المشكله والعنيد

٣٩

البارت 39
#المشكله_والعنيد
منه محمد
بصت  فتون علي ايدها المشبكه بأيد سالي ..وانصدمت .. قامت بسرعه وقربت من ودن سالي وهي لسه ماسكه ايدها..
: خالتي بتسمعيني!! حاسه بيا ؟؟ اضغطي على ايدي .. انا متأكده انك من شوي ضغطتي عليها ...خالتي ...
ما حستش بحاجه ... فتون فقدت الامل ورجعت أأعدت مكانها : تحبي اكمل ولا ؟؟
ورجع الضغط من تاني ... فتون بحلقت عيونها والفرحه ملت وشها : خالتي .. خالتي انتي المره دي ضغطتي انا متأكده.. لحظه اروح انادي الدكتور ..
وطلعت بسرعه ونادت الدكتور ... وبالغرفه ..
:انا متأكده يا دكتور انها ضغطت على ايدي مرتين ..
الدكتور بعد ما كشف عليها كشف سريع ..
الدكتور: ممتاز .. دي حاجه يخلينا نتأمل .. دي اول خطوه للشفاء ان شاء الله .. وبأذن الله تفوق قريب لو استمريتوا معاها على الوضع ده..!!!
فتون فرحت: ان شاء الله .. اكيد ما بنسبهاش .. بس يا دكتور امتي يعني ممكن تقدر تفوق .. قريب يعني !!
الدكتور: للاسف ما اقدرش احددلك امر جازم .... بس طالما انها بدئت تتجاوب .. فده شئ مهم .. ودافع لينا .. خلينا نستمر بالمحاوله والدعاء... وعلى ربك الباقي ...
فتون: ان شاء الله .. ربنا يشفيها بأسرع وقت
@@@@@@
((بالقصر..))
فتون على طول بشرتهم ... والكل فرح بالخبر ..
نسمه دمعت عينها : الله يبشرك بالخير ..
هبه: والله منا مصدقه من الفرحه ..
ريهام: ربنا يشفيها بأسرع وقت ... امي بتتعذب من الوضع ده ..
فتون: بس مفروض نتأمل دي حاجه تفرح ..خلونا نستمر وبأذن الله هترجع قريب ...وزي ما كانت واحسن..
الكل دعا لها من كل قلبه .. دي امهم وايه اغلى من الام ...ولا يجي بغلاوتها
طارق لما عرف بالخبر : بجد !!! احلفوا..
فتون وجنبها ريهام : والله.. ليه مش مصدق.. انا حسيت بيها بأيدي دي " ومدتها له "
طارق لا شعوري أخد ايدها وباسها : تسلم الايادي ...وشدها لحضنه
فتون وريهام عيونهم وسعت بذهول من الصدمه.. فتون حست برجفه جريت بجسمها وكأن حد ضربها علي دماغها وشدت نفسها من حضنه بسرعه .. وضمت نفسها وكأنها خايفه عليها ..
طارق اتغير لون وشه ونزل عيونه .. ما قدرش يرفعها لعيون فتون وريهام
ريهام محتاجه تستوعب بس مقدرتش ... أعصابها باظت ودمها اتحرق من حركه اخوها ..
فتون بلعت ريقها ..وقلبها مش عارفه تتحكم بدقاته : عن ... احم...عن اذنكم ..."ومشت"
ريهام لما شافت فتون اختفت عن عيونها .. مدت ايدها وعطته قلم بأعلي قوه عندها..
: انت حقير ...
طارق ما زال منزل راسه لتحت وما تحركش...القلم ولا اثر فيه على قد ما صدمة حركته كانت جامده عليه وغبيه ليهم ...
ريهام مشت وسابته وهي في حاله صدمه!!!!!..
طارق ضرب الارض برجليه بقوه .. مقهور من نفسه: ازاي.... ازاي عملتها انا ؟؟ اكيد انهبلت .. انا للدرجه دي مش قادر اسيطر علي نفسي معاها... انا مش عارف اظبط لهفتي ولا انفعلاتي ليه ....!!!!!
@@@@@

قبل الامتحانات بأسبوع...
وبالقصر ...
عمتهم وام علاء ومرام فالصاله .. وعلاء وابوه مع الرجاله ...
اليوم كتب كتاب ابتهال ..حفله بسيطه ومختصره جدا ... مافيش مجال يكبروها وسالي مازلت في المستشفى ..
وبغرفة نسمه..
الكوافيره بتظبط ابتهال..وطلعت ملاك نازل من السما ... قمة البرائه والجمال الطفولي ...
فتون دمعت عينها غصب عنها :والله مش مصدقه انك كبرتي يا طفله ...
ابتهال خايفه وخانقتها الدموع: بس متقوليش طفله .. شايفه والله اعيط وابوظ كل حاجه
نسمه وهبه وشوق والهام وميسره كلهم حواليها.. وفرحانين ليها ...
ريهام: ابتهال ... قمر بسم الله عليك يحرسك الرحمن ..
نسمه: والله مش مصدقه يا هبله انك اتجوزتي...
هبه: بلاش تخوفيها لسه كتب كتاب لسه الدخله
الهام: ههههههه كتب الكتاب بداية الجواز.
ميسره: الخطوبه اصلا تعتبر بدايه جواز.
فتون: ههههههه اختي تماسكي ..عندك ناس تعرف ازاي تدخل مش الخوف الا ابو الخوف في قلبك .. بس متسمعيش حاجه منهم
شوق: حرام عليكم .. ابتهال الجواز سُنة الحياة .
البنات ضحكوا..
نسمه بفخر: اه ع شوق وعقلها شايفين الردود الي بتطلع منها ..
هبه بقرف مصطنع: أي رد يعني جابت حاجه جديده !!
نسمه: بس على الاقل قالت اللي ما قلتوه انتم!!! ..
ابتهال: ممكن تسكتو عشان اعرف اركز..
فتون ماتت من الضحك: تركزي في ايه ؟؟
ابتهال: بفكر اتكلم ازاي وارد بأيه لو سألني ولا حاجه ..
ريهام: خليك طبيعيه والوضع عادي.. وبتمشي كل الامور ياعروسه ..وغمزتها
نسمه: والله انا لو منك يكلمني ولا ارد عليه خاليه يشيط ويولع
الهام: متدلوش منظر.. كلميه بعد الجواز احسن.
وشافوا الباب اتفتح: سوري .. سوري على التأخير..
ابتهال صرخت: شهودتي ..يا قلبي انتي ..فينك من زمان سيباني معاهم..
شهد ضمتها:حبيبتي يا قلبي انتي " وبعدت عنها " ياهو احلى عروسه مشت على الارض يا ناس ..
ابتهال لفت على البنات: اتعلموا اتعلمو من الرقه دي اتعلمو منها ..
شهد: جبت مرام معاي عامله ام العريس مع امها ..
ابتهال: ههههه فينها ؟
دخلت مرام محروجه...
فتون: ههههه مريومه اتفضلي اللي مفروض تتكسف دي مش انتي ..وضربت ابتهال بخفه
مرام دخلت وسلمت عليهم وئعدت معاهم ... وشهد بتحاول تدعم ابتهال وتكون جنبها في يوم زي ده.
بعد ساعه ...
نزلت ابتهال وراحت على ام العريس وسلمت عليها ,, والبنات وراها..
ام علاء: بسم الله ماشاء الله عليها .. ربنا يحفظها ..كل ما اشوفك يا ابتهال القيك محلوه..
مياده بحنان: دي بنت الغالي فتحي.
ام علاء: ربنا يحرسها من كل عين وشر يارب ..
مياده: الله يسلمك يارب ..
ابتهال: شكرا يا خالتي
الكل قاعد ومبسوط الا ريماس.. اللي من بعد رقده سالي وحالها مقلوب فوق لتحت.. فضلت تتخيل حاجات وان كل حاجه ضدها ..وانو بيحصلها مصيبه وقريب..
سامح: احم .... يا اهل الدار..
