البارت السادس عشر
#المشكله_والعنيد
منه محمد
غموض اثاره رومانسي
كرم بسؤال: انت في المستشفى دكتور...ولا مريض...؟؟!!!
سامي اختفى الدم من وشه...وحس بنغزات في كل جسمه...وفجأه بد ء يكح..
: كح كح ..احم..
كرم مد له كاس العصير..
اخده سامي وهو لسه بيكح...حس انه بعد ما شرب العصير هدا شوي..بس عارف ان الاعراض حتبدء مفعولها دلوقت..
سامي:في الحقيقه.....مريض...
كرم فهم: اها..((بقلمي منه محمد))
سامي بص لكرم بعين كلها امل ..والود وده ان الامور تمشي زي ما هو عاوز ورسمها بأحلامه.
سامي: كرم...انا مش واحد بستغل اختك...ولا عاوز اضيع عمرها..اي نعم انا مريض والمرض الي بعاني منه يمكن يستحيل علاجه ..بس والله والله ما أثرت عليها ولا عمري بينت لها اي شئ..او استغليت عطفها وطيبتها ولو اني حسيت انها هترتبط بيا عطف ولا شفقه اكيد كنت هرفض الشئ ده ..بس اختك يا كرم وربنا يشهد علي انها محترمه وشريفه وطاهره وملاك ولا مره قالت لي كلمه برا حدود شغلها..
كرم بثقه: انا واثق في اختي...
سامي: وانا بقولك هي قدها..
كرم: بس رحلتها بكره..!!
سامي بخجل من كرم: احم انا معاها في الرحله..
كرم فهم ان ريهام اكيد هتسافر معاه والحكايه كلها عشانه..وهو بتفكيره المنطقي مش حابب يخسر أي طرف ويخلي الامور تمشي تمام...
اتكلم: طيب افهم من كلامك انكم عاوزنا نجوزكم في يوم واحد..؟
سامي: على الاقل يكون في ارتباط بينا رسمي..
كرم: طيب لو أجلتوا الرحله ليوم الاربعاء ..ادونا وقت شوي...على الاقل نسأل عنك..
سامي قاعد لكن مش قادر يتحمل اكتر من كدا .ثانيه كمان و يتمدد قدامهم من الالم وبدئت تتغير ملامح وشه...
سامي بتعب:براحتكم...
كرم: انا هكلم ريهام.والرد يوم الاربعاء..
سامي بسرعه وقف..:اوكي..يالا أستأذن انا.."وحس ان توازنه اختل"
مسكه كرم بسرعه: فيك حاجه!!
سامي طلع موبايله واتصل على الممرض: لالا متخافش...الو سالم..تعال بسرعه أدخل..
كرم سانده لحد ماشاف الممرض داخل..
سامي لف وبصله وشه كله أسى..:اسف تعبتك معايا..
كرم انصدم...وسكت..
جه الممرض وسنده وطلعوا...
رجع كرم وقعد عاوز يستوعب الي حصل قدامه وكلم نفسه" الراجل مريض جدا..ازاي اديلو اختي..ولو منعته اكيد هكون عملت اكبر غلط في حقها..البنت عاوزاها بالحلال..ليه امنعها...وهي راضيه بعيوبه واكيد انها اكتر واحده عارفه حالته الصحيه..."
اتنهد وطلع لاهله..
شاف ريهام وواضح عليها ان الانتظار حرقها ودمر اعصابها ..باين انها خايفه ومتوتره ومش عارفه ممكن يحصل ايه
قال:السلام..
ريهام لفت عليه بسرعه منتظره يقول اي كلمه يبرد نهارها!!!
كرم حتي ما بصلهاش وقعد على الكنبه..
:بابا ايه رايك فالراجل...؟
سَيار اتعصب جدا: ما عجبنيش..
كرم بهدوء: ليه..؟؟
سَيار سكت شوي...:الراجل مش من مستوانا ولا هو قد بنتي..
كرم: بس بنتك شرياه..
سالي: وابوك مش عاوزه.
كرم: ماما..اظن انا بتكلم مع بابا
سالي لنفسها"يارب تاخده وتريحني منه ومن انزحته..محدش مقوي بناتي علي الا هو.."
سَيار انفعل: عاوزاه ولا شرياه امور ما تهمنيش..
كرم بهدوء: بابا اسمعني احنا الاول نسأل.عنه ونشوف..والرجوله مش مقياس بالفلوس لا مقياس بالاخلاق!!!
سَيار سكت..لان موقفه ضعيف تقريبا..
كرم لف وبص لريهام: احنا بنأأجل موضوعك ليوم الاربعاء اوكيه...
ريهام: والبعثه..؟؟
كرم: انا حظبط وضعك واحجز لك الاربعاء..وانتي ظبطي امور المستشفى...حاولي"وغمز لها"
ريهام على قد ما نفسها تبتسم..على قد ما نفسها تبكي وخايفه..وطلعت لغرفتها فوق..
نسمه وهبه..مالهمش راي في الامور الكبيره دي..!!!
وهمست نسمه: هبه...شكل المشاكل جايه علي الطريق..
هبه مكشره: اختك منين طلعت لنا بده كمان..كفايه هي اصلا كسفنا تيجي كمان مع جوزها تكملها..
نسمه: بس مش كأن كرم موافق عليه..
هبه: هو ده كرم..اي موضوع يعاند امي بيعملو ومعرفش ليه...
نسمه نغزتها: خلاص اسكتي ..لا تجي لنا كلمه تحرق دمنا.
هبه قامت: انا طالعه فوق..اشوف الغبيه دي ايه حكيتها..
وفعلا طلعت هبه لغرفة ريهام ودخلت عليها...
ريهام كانت الدنيا بتلف وتدور فيها مش لاقيه حل او طريق..ومشعارفه هتوصل لفين بمشكلتها ولا حتي ناويه ترسي وتوديها لحد فين ..هي عايزه سامي بأي ثمن..وابوها يهمها رضاه وما تقدرش تزعله...هو الوحيد اللي يفهمها بالقصر الكبير ده...مالقتش في ايدها حل غير انها تبكي على سريرها وتفرغ اللي في قلبها على مخدتها.
