول مره اشوف اخويا كدا !! فتونه روحي له ارجوكي ..ماتسبهوش بالوقت ده..انتي ما تعرفيش اذا اجتمع طارق وامي بيحصل فيه ايه ..
فتون وقفت وجبرت نفسها جبر..مع ان الاحساس اللي حاسه بيه والنار اللي مولعه جسمها مستحيل تفكر فيه عذر كافي انه يمنعها..والمشكله محدش هيفهمها
: اوكي..رايحه عنده..واعرفي يا ريهام ان كرم ما يهونش علي..بس في شئ اقوى مني بيمنعني عنه.."وطلعت وسابتها"
ريهام عقدت حواجبها مش فاهمه قصد فتون " ايه اللي اقوى منها ويمنعها عن كرم؟؟؟"
فتون واقفه عند غرفتها..ومحتاره بين تدخل ولا تتراجع..
"ادخل!! ..ادخل!!..لازم ادخل ..فتون افتحي الباب والوضع هيكون طبيعي "
وفجأه فتح الباب قدامها ووقع قلبها بين ضلوعها ..
واقف مصدوم يبص في عيونها اللي كانت لامعه..فيها نظره غريبه..
فتون من الصدمه: كرم !!
كرم سكت وعينه عليها... وقف معاها شويه بعدها رجع دخل جوه..
فتون النار اللي حاسه بيها مولعه جسمها ..بس جبرت نفسها بقوه انها تكمل الي بدئت فيه..
دخلت الغرفه وقفلت الباب..شافت كرم واقف وعطيها ظهره ومكتف ايديه..
فتون قربت منه بخطوات مش ثابته..ومرتبكه..وخايفه..وكل مشاعرها اختلطت عليها..
فتون: كرم..
كرك غمض عيونه ..اول ما سمع اسمه على لسانها ..اشتاق لها ..اشتاق لها بجنوووون..
فتون: انا ...انا مش عارفه ليه بيحصل معاي كدا " وخنقتها الدموع" حاسه اني مش قادره افهم نفسي..كل ما قلت عاوزاك القي نفسي ابعد عنك خطوه لورى " ونزلت دمعتها" ما اقدرش اقرب منك ..
لف لها كرم..عاوز يشوف وشها..ملامحها ..وحتى طريقة كلامها..
فتون اول مالف وبصلها حست انها هتتقيئ..بدءت تتخنق..جواها نار بتحرقها بطريقه مخيفه
كرم: فتون ..انا كل اللي طالبه منك تكوني جنبي..."وقرب منها"..خليك معايا.."ومد ايده ومسكها"
فتون بسرعه مجنونه سحبت ايدها منه وضمتها لصدرها..وهي مصدومه من نفسها وهو مصدوم منها..
كرم شاط وولع: لما رافضه اني المسك ليه جايه عندي ؟؟؟
فتون بكت ..حست انها طلعت من طورها: لا متقربش مني .. اوعي تلمسني..
فتون من كتر التعب اللي حساه دلوقت وعمال يزيد اكتر لما لمسها قالت الكلام خلاص غصب عنها حرفيا بتموووت..
لفت تطلع ..بس ايد كرم مسكتها وما حستش نفسها الا هي جوه حضنه وبقووووه..
هنا خلاص وصلت مرحلة فقدت فيها عقلها حست ان روحها بتطلع :لا متقربش لا متلمسنيش
بسرعه زقته بعيد عنها ..وصرخت بصوت عالي.
: لا متقربش مني...لا اياك تقرب..ابعد عني ..ابعد..
ووقعت منهاره على الارض وهي ضامه نفسها وتردد كلمه واحده " ابعد..ابعد عني ..ابعد"
كرم من هول صدمته ما صدقش عيونه...فتون فيها ايه دي مش فتون متأكد انها مش فتون ..بس مالها؟؟؟
نزل على الاض وهو ميت خوف عليها
ضرب خدها: فتون.. فتون فيك ايه ...ردي علي فتون " ما سمعلهاش صوت"
شافها ما ردتش عليه عرف ان اغمى عليها ..بسرعه رفعها وطلع من الغرفه وهي بين ايديه ..اخد الاسانسير وهو زي المجنون اللي طار عقله..مشعارف حتي يفكر الاول ..
عدي من عند الصاله وهو لا شايف حد قدامه..
بس وقفه صوت طارق: كرم !!!
وبسررررعه وقف وجري عليه ..وهو مصدوم شاف فتون واقعه بين ايديه..
رفع عينه عليها وبعصبيه: مالها ؟؟؟ عملت لها ايه .....؟؟؟
كرم الي ما كانش فاضي له ولا رايق له حتى يرد عليه.. .سابه وطلع..
طارق لما شافه طلع ولا عطاله اجابه لسؤاله ..رجع بسرعه واخد مفتاح عربيته وطلع وراه..
سالي برقت عيونها: ماله اخوكم؟؟
ابتهال بخضه: فتون اختي اللي معاه؟؟؟
نسمه: شكل فتون تعبانه..
هبه: اصلا وضعها اليومين دول مش عجبني..
سالي كانت بتسأل عن طارق اللي لهفته كانت مش طبيعيه ابدآ للدرجه تهمه فتون ..ولا هو من النوع الحريص؟؟؟
وانتبهت لكلام بناتها: ليه مالها فتون جرلها ايه ؟؟
نسمه: ما عرفش..لا بتاكل معانا ..ولا بتئعد كتير وان قعدت تفضل ساكته ..وتحب تئعد لوحدها ..يعني وضعها مش مريح ..
سالي بلعت ريقها وسكتت..مع ان نفسها تسأل عن علاقتها بكرم بس ما حبتش حد يشك فيها...