راحتله فتون : تعال...
سامح : العريس عاوز يشوف العروسه ..
فتون ابتسمت : اوكي ..
راحت جنب عمتها: العريس عاوز العروسه ..
مياده ابتسمت بحنان: ابتهال .. يالا تعالي يا روح عمتك .. علاء عاوز يشوفك..
ابتهال فتحت بؤها مغاره: دلوقت ؟؟؟
فتون ابتسمت لامه مجامله: هههه ايه ياعروسه .. يالا ،،لا تتأخري على الراجل..
ابتهال افتكرت ام علاء وابتسمت ابتسامه باهته وراحت مع فتون ..
وهما فالطريق.
ابتهال: فتونه ارجوكي تعالي معاي ,.. ممكن متسبنيش لوحدي تعالي ..
فتون تشد فيها: بقولك امشي ... بطلي عبط.
ابتهال: والله ملبوخه ... ما اعرفش...اتكسف .. طيب اقوله ايه ها..
ووصلوا لسامح الي واقف ع عتبه باب الصالون..
فتون: امسك اختك كسرت ظهري وانا بجرها وراي ..
سامح مسك دراعها: اوك تلقيت المهمه مكانك بجرها انا لحد جوه.
ابتهال وقفت كويس: لا والله ما تسحبني قدامه ..
سامح: خلاص خليكي بنت مؤدبه وادخلي ..
ابتهال استسلمت للامر الواقع ودخلت .. شافت علاء قاعد وبهدوء..
وبصوت مش مسموع: السلام عليكم..
علاء رفع راسه بسرعه: وعليكم السلام ورحمته "ووقف "
ابتهال ئعدت بعيد عنه شوي ..
وهو كمان ئعد ..
سامح: انا هنا انتهت مهمتي ....اسيب الباقي للظابط..
علاء ابتسم ..
ابتهال عماله تشاور لاخوها بدماغها يئعد بس سامح طنشها وسحب نفسه وطلع ..
ونزلت راسها على طول .. مكسوفه تشوفه حست انها لو شافته بتموت..
علاء: اقرب ولا تقربي انتي ؟؟؟حاسس شكالنا كدا غلط ..
ابتهال فكرت بسرعه وهي اللي قربت .. خافت يجي ويقرب منها كتير ..
علاء شاف المسافه اللي اتغيرت وبألش: المسافه كتير عليا والله..
ابتهال اتحرجت جدا
علاء قرب منها شوي ... لانه هو كمان محروج وبيحاول يبعد الاحراج عنه ..
: مبروك علينا ..
ابتهال: الله يبارك فيك .."وسكتت"
علاء رفع حاجب: وانا ماليش مبروك..
ابتهال دماغها هطول الارض : الا... مبروك ..
علاء:ههههه الله يبارك فيكي.. مش عارف ليه حسك مغصوبه عليها ..
ابتهال بسرعه رفعت راسها : لا والله ..
علاء فتح عيونه فيها.... لسه واخد باله منها.. وبخبث: يعني من قلبك قلتيها ..
ابتهال ماتت قدام ابتسامته .. وحست نفسها ضاعت وتاهت قدامه..
علاء مسك ايدها: ربنا يقدرني اسعدك.. واكون سند ليك في حياتك.. وتكوني انتي شريكتي للابد .. ويدوم ربنا بينا المحبه والموده.. ويرزقنا الذريه الصالحه ..
ابتهال ما انتبهتش الا للذريه الصالحيه و حست نفسها غبيه " أي ذريه واحنا بس كتب كتاب "
...............>>>>>>>>>>>>>>>>............
كملو البنات حفله ابتهال .. رقص وانبسط وهبل وفرفشه .. فرحوا بيها كتير .. واكتر حاجه سعدتهم فرحة ابتهال اللي واضحه للكل جوه عيونها !!!!
فتون اتمنت من كل قلبها ان حظ اختها يكون احسن من حظها ... لو شافت الفرحه بعيون ابتهال تغنيها عن كل حزن الدنيا ...
•°•°•°°°•
بعد اسبوع ..
الامتحانات قربت ودقت الابواب.. واربكت الكل .. الامتحانات النهائيه المحدده للمصير.. اما تكون او لا تكون .. الجمله دي فعلا تكفي انها تسبب الرعب بقلوبهم..
الكل ما قصرش بشدة الحيل والعزيمه ..نسمه...ابتهال....هبه....شوق.
الا ريماس اللي وقفت تعليم من بعد عقاب امها وأجلتها للسنه الجديده..
الهام دخلت عليها..
: ريمو .... مامتي عاوزاك..
ريماس اتفزعت: مش انا....انا ماليش دعوه ..
الهام عقدت حواجبها: مالك ؟؟ ايه هو اللي مش انتي ..؟؟؟
ريماس بربكه : لا ..ولا حاجه.
وطلعت من غرفتها ومشت من قدام الهام ... اللي مش عجبها وضع اختها .. شهر واكتر دايما شارده و بتفكر وبالها دايما مش معاها .. واي حد يكلمها تخاف وتتخض بسرعه
وشها مصفر دبلان ولا بتاكل ولا بتنام زي الخلق .
مياده وهي شايفه ريماس جايه عليها ..
وش بنتها مش طبيعي ابدا .. فكرت ياتري من قعده البيت ولا من حاجه تانيه
ريماس خايفه: نعم ؟؟ فيه ايه !!
مياده: كنت بقولك تيجي معايا الكافيه نغير جو ؟؟
ريماس: لالا ..مش عايزه اخرج ..
مياده: طيب نروح لواحده من صحباتي ولا صحباتك ؟؟
ريماس : لا ... ماليش نفس اطلع ..
مياده: ليه ...؟؟ من زمان ما طلعتيش ..
ريماس: اصل خايفه يحصل لنا حادثه.
لطيفه بذهول: ايه ؟؟ حادثه !!.. ايه التفكير ده يا ريماس يابنتي ربنا الحافظ..
ريماس وهي راجعه اوضتها : لا .. شكرا مش عايزه اروح لمكان .... "ولفت تمشي"
مياده ضربت كف بالتاني : لا بنتي اتهبلت... بجد فيه ،، عقلها فيه حاجه ...؟؟
جاتلها الهام: مامي ...ملاحظه ريمو ؟؟
مياده بصت للفراغ: اظن لازم أعرضها على دكتور نفسي ..
الهام أأعدت بأسى : ايوه ... خليه يشوف حالتها .. اختي مش طبيعيه ..
........
فتون بعدت عن جو البيت والامتحانات وخصوصا بعد ما رجعت لهم جانيت وخصصت اوضه خاصه لجوزها داخل القصر....
بقت تروح المستشفي مع ريهام .. تروح معاها وترجع معاها .. وطول وقتها مع سالي .. تاخد لها كتب وتقراها او تتكلم مع سالي .. بس القرآن تيجي تمسكه متقدرش تقرء حرف منه .. حاولت بس حست نفسها بتتعب بشكل غريب ..جسمها يتشل او العمود الفقري يتصلب او تحس حد قعد ع رجليها تيجي تقوم متقدرش وكمان بعدتت تماما عن الصلاه بتحسها تقيله تيجي تصلي تلاقي حد بيكلمها في ودنها او صوت ازعاج وسوق وناس بتخبط في حلل تحاول تطنش كل ده تيجي تسجد وتكابر وتحاول وتسجد تيجي ترفع نفسها جسمها يتصلب بشكل مخيف وغريب بعدت خالص عن الصلاه وعن سماع القران لانه بيخنقها ويخليها تكرهه نفسها فبعدت عن كل ده خالص وريحت نفسها من مرحله العذاب!!!!
فتون لسالي: ادعي يا خالتي للبنات .. الامتحانات الاسبوع الجاي .. وان شا ءالله يرفعو راسك زي ما كنتي تتمني .. كان بيعجبني فيك ان نفسك اولادك يكونوا في مستوى عالي دايما !.. ورافضه القليل.. وده كان بيعجبني فيك جدا .. عمري ما قلتهولك .. بس دلوقت بقوله .. ..... نفسك تسألي عن اخباري انا وكرم ؟؟ (بدموع وحزن) بقينا زي الاغراب في بيت واحد .. لا يعرفني ولا اعرفه ..ولا عارفه المفروض ارتاح لده ولا قلبي ينقبض ..
" افتكرت حاجه" اخواتي الصغيرين بيسلمو عليك ... والله اشتاقوا لك ودايما يسألوني عنك.. هجيبهم يوم عندك.. اه بيزعجوكي . بس تعرفي الاطفال احلى حاجه في الحياة ..
"وحست بشي غريب جواها" احم معرفش مالي ..
" وعلى طول جالها شعور بأن نفسها تتقئ ...وراحت بسرعه للحمام الموجود بسويت سالي .."
غسلت بؤها... واخدت لها نفس وخرجته ع مراحل.. احساس اللوعه ده جديد.. مش نفس اللوعه اللي كانت بتعاني منها قبل كدا.. وهي اصلا بدئت تشك بحاجه وحبت تتأكد ..
طلعت من الاوضه على طول راحت لقسم التحاليل ..والنتيجه حتطلع اخر الليل .. بما انها قريبة ريهام.. وهي مش بتطلع من المستشفى الا متأخر ..
وهي راجعه للاوضه .. صادفت في سكتها ريهام : عندك ايه هنا ؟؟
فتون ارتبكت تقول لريهام ايه..: كنت... كنت اه بدور علي الكافتيريا بس مالقتهاش..
ريهام ابتسمت: يا قلبي عليكي .. انا اسفه بالعاده اجيب لك الاكل بنفسي .. سوري المره دي نسيت ..
فتون ابتسمت لها : لا عادي ..
ريهام: انتي ارجعي للاوضه وانا اجيب لك الاكل واجيلك ..
فتون: اوكي ..
وعلى اخر الليل .. طلعت من الغرفه واتجهت لقسم التحاليل مره تانيه ..وهي حاطه ايدها على قلبها .. حاسه وان مالهاش راغبه تأكد الاحساس ده ..
ووقفت عندهم وطلبت النتيجه.. ثواني جات لعندها النيرس..
: انتي فتون !!
فتون هزت دماغها
النيرس بأبتسامه حلوه: مبروووم مدام... انتي حامل..
فتون الخبر صقعها .. اي نعم كانت متوقعه بس هي مش حابه ..لانه مش وقته ابدآآآآآ ..
فتون: متأكده !!!!!!
النيرس بفرح: ايوووه اكيد.. خبر يفرح ؟؟؟
فتون ابتسمت وكأنها شويه وبتعيط ولا المفروض تضحك ولا تصرخ .. فعلا مشاعرها متلخبطه ..
اخدت ورقة النتيجه وخبتها ورجعت للغرفه ..
وحطت ايدها على بؤها وبصت لسالي ..مافيش الا هي تقدر تقولها: خالتي..... انا حامل ..
فتون شافت ايد سالي ارتفعت لفوق .. ما صدقتش عيونها ..سالي اتحركت ..
قربت منها وهي مش قادره تستوعب الصدمه الاولى من التانيه ..
فتون مسكت ايدها: خالتي انتي فرحانه عشاني ... ولا ما نفسكيش ؟؟
سالي المره دي ضغطت جامد على ايدها وبقوه..
فتون حست ان سالي محتاجه تعبر.. عاوزه تتكلم : فرحانه ؟؟؟ "حست الضغط اقوى "
فتون فرحت لفرحة سالي.. بس جواها يأس : انا مبسوطه عشان فرحتك ... بس انا ليه حاسه اني مش فرحانه ..
سالي تحرك صوابع ايدها.. عاوزه تقول حاجه..
فتون بحسره: خالتي نفسي افهمك ... بس .. بس ازاي اقدر افهمك؟؟؟؟
وطلعت موبايلها من شنطتها واتصلت بريهام .. لحد الان سالي ما تجاوبت الا مع فتون وبس..
جات ريهام بسرعه والمره دي فعلا شافت ايد امها اليمين بتتحرك وماسكه ايد فتون..
ريهام دمعت عينها : والله الكلام بجد ؟؟
فتون مبتسمه: تعالي ... تعالي امسكي ايدها ..
ريهام قربت ومسكت ايد امها : ماما ... انا ريهام ..
سالي فكت ايد ريهام
ريهام استغربت: ليه مش عاوزاني .... يمكن عاوزاك انتي ..
فتون ما صدقتش... مش معقول تسيب ايد بنتها .. وعاوزها هي ..
بس مسكت ايدها: خالتي عاوزاني انا ؟؟
سالي شدت عليها... فتون بصت لريهام بدهشه .. وريهام استغربت.. مش عارفه ايه هو السر ؟؟
..............>>>>>>>>>>>>>>>>...............
بالقصر وبالملحق الخارجي بالتحديد..
قاعده على السرير مش قادره تنام ... وعينها على الورقه ..
محتاره مش عارفه تعمل ايه بالوضع الجديد !! الحكايه مش كلام وبس .. الحكايه هتبان بعد كام اسبوع وهتكبر بطنها.. والكل حيعرف ان في عضو جديد جاي فالطريق..حطت ايدها على بطنها تحسها .... هعمل ايه ؟؟ علاقتها مع كرم ما تسمحش بالحمل حاليا ؟؟ ولو عرف هتكون ايه ردة فعله..
اتنهدت بتعب لان تفكيرها ما وصلهاش لاي حاجه ..
ابتهال: فتون ارجوكي طفي النور عاوزه انام.. بكره امتحان وتقيل!!!
خضها صوت ابتهال من وراها وبسرعه خبت الورقه مع ان الاوضه ضلمه الا من نور خفيف ..
فتون طفت الاباجوره: اوكي .. نامي ..
حطت راسها على المخده تريحه شوي من التعب ومن تقل الافكار الي فيه .. وهي تدعي ان ربها يستر من الجاي ...
.................>>>>>>>>>>>>>>>>>..........
بدءت الامتحانات.. كان جو القصر متوتر ومشحون بالحماس .. والاعصاب مشدوده .. الكل من جهه يزيد على الثلاثه توتر وضغط ..وشوق كانت الرابعه معاهم .. واهي فرصه تضرب عصفورين بحجر واحد ..منها تذاكر مع البنات .. ومنها تشوف طارق كل يوم ..ولوقت اطول ..
فتون مشت من جنبهم : بسم الله عليكم ... همه ... ربنا يديكم على قد تعبكم ..
نسمه حطت راسها على تربيزه الاكل اللي قلبوها للمذاكره : فتون والله هلكنا .. لو ما جبتش مجموع هيجلي شلل ..
هبه: انا لو ما دخلتش الجامعه هيجيلي نفس الشلل ؟
ابتهال: انا لو ما نجحتش وجبت مجموع عالي واخدت علاء بموت قبل ما تشل نفس الشلل ههههههه
شوق: انا بقي غيركم خالص انا لو مجبتش مجموع بنجلد من امي والجلد بيؤدي لنفس الشلل هههههه
فتون: ههههههههه الله يوفقكم .. اختي انسي شوي علاء خلي تفكيرك في المذاكره..
ابتهال: والله يا فتون ما قادره .. قدري اني بعيش حالة حب .. يا ام الخلول انت
نسمه ضحكت بصوت عالي : حب !! الضعيف الغلبان ماشافش منك الا القهر .. أي حب تعرفيه ..
ابتهال رمتها بالاوراق: انتي مين كلمك ؟؟
فتون: انارايحه اعملكم عصير واجي اقعد معاكم ...
راحت للمطبخ ..
وطلبت من الخدامه تعمل للبنات العصير .. شويه ينشطهم ويساعدهم على المذاكره
دخل من الباب الخلفي ..وباين انه مستعجل ومتوقعش وجودها ..
فتون اتخضت من دخلته الغريبه.
هو انصدم لما شافها وهو بصعوبه بياخد انفاسه ..وبينهج
فتون بستغراب: في حد بيجري وراك ؟؟
طارق وهو راكع ع الارض بيحاول يلقط انفاسه: لا ....
فتون: امال ليه بتجري ؟؟
طارق اخد كوبايه ميه من الخدامه ..
: بقالي اسبوع بعمل في رياضه..انا من ساعه ما جيت هنا وبحس وزني زايد .. ولا في حركه تنشط .. من الشركه للبيت ... ومن البيت لاصحابي وهما نفس الموال بيحبو القعده .. يعني الحركه معدومه...
فتون وهي ترتب الكاسات: حلو.. وعشان ما يطلعلكش كرش..
طارق اغراه شكل العصير قرب منها لدرجه انه لزق فيها واخد كاس بحيث دخل ايده من بين ايدها وهي بترتب الكاسات..
اخد الكاس وشربه كله علي دفعه واحده وهو بصصلها ..
فتون مش منتبه لقربه منها .. بس مصدومه ازاي شربه دفعه واحده..
اخدت الكاس منه بالغصب: انت اشرب بشويش.. لا تموت علينا ...
طارق قرب وشه شوي منها وبأبتسامه: يعني خايفه عليا ......."وحط عينه على الناحيه الشمال واختفى الدم من وشه"
كانت مصدومه وبقوووه.. حتى حركة ايدها كانت ثابته .. من كتر ماهي مش قادره تستوعب الموقف اللي حصل قدامها ..
فتون حست ان طارق مركز علي حد لفت وشافت شوق... فتون اللي ماكنتش حاسه ان فيه حاجه غلط: شوق عاوزه حاجه تعالي حبيبتي؟؟
شوق حاولت تطلع الحروف معاها.. : احم.. كنت... لا لا خلاص مش عايزه .."وطلعت "
فتون لطارق: مالها..؟
طارق اخد منديل مسح شفايفه وبعدها جفف العرق اللي على وشه: وانا عارف لها ..."وطلع من نفس الباب اللي جه منه "
فتون طلبت من الخدامه تجهز كاس رابع جديد.. واخدت الصينيه للبنات..
وحست ان العدد ناقص : فين شوق...؟؟
نسمه: معرفش.. فجأه قالت ان اهلها اتصلوا بيها ومشت..
فتون وهي بتحط الصينيه: غريبه !!
>>>>>>>>>>>>>>>>>>>>>>>>>>>
ما تحملتش تئعد اكتر من كدا ... مش معقول الموقف اللي شافته عيونها .. المنظر غريب .. وكأن جبل اتحط على قلبها من قوته .. خدت الجنينه بخطوات سريعه .. وللاسف صادفت طارق واقف وعند الباب بيكلم الحارس..
وقفت عند البوابه منتظره الحارس يفتحها ..
طارق: شوق ...!!
شوق لفت عليه وبملامح جامده: نعم ....؟
طارق: انتي فهمتي الموقف غلط ...
شوق بهجوم: غلط !! مش معقول تكذب عيوني .. الحركات اللي بتعملها مع فتون ما بتخفيش عليا ..اوعي تنسي اني من الجنس التالت على رايك يا استاذ طارق... "ومشت"
طارق مسكها : انتي فهمتي ايه ؟؟
شوق بصتله من فوق لتحت: اول حاجه سيب ايدي ..."طارق سابها".. تاني حاجه انا دلوقت بس فهمت ليه نسمه والبنات كانوا مضايقين منك .. ونسمه قالت لي عنك بيعمل الغلط وهو مش حاسس بنفسه .... يا كابتن اذا انت مش حاسس انت بتلاحق فتون.. وبتحاول تغريها .. ما ألومش كرم لو ده حاله طالما انت موجود في حياته ..."وراحت وسابته"
طارق عارف نفسه.. لكن مش عارف ليه لما جاله الكلام في وشه صدمه..وكلمتها رنت في دماغه " بتحاول تلاحق فتون وتغريها "... انا بحاول اغريها ؟؟؟؟
>>>>>>>>>menna>>>>>>>>>
وهي قاعده مع البنات .. رجع لها احساس القرفه .. والمره دي عارفه هي فيها ايه..
وقفت بسرعه وهي حاطه ايدها على بؤها : عن اذنكم ..."وراحت بسرعه"
ابتهال : رجعت لها الحاله ..؟؟
نسمه بقلق: يمكن .. وشها اصفر قوي النهارده..
هبه بحيره: ياربي عليك يا فتون .. نفسي اعرف مالك بس ...؟
فتون في الحمام ... حست انها هتعيط ... ازاي تتألم لوحدها ...محتاجه حد يشاركها.. ومش عارفه تلجأ لمين ..
>>>>>>>>>menna>>>>>>>>>>
عدت اسبوعين الامتحانات سريعه وبطيئه بنفس الوقت ..
اتغيرت فيها احداث.. سالي بقت تحس بالي حواليها .. والطريقه اللي تقدر تتواصل معاهم فيها عن طريقة حركة ايدها فقط ...
اذا كانت راضيه شدت على ايديهم .. واذا رافضه سابت الايد اللي ماسكتها ... كانت اكتر حاجه مستغربلها الكل بتحب تمسك ايد فتون. ونادر لما تسيبها..
شوق... بعدت كتير عن القصر ... وحصرت علاقة نسمه بالمدرسه او في بيتها ... حست قلبها مبقاش يتحمل يشوف طارق بعد الموقف اللي شافته..استصغرته بعينها .. مبقاش يجذبها .. صحيح بتحبه وقلبها لحد الان متعلق بيه ... بس لما تفتكر دنائة تفكيره تنفر منه وتبعد اكتر...
كرم هو الوحيد اللي على وضعه .. لا قادر يتحرك خطوه لقدام ولا ورى ... ومستني فتون .. وبيسأل نفسه كل يوم لحد امتي حالها مطول ...
طارق بعد كلمة شوق... ولما قالت له كلام اخواته وعنه ونظرتهم له ... اخد الحكايه عند... وبقت حركاته مكشوفه للعلن ولا بقي يهمه حد .. طالما الكل عارف .. بس الحاجز الوحيد انها على ذمة كرم.. وده اللي كاسر ظهره ..وملجمه شويه
فتون من ناحية كرم كل يوم يزيد تأنيب الضمير عندها لانها حامل ولسه ما عندوش خبر عن الحمل .... ومن ناحية طارق ما اهتمت له كتير... لان عندها هم اكبر منه ... ومعتبره كل اللي بينهم صداقه زايده ما تتجاوزتش الحدود ..
ريماس ...حالتها زادت سوء وبقت من اسوأ للاسواء ...
مياده اخدت لها موعد عند طبيب نفسي ..
ابتهال من اول مابدئت الاجازه.. حدد لها علاء معاد الفرح بعد شهر من دلوقت..
نسمه هبه الهام ميسره.. مفيش جديد في حياتهم.. غير انتظار نتيجة الامتحان
@@@@@
بالمستشفى ....
وبمكتب منار... واقفه بتعمل قهوه ع المكينه .. وريهام تتريق عليها. أأعدت قدامها وريهام ما زالت تحكي عن حاجه منار مش قادره تسمعها لان في موضوع شاغل بالها ..
وقاطعتها: ريهام .....!
ريهام سكتت : عيوني..
منار: تسلم عيونك ... انتي تعرفي عبد الرحمن اخويا مش كدا !!؟
ريهام: ايوه اعرفه ..ماله ؟
منار: ايه رايك فيه؟
ريهام: من أي ناحيه يعني؟
منار: من كل النواحي ..
ريهام ابتسمت: ما شا ءالله عليه ... لو اتكلمت عنه بكون مقصره في حقه.. راجل يابنتي كفايه من عيله الشريف الاسواني اشهر من نار ع علم...!
منار: طيب حلو ... هو ناوي يكمل دراسته برى بأذن الله. ...شاب طموح جدا والي مشجعه ابن عمنا حمزه الشريف وما فيش قوه في الكون ممكن يوقف الطموح ده ... بس كمان قرر يتجوز وياخد مراته معاه ..
ريهام انبسطت: طيب احلى واحلى .... فين المشكله ...؟
منار: لو جه عبد الرحمن واتقدم لك توافقي ..؟
ريهام بعدم استعاب : انا ....؟
منار: ايوه انتي ... انا شرحتله وضعك وقلتله عن جوزك الاول سامي .. تعرفي انك كبرتي في عينه مليون مره ...
ريهام كشرت: لا .. حرام هو صغير ليه ياخد واحده مطلقه ..
منار: بس انتي رغبته ..
ريهام سكتت... عمرها ما توقعت انها تكون في بال عبد الرحمن..
منار: والله حتى انا اتفاجأت زيك..  انا اه كنت عاوزاكي قبل ماهو يقول.. بس صدمني عبد الرحمن لما قالي عاوز ريهام..
ريهام سكتت مش عارفه تتكلم بجد متفاجأه..
منار وهي بتشرب من القهوه: متقوليش اي حاجه .. فكري كويس بالموضوع... بس بسرعه عشان سفريته هتكون قريبه وبالمره ... فاهو عاوزه الجواز لانه مستعجل ..
ريهام: وامي !!... حتى لو فكرت اتجوز ..وماما ؟
منار: خدي رايها ... مش هي بتتجاوب معاك .. خدي رايها..
ريهام سكتت من تاني محتاجه تستوعب .. عبد الرحمن الشريف اخر شخص توقعته ..
.......
بعد ثلاثه ايام ..
الكل متجمع على شاي وعصير بعد العصر .. والضحك والكلام..مالي وغامر المكان ..
البنات بيتكلمو عن فرح ابتهال واستعدادهم له ازاي بيكون ..
وريهام وفتون يتناقشو مع بعض عن موضوع عبد الرحمن وخطبته ليها ..
طارق وسامح داخلين جو الكلام والضحك مع بعض .. عن امور الشركه ومواضيع متنوعه ...
واللي اكيد معزول عن الكل ... كرم... بيحب يتواجد بينهم وكأنه بيقولهم انا هنا وغصب عن الكل .. لكنه مُوده على الهادي.. وفي حاله وشغله .. وبين فتره وفتره يئعد في اللمه دي بينهم يتطمن على احوالهم .. وعلى فتون خصوصا .. والتطورات اللي بتحصل بينهم ...
دخل سَيار... وعلى وشه ابتسامه غريبه .. وكأن حد مبشره بالجنه من زياده الفرحه..
وبصوت عالي ومن بعيد : السلام عليكم ..
الكل سكت.. وهدا المكان.. ولفو كلهم عليه ..
وردوا السلام..
سَيار ... اتقدم كام خطوه ..: معاي ضيف...
العيون بصت لبعضها ... مين الضيف اللي جاي مع سَيار ..ومبسوط بيه للدرجه دي ؟؟؟
سَيار مداش لحد مجال حتي يقعد يفكر .. ولف على الباب: اتفضل.... نورتنا..
دخل بخطوات متردده.. الربكه .. والتوتر ... واضحه عليه .. مش عارف ازاي بيقبلوه بعد المده الطويله دي!!! ...
اول ما دخل .. ووقعت عينه عليهم .. دمعت عينه .. وخصوصا لما شاف الصدمه القوووويه اللي اترسمت على ملامحهم ..
فتون...سامح... ... ابتهال ... وحتى الاطفال اللي مع جانيت .. عيونهم كانت على الشخص .. ومش مصدقين اذا هما بحلم ولا بعلم ؟؟؟؟؟؟؟
فتون بصعوبه قدرت تقف .. عاوزه تنطق .. تتكلم ما قدرتش ... لفت على سامح بقوه ..ومدت ايدها له يمسكها..
: س ... سامح .. ده..
ابتهال اللي غصب عنها نزلت دموعها ووقفت بسرعه... وانطلقت لحضنه :بابا ....
فتحي شاف ابتهال جايه بسرعه واترمت بحضنه وحضنته بكل ما تملك من شوق وحرمان.. الم .. قهر .. واحساس موجوع.. عاشت كل حياتها وكأنها يتيمة الاب ..
مسح على راسها بحنان وباسها: ابتهال.... سامحيني يابنتي...وزاد الضمه
ابتهال مش عاوزه تتكلم ... كل اللي عاوزاه .. انها تصدق ان ابوها قدامها ... وبخير..
سامح عيونه لسه بتصدق ..خنقته الدموع .. وحاول يبلعها ..مش حابب يبكي .. ويبكي اخواته معاه..
راح لابوه بخطوات ثابته وواثقه .. وقف قدامه..
فتحي رفع عينه عليه .. ومازلت عينه تدمع... شاف ابنه... سنده .. وولي اهله من بعده وفي غيبته ... راجل ينشد الظهر بيه ... وفخر لاي اب فالكون ..
فتحي بعد ابتهال شوي عن حضنه وحطها تحت دراعه .. ومشى لناحية سامح .
: مش عاوز تسلم على ابوك..
سامح ما صدق.... وعلى طول راح وحضن ابوه وباسه على راسه وأيده: حمد لله على سلامتك يا غالي ..
فتحي فضل باصص ع سامح كتير ... وقرب من دماغه وباسه : اشهد ان سلطانه ربت راجل.. سامحني يا بني..وبكي بقهر
سامح رجع باس ايد ابوه :ما تعتذرش يا غالي ... انت على راسي" وحط ايده على راسه"
ابتهال مسحت دموعها .. وترجع تنزل تاني .. مش مصدقه انها بحضن ابوها .. واهم شئ انه بصحه وسلامه..
فتحي لف على فتون ... فتون بنته الكبيره ... اللي ياما شافت منه الويل بعد مراته سلطانه. افتكر كل الايام اللي راحت .. وازاي كان معذبها اكتر من اخواتها .. هي اكتر واحده شافت المعناه والعذاب منه مع امها ...
فتون كانت مستنيه اشاره منه..محتاجه تروحلو ..لكن رجليها مقدرتش تخطي ناحيته بخطوه..
فتحي.. مد لها ايده: تعالي ....تعالي يا قلب ابوكي ..
فتون ما قدرتش تصبر اكتر من كدا ... راحتلو جري.. وعلى طول مسكت ايده وباسته وحضنته بشوق وفرحه كبيره
: حمد لله على سلامتك يا بابا ..
فتحي بعد عن ابتهال ومسكها وحضنها بقوه .. وكأنه بيتاسف لها عن كل الي حصل وعاوزها تنسى كل قسوه منه من اللحظه دي..
: اسف يابنتي... سامحيني يا فتون سامحيني..
فتون: مسمحاك يا بابا.. انت مهما جه منك بتفضل ابوي .. عزوتي وكل ناسي ..
فتحي بعد عنها وباسها من خدها : ياريت يابنتي الزمن يرجع.. واعوضكم عن كل حاجه " ونزل راسه " واتسامح مع سلطانه ..
فتون مسكت ايده: امي راضيه عنك يا بابا.. الله يرحمها الغاليه ماتت وهي بتحبك وبتغليك..
فتحي مسح دمعته غصب عنه نزلت منه: والله منا عارف اقول لكم ايه ... انا اجرمت في حق نفسي .. وبحقكم .. وبحق امكم.. ومش عارف ازاي اصلح غلطتي ...!!!
فتون ابتسمت: وجودك يا بابا ومعانا يكفينا .. طالما رجعت لينا سالم غانم دي اكبر هديه من رب العالمين ...
سامح: بابا صدقنا ..وجودك بينا هو دي الحاجه الوحيده اللي نتمناه من الدنيا دي بكبرها ..
ابتهال اتمسكت بهدومه: اوعي تسيبنا تاني...
فتحي ابتسم بوش ابتهال.. واتقدم دخل الصاله.. وعياله حواليه .. شاف تامر وتمارا بَصله من بعيد..
فتون راحت لهم وهي بتمسح دموعها: تامر .. تمارا تعالوا سلمو على بابا ..
تامر اتمسك بجانيت: لا .... مش عاوز..
فتون: تمارا انتي كبيره... روحي سلمي الاول ..
تمارا رجعت ... ودورت وشها بعيد..
فتحي قرب عليهم : تامر تعال يا بطل ... مش كان نفسك اشتري لك عربيه كبيره !!
جانيت: واو .. عربيه كبيره ... شي مو معئول.. انا بدي ..
تامر:لا ... انا الي عاوزها ..
جانيت: لاكن روح سلم على بابا ..
تامر قرب بخطوات متردد خجوله.. مش فاكره مش فاكر منه.. غير ذكريات مش واضحه..
فتحي اول ما قرب منه ولمست ايده ايد تامر.. على طول سحبه لحضنه وضمه.. وطبع بوسه على خده.. تامر كان مستسلم ولا فاهم هو ايه الموضوع .وكل همه الهديه وبس!!!
فتون بسياسه : يالا تمارا.. جه دورك..مش عاوزه تسلمي على بابا .. لسه جاي من السفر تعبان.. ومحتاج بنته..
تمارا لما شافت تامر.. هي كمان اتجرأت .. وراحتلو .. ومدت ايدها ..
فتحي ضحك وبدموع وسلم: عادي ابوسك ...؟
تمارا قربت خدها... وباسها فتحي..
فتون: احضنيه .. خليه يرتاح شوي على كتفك..يالا
تمارا بصت لفتون شوي... وبصت تاني لـ ابوها ... وقربت منه وطوقت رقبته بأيدها..
فتحي احساسه دلوقت محدش يقدر يوصفه... حمد ربه وشكره جواه مليون الف مره.. خلاص مش عاوز من الدنيا دي غير اللحظه اللي عايشها دلوقت..
عياله حواليه راضين بيه ومسامحينه ... ورجع لهم من اول وجديد..
ولكن بشكل تاني... فتحي اللي أتخلص من السموم اللي احتلت جسمه ورجع لهم انسان طبيعي ..
سلم على كرم وطارق ..وعلى البنات ..واتعرف عليهم ..
وطول اليوم الاتنين قاعدين جوه حضنه وسامح فرحان ومبسوط انه شاف من تاني ابوه.. وحس ان نص الحمل اللي كان على ظهره وقع من عليه وانزاح..
>>>>>>>>>>>>>>>>>>>>
بعد يومين..
فتحي... عرف عن كل اللي حصل لعياله.. وتقريبا بالمختصر المفيد..
فتون اتجوزت كرم .. ابتهال مكتوب كتابها وفرحها قريب ... سامح بيشتغل مع عمه.. وفلوسهم رجعت لهم ..
سَيار حكى لكرم وعيال فتحي حكايته.. من قبل كام شهر لقي فتحي بمركز الشرطه.. ماسكينه وهو في حاله يرثى لها سَكران وفاقد عقله ...ولافاكر اي حاجه... ولا عارف حاجه ..راحله اخوه لحد عنده .. وطلعه من السجن على مستشفى الامل للعلاج.. وكان كل يوم يزوره ..ويحكي له عن احوالهم ..
كان فتحي عارف كل حاجه عن عياله واحداثهم بس حب يسمعها منهم وفعلا كانت بطريقه تانيه على لسانهم..
ابتهال.... فتون... سامح نفسيتهم استقرت واوضاعهم هديت.. وخصوصا ابتهال اكتر واحده اتعلقت بأبوها ..
فتحي مقرر يعوضهم عن كل لحظه راحت من غيره.. وطوى صفحة الماضي القاسيه.. وقرر يفتح صفحه جديده.. بدايتها سلام ونهايتها محبه ..
.....
مياده الي طارت من الفرحه لما شافت اخوها... من بعد سنين اتغير كتير... والزمن حفر تجاعيده عليه ...نحف كتير.. ووشه ما كانش بصحته الكامله... بس واضح الراحه عليه ...
كان لقائهم مؤثر وحساس جدا.. واثر نفسيآ على الكل ..
ونفس االتأثير من ناحية فتحي.. حس براحه اكتر لما شاف اخته مبسوطه ومرتاحه في حياتها ..اعتذر منها وارتاح قلبه كتير..
...........>>>>>>>>>>>>>>.............
بعد اسبوع..
ريهام قررت قرارها ... على عبد الرحمن.. وكانت في أتم الاقتناع والرضا ..
وجه خطبها رسمي مع عمه الشريف لان ابوه متوفي.... والكل كان مبسوط وفرحان بيها ..
وبأخر الليل..
البيت كله مهيص...انبساط .. وضحك ... ورقص ...
سَيار وفتحي كانوا جنب بعض ويضحكو على سامح وهو بيحاول يرقص زي واحد صحبه .. وطارق بيحاول يتعلم بس شكله غلط ..
نسمه: طارق انت محتاج تئعد..
هبه بئلش: هههههه تعمل خير والله.. خلينا نشوف سامح بس..
طارق: الا بتعلم غصب... لو جه فرح ريهام عاوز اعرف ارقص مصري مش اجنبي
سَيار: ريهام. مافيش فرح كبير.. هيكون مختصر.. عيبه في حق امك..
ريهام: عارفه يا بابا.. واصلا اهل عبد الرحمن مستعجلين..
فتون ضمتها: اسبوعين بس وبتسبينا ..؟
ريهام ابتسمت بحيا: الشكوى لله ..اروح اكمل دراستي مع عبد الرحمن..
هبه بهمس: ما شاء الله عليك اسرع واحده تنخطب وتتجوز ومن مين من ابن عم حمزه يا جمالو.
نسمه بنفس الهمس: هههههههه يابت اعقلي وبطلي قر لتجبيها ارض من عينك
ابتهال كشرت زي الاطفال: امال انا ليه مطولين موضوعي.
فتون : انتي اسكتي احمدي ربنا اننا جوزناكي.
فتحي: احم... عاوز اقولكم حاجه .. طالما الكل متجمع..!
سَيار والكل لف عليه..بهتمام
حط ايده على رجل اخوه: يا سَيار انت ما قصرتش معايا ولا مع عيالي .. كرمتني اسبوع كامل .. بس والله عيبه في حقي .. اقعد في بيتك.. واضايقك..
سَيار بزعل: ايه الكلام ده يا بو سامح
فتحي: خليني اكمل كلامي ... انا دورت لي علي بيت قريب منكم.. وكلنا هنعيش فيه ..انا وعيالي .. وكل واحد ياخد راحته... وانت ياخويا رايتك بيضا وما قصرتش والله ..
سَيار: والله انا عن نفسي مرتاح .. ومحدش متضايق.. بس اذا انت متضايق.. هنا الامر براحتك ما اقدرش اغصبك..
فتحي: ضروري يا اخويا الواحد يستقل في بيته هو وعياله ..
سَيار: طالما انكم قريبين مننا .. ما اقدرش اقول حاجه ..
ابتهال زعلت ولفت على البنات: هنروح من هنا...!!!
نسمه خنقتها الدموع: لا ... اقنعي عمي ...
هبه نفس الشئ اتخنق صدرها : بتول.. لا متروحيش اتعودنا عليكم ..
فتون بهم: هتخلوني هنا لوحدي .؟؟
ابتهال افتكرت: صح فتون قاعده هنا !!! ازاي
اروح لوحدي.
ريهام: بتول ... ما تكبريهاش.. النوم في بيتكم .. وتعالي هنا من الصبح ..
هبه: ايوه صح .. مش بعيد البيت .. عمي بيقول قريب..
نسمه: بس انا متعوده انها تنام عندنا..
ابتهال: لا متخافيش .. مش هتتخلصي مني ... هنام عندكم الليله ..
فتحي وقف: سامح... يالا مع ابوك...خلي الخدم يشيلو حاجتكم.. بيتكم جاهز من كله .. ما نقصهوش الا انتم..
سامح ابتسم: أأمرك يا ملك ...
طارق: وانا معاك ..
وبدؤ ينقلو الشنط ... وبيت فتحي فعلا ما كانش يفصل عن بيت سَيار الا شارع واحد ..
البنات كلهم راحوا لبيت فتحي ... اللي كان حجمه متوسط .. بس حلو ورايق وعطيك احساس دافي .. واثاثه كان راقي جدا...
........
في بيت اول مره ندخله في الروايا لكن نعرفه كويس جدا بيت الشريف الاسواني جاين من روايا((اغتصبني ابن مستشار))
حمزه ببتسامه وفي ايده علبه شيك ع هيئه قلب احمر: البسي الفستان الأسود الي جبتهولك من لبنان مع الاكسسوارات دي هتبقي جميله
نور حضنته : شكرآ يا زوما
حمزه : ما تقوليليش زوما قولي حبيبي قلبي كدا يعني ولا انتي ناسيه اني اتغيرت ع ايدك من بعد عقدتي
نور ابتسمت: طيب يا بيبي
حمزه قرب منها وحضنها وبهمس يدوب الصخر : بيبي انت ناويه تجننيني بعشقك وغمزها
بدء حمزه يقرب من شفايفها بنعومه لحد ما اندمجت معاه في بوسه ملتهبه نور انفاسها انكتمت لثواني وغرزت ايدها في شعره ونعكشته
حمزه فصل البوسه وبص لفوق شويه ورجع بصلها: عارفه نفسي أقتلك و ابوسك في نفس الوقت !
نور بخبث:شاطر نفذ
حمزه ابتسم:والله انتي ست محتاله
نور بهمس: محتاله عشان بحبك
حمزه قربها منه و باسها بقوة وحاوط ظهرها و فضل يبوسها : عاوزك
نور هربت منه:اعقل يا ميزو
حمزه كشر:بيبي وميزو! نور انا مش محتاج لكلامك! انا متحمل لوحدي ولو ما بطلتيش حركاتك دي هوريك الجنان ع اصله
نور:هتعمل ايه يا مجنون
حمزه هدد بألش:هحبسك في الاوضه هنا اسبوع !
نور ضحكت: وفرح ابن عمك
حمزه كشر: اهااا طيب ادلع شويه طه
وقربها منه دايما مش بيقدر يقاوم برائتها وطيبتها الي بتحتال بيهم ع كل عواطفه ! قرب شفايفه من شايفها ورفع وشها بصوابعه بكل رقه وفضل يروي مرحله عطشه وكأنه ارض بور محتاجه نور ترويها
نور شدت ع قميصه بقوه هي كمان بتدور ع الدفئ والحنان والحب الي دايما تلاقيهم في حضنه!وحمزه ضمها بكل قوته بين ايديه ونور ضاعت بين ايديه!!! بعد وقت نور جريت منه
وراحت للمرايا: اوه لا ايه ده شايف شفايفي انتفخت جامد ! ادريهم ازاي دلوقت؟حطت احمر شفايف حمزه فضل بغيظ مسلط نظراته عليها لمده خمس دقايق!!!
حمزه سحبها له ومرر أيده على وشها : لا لا انا اشوف لي دلوقت واحدة تقعد معايا و تبسطني و تدلعني و تريحني
نور كشرت :هاااا طيب خليها تدلعك عشان انا اروح الفرح
حمزه : مُصرة
نور : أيوة وخالي قسوتك تنفعك بقي
حمزه حضنها وعبر لها عن حنيته بطريقته:انا مهما قسيت عليك ماليش غيرك يانور!
نور:عارف انا بعشق كل ذره في كياني لما بتضمني ياحمزه
حمزه ابتسم لكلامها وراح قدام المرايا حط ايده على سكسوكته الي كانت تجنن : امري لله رايح اخد دوش وانتي البسي
نور ابتسمت : طيب
حمزه راح الحمام اخد له دش ولبس بدله رمادي ماركه مع جزمة سودة و مشط شعره الاسود و لبس ساعة الماس و ذهب ابيض مع دبلته كان شكلو روعة جذاااب
نور لبست الفستان كان خطير عليها لونه اسود قصير لفوق الركبة ضيق مبين تفاصيل جسمها و فيه ورد صغير جدا من عند الصدر فيه كرستالات روعة مع سلسلة الماس ناعمة دواير و الأسوارة نفس الشكل مع كعب اسود و الحلق كان عبارة كان دايرة عليها حرف ال H و كانت ناعمه وساعة الماس و فرده شعرها وعملت لها ميكياج خفيف بس
الروج كان لونه احمر طلعت صاروخ مع انو ميكياجها ناعم بس لانها جميلة طلعت تجنن والفستان ابرز بياضها نور ابتسمت لنفسها
حمزه طلع يدور عليها لقاها في الصالة قدام المراية بصلها و هو دايب من جمالها
راحلها ووقف يتأملها و هيا دابت عليه : لا واحده واحده عليا !اسود وروج احمر اه روحت فيها دي يا زومه
نور ابتسمت وقربت منه و بهدلت شعره زيادة بشقاوه : عيونك الحلوة
حمزه شدها: والله يا نور اقتلك من حبي و شكلي ماخارج
نور وشها احمر فهمت قصده : لا متخرجش ايه انا رايحه البس الشوز
حمزه سابها و ضحك : طيب يلا بسرعة قبل ما اغير راي
راحت تجري بالكعب وهو بيضحك بعد ما لبست الشوز مسكها من ايدها ركبو عربيته وراحو علي بيت سَيار نور ممتنه للقدر الي جمعها مع حبيبها المجنون حمزه الشريف
القسوه القوه الحنان الضعف شخصيه مخلوطه كوكتيل غريب الأطوار!!!
.....منه محمد.....
في بيت سَيار رشدان ..
كانت الحفله بسطيه ومختصره ... على الاهل القريبين من سَيار.. والقريبين من اهل عبد الرحمن..فقط!!!
وصل حمزه ونور مع اهل العريس منار تعرف نور ع العروسه :دي ريهام العروسه ودي نور مرات ابن عمي حمزه الشريف
ريهام :اهلا يانور
نور ببتسامه جميله: اهلا بيكي ماشاء الله قمر والف مبروك
ريهام:الله يبارك فيك واخدتها عرفتها ع البنات وقعدتها ونور ارتاحت جدا للبنات وخصوصا ابتهال!!!
حمزه كان مع عبد الرحمن وابوه بيكتبو الكتاب
سَيار:والله انتم نورتونا واحنا بنشتري راجل يا سياده المستشار
الشريف:ده العشم يا سَيار بيه بس العريس عاوز يشوف كريمتكم
حمزه ضرب العريس بالكوع:وانت عاوز تشوفها ليه مش قلت شوفتها وحلوه
عبد الرحمن: اسكت بقي يا ساتر عليك!
رؤف بألش: اتقل لا تطلع متعقده من الرجاله زي فتكات في مسلسل الحريم
حمزه: لا وممكن تتخض من شكلك لو شافتك
عبد الرحمن: انكتم انت وهو عادي هي بقت مراتي خلاص
حمزه لرؤف: لا وبيتكلم بثقه يمكن ترجع في قرارها لما تشوفك من قريب
رؤف كمل عليه: اه والله عندك حق ياحمزه يمكن ما يعجبهاش وتقول خلصوني منه
عبد الرحمن بزهق: خلصتو ألش
حمزه بهزار: تدفع كام ولا افركش لك الجوازه دي؟؟
عبد الرحمن بصوت واطي: العايلة كلها شكلها مادية
حمزه رفع حاجب : عندك مانع
عبد الرحمن : ابدآآآآآ وانا اقدر
رؤف: طيب عاوزين كرتونه بيبس هنا واعتبرها رشوه لنفضحك هنا
عبد الرحمن جز سنانه: ياسلام كرتونه واحده بس قول تلاته
سَيار نده : كرم قوم وخد عبد الرحمن للصالون التاني و نادي اختك
كرم هز دماغه :حاضر يا بابا! اتفضل يا عبد الرحمن وراح معاه
وحمزه ورؤف: هههههه ههههه برضو هنفضحو ع البيبسي
...
عند البنات فرح اخت زين: يا بنااااااات شفت واااااحد ياجمالو
هبه : ليكون ابن عم العريس
فرح : يمكن هو كان واقف في الجنينه وبيتكلم في الموبيل وبصلي و نزل عيونه وقالي ممكن اعدي بس انا من كتر ما دبت ع شكله سألته عن اسمه بس هو مشي باين انو محترم طويل و عريض و جميل و شعره اسود و عيونه كفايه اخ
نور انصدمت لما عرفت انه حمزه و زعلت و قامت راحت تتصل بيه
فرح :مالها دي ليكون غارت
نسمه : طبعا غارت الي شفتيه بيكون حمزه الشريف
فرح:بجد لا تكون بتحبه نسمه لو تعرفيه خاليه يخطبني
هبه ضحكت: ياهبله حمزه متجوز والي قامت دي مراته الي هترجع تقتلك انشاء الله
فرح ضربت جبيتها:اخ ياربي لحقت تكرهني ده انا لسا يادوب متعرفه عليها
نور طلعت الجنينه واتصلت بحمزه يجيلها في الجنينه برا
حمزه جالها بسرعه : فيه ايه
نور بعصبيه : أنت شفت بنت في الجنينه وكلمتها!!!
حمزه: اه بس بالغلط..فين المشكله
نورعيونها دمعت
حمزه حضنها : مين دي الي ضيقتك شاوري عليها وانا انسفها من ع وش الارض ،،حبيبتي مالك بيها اصلن انا عيوني ما تشوف غيرك
نورماردتش كانت بتعيط
حمزه عطاها بوسه سريعه ع خدها كفيله تاخدها من عالم الحزن والضيق وقال بهزار:مش لو مكنتش جيت الفرح كنت زماني فالبيت بتاعنا و في اوضه نومنا وعرفت اصلحك
نوربصوتها الناعم بخجل : حمزه
حمزه قربها منه وحط رأسها ع صدره:ياقلب حمزه انا فداك وفدا شفايفك الي نفسي ابوسها انتي بس شيلي الخجل عنك وانا يستحيل ارحمك !!!
نور وشها بقي عباره عن علبه الوان من الخجل:حمزه
حمزه ابتسم : اه على طفلتي القمر
نور كشرت : انا طفله
حمزه باس خدها : اه وأجمل طفله
نور همست في ودنه : نرجع بيتنا
حمزه : بشرط ،، نرجع تقعدي معايا مش تدخلي وتنامي نومه اهل الكهف وتسمعي كلامي وتنفيذه بالحرف
نور ضحكت: طيب
حمزه بنص عين : توعديني
نور : اوعدك
سلمو علي كرم وسَيار ووبركلهم وراحو لبيتهم
....
وعند البوابه القصر.. الكل متجمع حواليها..
نسمه : ريهام خلاص ماشيه وسيبانا..
هبه: والله انا مش متخيله البيت من غيرك.
فتون ضمتها وباستها: ريهام والله هتوحشينا. خدي بالك ع نفسك وربنا يوفقك ... وحطي عينك على جوزك.. ..وربنا يسعدك..
ريهام بكت: والله أنتم هتوحشوني اوي ..
ابتهال ضمتها:ريهام.. انتي في مقام اختي فتون .. والله بعزك وبحبك اكتر مما تصوري والله بفتقدك.. وربنا يسعدك و يوفقك..
مياده سلمت عليها : خالي بالك على نفسك ومن جوزك وربنا معاك يا بنتي ...
هبه ونسمه ضموها..
الهام وميسره.. وريماس وشوق وجانيت سلموا عليها... والحزن مالي قلوبهم ..
طارق : نفسكم تخلصو علينا يعني...
جه فتحي وسَيار وكرم وودعو ريهام... وراحت مع عبد الرحمن ..
بالفندق..
بعد ما دخلت غرفتها ..قعدت بفستانها ..
صلى عبد الرحمن ركعتين شكر لله وبعدها.. ئعد جنبها ..نفسه يرفع عينه عليها ..
طال الصمت بينهم .. ريهام ماتت حيا ... عبد الرحمن حيوي بزياده ..
ولفوا على بعض بنفس الوقت..
عبد الرحمن ابتسم ابتسامه صغيره: الف مبروك علينا..
ريهام: الله يبارك فيك ..
عبد الرحمن استغل الفرصه وحط عينه بعينها .. كان جمالها هادي جذاب .. وتقلها وشخصيتها المتزنه ساحره .. وكان ده اكتر صفات عاجبه عبد الرحمن فيها ...
اتكلم :ريهام. ربنا يقدرني اني اسعدك وأعوضك واكون زوج يستاهلك .. انتي بعيوني دايما ملاك.. وغلاوتك في قلبي كبيره .. ربنا يجمعنا على خير .. ويرزقنا الذريه الصالحه .. ونكون مع بعض على طاعة الرحمن... وارضيك فيه الله وترضيني فيه ..
ريهام بصت لعبد الرحمن... هو من الرجاله الملتزمين ... كلامه هادي ..ويدخل القلب ... حنون في نظرته .. قلبه حساس ... واهم حاجه انه دايما حاطط ربه بين عيونه ... واكيد بيخاف ربنا فيها ..ودي اكتر حاجه مطمنها ..
ريهام في سرها....ربنا يقدرني واديلو زي ماهو هيديني واكتر... واقدر اتجاوز كل حاجه حصلت معايا .. وابدء معاه حياة جديده...
@@@@@
البيت بقي فاضي عليها ... ابتهال مش موجوده ... وطبعا ملهيه بالايام الاخيره بتجهزات الفرح .. والبنات معاها دايما ..
ريهام سافرت وسابتها ... سامح اخوها مع ابوها دايما ..
عمها وكرم مشغولين ... تقريبا مابقاش معاها الا طارق وبقي اقرب واحد ليها ..
دخلت المطبخ ... البيت فاضي.. الخدم من بعد الساعه تسعه بيرتاحو في اوضهم لحد معاد العشي..
فتحت الثلاجه وقفلتها .. اخدت لها كاس فاضي ومن الزهق مش عارفه تحط فيه ايه..
فتون بحيره: عصير !! ولا ميه ؟؟
وبزهق راحت تعبيه عصير ..
شربت منه شوي ونفخت: والله البيت هيجيب لي الجنان.. بجد ملل ..
وفجأه حست بدوخه ..
: الحمل كمان تعبني ...مش عارفه مالي .. لما اروح بكره اكشف..
حطت الكاس ومشت تطلع بس حست توازنها اختل وهتقع خلاص.. وفجأه حست بأيدين مسكتها وسندتها على صدرها ..
بعد لسه ما فاقت ولسه متعرفش مين ... سامعه صوته بس كأنه بعيد عنها ؟؟
.....: فتون !... فتون !!... انتي معايا ؟؟
فتحت عينها من تاني... ورفعت راسها بشويش... الصدمه كانت وش طارق.
فتحت عيونها بقوه ... وهي لسه بحضنه.. هي في عدم استيعاب للموقف كله..
فتون: طارق !!
طارق عينه بعينها .. اتخدر... قلبه دق بقووووه .. فتون جوه في حضنه .. ولا حتى قدر يسبها..
فتون نزلت راسها وحاولت تبعد عنه بهدوء.. بس هو رفض يفك ايديه من حوالين وسطها .. رفعت عينها من تاني عليه .. وفي عيونه نظره تانيه !!!!
طارق: فتون ..... أنا ......انا ..............!!!
بتبص لقت كرم في وشها
اختفى الدم من وشها ... الهواء الاوكسجين ... مابقتش قادره تتنفس وكأن النفس انقطع عنها ... من نظرات كرم